Leviticus 12

Kituba (BIBILIYA NA KITUBA)

← Chapter 11 Jump to: Chapter 13 →

1Yave tubaka na Moyize

2na kuzonza na bana ya Isayeli mutindu yayi: «Kana kento yina ke na kivumu me buta mwana ya bakala, yandi ke vwanda ya kuvedila ve bilumbu nsambwadi. Yandi ke vwanda ya kuvedila ve mutindu na ntangu yandi ke talaka menga.

3Na kilumbu ya nana, ba ke zenga bubakala ya mwana.

4Na manima, kento yango ke sala bilumbu makumi tatu na tatu na kuvedisa nzutu ya yandi na yina me tadila menga yina basikaka yandi. Yandi fwana kusimba ve ata kima mosi ya longo. Yandi lenda kwenda mpe ve na Yinzo ya Longo, tii na ntangu ke manisa bilumbu nyonso ya kuvedisa nzutu ya yandi.»

5«Kana yandi me buta mwana ya kento, yandi ke vwanda ya kuvedila ve balumingu zole, mutindu na ntangu yandi ke talaka menga. Na manima, yandi ke sala bilumbu makumi sambanu na sambanu na kuvedisa nzutu ya yandi samu na menga yina basikaka yandi.»

6«Ntangu bilumbu ya kuvedisa nzutu ke manisa, ya vwanda samu na mwana ya bakala to samu na mwana ya kento, mama ke kwenda na sika ya nganga-Nzambi na mwelo ya Yinzo ya Mbwabanu. Yandi ke nata dimeme ya mvula mosi samu na Munkayulu ya kuyoka. Yandi ke nata mpe dibembe to kiduka samu na Munkayulu ya mulemvo.

7Nganga-Nzambi ke nata yawu na mantwala ya Yave. Mpe yandi ke sala kisalu samu na kuvedisa kento yina. Mpe kento yango ke kuma ya kuvedila na yina me tadila menga yina basikaka yandi.» Yina ni musiku yina me tadila kento yina me buta mwana ya bakala to ya kento.

8«Kana kento yango me lembana na kuzwa dimeme, yandi ke nata biduka zole to mabembe zole ya fyoti. Mosi samu na munkayulu ya kuyoka, ya nkaka samu na munkayulu ya mulemvo ya masumu. Nganga-Nzambi ke sala kisalu samu na kuvedisa yandi. Mpe yandi ke kuma ya kuvedila.»

← Chapter 11 Jump to: Chapter 13 →