bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Daniel 7
Daniel 7
Lugbara (E’yo Siza Alatararu Munguniri BIBLIA)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
1
Eli oko Belisaza opi Babuloniarini e’dozu angu nyazurisi, orobi obi Danielini erini laria gbolo erini ma dria, afa ndreza e’da yi eri ma dria indi; nga di orobi ma e’yo si bukua, nga e’yo nderi ma kalafe e’da dria.
2
Danieli nga ’yo kini, Ma ndre afa ndreza i e’dapi inisiri ma alia ’dini, azini mi ndre, oli engapi ’bu ma kalaa ’diyi su adi miri amboruri ma ale adi adi.
3
Azini nguru ’wara ’wara su efu miri ma aliasi tu uru, yi ma wura sini yi agyi be ku.
4
Okori si i ekile kamile, eri ovu opile be ekile ajile, Ma lu ’dani cazu kpere ’bani opile erini ma ’biko nzeria, fe di eri enga uru nyakuarisi, ma so pa pa iri dria ekile ’ba adale; fe eri dri asi ekile ’ba asile.
5
Azini mi ndre, nguru azini iriri, eri si i ekile nguru dubarurile. ’Ba i uru eje aluri ma dria, ejefala na eri ma tilia ci, ci i sisi; yi ’yo eri tia kini, Mi enga, mi ma nya za amboru.
6
’Di ma vutia ma lu, azini mi ndre, aziniri ekile o’dule, te eri ma ngukua opile su su ekile aria vile ’diyile; nguru: nderi ma dri vini su; fe eri dri opi nyazu.
7
Vutinia ma ndre afa ndreza inisiri ma alia, azini mi ndre, anyapa suri, nezaru uriuriru, fe asi otiza tu, azini okponi tu nde ra; eri ma si dria ambo ambo ayaru; eri oki ngalu ngalu, eri aleni agba ndu ndu, jolokoni eri otu pasi. Eri sini i nguru azini te eri ma drilia oko ’diyi be ku; eri ma o’yu mudri.
8
Ma ega eri ma o’yu ma e’yo ra, azini mi ndre, o’yu azini enga yi ma eselia, eri o’yu werearuri, te eri ma drilia o’yu te okokele ’diyi ma eselia o’yu na nga di yi onze teketeke o’yu falaasi ra; te mi ndre, o’yu ’diri ma ruaa mile ci kile ’ba ma milele, tile vini o’yu ma ruaa ci e’yo ambo ambo ’diyi ’yozu.
9
Ma ndre kpere ’bani oguna o’baria, azini Eri’i ovupi 0’du Gbudriorisiri ri drinia; afa suza erini mve ekile sile, dribi eri ma driari kile pamba alarurile; oguna eri vileri ekile aci ma adra dipi okposirile, oguna ma pa omberu ’diyi aci dizale.
10
Aci efu eri ma driliasi ra yi arale; alifu pale alifu yi azi ’ye eri dri, alifu mudri pale alifu mudri yi pa oso eri ma drilia; yi e’do di e’yo ’bani li indi, yi zi buku ra.
11
Ma lu etu ’dasi e’yo o’duko efupi dria e’yo ambo ambo be o’yuni ’yole ’diyi ma e’yosi. Ma ndre kpere yini nguru nderi furia, yini avuni dri jaria, yi fe eri ma ve acisi.
12
Nze nguru acepi ’diyi ma opi nyaza ra, te ku yi idriru cazu ewu pi o’du be driniaria.
13
Te ma ndre afa ndreza i e’dapi ma dri inisiri ma alia, te mi ndre, ’ba azini emu iriti ’buari be, si i ekile mvi ’banile, eri ca kpere Eri’i ovupi O’du Gbudriorisiri vu, te yi esi eri ogogo eri ma drilia.
14
Yi fe eri dri dri ceza pi, diza pie, opi nyaza pie, ’dini ’ba dria pie, suru pie, ’ba ti ndu ndu ’yopi ’diyi pie ma nga azi eri dri; opi nyaza erini ovu opi nyaza ovupi ewule ewuleri, ngani i de ku, suru eriniri ngani dri ja ku indi.
15
Te ma’i Danieli, ma orindi ovu candisi rua mani ma alia, azini enga ra, ngapi i sipi trotro ekile te oko ’diyile kuri; te eri nga opi na onze ra afa ndreza i e’dapi ma driari fe ma asi oti ani tu.
16
Ma esi ma ’ba alu ’ba pa osopi ogogo ’diyi ma eseliari vu, ma zi e’yo ’diri ma ada tinia. ’Dini eri olu ra, eri ece e’yo ’diyi ma efi ma dri ra.
17
Nguru ’wara su ’diyi yi opi su ngapi engapi nyakua ’diyi.
18
Te ’ba alatararu Mungu ovupi Uru Turi vile ’diyi nga suru a’i, yi nga suru nde nya ewule ewule cazu kpere ’dani ’dani.
19
Ma nga vini le nguru suri ma e’yo ada ni indi, nguru nde i sipi agyi azini ’diyi be dria ku, uriuriru tu, sini ovuzu ayaru, onyofini molaru; afa nyapi ngalu ngalu, aleni agbapi ndu ndu, jolokoni otupi i pasiri’i;
20
azini ma le o’yu mudri ovupi eri ma dria ’diyi pi ma e’yo ni, o’yu azini engapi vutiniari be, o’yu na ’diyini o’dezu drileniari, o’yu nde ovupi mile be, azini tile be, e’yo amboru amboru ’yopiri’i, e’daza erini ovu okporu aga agyi erini ’diyiniri ra.
21
Ma ndre o’yu nde ’dirini omba ’baria ’ba alatararu ’diyi be, aga yi ra,
22
ecazu kpere Eri’i ovupi O’du Gbudriorisirini ecaria, ngaria ’ba alatararu Mungu ovupi Uru Turi vile ’diyi ma e’yo liria, ewu ’ba alatararu ’diyini suru nyazurini ecaria ’boria.
23
Eri omvi e’yo ’dinile kini: Nguru suri nga ovu nyakua suru suriru, ngapi i sipi suru azini ’diyi be dria kuri, eri nga angu wudrikuru dria oki ngalu ngalu, eri nga eri otu pasi, nga eri agba dria ndu ndu.
24
O’yu mudri ’diyi ma efi ’dini: suru ’diri ma alia opi yi nga efu alenia mudri, te yi ma vutia opi azini alu nga enga ra, ngapi i sipi trotro ekile te oko ’diyile kuri; te eri nga opi na onze ra.
25
Te eri nga e’yo ’yo Mungu ovupi Uru Turi ma ruaa, nga ’ba alatararu Mungu Uru Turi vile ’diyi inza, eri nga le ewu pi oja azita be; yi nga ovu eri ma dria ecazu ewu alu, drinia ewu iri drinia ewu ma alini ngazu yi dezuria.
26
Te ’ba e’yo lipi ’diyi nga ri ra, azini yi nga opi nyaza erini nze ra, dezu dria, drini jazu cazu kpere erini asiria.
27
Te yi nga suru pi opi nyaza pie, ambo opi nyaza ovupi ’bu etia ’diyini be dria, fe ’ba alatararu Mungu Uru Turi vile ’diyi dri; suru erini eri suru ngapi i depi kuri, angu dria yi nga azi ’ye eri dri, azini yi nga eri ma ti eri.
28
E’yo ’diri asi ’dipi. Te ma’i Danieli, mani asisile droria ma asini oti oti tu, ma mileni oja i ani ndu; te ma mba e’yo ’diri ma ta ma asia ra.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
All chapters:
1
2
3
4
5
6
7
8
9
10
11
12