Malachi 4

Lugbara (E’yo Siza Alatararu Munguniri BIBLIA)

← Chapter 3 Jump to:

1Te mi lu, o’du nde emu emu, eri ve ekile oka aya dizurile, ’ba afuru ’diyi pi dria nga ovu ase amururile, ’ba azi onzi ’yepi ’diyi be dria; o’du nde emupiri nga yi ve kieikiei, Yehova asikari ongulumuruniri ’yoni, ’dini eri ngani ola ku yi dri ku, kani arakalani aluni ku ’indi.

2Te emi ru mani rupi ’diyi dri, etu onyiniri nga efu, atiza be eri ma opilia. Emi nga fu amve avizu ekile kojana koloteni avile licoasirile.

3Azini emi nga ’ba azi onzi ’yepi ’diyi otu pasi, yini ngale ovule ofutale emi pa agelearisi, o’du mani ngale e’yo ’yezurisi, Yehova asikari ongulumuruniri ’yoni.

4Emi ma ega azita Musa ati’bo manirini, mani azile tinia Horebua ’ba Israelini dria ’diyi driri, adaru azita piyi e’yo liza pie indio;

5Emi ndre, ma nga nabi Eliya ma ti pe emi vu de nga o’du amboru uriuriru Yehovaniri ecani nga ku.

6Azini eri nga asi atapini oja anzi vu, azini asi anzini oja atapi vu, ma kazu emuzu angu dri jazu otrinasi ku.

← Chapter 3 Jump to: