Philemon 1

Lugbara (E’yo Siza Alatararu Munguniri BIBLIA)

Jump to:

1Paulo, ’ba aruru Kristo Yesu ma e’yosiri, Timoteo adripi amani be, Filemona ’ba azi ngapi ama be tualu amani leleri pi vu

2Apia amvipi amani pie, Arikipo asikariru ama be tualuri pie, kanisa i okupi jo mini ma aliari pie:

3’Yeta anzutiri pi ma ovu emi vu asi anzuru be engazu Mungu Ata amani vu azini Opi Yesu Kristo vu.

4Ma awa’difo fe Mungu mani vu o’du dria, mani e’yo mini egaria Mungu ziza mani ma alia,

5mani leta mini avasiri pi, a’ita mini be Opi Yesu vu azini ’ba alatararu ’diyi vu driari ma e’yo erilerisi;

6ma zi kini ti ecita a’ita minirini ma fe ’ba ma ni e’yo onyiru dria alu alu ovupi ama alia Kristosiri.

7Te ma adri ovu ayiko be tu azini asi omiza be tu leta mini avasirisi, ma adri la, a’disiku ’ba alatararu ’diyini okpo o’diru isule yi ma asia mi dririsi.

8E’yo ’dirisi, ma ka tro ovu okpo be Kristo ma alia azita azizu mi dri e’yo dri fupi ciri ’yezu ra ti,

9leta ma e’yosi ma azini azitaru ku, te ma matu ’ba mi vu-ma’i mbazau Paulo, curu’do ’ba aruru Kristo ’i Yesu ma e’yosiri’i-

10ma matu ’ba mi vu ma mvi Onesimo ma e’yosi, mani tile mani ovuria arujoari’i.

11(Eri koni ndra mi aza onyiru ku, te curu’do eri ama aza ko mi be onyiru.)

12Ma omvi eri ma ngulupi mi vu dika, eri asi mani ma adari’i.

13Ma le te eri ma ta mba ma be ’doa, eri ma ko ani ma aza mi paria, pari yini ma ombezu e’yo barisiri ma alia;

14te ma leni e’yo aluni ’ye asisile mini nikokoru ku, ’dini e’yo onyiru mini ma ovu mini ecole e’yo andini ’yezaru kurisi ’dini ku, te mi asini lele cenirisi.

15Te kani eri ovu esele cozaru mi be ewu were e’yo ’disi yani, mini ani eri a’izu dika ovuzu mi be ’dani ’dani,

16ati’boru dika ku te aga ati’bo ra, adripi ovupi lezaruriru, tuni ma dri, ’te agapiri mi dri, e’yo ruanisi azini e’yo Opinisi indi.

17Mi ka ega ma mi agyini, mi ma a’i eri ekile mini ma a’ilerile.

18Te eri ka ndra onzi ’ye mi vu, kani nya marini yani, mi si e’yo nderi ma dria.

19Ma’i Paulo, ma ti dri ma, ma nga eri ofe ra-te di mari mini ma vuri eri mi ngulupi’i, ma ka e’yoni ’yo mi tia ku ti.

20E, ma adri, ma le te ayiko isu mi vu Opi ma alia. Mi ma fe okpo o’diru ma asia Kristo ma alia fo!

21Te mani nile mi nga e’yo ’diri a’i rarisi, ma si mi vu ani, te ma ni ra mi nga ’ye aga e’yo mani ’yoleri ra.

22Te mi ede pari omuni lazuri ngonde ma dri indi, a’disiku ma ovui asi tezasi egazu ma nga ovu fezaru lemi dri, emini Mungu zilerisi,

23Epafra, ’ba aruru ma be tualu Kristo ma aliari pi zi mi ci ci, i

24Marako pie, Arisitariko pie, Dema pie, Luka pie, ’ba azi ngapi ma be tualu ’diyi.

25’Yeta anzutiri Opi amani Yesu Kristoni ma ovu orindi mini be. Amena.

Jump to: