bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Psalms 119
Psalms 119
Lahu Bible Edited © Thailand Bible Society and Bible Society of Myanmar, 2010, 2020.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Te‸ chiˉ ya‸ kuiˬ maˇ cawˬ ve chaw leh, Gʼuiˬsha ve awˬliˇtawˇhkawˇ hta‸ hkʼa deh‸ na yuˬ chehˇ ve chaw lehˬ gʼa ha lehˬ ve yoˬ.
2
Nyi ma awˬ tawˬ hkʼa gaˬ Yawˇ ve awˬliˇtawˇhkawˇ hta‸ na yuˬ leh te ve chaw lehˬ, gʼa ha lehˬ ve yoˬ.
3
Yawˇ hui teˇ pawˆ ka‸ maˇ te ya‸ leh, Gʼuiˬsha ve ya‸ kʼaw hta‸ ceh tiˉ toˇ kʼai ve yoˬ.
4
Gʼuiˬsha-oˬ, nawˬ lehˬ ngaˬ hui hta‸ awˬliˇtawˇhkawˇ piˇ laˇ leh, oˇ ve teˇ hpaˍ hta‸ hkʼa deh‸ na yuˬ tuˬ kʼoˆ laˇ taˍ ve yoˬ.
5
Nawˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ tuˬ nawˬ kʼoˆ laˇ taˍ ve yoˬ.
6
Oˇ ve teˇ hpaˍ hta‸ ngaˬ hkʼa deh‸ na yuˬ chehˇ ve kʼo, ngaˬ gʼa ya‸ taw tuˬ ve maˇ heˆ.
7
Hteˇ ve cawˇ ve hkʼaw nawˬ suhˉ jehˬ piˇ ve awˬ lawn hta‸ ngaˬ henˇ yuˬ chehˇ ve teˇ yanˇ, nyi ma hpu ve kehˬ ve hkʼaw ngaˬ nawˬ hta‸ chiˇ mvuh tuˬ yoˬ.
8
Nawˬ ve awˬliˇtawˇhkawˇ teˇ hpaˍ hta‸ ngaˬ na yuˬ tuˬ yoˬ. Ngaˬ hta‸ taˇ baˬ taˉ laˇ-oˆ.
9
Chaw haˉ paˍ lehˬ yawˇ ve nyi ma hta‸ hkʼaˬ hkʼe te da‸ kehˬ la piˇ gʼa tuˬ le. Nawˬ ve awˬliˇtawˇhkawˇ hta‸ na yuˬ ve hta‸ pa taw ceh tiˉ da‸ kehˬ la hpeh‸ ve yoˬ.
10
Nyi ma awˬ tawˬ hkʼa gaˬ, nawˬ ve kanˉ hta‸ ngaˬ te tuˬ yoˬ. Nawˬ ve awˬliˇtawˇhkawˇ hta‸ maˇ na yuˬ puiˉ ve chaw maˇ gʼa hpeh‸ tuˬ ngaˬ hta‸ ha‸ shaˉ taˍ laˇ-oˆ.
11
Ngaˬ nawˬ hta‸ maˇ gʼa te ya‸ tuˬ, nawˬ ve awˬliˇtawˇhkawˇ ngaˬ ve nyi ma hkʼaw lo ha‸ shaˉ taˍ ve yoˬ.
12
Gʼuiˬsha-oˬ, ngaˬ nawˬ hta‸ chiˇ mvuh ve yoˬ. Nawˬ ve awˬliˇtawˇhkawˇ ngaˬ hta‸ maˍ laˇ-oˆ.
13
Nawˬ piˇ laˇ ve awˬliˇtawˇhkawˇ hkʼa peu-eˬ hta‸ ngaˬ awˬ hkawˇ bvuhˬ chaweh tawnˇ gʼaw tuˬ yoˬ.
14
Hpu shi mawˇ jeˬ cawˬ maˇ leh nyi hkʼaˇ suh ve a‸ kehˉ, nawˬ ve awˬliˇtawˇhkawˇ hta‸ ngaˬ leuˉ leh nyi hkʼaˇ suh ve yoˬ.
15
Nawˬ maˍ laˇ ve awˬ ceuˬ teˇ hpaˍ hta‸ ngaˬ henˇ yuˬ leh, nawˬ kʼoˆ laˇ ve awˬ ceuˬ teˇ hpaˍ hta‸ ngaˬ dawˇ nyi chehˇ ve yoˬ.
16
Nawˬ ve awˬliˇtawˇhkawˇ teˇ hpaˍ awˬ hkʼaw lo ngaˬ ha lehˬ chehˇ leh, oˇ ve teˇ hpaˍ hta‸ ngaˬ leunˇ kʼai tuˬ ve maˇ heˆ.
17
Nawˬ maˍ laˇ ve tawˇ hkawˇ hta‸ na yuˬ leh a sha‸ te‸ puiˉ tuˬ, nawˬ ve awˬ ceˬ hta‸ bon na‸ laˇ-oˆ.
18
Nawˬ ve awˬliˇtawˇhkawˇ awˬ hkʼaw lo cawˬ ve anˇ tuˬ uiˍ ve hteˇ ve cawˇ ve awˬ ceuˬ hta‸ ngaˬ mawˬ hpeh‸ tuˬ, ngaˬ ve mehˆ shiˍ hta‸ a ciˉ hpaw laˇ-oˆ.
19
Ngaˬ lehˬ miˬguiˬ chi awˬ hkʼoˆ lo teˇ hkui teˇ yanˇ ceh tiˉ gʼa chehˇ ve yoˬ. Nawˬ ve awˬliˇtawˇhkawˇ teˇ hpaˍ hta‸ taˇ yuˬ faˉ taˍ laˇ-oˆ.
20
Ngaˬ ve nyi ma lehˬ nawˬ suhˉ jehˬ ve hta‸ shiˍ gaˇ leh, hkʼaˬ htaˆ ka‸ law nyi tcuhˉ taˍ ve yoˬ.
21
Nawˬ lehˬ nyi ma uiˍ ve chaw hui hta‸ deˇ maˍ piˇ leh, nawˬ ve awˬliˇtawˇhkawˇ hta‸ baˬ taˉ ve chaw hui lehˬ hkeu ve hta‸ gʼa hkanˍ tuˬ yoˬ.
22
Ngaˬ lehˬ nawˬ ve awˬliˇtawˇhkawˇ teˇ hpaˍ hta‸ na yuˬ chehˇ ve pa taw, ngaˬ hta‸ maˇ shawˍ maˇ caˆ te laˇ chehˇ ve chaw hui ve la‸ sheh hkʼaw lo a ciˉ ponˬ laˇ-oˆ.
23
Uˉ peunˍ shehˍ hpaˇ teˇ hpaˍ ngaˬ hta‸ te luˬ tuˬ hkʼawˇ jehˬ da‸ chehˇ ve yoˬ. Ya‸ hkʼaˇ ngaˬ lehˬ nawˬ ve awˬliˇtawˇhkawˇ teˇ hpaˍ hta‸ henˇ yuˬ tcuhˉ taˍ tuˬ yoˬ.
24
Nawˬ ve awˬliˇtawˇhkawˇ teˇ hpaˍ ngaˬ hta‸ ha lehˬ tuˬ piˇ laˇ leh, ngaˬ hta‸ dawˇ hkʼaˇ piˇ laˇ chehˇ ve yoˬ.
25
Ngaˬ shonˇ kʼai leh je‸ meu-e hkʼaw zuh‸ chehˇ taˍ ve yoˬ. Nawˬ ka ti‸ cawˬ taˍ ve hkʼe, ngaˬ hta‸ kʼaw‸ da‸ la piˇ-oˆ.
26
Ngaˬ te taˍ ve kanˉ hkʼa peu-eˬ nawˬ hta‸ hto maˍ laˇ peuˬ leh, nawˬ ngaˬ hta‸ kʼaw‸ yaw hkʼaw‸ laˇ ve yoˬ. Nawˬ ve awˬliˇtawˇhkawˇ ngaˬ hta‸ maˍ laˇ-oˆ.
27
Nawˬ ve awˬliˇtawˇhkawˇ teˇ hpaˍ hta‸ na gʼa tuˬ, ngaˬ hta‸ maˍ laˇ-oˆ. Nawˬ maˍ laˇ ve tawˇ teˇ hpaˍ hta‸ ngaˬ hkʼa deh‸ dawˇ nyi tuˬ yoˬ.
28
Ngaˬ lehˬ dawˇ haˍ jaˇ chehˇ ve yoˬ. Nawˬ ka ti‸ cawˬ taˍ ve hkʼe, ngaˬ hta‸ awˬ gʼaˇ kʼaw‸ cawˬ la piˇ-oˆ.
29
Ya‸ kʼaw maˇ gʼa ya‸ kʼai tuˬ, ngaˬ hta‸ ha‸ shaˉ laˇ leh, nawˬ ve awˬliˇtawˇhkawˇ ngaˬ hta‸ maˍ laˇ-oˆ.
30
Ngaˬ lehˬ nawˬ ve tawˇ hkawˇ hta‸ hkʼa deh‸ na yuˬ tuˬ dawˇ cheˆ taˍ peuˬ leh, nawˬ suhˉ jehˬ ve hta‸ ngaˬ hkʼa deh‸ henˇ yuˬ chehˇ ve yoˬ.
31
Gʼuiˬsha-oˬ, ngaˬ lehˬ nawˬ maˍ laˇ ve tawˇ teˇ hpaˍ hta‸ hkʼa deh‸ na yuˬ chehˇ ve yoˬ. Ngaˬ hta‸ ya‸ taw kuiˬ lo taˇ gaˬ tcuh laˇ-oˆ.
32
Nawˬ ngaˬ hta‸ shiˍ puiˉ ve nyi ma piˇ laˇ tuˬ ve pa taw, nawˬ ve awˬliˇtawˇhkawˇ teˇ hpaˍ hta‸ ngaˬ hkʼa deh‸ na yuˬ tuˬ yoˬ.
33
Gʼuiˬsha-oˬ, nawˬ ve awˬliˇtawˇhkawˇ teˇ hpaˍ ve tcuhˉ kuiˬ ngaˬ hta‸ a ciˉ maˍ laˇ-oˆ. Ngaˬ hkʼaˬ htaˆ ka‸ na yuˬ tuˬ yoˬ.
34
Nawˬ ve awˬliˇtawˇhkawˇ ngaˬ hta‸ hpeu‸ maˍ laˇ-oˆ. Nyi ma awˬ tawˬ hkʼa gaˬ ngaˬ na yuˬ tuˬ yoˬ.
35
Nawˬ ve awˬliˇtawˇhkawˇ hta‸ na yuˬ puiˉ tuˬ ngaˬ hta‸ ga laˇ-oˆ. Awˬ lawn kʼo, oˇ ve teˇ hpaˍ awˬ hkʼaw lo ha lehˬ tuˬ hta‸ ngaˬ gʼa mawˬ ve yoˬ.
36
Paw sha la tuˬ ve hta‸ ca ve a‸ kehˉ, nawˬ ve awˬliˇtawˇhkawˇ hta‸ na yuˬ gaˇ ve nyi ma cawˬ tuˬ ngaˬ hta‸ maˍ laˇ-oˆ.
37
Te‸ chiˉ awˬ bon maˇ cawˬ ve tawˇ hta‸ maˇ gʼa na yuˬ tuˬ ngaˬ hta‸ ga laˇ-oˆ. Nawˬ ka ti‸ cawˬ taˍ ve hkʼe, ngaˬ hta‸ awˬ bon na‸ laˇ-oˆ.
38
Nawˬ ve tawˇ hta‸ na yuˬ puiˉ ve chaw hui hta‸ nawˬ te piˇ taˍ ve ka ti‸, ngaˬ awˬ hkʼoˆ lo htawˇ gaˬ la piˇ-oˆ.
39
Shu ngaˬ hta‸ maˇ shawˍ maˇ caˆ te laˇ chehˇ ve kawˆ tuˬ uiˍ ve awˬ ceuˬ teˇ hpaˍ awˬ hkʼaw lo ngaˬ hta‸ ponˬ laˇ-oˆ. Nawˬ suhˉ jehˬ piˇ ve teˇ ceuˬ hkʼaˬ ma anˇ tuˬ cawˬ ve le.
40
Nawˬ ve awˬliˇtawˇhkawˇ teˇ hpaˍ hta‸ ngaˬ na yuˬ gaˇ ve yoˬ. Nawˬ lehˬ hteˇ jaˇ cawˇ jaˇ ve pa taw, ngaˬ hta‸ chaw awˬ suhˉ kʼaw‸ hpeh‸ la piˇ-oˆ.
41
Gʼuiˬsha-oˬ, nawˬ ngaˬ hta‸ hkʼaˬ ma ha‸ ve hpeu‸ maˍ laˇ leh, nawˬ ka ti‸ cawˬ taˍ ve hkʼe ngaˬ hta‸ a ciˉ ponˬ laˇ-oˆ.
42
Oˇ hkʼe te ve kʼo, ngaˬ hta‸ maˇ shawˍ maˇ caˆ te laˇ chehˇ ve chaw hui hta‸ ngaˬ kʼaw‸ yaw hkʼaw‸ piˇ hpeh‸ tuˬ yoˬ. Awˬ lawn kʼo, nawˬ ve tawˇ hkawˇ hta‸ ceh tiˉ ngaˬ gʼaˇ va chehˇ ve yoˬ.
43
Hkʼaˬ htaˆ ka‸ hteˇ ve cawˇ ve tawˇ hta‸ ceh tiˉ yaw puiˉ tuˬ ngaˬ hta‸ maˍ laˇ-oˆ. Awˬ lawn kʼo, ngaˬ ve dawˇ law kuiˬ nawˬ ve la‸ sheh hkʼaw cawˬ ve yoˬ.
44
Ngaˬ te‸ chehˇ ve teˇ co-e nawˬ ve awˬliˇtawˇhkawˇ hta‸ na yuˬ tuˬ yoˬ.
45
Nawˬ maˍ laˇ ve tawˇ hkawˇ teˇ hpaˍ hta‸ ngaˬ coˇ caˇ leh na yuˬ chehˇ ve pa taw, ngaˬ lehˬ ponˬ ve chaw hpeh‸ la tuˬ yoˬ.
46
Ngaˬ lehˬ jawˇmawˇ teˇ hpaˍ hta‸ nawˬ ve awˬliˇtawˇhkawˇ hto maˍ piˇ leh, ngaˬ gʼa ya‸ taw tuˬ ve maˇ heˆ.
47
Ngaˬ lehˬ nawˬ ve awˬliˇtawˇhkawˇ teˇ hpaˍ hta‸ ha‸ ve pa taw, oˇ ve teˇ hpaˍ hta‸ na yuˬ gaˇ ve nyi ma cawˬ ve yoˬ.
48
Nawˬ ve awˬliˇtawˇhkawˇ teˇ hpaˍ hta‸ ngaˬ ha‸ leh taˍ uiˍ taˍ mvuh chehˇ ve yoˬ. Nawˬ maˍ laˇ ve tawˇ teˇ hpaˍ hta‸ ngaˬ dawˇ nyi tcuhˉ taˍ tuˬ yoˬ.
49
Nawˬ ve awˬ ceˬ paˍ hta‸ nawˬ te piˇ taˍ ve ka ti‸ hta‸ a ciˉ dawˇ nawˇ-oˆ. Ka ti‸ oˇ ve ngaˬ hta‸ dawˇ law tuˬ piˇ laˇ ve yoˬ.
50
Tu‸ hkanˍ ve hta‸ ngaˬ gʼa hkanˍ chehˇ htaˇ, ngaˬ kʼaw‸ dawˇ sha la ve yoˬ. Awˬ lawn kʼo nawˬ ve ka ti‸ ngaˬ hta‸ a sha‸ kʼaw‸ te‸ la piˇ ve yoˬ.
51
Nyi ma uiˍ ve chaw teˇ hpaˍ ngaˬ hta‸ maˇ shawˍ maˇ caˆ te laˇ chehˇ ve htawˇ, ngaˬ lehˬ nawˬ ve awˬliˇtawˇhkawˇ hta‸ maˇ chiˇ baˬ.
52
Gʼuiˬsha-oˬ, ponˬ laˬ htaˇ nawˬ ngaˬ hta‸ maˍ laˇ taˍ ve tawˇ teˇ hpaˍ hta‸ ngaˬ dawˇ nawˇ chehˇ leh, oˇ ve teˇ hpaˍ ngaˬ hta‸ dawˇ sha laˇ chehˇ ve yoˬ.
53
Haiˬ ve chaw teˇ hpaˍ nawˬ ve awˬliˇtawˇhkawˇ hta‸ maˇ na yuˬ ve hta‸ ngaˬ gʼa mawˬ ve teˇ yanˇ, ngaˬ nyi ma zuhˆ jaˇ ve yoˬ.
54
Miˬguiˬ chi hkʼoˆ ngaˬ teˇ hkui teˇ yanˇ gʼa chehˇ ve awˬ yanˇ hkʼaw lo, nawˬ ve awˬliˇtawˇhkawˇ hta‸ caˉ da‸ ve kʼa muiˬ hkawˇ teˇ hpaˍ hta‸ ngaˬ yuˬ tawˆ chehˇ ve yoˬ.
55
Gʼuiˬsha-oˬ, mvuhˇ hpeu‸ htaˇ ngaˬ nawˬ hta‸ dawˇ nawˇ leh, nawˬ ve awˬliˇtawˇhkawˇ hta‸ dawˇ nyi chehˇ ve yoˬ.
56
Nawˬ ve awˬliˇtawˇhkawˇ hta‸ na yuˬ ve pa taw, ha lehˬ tuˬ hta‸ ngaˬ gʼa mawˬ ve yoˬ.
57
Gʼuiˬsha-oˬ, nawˬ hta‸ ceh tiˉ ngaˬ loˍ ve yoˬ. Nawˬ ve awˬliˇtawˇhkawˇ teˇ hpaˍ hta‸ na yuˬ tuˬ ngaˬ ka ti‸ te ve yoˬ.
58
Nawˬ ka ti‸ cawˬ taˍ ve hkʼe, ngaˬ hta‸ a ciˉ ha kʼaˉ laˇ-oˆ. Ngaˬ ve nyi ma awˬ tawˬ hkʼa gaˬ nawˬ hta‸ lawˬ hkawˉ ve yoˬ.
59
Ngaˬ te chehˇ ve kanˉ teˇ hpaˍ hta‸ kʼaw‸ dawˇ nyi leh, nawˬ ve awˬliˇtawˇhkawˇ teˇ hpaˍ hta‸ na yuˬ tuˬ ngaˬ ka ti‸ te ve yoˬ.
60
Nawˬ ve awˬliˇtawˇhkawˇ teˇ hpaˍ hta‸ ngaˬ la‸ haˉ na yuˬ tuˬ yoˬ.
61
Haiˬve chaw teˇ hpaˍ ngaˬ hta‸ va htaw chehˇ ve yoˬ. Ya‸ hkʼaˇ, nawˬ ve awˬliˇtawˇhkawˇ teˇ hpaˍ hta‸ ngaˬ maˇ leunˇ.
62
Nawˬ lehˬ hteˇ ve cawˇ ve hkʼaw suhˉ jehˬ chehˇ ve hta‸ chiˇ mvuh tuˬ, shehˍ kʼaw hkui htaˇ ngaˬ nawˇ la ve yoˬ.
63
Ngaˬ lehˬ nawˬ ve tawˇ hkawˇ hta‸ na yuˬ leh, nawˬ ve kanˉ hta‸ te chehˇ ve chaw hkʼa peu-eˬ ve awˬ chawˇ hpeh‸ ve yoˬ.
64
Gʼuiˬsha-oˬ, nawˬ ve ha‸ pehnˇ ve teˇ ceuˬ miˬguiˬ hkʼoˆ lo biˇ sheˆ chehˇ ve yoˬ. Nawˬ ve awˬliˇtawˇhkawˇ teˇ hpaˍ ngaˬ hta‸ maˍ laˇ-oˆ.
65
Gʼuiˬsha-oˬ, nawˬ lehˬ ka ti‸ yeˬ jaˇ leh, ngaˬ hta‸ awˬ bon na‸ laˇ chehˇ ve yoˬ.
66
Nawˬ ve awˬliˇtawˇhkawˇ teˇ hpaˍ hta‸ ngaˬ gʼaˇ va chehˇ ve pa taw, ngaˬ hta‸ cuˇ yiˍ maˍ yiˍ leh shiˍ puiˉ ve nyi ma pe‸ laˇ-oˆ.
67
Nawˬ ngaˬ hta‸ maˇ ciˍ yanˍ laˇ sheˍ gʼuˇ suhˍ, ngaˬ laiˉ pawˆ te ya‸ jaw peuˬ ve yoˬ. Ya‸ hkʼaˇ chi beu‸ nawˬ ve tawˇ hkawˇ hta‸ ngaˬ na yuˬ chehˇ ve yoˬ.
68
Nawˬ lehˬ hkʼaˬ ma da‸ jaˇ leh hkʼaˬ ma ha kʼaˉ puiˉ jaˇ ve le. Nawˬ ve awˬliˇtawˇhkawˇ ngaˬ hta‸ maˍ laˇ-oˆ.
69
Nyi ma uiˍ ve chaw teˇ hpaˍ ngaˬ ve awˬ lawn heˍ hto chehˇ ve yoˬ. Ya‸ hkʼaˇ, nyi ma awˬ tawˬ hkʼa gaˬ nawˬ ve awˬliˇtawˇhkawˇ teˇ hpaˍ hta‸ ngaˬ na yuˬ chehˇ ve yoˬ.
70
Chaw oˇ ve teˇ hpaˍ lehˬ, shiˍ puiˉ ve nyi ma maˇ cawˬ. Ya‸ hkʼaˇ nawˬ ve awˬliˇtawˇhkawˇ awˬ hkʼaw lo ha lehˬ tuˬ hta‸ ngaˬ gʼa mawˬ ve yoˬ.
71
Nawˬ ngaˬ hta‸ ciˍ yanˍ laˇ ve lehˬ cawˇ ve yoˬ. Nawˬ ngaˬ hta‸ oˇ hkʼe te laˇ ve pa taw nawˬ ve awˬliˇtawˇhkawˇ teˇ hpaˍ hta‸ ngaˬ henˇ yuˬ puiˉ la ve yoˬ.
72
Nawˬ ngaˬ hta‸ piˇ laˇ ve awˬliˇtawˇhkawˇ lehˬ, miˬguiˬ hkʼoˆ cawˬ ve hpu hkʼa peu-eˬ a‸ kehˉ awˬ hpfuhˇ hkʼaˆ jaˇ ve yoˬ.
73
Nawˬ ngaˬ hta‸ te hpanˍ leh ha‸ shaˉ laˇ chehˇ ve yoˬ. Nawˬ ve awˬliˇtawˇhkawˇ teˇ hpaˍ hta‸ ngaˬ henˇ yuˬ puiˉ la tuˬ, ngaˬ hta‸ shiˍ puiˉ ve cuˇ yiˍ pe‸ laˇ-oˆ.
74
Ngaˬ nawˬ ve ka ti‸ hta‸ gʼaˇ va chehˇ ve pa taw, nawˬ hta‸ yawˆ yan ve chaw teˇ hpaˍ ngaˬ hta‸ gʼa mawˬ ve teˇ yanˇ ha lehˬ jaˇ tuˬ yoˬ.
75
Gʼuiˬsha-oˬ, nawˬ suhˉ jehˬ ve lehˬ hteˇ jaˇ cawˇ jaˇ ve yoˬ. Nawˬ ka ti‸ yeˬ ve pa taw, ngaˬ hta‸ ciˍ yanˍ laˇ ve hta‸ ngaˬ shiˍ ve yoˬ.
76
Nawˬ ngaˬ hta‸ ka ti‸ te laˇ taˍ ve hkʼe, nawˬ ve ha‸ pehnˇ ve teˇ ceuˬ ngaˬ hta‸ dawˇ sha laˇ piˇ-oˆ.
77
Ngaˬ lehˬ nawˬ ve awˬliˇtawˇhkawˇ awˬ hkʼaw lo ha lehˬ chehˇ ve pa taw, ngaˬ gʼa te‸ chehˇ tuˬ ngaˬ hta‸ a ciˉ ha kʼaˉ laˇ-oˆ.
78
Nyi ma uiˍ ve chaw teˇ hpaˍ lehˬ ngaˬ ve awˬ lawn heˍ hto leh shaˉ hkiˆ hkanˍ chehˇ ve pa taw, yawˇ hui hta‸ ya‸ taw piˇ lawˬ-o‸. Ngaˬ lehˬ nawˬ ve awˬliˇtawˇhkawˇ teˇ hpaˍ hta‸ dawˇ nyi tcuhˉ taˍ tuˬ yoˬ.
79
Nawˬ hta‸ yawˆ yan ve chaw leh nawˬ ve awˬliˇtawˇhkawˇ hta‸ shiˍ ve chaw teˇ hpaˍ ngaˬ geh laˬ piˇ lawˬ-o‸.
80
Ngaˬ shonˇ kuiˬ lo maˇ gʼa gaˬ leh maˇ gʼa ya‸ taw tuˬ, ngaˬ lehˬ hkʼaˬ htaˆ ka‸ nawˬ ve awˬliˇtawˇhkawˇ hta‸ na yuˬ chehˇ ve chaw hpeh‸ tcuh laˇ-oˆ.
81
Gʼuiˬsha-oˬ, nawˬ ponˬ laˇ tuˬ ve hta‸ ngaˬ law chehˇ leh, ngaˬ lehˬ gʼaˇ nuˇ jaˇ peuˬ. Ngaˬ lehˬ nawˬ ve tawˇ hkawˇ hta‸ ceh tiˉ gʼaˇ va chehˇ ve yoˬ.
82
Nawˬ ka ti‸ te laˇ taˍ ve hta‸ law nyi leh, ngaˬ ve mehˆ shiˍ gʼaˇ nuˇ kʼai jaˇ peuˬ ve yoˬ. Nawˬ ngaˬ hta‸ hkʼaˬ htaˆ ga laˇ tuˬ le, teh‸ ngaˬ lawˬ na chehˇ ve yoˬ.
83
Ngaˬ lehˬ shu chiˇ baˬ taˍ ve a pehˉ meuˇ gʼuiˬ keu kuiˬ shaˍ guiˬ kʼuˉ hkʼe awˬ bon maˇ cawˬ ve chaw hpeh‸ ve yoˬ. Ya‸ hkʼaˇ ngaˬ lehˬ nawˬ ve awˬliˇtawˇhkawˇ hta‸ maˇ leunˇ.
84
Ngaˬ hkʼaˬ maw maw gʼa law chehˇ tuˬ sheˍ ve le. Ngaˬ hta‸ fawˉ mehˍ laˇ ve chaw hui hta‸ nawˬ hkʼaˬ htaˆ ciˍ yanˍ piˇ tuˬ ve le.
85
Nawˬ ve awˬliˇtawˇhkawˇ hta‸ maˇ na yuˬ leh nyi ma uiˍ ve chaw teˇ hpaˍ lehˬ, ngaˬ hta‸ hpeh yuˬ tuˬ miˬ kʼoˍ duˇ taˍ ve yoˬ.
86
Nawˬ ve awˬliˇtawˇhkawˇ teˇ hpaˍ lehˬ hteˇ jaˇ cawˇ jaˇ ve yoˬ. Chaw yaˇ teˇ hpaˍ lehˬ heˍ ve awˬ hkʼaw lo ngaˬ hta‸ fawˉ mehˍ laˇ chehˇ ve yoˬ. Ngaˬ hta‸ a ciˉ ga laˇ-oˆ.
87
Yawˇ hui ngaˬ hta‸ tiˇ pehˍ gʼa la paˇ neˇ ve yoˬ. Ya‸ hkʼaˇ, ngaˬ lehˬ nawˬ ve awˬliˇtawˇhkawˇ teˇ hpaˍ hta‸ maˇ leunˇ.
88
Nawˬ lehˬ ha‸ pehnˇ uiˍ jaˇ ve pa taw, nawˬ ve awˬliˇtawˇhkawˇ teˇ hpaˍ hta‸ na yuˬ puiˉ tuˬ ngaˬ hta‸ aw‸ bon na‸ laˇ-oˆ.
89
Gʼuiˬsha-oˬ, nawˬ ve tawˇ hkawˇ lehˬ mvuhˇ naw ma hkʼoˆ lo co co yeˬ chehˇ ve yoˬ.
90
Nawˬ ve ka ti‸ htawˇ, co co yeˬ chehˇ ve yoˬ. Nawˬ miˬguiˬ hta‸ te hpanˍ taˍ leh, ya‸ nyi hkʼa gaˬ yeˬ chehˇ ve yoˬ.
91
Nawˬ ve tawˇ hta‸ pa taw, awˬ ceuˬ hkʼa peu-eˬ ya‸ nyi hkʼa gaˬ yeˬ chehˇ ve yoˬ. Awˬ lawn kʼo, awˬ ceuˬ oˇ ve hkʼa peu-eˬ nawˬ ve awˬ ceˬ hpeh‸ ve yoˬ.
92
Nawˬ ve awˬliˇtawˇhkawˇ lehˬ, ngaˬ ve ha lehˬ tuˬ maˇ hpeh‸ ve hkʼe kʼo, ciˍ yanˍ ve hta‸ gʼa hkanˍ chehˇ htaˇ ka‸ ngaˬ suh-e tuˬ ve yoˬ.
93
Nawˬ ve awˬliˇtawˇhkawˇ teˇ hpaˍ hta‸ ngaˬ baˬ taˉ tuˬ ve maˇ heˆ. Awˬ lawn kʼo, oˇ ve teˇ hpaˍ hta‸ pa taw nawˬ ngaˬ hta‸ te‸ chehˇ tcuh laˇ ve yoˬ.
94
Ngaˬ lehˬ nawˬ ve yaˇ hpeh‸ ve yoˬ. Ngaˬ hta‸ a ciˉ ponˬ laˇ-oˆ. Ngaˬ lehˬ nawˬ ve awˬliˇtawˇhkawˇ hta‸ coˇ caˇ leh na yuˬ chehˇ ve yoˬ.
95
Haiˬ ve chaw teˇ hpaˍ ngaˬ hta‸ tiˇ pehˍ tuˬ law chehˇ taˍ ve yoˬ. Ya‸ hkʼaˇ, ngaˬ lehˬ nawˬ ve awˬliˇtawˇhkawˇ hta‸ ceh tiˉ dawˇ nyi tcuhˉ taˍ tuˬ yoˬ.
96
Miˬguiˬ hkʼoˆ cawˬ ve awˬ ceuˬ teˇ ceuˬ ka‸ biˇ ve maˇ cawˬ ve hta‸ ngaˬ gʼa shiˍ ve yoˬ. Ya‸ hkʼaˇ, nawˬ ve awˬliˇtawˇhkawˇ lehˬ biˇ jaˇ ve yoˬ.
97
Nawˬ ve awˬliˇtawˇhkawˇ hta‸ ngaˬ ha‸ jaˇ leh, teˇ nyi tanˇ vanˇ ngaˬ dawˇ nyi chehˇ ve yoˬ.
98
Nawˬ ve awˬliˇtawˇhkawˇ lehˬ hkʼaˬ htaˆ ka‸ ngaˬ geh chehˇ taˍ leh ngaˬ ve canˇ paˍ teˇ hpaˍ a‸ kehˉ ngaˬ hta‸ leuˉ leh cuˇ yiˍ cawˬ la tuˬ te laˇ chehˇ ve yoˬ.
99
Nawˬ maˍ laˇ ve tawˇ teˇ hpaˍ hta‸ ngaˬ dawˇ nyi tcuhˉ taˍ ve pa taw, ngaˬ ve saˍla‸ teˇ hpaˍ a‸ kehˉ ka‸ ngaˬ shiˍ maˇ la ve yoˬ.
100
Ngaˬ nawˬ ve awˬliˇtawˇhkawˇ teˇ hpaˍ hta‸ na yuˬ tcuhˉ taˍ ve pa taw, chaw mawˇ teˇ hpaˍ a‸ kehˉ leuˉ leh ngaˬ cuˇ yiˍ cawˬ la ve yoˬ.
101
Ngaˬ nawˬ ve tawˇ hta‸ na yuˬ gaˇ puiˉ ve nyi ma cawˬ ve pa taw, haiˬ ve kanˉ hkʼa peu-eˬ hta‸ ngaˬ baˬ taˉ peuˬ.
102
Nawˬ lehˬ ngaˬ ve saˍla‸ hpeh‸ ve pa taw, nawˬ maˍ laˇ ve tawˇ teˇ hpaˍ hta‸ ngaˬ maˇ baˬ taˉ.
103
Nawˬ maˍ laˇ ve tawˇ teˇ hpaˍ lehˬ hkʼaˬ ma mehˬ jaˇ ve le. Oˇ ve teˇ hpaˍ lehˬ pehˇ gʼuiˬ a‸ kehˉ mehˬ jaˇ ve yoˬ.
104
Nawˬ ve awˬliˇtawˇhkawˇ awˬ hkʼaw lo ngaˬ cuˇ yiˍ gʼa ve pa taw, cha‸ chiˆ ve kanˉ hkʼa peu-eˬ hta‸ ngaˬ canˇ ve yoˬ.
105
Nawˬ ve tawˇ hkawˇ lehˬ ngaˬ hta‸ sheh kʼai laˇ tuˬ aˬ miˍ kawˆ faiˇ hpeh‸ leh, ngaˬ ve ya‸ kʼaw awˬ pon awˬ gʼeuˆ hpeh‸ ve yoˬ.
106
Nawˬ maˍ laˇ ve hteˇ ve cawˇ ve tawˇ hta‸ hkʼa deh‸ na yuˬ tuˬ, ngaˬ ka ti‸ te taˍ ve hta‸ dawˇ nawˇ tcuhˉ taˍ tuˬ yoˬ.
107
Gʼuiˬsha-oˬ, ngaˬ gʼa tu‸ gʼa hkanˍ jaˇ ve yoˬ. Nawˬ ka ti‸ cawˬ taˍ ve hkʼe ngaˬ hta‸ a ciˉ te‸ chehˇ tcuh laˇ-oˆ.
108
Gʼuiˬsha-oˬ, ngaˬ ve chiˇ mvuh hkawˇ hta‸ ha‸ yuˬ laˇ leh, nawˬ ve awˬliˇtawˇhkawˇ ngaˬ hta‸ a ciˉ maˍ laˇ-oˆ.
109
Ngaˬ ve a sha‸ tanˇ piˇ tuˬ, hkʼaˬ htaˆ ka‸ ngaˬ gu taˍ hehnˇ taˍ ve yoˬ. Ngaˬ lehˬ nawˬ ve awˬliˇtawˇhkawˇ hta‸ maˇ leunˇ.
110
Haiˬ ve chaw teˇ hpaˍ ngaˬ hta‸ va htaw chehˇ taˍ ve yoˬ. Ya‸ hkʼaˇ, ngaˬ lehˬ nawˬ ve awˬliˇtawˇhkawˇ hta‸ maˇ baˬ taˉ.
111
Nawˬ ve awˬliˇtawˇhkawˇ teˇ hpaˍ lehˬ, co co taiˍ taiˍ ngaˬ ve mawˇ hpeh‸ ve yoˬ. Oˇ ve teˇ hpaˍ lehˬ, ngaˬ ve nyi ma awˬ pon ha lehˬ tuˬ hpeh‸ ve yoˬ.
112
Ngaˬ suh htaˇ hkʼa gaˬ, nawˬ ve awˬliˇtawˇhkawˇ hta‸ na yuˬ tuˬ dawˇ cheˆ taˍ peuˬ.
113
Ngaˬ lehˬ nawˬ ve awˬliˇtawˇhkawˇ hta‸ ha‸ ve pa taw, nawˬ hta‸ ka ti‸ maˇ yeˬ ve chaw hui hta‸ ngaˬ canˇ ve yoˬ.
114
Nawˬ lehˬ ngaˬ hta‸ ha‸ shaˉ laˇ shehˍ hpaˇ hpeh‸ ve pa taw, nawˬ ve ka ti‸ hta‸ ngaˬ cuˇ chehˇ ve yoˬ.
115
Venˇbaˆ yaˇ teˇ hpaˍ-oˬ, ngaˬ geh lo tawˆ kʼai-o. Gʼuiˬsha ve awˬliˇtawˇhkawˇ teˇ hpaˍ hta‸ ngaˬ na yuˬ tuˬ yoˬ.
116
Ngaˬ a sha‸ gʼa te‸ chehˇ tuˬ nawˬ ka ti‸ cawˬ taˍ ve hkʼe, ngaˬ hta‸ awˬ gʼaˇ awˬ shaˉ pe‸ laˇ-oˆ. Ngaˬ dawˇ law chehˇ ve teˇ yanˇ, ngaˬ hta‸ nyi ma taˇ luˬ tcuh laˇ-oˆ.
117
Ngaˬ gʼa ponˬ tuˬ ngaˬ hta‸ vawˆ taˍ laˇ-oˆ. Nawˬ ve awˬliˇtawˇhkawˇ hta‸ ngaˬ hkʼaˬ htaˆ ka‸ na yuˬ tuˬ yoˬ.
118
Nawˬ ve awˬliˇtawˇhkawˇ hta‸ maˇ na yuˬ ve chaw hui hta‸ nawˬ chiˇ baˬ ve yoˬ. Yawˇ hui ve haiˬ ve dawˇ hkʼaˇ teˇ hpaˍ lehˬ, te‸ chiˉ awˬ bon maˇ cawˬ.
119
Nawˬ lehˬ haiˬ ve chaw teˇ hpaˍ hta‸ te‸ chiˉ awˬ hpfuhˇ maˇ cawˬ ve mawˇ hkʼe shawˍ taˍ ve yoˬ. Chi hta‸ pa taw, nawˬ maˍ laˇ ve tawˇ teˇ hpaˍ hta‸ ngaˬ ha‸ jaˇ ve yoˬ.
120
Nawˬ hta‸ pa taw ngaˬ kawˆ jaˇ ve yoˬ. Nawˬ ciˍ yanˍ laˇ ve hta‸ ngaˬ kawˆ jaˇ ve yoˬ.
121
Ngaˬ lehˬ da‸ ve hteˇ ve kanˉ hta‸ ceh tiˉ te ve yoˬ. Ngaˬ hta‸ canˇ paˍ teˇ hpaˍ ve la‸ sheh hkʼaw lo taˇ baˬ taˉ laˇ-oˆ.
122
Nawˬ ve awˬ ceˬ paˍ hta‸ ga laˇ tuˬ ka ti‸ te laˇ-oˆ. Nyi ma uiˍ ve chaw teˇ hpaˍ ngaˬ hta‸ taˇ kʼaw‸ fawˉ mehˍ laˇ piˇ-oˆ.
123
Nawˬ ka ti‸ cawˬ taˍ ve hkʼe, ngaˬ hta‸ htaiˍ hkʼaw‸ laˇ tuˬ ve hta‸ tiˉ law nyi chehˇ ve pa taw, ngaˬ ve mehˆ shiˍ awˬ gʼaˇ nuˇ jaˇ peuˬ ve yoˬ.
124
Nawˬ ha‸ pehnˇ ve hkʼaw ngaˬ hta‸ ga laˇ leh, nawˬ ve awˬliˇtawˇhkawˇ ngaˬ hta‸ maˍ laˇ-oˆ.
125
Ngaˬ lehˬ nawˬ ve awˬ ceˬ hpeh‸ ve yoˬ. Nawˬ maˍ laˇ ve tawˇ teˇ hpaˍ hta‸ shiˍ hpeh‸ tuˬ, ngaˬ hta‸ shiˍ puiˉ ve nyi ma pe‸ laˇ-oˆ.
126
Gʼuiˬsha-oˬ, chi beu‸ nawˬ kanˉ te yanˇ gaˬ peuˬ. Awˬ lawn kʼo, chaw yaˇ teˇ hpaˍ nawˬ ve awˬliˇtawˇhkawˇ hta‸ baˬ taˉ peuˬ.
127
Da‸ jaˇ ve shi a‸ kehˉ nawˬ ve awˬliˇtawˇhkawˇ hta‸ ngaˬ ha‸ jaˇ ve yoˬ.
128
Chi hta‸ pa taw, nawˬ maˍ laˇ ve tawˇ teˇ hpaˍ hta‸ ngaˬ na yuˬ leh, maˇ hteˇ maˇ cawˇ ve kanˉ teˇ hpaˍ hta‸ ngaˬ canˇ ve yoˬ.
129
Nawˬ maˍ laˇ ve tawˇ teˇ hpaˍ lehˬ anˇ tuˬ uiˍ jaˇ leh, nyi ma awˬ tawˬ hkʼa gaˬ ngaˬ na yuˬ chehˇ ve yoˬ.
130
Nawˬ hpeu‸ maˍ laˇ ve tawˇ teˇ hpaˍ awˬ gʼeuˆ piˇ laˇ leh, te‸ chiˉ maˇ shiˍ ve chaw hui hta‸ cuˇ yiˍ cawˬ la piˇ ve yoˬ.
131
Nawˬ ve awˬliˇtawˇhkawˇ teˇ hpaˍ hta‸ ngaˬ sheˉ lai leh, dawˇ law tcuhˉ taˍ ve yoˬ.
132
Nawˬ hta‸ ha‸ ve chaw teˇ hpaˍ hta‸ nawˬ ha kʼaˉ piˇ ve hkʼe, ngaˬ hpawˇ hpfuhˆ leh ngaˬ hta‸ a ciˉ ha kʼaˉ laˇ-oˆ.
133
Nawˬ ka ti‸ cawˬ taˍ ve hkʼe, ngaˬ maˇ gʼa paiˍ tuˬ a ciˉ ha‸ shaˉ laˇ-oˆ. Haiˬ ve awˬ ceuˬ ngaˬ hui hta‸ taˇ gʼaˇ piˇ lawˬ-o‸.
134
Nawˬ ve awˬliˇtawˇhkawˇ hta‸ ngaˬ na yuˬ hpeh‸ tuˬ, ngaˬ hta‸ fawˉ mehˍ laˇ chehˇ ve chaw hui ve la‸ sheh hkʼaw lo ngaˬ hta‸ a ciˉ ponˬ laˇ-oˆ.
135
Ngaˬ geh chehˇ taˍ leh ngaˬ hta‸ awˬ bon na‸ laˇ-oˆ. Nawˬ ve awˬliˇtawˇhkawˇ ngaˬ hta‸ maˍ laˇ-oˆ.
136
Chaw yaˇ teˇ hpaˍ nawˬ ve awˬliˇtawˇhkawˇ hta‸ maˇ na yuˬ ve pa taw, ngaˬ ve mehˆ gʼuiˬ iˉ kaˆ lawˬ hkʼe ya‸ la chehˇ ve yoˬ.
137
Gʼuiˬsha-oˬ, nawˬ lehˬ hteˇ jaˇ cawˇ jaˇ leh, nawˬ ve awˬliˇtawˇhkawˇ teˇ hpaˍ htawˇ hteˇ jaˇ cawˇ jaˇ ve yoˬ.
138
Nawˬ piˇ laˇ taˍ ve awˬliˇtawˇhkawˇ teˇ hpaˍ lehˬ awˬ tehˬ awˬ na hteˇ jaˇ cawˇ jaˇ ve yoˬ.
139
Ngaˬ ve canˇ paˍ teˇ hpaˍ nawˬ ve awˬliˇtawˇhkawˇ hta‸ maˇ shawˍ maˇ caˆ te ve pa taw, ngaˬ nyi ma zuhˆ ve teˇ ceuˬ aˬ miˍ hkʼa shuˍ to‸ chehˇ ve yoˬ.
140
Nawˬ ve ka ti‸ yeˬ jaˇ ve pa taw, oˇ ve teˇ hpaˍ hta‸ ngaˬ ha‸ jaˇ ve yoˬ.
141
Ngaˬ lehˬ te‸ chiˉ awˬ me‸ awˬ hponˇ maˇ cawˬ leh, shu chiˇ baˬ taˬ ve chaw hpeh‸ ve yoˬ. Ya‸ hkʼaˇ, ngaˬ lehˬ nawˬ ve awˬliˇtawˇhkawˇ hta‸ maˇ chiˇ baˬ.
142
Nawˬ ve hteˇ ve cawˇ ve teˇ ceuˬ co co yeˬ chehˇ leh, nawˬ ve awˬliˇtawˇhkawˇ htawˇ, hkʼaˬ htaˆ ka‸ hteˇ jaˇ ve yoˬ.
143
Ngaˬ geh lo kawˆ tuˬ dawˇ haˍ tuˬ hkʼa biˇ cawˬ taˍ ve yoˬ. Ya‸ hkʼaˇ, nawˬ ve awˬliˇtawˇhkawˇ ngaˬ hta‸ kʼaw‸ ha lehˬ la piˇ ve yoˬ.
144
Nawˬ maˍ laˇ ve tawˇ teˇ hpaˍ hkʼaˬ htaˆ ka‸ hteˇ jaˇ cawˇ jaˇ ve yoˬ. Ngaˬ a sha‸ gʼa te‸ tuˬ ngaˬ hta‸ shiˍ puiˉ ve nyi ma pe‸ laˇ-oˆ.
145
Nyi ma awˬ tawˬ hkʼa gaˬ ngaˬ nawˬ hta‸ kuˬ chehˇ ve yoˬ. Gʼuiˬsha-oˬ, ngaˬ kuˬ hkawˇ hta‸ a ciˉ na yuˬ laˇ-oˆ. Ngaˬ nawˬ ve awˬliˇtawˇhkawˇ hta‸ na yuˬ tuˬ yoˬ.
146
Ngaˬ nawˬ hta‸ kuˬ chehˇ ve yoˬ. Ngaˬ hta‸ a ciˉ ponˬ laˇ-oˆ. Nawˬ ve awˬliˇtawˇhkawˇ hta‸ ngaˬ na yuˬ tuˬ yoˬ.
147
Mvuhˇ nyi maˇ tawˆ la sheˍ htaˇ, ngaˬ hta‸ ga laˇ tuˬ ngaˬ nawˬ hta‸ kuˬ chehˇ ve yoˬ. Nawˬ ve ka ti‸ hta‸ ceh tiˉ ngaˬ cuˇ chehˇ ve yoˬ.
148
Nawˬ maˍ laˇ ve tawˇ teˇ hpaˍ hta‸ dawˇ nyi tuˬ teˇ haˉ mvuhˇ hkʼa htiˇ ngaˬ nawˇ taˍ ve yoˬ.
149
Gʼuiˬsha-oˬ, nawˬ ha‸ pehnˇ uiˍ ve pa taw, ngaˬ lawˬ ve awˬ hkawˇ hta‸ a ciˉ na yuˬ laˇ-oˆ. Nawˬ ha kʼaˉ puiˉ ve pa taw, ngaˬ ve a sha‸ hta‸ ha‸ shaˉ taˍ laˇ-oˆ.
150
Nawˬ ve awˬliˇtawˇhkawˇ hta‸ a ciˉ ka‸ maˇ shiˍ ve chaw hui ngaˬ hta‸ fawˉ mehˍ laˇ tuˬ ngaˬ paˇ lo jiˆ laˬ chehˇ ve yoˬ.
151
Ya‸ hkʼaˇ, Gʼuiˬsha-oˬ, nawˬ lehˬ ngaˬ paˇ lo chehˇ taˍ ve yoˬ. Nawˬ ve ka ti‸ htawˇ yeˬ jaˇ ve yoˬ.
152
Ponˬ laˬ htaˇ nawˬ maˍ laˇ ve tawˇ teˇ hpaˍ hta‸ ngaˬ gʼa henˇ jaw ve yoˬ. Tawˇ oˇ ve teˇ hpaˍ hta‸ nawˬ co co yeˬ chehˇ piˇ lawˬ ve yoˬ.
153
Ngaˬ lehˬ nawˬ ve awˬliˇtawˇhkawˇ hta‸ maˇ baˬ taˉ ve pa taw, ngaˬ tu‸ chehˇ hkanˍ chehˇ ve hta‸ nyi leh a ciˉ ponˬ laˇ-oˆ.
154
Ngaˬ hta‸ ha‸ shaˉ leh ponˬ laˇ-oˆ. Nawˬ ka ti‸ cawˬ taˍ ve hkʼe, ngaˬ hta‸ a ciˉ ponˬ laˇ-oˆ.
155
Haiˬ ve chaw teˇ hpaˍ lehˬ nawˬ ve awˬliˇtawˇhkawˇ hta‸ maˇ na yuˬ ve pa taw, gʼa ponˬ tuˬ ve maˇ heˆ.
156
Gʼuiˬsha-oˬ, nawˬ ha kʼaˉ ve teˇ ceuˬ uiˍ jaˇ maˇ jaˇ ve yoˬ. Ha kʼaˉ ve awˬ hkʼaw lo ngaˬ hta‸ a ciˉ ponˬ laˇ-oˆ.
157
Ngaˬ hta‸ fawˉ mehˍ gaˇ ve canˇ paˍ maˇ maˇ cawˬ ve yoˬ. Ya‸ hkʼaˇ, ngaˬ lehˬ nawˬ ve awˬliˇtawˇhkawˇ hta‸ na yuˬ tcuhˉ taˍ ve yoˬ.
158
Canˇ paˍ oˇ ve teˇ hpaˍ lehˬ, nawˬ ve awˬliˇtawˇhkawˇ hta‸ maˇ na yuˬ ve pa taw, ngaˬ hpeh‸ bawˬ jaˇ ve yoˬ.
159
Gʼuiˬsha-oˬ, nawˬ ve tawˇ hkawˇ hta‸ ngaˬ hkʼaˬ ma ha‸ ve hta‸ nyi sheˍ. Nawˬ ha‸ pehnˇ ve teˇ ceuˬ maˇ htaiˍ maˇ pa puiˉ ve pa taw, ngaˬ hta‸ a ciˉ ponˬ laˇ-oˆ.
160
Nawˬ ve awˬliˇtawˇhkawˇ lehˬ hteˇ jaˇ cawˇ jaˇ leh, co co yeˬ chehˇ ve yoˬ.
161
Awˬ gʼaˇ uiˍ ve chaw teˇ hpaˍ, maˇ hteˇ maˇ cawˇ ve hkʼaw ngaˬ hta‸ ca bawˆ la chehˇ ve yoˬ. Ya‸ hkʼaˇ, nawˬ ve awˬliˇtawˇhkawˇ hta‸ ngaˬ taˍ uiˍ ve yoˬ.
162
Nawˬ ve ka ti‸ teˇ hpaˍ hta‸ pa taw, ngaˬ hkʼaˬ ma gʼa ha lehˬ ve le. Ngaˬ lehˬ awˬ hpfuhˇ hkʼaˆ jaˇ ve mawˇ hta‸ ca mawˬ ve chaw hkʼe ha lehˬ jaˇ ve yoˬ.
163
Heˍ ve awˬ ceuˬ hkʼa peu-eˬ hta‸ ngaˬ canˇ leh, nawˬ ve awˬliˇtawˇhkawˇ hta‸ ngaˬ ha‸ ve yoˬ.
164
Nawˬ lehˬ hteˇ lehˍ cawˇ lehˍ suhˉ jehˬ ve pa taw, teˇ nyi suhˍ pawˆ ngaˬ nawˬ hta‸ chiˇ mvuh ve yoˬ.
165
Nawˬ ve awˬliˇtawˇhkawˇ hta‸ ha‸ ve chaw teˇ hpaˍ gawˬ lehˍ gʼa chehˇ leh, chaw teˇ gʼaˇ ka‸ yawˇ hui hta‸ paiˍ piˇ tuˬ te maˇ gʼa.
166
Gʼuiˬsha-oˬ, nawˬ ponˬ laˇ tuˬ hta‸ ngaˬ law taˍ leh, nawˬ kʼoˆ laˇ ve hkʼe ngaˬ te chehˇ ve yoˬ.
167
Nawˬ maˍ laˇ ve tawˇ teˇ hpaˍ hta‸ ngaˬ na yuˬ leh, nyi ma awˬ tawˬ hkʼa gaˬ ha‸ ve yoˬ.
168
Ngaˬ lehˬ nawˬ ve awˬliˇtawˇhkawˇ hta‸ na yuˬ leh, ngaˬ te chehˇ ve kanˉ teˇ ceuˬ le le hta‸ nawˬ mawˬ chehˇ taˍ ve yoˬ.
169
Gʼuiˬsha-oˬ, ngaˬ kuˬ ve awˬ hkawˇ nawˬ geh lo gaˬ la piˇ-oˆ. Nawˬ ka ti‸ cawˬ taˍ ve hkʼe, ngaˬ hta‸ shiˍ puiˉ ve cuˇ yiˍ pe‸ laˇ-oˆ.
170
Ngaˬ ve bon lawˬ hkawˇ hta‸ na yuˬ leh, nawˬ ka ti‸ cawˬ taˍ ve hkʼe, ngaˬ hta‸ a ciˉ ponˬ laˇ-oˆ.
171
Nawˬ ngaˬ hta‸ awˬliˇtawˇhkawˇ maˍ laˇ peuˬ ve pa taw, ngaˬ nawˬ hta‸ hkʼaˬ htaˆ ka‸ chiˇ mvuh tuˬ yoˬ.
172
Nawˬ ve awˬliˇtawˇhkawˇ hteˇ jaˇ cawˇ jaˇ ve pa taw, oˇ ve teˇ hpaˍ awˬ lawn ngaˬ kʼa muiˬ chiˇ mvuh tuˬ yoˬ.
173
Ngaˬ lehˬ nawˬ ve awˬliˇtawˇhkawˇ hta‸ na yuˬ tcuhˉ taˍ ve pa taw, ngaˬ hta‸ ga laˇ tuˬ hkʼaˬ htaˆ ka‸ gu taˍ hehnˇ taˍ-o‸.
174
Gʼuiˬsha-oˬ, nawˬ ponˬ laˇ tuˬ ve hta‸ ngaˬ dawˇ law tcuhˉ taˍ ve yoˬ. Nawˬ ve awˬliˇtawˇhkawˇ awˬ hkʼaw lo, ha lehˬ tuˬ hta‸ ngaˬ gʼa mawˬ ve yoˬ.
175
Ngaˬ nawˬ hta‸ chiˇ mvuh hpeh‸ tuˬ, ngaˬ hta‸ a sha‸ te‸ chehˇ tcuh laˇ-oˆ. Nawˬ maˍ laˇ ve tawˇ hkawˇ teˇ hpaˍ ngaˬ awˬ pon awˬ gʼaˇ awˬ shaˉ hpeh‸ piˇ-oˆ.
176
Ngaˬ lehˬ mehˉ kʼai taˍ ve yawˬ ehˉ hkʼa shuˍ caw toˇ chehˇ ve yoˬ. Chi hta‸ pa taw, ngaˬ hta‸ a ciˉ gʼa‸ ca la-o. Awˬ lawn kʼo, ngaˬ lehˬ nawˬ ve awˬliˇtawˇhkawˇ hta‸ hkʼaˬ htaˆ ka‸ na yuˬ tcuhˉ taˍ ve yoˬ.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150