1 Peter 5

Lao Bible (ฉบับอักษรลาว)

← Chapter 4 Jump to:

1ເຢຍ ຂວິນ ຢຽມ ເມີ່ຍ ບົວ ໜ່າຍ ຈິວ-ປາງ ເຍີຍ ຕສວັ໋ງ ມ່ຽນ ໂກ໋. ເຢຍ ຢ່າ ໂຕສ໋ວ ມ່ຽນ ໂກ໋, ຢ່າ ໂຕສ໋ວ ກີຕູ່ ສ່ຽວ ໂຄ້ວ ເຍີຍ ຕສອງ-ເຕສ໋ງ. ເຢຍ ຢ່າ ອ໋ອຍ ຈວັ່ງ ຈ໊ຽນ ຕສິ໊ບ ອກະຮ້າ ອ໋ອຍ ຫິ່ນ ທສວດ ເຍີຍ ອຈັງ-ຫລ່າງ.

2ເຢຍ ຂວິນ ເມີ່ຍ ບົວ ໂກ໋ວ ຫລົງ ທິນ-ຮູ່ງ ປຸນ ເມີ່ຍ ບົວ ໂກ໋ວ ວົ້ວ ກວັ້ນ ມ່ຽນ ຮນັ້ງ ໂກ໋ວ ປະກີ ຢູ້ງ ມ່ຽນ ໂກ໋ວ ນິ່ນ ບົວ ເຍີຍ ປະກີ ຢູ້ງ ນໍ. ອ໋ອຍ ຕສຸ ປວັ໊ງ ໂຮຍ້ວ ໂກ໋ວ, ຮນັ້ງ ທິນ-ຮູ່ງ ອ໋ອຍ ເມີ່ຍ ບົວ ໂຕສ໋ວ ນໍ, ໄມ້ ເຕສີ໌ຍ ຮນັ້ງ ຕສຸ ອ໊າບ ຈ໊ຽນ ໂຕສ໋ວ. ຢ່າ ໄມ້ ຕູ໋ງ ໂຕສ໋ວ ເຫວີ່ຍ ໂຕ້ວ ຕຸ໊ ຍ່ານ. ອ໋ອຍ ຕສຸ ປວັ໊ງ ໂຮຍ້ວ ໂຕສ໋ວ.

3ຢ່າ ໄມ້ ຕູ໋ງ ກຸ໊ນ ປະຫລະ ເຮນ້ຍ ທິນ-ຮູ່ງ ປຸນ ເມີ່ຍ ບົວ ໂກ໋ວ ວົ້ວ ເຕີ໋ຍ. ອ໋ອຍ ຕສຸ ໂຕສ໋ວ ຫລົງ ເຍີຍ ຫຍູ່ງ ເຕສີ໊ຍ ປຸນ ນິ່ນ ບົວ ຕສວດ.

4ເຖົາ ກີຕູ່, ຕົ້ງ ໂກ໋ວ ປະກີ ຢູ້ງ ເຍີຍ ຕົ້ມ ຕສ໊ຽວ, ຕ້າຍ ວົ້ວ ຕສັ່ນ, ເມີ່ຍ ບົວ ຕສ່ຽວ ຕຸ໊ ໄມ້ ໄຮ່ ໝິດ ເຍີຍ ອຈັງ-ຫລ່າງ ນີ້ງ.

5ເມີ່ຍ ບົວ ຫລຸນ ວົ້ວ ເຕີ໋ຍ ມຈັ່ງ ຕອນ ຟີ່ ຮນັ້ງ ເຍີຍ ອ໋ອຍ ຕສຸ ບົວະ ໂກ໋ ວົ້ວ ເຕີ໋ຍ ກຸ໊ນ. ອ໋ອຍ ຕສຸ ຫຍ່ຽມ ກັ້ນ ໂຕສ໋ວ ໄຝ, ລ່ານ ຟູ-ສູ ລ່ານ, ເຫວີ່ຍ ຕສຸ ກີງ-ໂຊວ ກ໊ອງ, “ທິນ-ຮູ່ງ ແຫງ່ງ ຈ໊ຽນ ໂຕສ໋ວ ເໝົາ ເຍີຍ ມ່ຽນ, ມປ່າ ນິ່ນ ເຖສີຍ ເອນ ປຸນ ຫຍ່ຽມ ກັ້ນ ໂຕສ໋ວ ໄຝ ວົ້ວ ເຕີ໋ຍ.”

6ຮນັ້ງ ໜ່າຍ ອ໋ອຍ ຕສຸ ຫຍ່ຽມ ກັ້ນ ໂຕສ໋ວ ໄຝ ຢຽມ ທິນ-ຮູ່ງ ມ່າຍ ທຈະ ເຍີຍ ປົ໌ວ-ເດ໊ຍ. ເຖົາ ນິ່ນ ຕີ່ງ ເຍີຍ ຕສຢັ້ງ ໂຫ່ ນິ່ນ ຕສ່ຽວ ທ່າຍ ເມີ່ຍ ບົວ ຝາວ.

7ອ໋ອຍ ຕສຸ ເຕສ໊າະ ຢຽດ ຕສູ໊ງ ໂຢວ-ເດສົ້າ ກວັ່ງ ປຸນ ນິ່ນ ເຫວີ່ຍ ຕສຸ ນິ່ນ ໂກ໋ວ ຈ໊ຽນ ເມີ່ຍ ບົວ.

8ອ໋ອຍ ຕສຸ ກີງ ໂຮຍ້ວ ບູ້ງ ຈ໊ຽນ. ເມີ່ຍ ບົວ ເຍີຍ ວິນ-ວັ້ງ, ມ້ຽນ ເຍີຍ ຮູ່ງ, ຮນັ້ງ ຊ່ຽນ ນໍ ອຈຸ້ນ ຈ໊ຽນ ມີ່ງໆ ຕ້າຍໆ ລໍ໌ ມ່ຽນ ຫງາດ ຫຍັ່ນ.

9ອ໋ອຍ ຕສຸ ສຽນ ວ້ວນ, ແຫງ່ງ ຈ໊ຽນ ມ້ຽນ ເຍີຍ ຮູ່ງ, ເຫວີ່ຍ ຕສຸ ເມີ່ຍ ບົວ ຮິ້ວ ຕຸ໊ ຢຽມ ນ້າຍ ລູ່ງ ເດ໊ຍ ສຽນ ເຢຊູ ເຍີຍ ກໍ໋-ໂຢ໌ວ ຢ່າ ຮນັ້ງ ເມີ່ຍ ບົວ ນໍ, ຕສຸ ປວັ້ງ ນ້າຍ ຫຍູ່ງ ໂຄ້ວ.

10ມປ່າ ຕສົ໊ວ ເມີ່ຍ ບົວ ຕສຸ ສ່ຽວ ໂຄ້ວ ຖສາມ ປ໊າ ລິ໌ວ, ເຖສີຍ ຫຍູ່ງໆ ເອນ ເຍີຍ ທິນ-ຮູ່ງ, ຕົ້ງ ເຫ່ວ ເມີ່ຍ ບົວ ເຖສົາ ກີຕູ່ ຈວັ່ງ ແໝ່ງ ຕສຢັ້ງ, ຢຽດ ລິ໌ວ ຈວັ່ງ ນິ່ນ ເຍີຍ ອຈັງ-ຫລ່າງ ວົ້ວ ເຕົ້າ, ອ໋ອຍ ປຸນ ເມີ່ຍ ບົວ ຕຸ້ນ ຢຸ້ນ, ສຽນ ເຮ້ນ ຢ່າ ສຽນ ວ້ວນ.

11ທິນ-ຮູ່ງ ເຍີຍ ທຈະ ຢຽດ ລິ໌ວ ຢຽມ ເຖົາ ໝ່ານ ໂກ໊ວ ໝ່ານ ຕ່ອຍ. ອາເມນ.

12ຊີລາ ເຖງ ເຢຍ ເຟ້ຍ ນ້າຍ ເຕສີ໊ຍ ຝຽນ ເຊ ນັ້ງ ເຍີຍ. ເຢຍ ຢ່າ ຝຸນ ນິ່ນ ໂຕສ໋ວ ຕສຽບ ຕສົ໊ວະ ເຍີຍ ກໍ໋-ໂຢ໌ວ. ເຢຍ ເຟ້ຍ ຂວິນ ເມີ່ຍ ບົວ ຢ່າ ໂຕສ໋ວ ຕສອງ-ເຕສ໋ງ ກ໊ອງ ນ້າຍ ເຊ ທິນ-ຮູ່ງ ເຍີຍ ຕສຽນ ເອນ. ເມີ່ຍ ບົວ ອ໋ອຍ ຕສຸ ເຂົາ ວ້ວນ ນິ່ນ ເຍີຍ ເອນ ອ໊ະ.

13ບາບີລົນ ຕສີ້ງ ເຍີຍ ຈິວ-ປາງ ຢ່າ ຈັ໋ງ ເຖົາ ເມີ່ຍ ບົວ. ທິນ-ຮູ່ງ ຢ່າ ກິ໊ນ ນິ່ນ ບົວ ຮນັ້ງ ກິ໊ນ ເມີ່ຍ ບົວ ນໍ. ເຢຍ ເຍີຍ ຕອນ, ມາໂຄ, ຢ່າ ຈັ໋ງ ເຖົາ ເມີ່ຍ ບົວ.

14ເມີ່ຍ ບົວ ຫວຸ່ຍ ປວັ້ງ ອ໋ອຍ ຕສຸ ໂຕສ໋ວ ໂຮຍ້ວ ທສີງ-ເດສ່ງ ຕສົມ ຮມຽນ ປຸນ ທສີງ ລ່ານ ຮນ້ຳ ລ່ານ. ໂທ້ ທິນ-ຮູ່ງ ປຸນ ເມີ່ຍ ບົວ ຢຽດ ຕສູ໊ງ ເຖສົາ ກີຕູ່ ຈວັ່ງ ແໝ່ງ ຕສຢັ້ງ ເຍີຍ ມ່ຽນ ຕຸ໊ ແປ້ງ ອອນ.

← Chapter 4 Jump to: