1 Timothy 2

Lao Bible (ฉบับอักษรลาว)

← Chapter 1 Jump to: Chapter 3 →

1ຮນັ້ງ ນ້າຍ, ຕະຢ໊ຽດ ເຢຍ ຂວິນ ເມີ່ຍ ອ໋ອຍ ຕສຸ ເຖງ ໝ່ານ ມ່ຽນ ໂທ້ ທິນ-ຮູ່ງ. ອ໋ອຍ ຕສຸ ເຫວີ່ຍ ນິ່ນ ບົວ ເຕົ໋າ ເກົ໋າ, ໂຈ້ວ ທິນ-ຮູ່ງ, ແລ໌ງ ຕສີ້ງ ທິນ-ຮູ່ງ.

2ຢ່າ ອ໋ອຍ ຕສຸ ເຫວີ່ຍ ຕສວັ໋ງ ຮູ່ງ ເຕ໋ຍ ເຖສົາ ຢຽດ ຕສູ໊ງ ໂຕສ໋ວ ໂຮລ ກຸ໊ນ ແປະ ຝີງ ວົ້ວ ເຕີ໋ຍ ເຕົ໋າ ເກົ໋າ, ປຸນ ບົວ ໄມ້ ມ່າຍ ສີ່, ຖາຍ-ແປ້ງ ເຍີຍ ຢຽມ, ຕສ່ຽວ ໄຮ່ ຫລົງໆ ເຍີຍ ຕສັ່ງ ທິນ-ຮູ່ງ, ລ່ານ ຢ່າ ທ່າຍ ລ່ານ.

3ຮນັ້ງ ນ້າຍ ເຕົ໋າ ເກົ໋າ ເຊ ຫລົງ ເຍີຍ, ຢ່າ ຫອບ ບົວ ເຍີຍ ໂອຈ໋ວ ຕສ໊ຽວ ທິນ-ຮູ່ງ.

4ທິນ-ຮູ່ງ ອ໋ອຍ ໝ່ານ ມ່ຽນ ຕຸ໊ ໂອຈ໋ວ ຢ່າ ອ໋ອຍ ນິ່ນ ບົວ ຮິ້ວ ຕຸ໊ ຕສຽນ ເລີ໌ຍ.

5ເຫວີ່ຍ ຕສຸ ມ່າຍ ດຸ ເຕົ້າ ທິນ-ຮູ່ງ ຮນັ້ງ. ຢ່າ ມ່າຍ ດຸ ເຕົ້າ ຢຽມ ທິນ-ຮູ່ງ ເຖສົາ ມ່ຽນ ບຸດົ໋ງ ໂຕສ໋ວ ບຸດົ໋ງ ມ່ຽນ, ເຊ ກີຕູ່ ເຢຊູ, ຕົ້ງ ເປ໋ນ ປ້າມ ມ່ຽນ ວົ້ວ ເຕົ້າ.

6ກີຕູ່ ເຢຊູ ເຊ້ຍ ນິ່ນ ກັ້ນ ເຍີຍ ແໝ່ງ ເຫວີ່ຍ ຕສົວະ ໝ່ານ ມ່ຽນ ດສ໋ວນ. ເຖົາ ຫອບ ເຍີຍ ຕສຢັ້ງ ໂຫ່ ນິ່ນ ຮນັ້ງ ນ້າຍ ນໍ ໂຕສ໋ວ ປຸນ ທສີງ ທິນ-ຮູ່ງ ອ໋ອຍ ໝ່ານ ມ່ຽນ ຕຸ໊ ໂອຈ໋ວ.

7ເຫວີ່ຍ ນ້າຍ ທິນ-ຮູ່ງ ພ້າຍ ເຢຍ ໂຕສ໋ວ ຕສຸ້ນ ໂຕ໌ ມ່ຽນ ຢ່າ ພ້າຍ ເຢຍ ໂຕສ໋ວ ກົງ-ໂຕສ້, ໂຕສ໋ວ ຟິນ-ແຊງ ອຈ໋າວ ໝ່ານ ຝີງ ຈັ໋ນ ສຽນ ເຢຊູ, ຢ່າ ຮິ້ວ ຕຸ໊ ຕສຽນ ເລີ໌ຍ. ນ້າຍ ເຢຍ ໄມ້ ກ໊ອງ-ແປະ. ເຢຍ ກ໊ອງ ຕສຽນ ເຍີຍ.

8ເຢຍ ອ໋ອຍ ຢຽມ ນອມໆ ຕ໋ອງ ເຍີຍ ມຈັ່ງ ຕອນ ຊູງ ເຈ໌ຍ ທສີງ-ເດສ່ງ ເຍີຍ ປົ໌ວ ເຕົ໋າ ເກົ໋າ, ຢ່າ ໄມ້ ເຖຈຍ ເຈ໌ຍ, ໄມ້ ແດສງ ຈ໋າ.

9ເຢຍ ຢ່າ ອ໋ອຍ ມເຊັຍ ຕອນ ຕສຸ໊ ຕສົງ ຮ່ອງ ລຸຍ-ໂຫວ. ໄມ້ ຕູ໋ງ ຕສອງ ເຫວີ່ຍ ສາຍ-ລຢັ໌ງ ມ່ຽນ, ຢ່າ ໄມ້ ຕູ໋ງ ກິ໊ດ ບະເປຢີຍ ບິ໌ນ, ໄຟ ຫລົ່ງ ຈ໋າຍ ເຍີຍ ຫລະເປຢີ໊ຍ-ໂຕສວ, ໄຟ ຈຽມ, ໄຟ ຫລົ່ງ ຈ໋າຍ ໄຫ່ ເຍີຍ ລຸຍ-ໂຫວ ຕສອງ ຊິນ.

10ມເຊັຍ ຕອນ ອ໋ອຍ ຕສຸ ໂຕສ໋ວ ຄູ້ ສີ່ ເຫວີ່ຍ ຕສອງ ກັ້ນ. ນ້າຍ ເຊ ຜຸຍ ຫຍ່ຽມ ສຽນ ທິນ-ຮູ່ງ ເຍີຍ ມເຊັຍ ຕອນ ໂຕສ໋ວ ເຍີຍ ສີ່.

11ໂຫະ ໂຕ໌-ເລີ໌ຍ ເຍີຍ ຕສຢັ້ງ ໂຫ່, ມເຊັຍ ຕອນ ອ໋ອຍ ຕສຸ ເດສັຍ ດສີ໌ງ ຢ່າ ໂຮຍ້ວ ສ່ວນ ເຍີຍ.

12ເຢຍ ໄມ້ ປຸນ ມເຊັຍ ຕອນ ອຈ໋າວ ໄຟ ຫລົ່ງ ຫັດ ມ໌າ ກຸ໊ນ ມຈັ່ງ ຕອນ. ມເຊັຍ ຕອນ ອ໋ອຍ ຕສຸ ເດສັຍ ດສີ໌ງ ເຍີຍ,

13ເຫວີ່ຍ ຕສຸ ທິນ-ຮູ່ງ ເຕສີ໋ຍ ອາດຳ ດ່າງ, ອກະຮ້າ ຖສີງ ເຕສີ໋ຍ ຮາວາ.

14ຕສຸ ດົ໊ວ ເຍີຍ ເຊ ໄມ້ ເຕສີ໌ຍ ອາດຳ. ຕສຸ ດົ໊ວ ເຍີຍ ເຊ ມເຊັຍ ຕອນ, ນິ່ນ ຕສ່ຽວ ປ໌າມ ຕສຸ໌ຍ ອ໊ະ.

15ມປ່າ ເຫວີ່ຍ ຕສຸ ມເຊັຍ ຕອນ ຢູ໌ງ ກູ້ ງວ໌າ, ເຊ ກ໊ອງ ຕສັ່ນໆ ສຽນ ຫລົງ, ມ່າຍ ໂຮຍ້ວ ຮນ້ຳ ມ່ຽນ, ໂຕສ໋ວ ທສີງ-ເດສ່ງ ຢ່າ ກຸ໊ນ ຕຸ໊ ກັ້ນ, ນິ່ນ ບົວ ຕສ່ຽວ ຕຸ໊ ໂອຈ໋ວ.

← Chapter 1 Jump to: Chapter 3 →