2 Thessalonians 2

Lao Bible (ฉบับอักษรลาว)

← Chapter 1 Jump to: Chapter 3 →

1ຕສວັ໋ງ ກໍ໋-ໂຢ໌ວ ອ່າ, ກ໊ອງ ເຖົາ ບົວ ເຍີຍ ຕສ໊ຽວ ເຢຊູ ກີຕູ່ ແອ໋ງ ຕ້າຍ ຢ່າ ກ໊ອງ ເຖົາ ນິ່ນ ອ໋ອຍ ຊຽວ ຕສຸ໊ນ ບົວ, ປຸນ ບົວ ເຖສົາ ນິ່ນ ຢຽມ, ເຢຍ ບົວ ໂທ້ ເມີ່ຍ ບົວ

2ໄມ້ ຕູ໋ງ ໂຮຍ້ວ ຮວາງ ໂຮຍ້ວ ຫລຸ່ນ, ເຫວີ່ຍ ຕສຸ ມ່າຍ ເຕີ໋ຍ ມ່ຽນ ກ໊ອງ ຕສ໊ຽວ ຕ້າຍ ເຍີຍ ຮນອຍ ເຖົາ ລິ໌ວ ອ໊ະ. ໄມ້ ກຸ໊ນ ມ່າຍ ມ່ຽນ ກ໊ອງ ສີງ ລີ່ງ ປຸນ ເຢຍ ບົວ ໂຕ່ວ ຫວ່າ, ໄຟ ຕສຸ້ນ ຕ້າຍ ກ໊ອງ ໄຟ ເຟ້ຍ ຝຽນ ຮນັ້ງ ນ້າຍ ນໍ ກ໊ອງ.

3ໄມ້ ຕູ໋ງ ປຸນ ຫາຍ ເຕົ້າ ຫລົ່ງ ຫາຍ ຫຍູ່ງ ຕສະເອີ໋ຍ ດົ໊ວ ເມີ່ຍ ບົວ. ວົ້ວ ນອມ ຮນອຍ ໄມ້ ແກ້ງ ເຖົາ, ຕສູ໊ງ ອ໋ອຍ ຕສຸ ມ່າຍ ນ້າຍ ເຕີ໋ຍ ສີ່ ທສວດ. ມ່ຽນ ອ໋ອຍ ແຫງ່ງ ຈ໊ຽນ ທິນ-ຮູ່ງ, ຢ່າ ມ່າຍ ປ໌າມ ເລີ໌ຍ-ຫລັດ ວົ້ວ ເຕົ້າ ຫິ່ນ ທສວດ ຕ້າຍ, ຕົ້ງ ຕສູ໊ງ ອ໋ອຍ ຕສຸ ໝຽດ ວົ້ວ ເຕົ້າ.

4ນິ່ນ ອ໋ອຍ ແຫງ່ງ ຈ໊ຽນ ຢ່າ ເທສງ ກັ້ນ ເກົ້າ ໂຮລ ເຈ໋ຍ ຕົ້ງ ມ່ຽນ ເຫ່ວ ຕສ້ຽນ ເຖສົາ ມ່ຽນ ຕສັ່ງ ເຍີຍ ຢຽດ ຕສູ໊ງ. ນິ່ນ ຕສູ໊ງ ອ໋ອຍ ເຕສວີ໌ຍ ຈ໊ຽນ ຕສັ່ງ ທິນ-ຮູ່ງ ເຍີຍ ເປຢົ໊າ ກະຍົ໌ວ ກ໊ອງ ນິ່ນ ກັ້ນ ໂຕສ໋ວ ທິນ-ຮູ່ງ.

5ເມີ່ຍ ບົວ ຈັ໋ງ ໄມ້ ຕຸ໊ ໄຟ? ເຢຍ ເຖສົາ ເມີ່ຍ ບົວ ຢຽມ ວົ້ວ ຕສັ່ນ ເຢຍ ຕສູ໊ງ ເຕສ໊າະ ນ້າຍ ເຕີ໋ຍ ສີ່ ບົ໋ວ ເມີ່ຍ ບົວ ໝີ່ ອ໊ະ.

6ເມີ່ຍ ບົວ ຢ່າ ຮິ້ວ ຕຸ໊ ຫາຍ ຫຍູ່ງ ຕັ໊ງ ຈ໊ຽນ ໄມ້ ແກ້ງ ປຸນ ນ້າຍ ເຕີ໋ຍ ສີ່ ທສວດ. ຮນັ້ງ ໜ່າຍ, ເຖົາ ຕສຢັ້ງ ໂຫ່, ປ໌າມ ເລີ໌ຍ-ຫລັດ ວົ້ວ ເຕົ້າ ຕສ່ຽວ ຫິ່ນ ທສວດ ຕ້າຍ ອ໊ະ.

7ອີ້ ຕສັ່ນ ປ໌າມ ເລີ໌ຍ-ຫລັດ ເຍີຍ ທຈະ ເປີ່ຍ ເດ໊ຍ ໂຕສ໋ວ ກົງ, ມປ່າ ຕັ໊ງ ຈ໊ຽນ ນ້າຍ ເຕີ໋ຍ ທຈະ ວົ້ວ ເຕົ້າ ອ໋ອຍ ຕັ໊ງ ຈ໊ຽນ ມີ່ງ ເຖົາ ທິນ-ຮູ່ງ ຕໍ້ ນິ່ນ ທສວດ ມີ່ງ.

8ເຖົາ ວົ້ວ ຕສັ່ນ ປ໌າມ ເລີ໌ຍ-ຫລັດ ວົ້ວ ເຕົ້າ ອ໋ອຍ ຫິ່ນ ທສວດ ຕ້າຍ. ມປ່າ ຕສ໊ຽວ ເຢຊູ ແອ໋ງ ເອຈ່ຍ ຕ້າຍ ວົ້ວ ຕສັ່ນ, ເຢຊູ ຕສ່ຽວ ຫລົ່ງ ຢຽມ ດສຸ້ຍ ປຢົ໊ມ ທສວດ ເຍີຍ ເຖຈຍ ໄຕ໋ ວົ້ວ ເຕົ້າ, ຢ່າ ຫລົ່ງ ເອຈ່ຍ ຕ້າຍ ວົ້ວ ຕສັ່ນ ມ່າຍ ເຍີຍ ອຈັງ-ຫລ່າງ ໝຽດ ເດສ່ງ ນິ່ນ.

9ປ໌າມ ເລີ໌ຍ-ຫລັດ ວົ້ວ ເຕົ້າ ຕ້າຍ ວົ້ວ ຕສັ່ນ ເຊ ຕສິ໋ວ ຊາຕານ ໂຕສ໋ວ ເຍີຍ ກົງ, ຢ່າ ມ່າຍ ຊາຕານ ເຍີຍ ທຈະ ໂຕສ໋ວ ຫຍູ່ງໆ ຈ໊າ ເຍີຍ ຈັ໋ງ-ໂຫ່ ເຖສົາ ບົວະ ຮ່ອງ ເຍີຍ ສີ່.

10ນິ່ນ ຢ່າ ອ໋ອຍ ຫລົ່ງ ຫຍູ່ງໆ ກູ໊ ໄກວ໋ ເຍີຍ ເອ໊າະ ຕສະເອີ໋ຍ ດົ໊ວ ອ໋ອຍ ຕສຸ ໝຽດ ເຍີຍ ມ່ຽນ. ນິ່ນ ບົວ ຕສຸ ໝຽດ ເຫວີ່ຍ ຕສຸ ນິ່ນ ບົວ ໄມ້ ຮນ້ຳ ຕສຽນ ເລີ໌ຍ ຕສ່ຽວ ໄມ້ ຕຸ໊ ໂອຈ໋ວ.

11ເຫວີ່ຍ ນ້າຍ ທິນ-ຮູ່ງ ປຸນ ນິ່ນ ບົວ ຕສຸ ດົ໊ວ ມ່ຽນ ໂຕສ໋ວ ຕ່ອງ ເຍີຍ ທຈະ ກຸ໊ນ ຈ໊ຽນ, ດົ໊ວ ນິ່ນ ບົວ ສຽນ ຈ໊າ ເຍີຍ.

12ຮນັ້ງ ໜ່າຍ, ໄມ້ ສຽນ ຕສຽນ ເລີ໌ຍ, ຕ໋າວ ດສ໋ວນ ອະເຮນີ້ຍ ໂຕສ໋ວ ຕສຸ໌ຍ ເຍີຍ ຕສວັ໋ງ ມ່ຽນ, ຕສູ໊ງ ອ໋ອຍ ຕສຸ ຕີ່ງ ຕສຸ໌ຍ ອ໊ະ.

13ຕສ໊ຽວ ຮນ້ຳ ເຍີຍ ຕສວັ໋ງ ກໍ໋-ໂຢ໌ວ ອ່າ, ເຢຍ ບົວ ອ໋ອຍ ຕສຸ ຕສັ່ນໆ ເຫວີ່ຍ ເມີ່ຍ ບົວ ແລ໌ງ ຕສີ້ງ ທິນ-ຮູ່ງ, ເຫວີ່ຍ ຕສຸ ຢຽມ ກອນ ທິນ-ຮູ່ງ ກິ໊ນ ເມີ່ຍ ບົວ ເຫວີ່ຍ ປຸນ ເມີ່ຍ ບົວ ຕຸ໊ ໂອຈ໋ວ. ເມີ່ຍ ບົວ ຕຸ໊ ໂອຈ໋ວ ເຊ ເຫວີ່ຍ ເມີ່ຍ ບົວ ເຂົາ ສີງ ລີ່ງ ປຸນ ເມີ່ຍ ບົວ ເປ໋ນ ທິນ-ຮູ່ງ ເຍີຍ ທສີງ-ເດສ່ງ ມ່ຽນ, ຢ່າ ເຫວີ່ຍ ເມີ່ຍ ບົວ ສຽນ ຕສຽນ ເລີ໌ຍ.

14ທິນ-ຮູ່ງ ຫລົ່ງ ເຢຍ ບົວ ຕສຸ້ນ ເຍີຍ ຄູ້ ຝຽນ ເຫ່ວ ເມີ່ຍ ບົວ ຕ້າຍ ສຽນ. ຢ່າ ເຫ່ວ ເມີ່ຍ ບົວ ຕ້າຍ ເຫວີ່ຍ ຕຸ໊ ປ່ວນ ບົວ ເຍີຍ ຕສ໊ຽວ ເຢຊູ ກີຕູ່ ເຍີຍ ອຈັງ-ຫລ່າງ.

15ກໍ໋-ໂຢ໌ວ ອ່າ, ອ໋ອຍ ຕສຸ ສຽນ ວ້ວນ, ໄມ້ ຕູ໋ງ ປູ໋ງ ດ໊ອດ ເຢຍ ບົວ ອຈ໋າວ ເຍີຍ ຕສຽນ ເລີ໌ຍ, ໄມ້ ກຸ໊ນ ເຢຍ ບົວ ຕສຸ້ນ ເຍີຍ ຫວ່າ ໄຟ ເຟ້ຍ ຝຽນ ອຈ໋າວ ເຍີຍ ຫວ່າ.

16ໂທ້ ບົວ ເຍີຍ ຕສ໊ຽວ ເຢຊູ ກີຕູ່ ກັ້ນ ເຖສົາ ບົວ ເຍີຍ ຕສັ່ງ ເຕ໋ຍ ທິນ-ຮູ່ງ, ຕົ້ງ ຮນ້ຳ ບົວ, ຢ່າ ເຖສີຍ ເອນ ຢຽດ ລິ໌ວ ອອນ ບົວ ເຍີຍ ໂຮຍ້ວ, ຢ່າ ປຸນ ຫລົງ ໄຫ່ ເຍີຍ ມ່າຍ ລ່ຳ ຮນ້ຳ, ວົ້ວ ເຕົ້າ,

17ອອນ ເມີ່ຍ ບົວ ເຍີຍ ໂຮຍ້ວ ຢ່າ ຫລຽບ ວ້ວນ ເມີ່ຍ ບົວ ເຫວີ່ຍ ໂຕສ໋ວ ຫຍູ່ງໆ ຄູ້ ສີ່ ຢ່າ ກ໊ອງ ຫຍູ່ງໆ ຄູ້ ຫວ່າ.

← Chapter 1 Jump to: Chapter 3 →