Colossians 3

Lao Bible (ฉบับอักษรลาว)

← Chapter 2 Jump to: Chapter 4 →

1ເມີ່ຍ ບົວ ຕສູ໊ງ ຕຸ໊ ເຖສົາ ກີຕູ່ ນັ່ງ ຕ້າຍ, ເມີ່ຍ ບົວ ຕສ່ຽວ ອ໋ອຍ ຕສຸ ລໍ໌ ຢຽມ ກູ້ ຫງວ່າຍ ເຍີຍ ສີ່, ຕົ້ງ ກີຕູ່ ເຕສວີ໌ຍ ຈ໊ຽນ ນິ່ນ ເຍີຍ ເຕຍ ເຍີຍ ບຢ່າວ ແໝງ ປູງ ວົ້ວ ນອມ ຕ໋ອງ.

2ເມີ່ຍ ບົວ ອ໋ອຍ ຕສຸ ຕສຸ໊ນ ໂຮຍ້ວ ຮນ້ຳ ກູ້ ຫງວ່າຍ ເຍີຍ ສີ່, ໄມ້ ເຕສີ໌ຍ ຢຽມ ນ້າຍ ປ້າມ ເກນ ເຍີຍ ສີ່.

3ເຫວີ່ຍ ຕສຸ ເມີ່ຍ ບົວ ເຊ ຕ໋ອງ ໄຕ່ ໝີ່ ອ໊ະ. ເມີ່ຍ ບົວ ເຍີຍ ຕສຢັ້ງ ແໝ່ງ ເຖສົາ ກີຕູ່ ປີ໋ງ ຈ໊ຽນ ຢຽມ ທິນ-ຮູ່ງ ກະຍົ໌ວ.

4ກີຕູ່ ຕົ້ງ ບົວ ເຍີຍ ຕສຽນ ຕສຢັ້ງ ແໝ່ງ. ນິ່ນ ຫິ່ນ ທສວດ ເຍີຍ ຕສຢັ້ງ ໂຫ່, ບົວ ຢ່າ ອ໋ອຍ ເຖສົາ ຈ໊ຽນ ນິ່ນ ຫິ່ນ ທສວດ ຢ່າ ຈວັ່ງ ນິ່ນ ເຍີຍ ອຈັງ-ຫລ່າງ.

5ເຫວີ່ຍ ນ້າຍ ອ໋ອຍ ຕສຸ ໝຽດ ເດສ່ງ ເມີ່ຍ ບົວ ເຍີຍ ຊິນ ຕສັ່ງ ຫັ່ນ ອ໋ອຍ ໂຕສ໋ວ ເຍີຍ ຫຍູ່ງໆ ຫວ່າຍ ສີ່. ອ໋ອຍ ຕສຸ ກວັ່ງ ປວັ້ງ ລ່ຽວ ເຍີຍ ສີ່, ໄມ້ ທສີງ-ເດສ່ງ ເຍີຍ, ໂຮຍ້ວ ຫັ່ນ ເຊັຍ ຫັ່ນ ຕອນ ເຍີຍ, ໂຮຍ້ວ ອ໋ອຍ ໂຕສ໋ວ ເຍີຍ ເອ໊າະ ສີ່, ເຖສົາ ເມົ້າ ກະນ້າຍ ເຍີຍ, (ເມົ້າ ກະນ້າຍ ເຊ ຮນັ້ງ ປ໋າຍ ໝິ່ວ-ຝັງ ນໍ.)

6ຫລາຍ ນ້າຍ ເຕີ໋ຍ ສີ່ ທິນ-ຮູ່ງ ອ໋ອຍ ປຸນ ໄມ້ ໝວັງ ນິ່ນ ເຍີຍ ຫວ່າ ວົ້ວ ເຕີ໋ຍ ຕສຸ ນິ່ນ ໂນ໌ວ ຈ໊ຽນ.

7ຕສິ້ນ ດ່າງ ເມີ່ຍ ບົວ ຢ່າ ຮນັ້ງ ນ້າຍ ນໍ ໂຕສ໋ວ, ຕົ້ງ ເມີ່ຍ ບົວ ປຸນ ນ້າຍ ຫຍູ່ງ ສີ່ ກຸ໊ນ ເມີ່ຍ ບົວ ວົ້ວ ຕສັ່ນ.

8ມປ່າ ອີ້ ຕສັ່ນ ເມີ່ຍ ບົວ ອ໋ອຍ ຕສຸ ກວັ່ງ ນ້າຍ ເຕີ໋ຍ ຢຽດ ຕສູ໊ງ ສີ່. ໄມ້ ຕູ໋ງ ໂນ໌ວ ມ່ຽນ, ເຖຈຍ ເຈ໌ຍ, ດສອງ ມ່ຽນ. ໄມ້ ຕູ໋ງ ກ໊ອງ ໂຕະ ມ່ຽນ ໄຟ ຫລົ່ງ ເມີ່ຍ ບົວ ເຍີຍ ດສຸ້ຍ ກ໊ອງ ຫາຍ ຫຍູ່ງ ຫວ່າ-ໂທສວ.

9ລ່ານ ໄມ້ ຕູ໋ງ ກ໊ອງ-ແປະ ດົ໊ວ ລ່ານ, ເຫວີ່ຍ ຕສຸ ເມີ່ຍ ບົວ ກວັ່ງ ເມີ່ຍ ບົວ ເຍີຍ ໂລ໌-ແໝ່ງ ເຖສົາ ໂລ໌-ແໝ່ງ ໂຕສ໋ວ ເຍີຍ ສີ່,

10ແອ໋ງ ຕຸ໊ ຊຢັງ-ແໝ່ງ. ນ້າຍ ຫຍູ່ງ ຊຢັງ-ແໝ່ງ, ເຕສີ໋ຍ ໝ່ານ ໝວດ ເຍີຍ ທິນ-ຮູ່ງ ຕສັ່ນໆ ເຕສີ໋ຍ ຕ້າຍ ຊຢັງ ເຍີຍ, ກຸ໊ນ ໂຕສ໋ວ ກຸ໊ນ ຕສວັ໊ງ ນິ່ນ ເຍີຍ ຝັງ ເຕສີ໊ຍ, ເຫວີ່ຍ ປຸນ ເມີ່ຍ ບົວ ໄຮ່ ຮິ້ວ ເດສ່ງ ນິ່ນ ກັ້ນ.

11ຮນັ້ງ ໜ່າຍ, ຈັ໋ນ ເຖສົາ ຢິວໄທ ມ່ຽນ ຟີ່ ຮນັ້ງ ເຍີຍ, ໄມ້ ກັ້ນ ຫຍູ່ງ, ເຈ໋ຍ ກ໊າດ ເຍີຍ ເລີ໌ຍ ໄຟ ໄມ້ ເຈ໋ຍ ກ໊າດ ເຍີຍ, ໄມ້ ກັນ ຈັ໋ນ-ກີກ ເຍີຍ ເລີ໌ຍ ໄຟ ຢຽມ ຫລົ່ມ ເຍີຍ ມ່ຽນ, ໂຕສ໋ວ ໂນ່ວ ເຍີຍ ໄຟ ໄມ້ ໂຕສ໋ວ ໂນ່ວ ເຍີຍ, ຢຽດ ຕສູ໊ງ ໄມ້ ກັ້ນ ຫຍູ່ງ, ມປ່າ ກີຕູ່ ເຊ ຢຽດ ຕສູ໊ງ, ຢ່າ ຢຽມ ຢຽດ ຕສູ໊ງ.

12ທິນ-ຮູ່ງ ຮນ້ຳ ເມີ່ຍ ບົວ ຢ່າ ກິ໊ນ ເມີ່ຍ ບົວ ຕ້າຍ ເປ໋ນ ນິ່ນ ກັ້ນ ເຍີຍ ທສີງ-ເດສ່ງ ມ່ຽນ. ເຫວີ່ຍ ນ້າຍ ເມີ່ຍ ບົວ ອ໋ອຍ ຕສຸ ມ່າຍ ໂຮຍ້ວ ຄໍ້-ລ່ຽນ ມ່ຽນ, ໂຕສ໋ວ ຫລົງ ປຸນ ມ່ຽນ, ຫຍ່ຽມ ກັ້ນ ໂຕສ໋ວ ໄຝ, ສ່ວນ ຕສີ້ງ ສ່ວນ ເອີ໋ຍ ຢ່າ ມ່າຍ ໜ່ອຍ ເຕ໊ຍ.

13ອ໋ອຍ ຕສຸ ໂຕສ໋ວ ໂຮຍ້ວ ດ໊າວ, ລ່ານ ຫຍ່າງ ລ່ານ. ເຊ ກ໊ອງ ເມີ່ຍ ບົວ ຫາຍ ເຕົ້າ ລ່ານ ເຖສົາ ລ່ານ ມ່າຍ ສີ່, ລ່ານ ອ໋ອຍ ຕສຸ ກວັ່ງ ປຸນ ລ່ານ. ຕສ໊ຽວ ເຢຊູ ຮນັ້ງ ຫາຍ ນໍ ກວັ່ງ ເມີ່ຍ ບົວ ໂຕສ໋ວ ຕ່ອງ ເຍີຍ ສີ່, ເມີ່ຍ ບົວ ຢ່າ ອ໋ອຍ ຕສຸ ຮນັ້ງ ວົ້ວ ນໍ ລ່ານ ກວັ່ງ ປຸນ ລ່ານ.

14ໄມ້ ຕານ ບົວະ ນ້າຍ, ຢ່າ ອ໋ອຍ ຕສຸ ຈາ ທິບ ຮນ້ຳ ມ່ຽນ ເຍີຍ ໂຮຍ້ວ ເຫວີ່ຍ ຕສຸ ຮນ້ຳ ມ່ຽນ ເຍີຍ ໂຮຍ້ວ ປຸນ ນ້າຍ ເຕີ໋ຍ ຢຽດ ຕສູ໊ງ ສີ່ ຕຸ້ນ ຢຸ້ນ ເດສ່ງ.

15ອ໋ອຍ ຕສຸ ຫລົ່ງ ກີຕູ່ ປຸນ ຕ້າຍ ເຍີຍ ແປ້ງ ອອນ ກຸ໊ນ ເມີ່ຍ ບົວ ເຍີຍ ໂຮຍ້ວ. ເຊ ເຫວີ່ຍ ປຸນ ເມີ່ຍ ບົວ ມ່າຍ ນ້າຍ ຫຍູ່ງ ແປ້ງ ອອນ ທິນ-ຮູ່ງ ກິ໊ນ ເມີ່ຍ ບົວ ຕ້າຍ ເປ໋ນ ຢຽດ ນອມ ຊິນ. ຢ່າ ອ໋ອຍ ຕສຸ ແລ໌ງ ຕສີ້ງ ທິນ-ຮູ່ງ.

16ອ໋ອຍ ຕສຸ ຕສ້າງ ກີຕູ່ ເຍີຍ ໂຕ໌ ປວັ໊ງ ເມີ່ຍ ບົວ ເຍີຍ ໂຮຍ້ວ ຕສ່ຽວ ຫລົ່ງ ຫຍູ່ງໆ ທສົງ-ເມ່ງ ລ່ານ ອຈ໋າວ ລ່ານ, ລ່ານ ຂວິນ ລ່ານ. ຢ່າ ອ໋ອຍ ຕສຸ ປ໋າວ ສີງ ດສູງ, ເຖສົາ ເທສງ ທິນ-ຮູ່ງ ເຍີຍ ດສູງ, ເຖສົາ ສີງ ລີ່ງ ປຸນ ມ່ຽນ ເປ໋ນ ທສວດ ເຍີຍ ດສູງ, ຫລົ່ງ ໂຮຍ້ວ ແລ໌ງ ຕສີ້ງ ທິນ-ຮູ່ງ.

17ໄມ້ ກຸ໊ນ ເມີ່ຍ ບົວ ໂຕສ໋ວ ຫາຍ ຫຍູ່ງ, ໄຟ ກ໊ອງ ຫາຍ ຫຍູ່ງ, ອ໋ອຍ ຕສຸ ເຕ໊ງ ຕສ໊ຽວ ເຢຊູ ເຍີຍ ບົ໋ວ ໂຕສ໋ວ. ຢ່າ ອ໋ອຍ ຕສຸ ເຕ໊ງ ນິ່ນ ເຍີຍ ບົ໋ວ ແລ໌ງ ຕສີ້ງ ຕສັ່ງ ເຕ໋ຍ ທິນ-ຮູ່ງ.

18ໂຕສ໋ວ ເອົ໊າ ເຍີຍ ມ່ຽນ ອ້າ! ອ໋ອຍ ຕສຸ ບົວະ ກັ້ນ ເຍີຍ ໂອກ໋. ຮນັ້ງ ນ້າຍ ໂຕສ໋ວ ເຊ ຜຸຍ ສຽນ ຕສ໊ຽວ ເຍີຍ ມ່ຽນ.

19ໂຕສ໋ວ ໂອກ໋ ເຍີຍ ມ່ຽນ ອ້າ! ອ໋ອຍ ຕສຸ ຮນ້ຳ ກັ້ນ ເຍີຍ ເອົ໊າ, ຢ່າ ໄມ້ ຕູ໋ງ ໂຕສ໋ວ ໂຕະ ນິ່ນ.

20ຝຸຈ໊ວຍ ອ້າ! ຢຽມ ໝ່ານ ສີ່ ອ໋ອຍ ຕສຸ ໝວັງ ເຕ໋ຍ ໝ່າ ເຫວີ່ຍ ຕສຸ ນ້າຍ ເຊ ໂຕສ໋ວ ຫອບ ຕສ໊ຽວ ເຍີຍ ໂຮຍ້ວ.

21ໂຕສ໋ວ ເຕຍ ເຍີຍ ມ່ຽນ ອ້າ! ໄມ້ ຕູ໋ງ ທສົວະ ເມີ່ຍ ບົວ ເຍີຍ ຝຸຈ໊ວຍ. ເດສົ້າ ເຫີຍ ນິ່ນ ບົວ ໂຮຍ້ວ ໜຳ.

22ໂຕສ໋ວ ໂນ່ວ ເຍີຍ ມ່ຽນ ອ້າ! ອ໋ອຍ ຕສຸ ຢຽມ ໝ່ານ ສີ່ ໝວັງ ເມີ່ຍ ບົວ ປ້າມ ເກນ ເຍີຍ ຕສ໊ຽວ. ໄມ້ ຕູ໋ງ ຂູງ ຕອງ ຕສ໊ຽວ ຢຽມ ເຍີຍ ຕສຢັ້ງ ໂຫ່ ໂຕສ໋ວ ຫລົງ ເຫວີ່ຍ ປຸນ ນິ່ນ ອະເຮນີ້ຍ ຮນັ້ງ. ອ໋ອຍ ຕສຸ ໂຮຍ້ວ ຕສີ໋ງ ເຍີຍ ໂຕສ໋ວ ເຫວີ່ຍ ຕສຸ ເມີ່ຍ ບົວ ທ່າຍ ທິນ-ຮູ່ງ.

23ໄມ້ ກຸ໊ນ ໂຕສ໋ວ ຫາຍ ຫຍູ່ງ, ອ໋ອຍ ຕສຸ ປວັ໊ງ ໂຮຍ້ວ ໂຕສ໋ວ ຮນັ້ງ ໂຕສ໋ວ ເຫວີ່ຍ ທິນ-ຮູ່ງ, ໄມ້ ເຕສີ໌ຍ ໂຕສ໋ວ ເຫວີ່ຍ ມ່ຽນ.

24ເມີ່ຍ ບົວ ຮິ້ວ ຕຸ໊ ເມີ່ຍ ບົວ ອ໋ອຍ ດສິບ ຕສ໊ຽວ ເຫວີ່ຍ ນິ່ນ ເຍີຍ ມ່ຽນ ຊຽວ ເຍີຍ ຈາ-ຕີ້ງ ໂຕສ໋ວ ຕສີ້ງ ເຫຍີ່ຍ, ເຫວີ່ຍ ຕສຸ ເມີ່ຍ ບົວ ຟູ-ສູ ວົ້ວ ເຕົ້າ ຕສ໊ຽວ ເຊ ກີຕູ່.

25ຫາຍ ເຕົ້າ ໂຕສ໋ວ ຫວ່າຍ ສີ່ ຕສ່ຽວ ຕສຸ ເອີຍ ນິ່ນ ໂຕສ໋ວ ເຍີຍ ວິ່ນ ປຸນ ນິ່ນ. ທິນ-ຮູ່ງ ຢ່າ ໄມ້ ໝັ່ງ ຫາຍ ເຕົ້າ ເຍີຍ ຮມຽນ.

← Chapter 2 Jump to: Chapter 4 →