Hebrews 13

Lao Bible (ฉบับอักษรลาว)

← Chapter 12 Jump to:

1ເມີ່ຍ ບົວ ອ໋ອຍ ຕສຸ ຕສັ່ນໆ ຮນັ້ງ ມົ໌ວ-ຕ່ອຍ ນໍ, ລ່ານ ຮນ້ຳ ລ່ານ.

2ອ໋ອຍ ຕສຸ ຈັ໋ງ ຈ໊ຽນ ຫລົ່ງ ໂຮຍ້ວ ຕສິ໊ບ ໄມ້ ປວັດ ເຈ໋ຍ ເຍີຍ ແຄະ ມ່ຽນ. ມ່າຍ ເຕີ໋ຍ ມ່ຽນ ຕສິ໊ບ ແຄະ ຕສ່ຽວ ຕສິ໊ບ ຕສຸ ຟິນ-ມ່ຽນ ຢ່າ ລ່ຽມ ໄມ້ ຮິ້ວ.

3ອ໋ອຍ ຕສຸ ຈັ໋ງ ຈ໊ຽນ ຕສຸ ຫວວນ ໂລ່ ເຍີຍ ມ່ຽນ ຮນັ້ງ ເມີ່ຍ ບົວ ກັ້ນ ຢ່າ ເຖສົາ ຈ໊ຽນ ນິ່ນ ບົວ ຕສຸ ຫວວນ ໂລ່ ນໍ. ຢ່າ ອ໋ອຍ ຕສຸ ຈັ໋ງ ຈ໊ຽນ ຕສຸ ມ່ຽນ ໂຕສ໋ວ ໂຕະ ວົ້ວ ເຕີ໋ຍ, ຮນັ້ງ ເມີ່ຍ ບົວ ກັ້ນ ຢ່າ ຕສຸ ເຖສົາ ຈ໊ຽນ ນິ່ນ ບົວ ສ່ຽວ ໂຄ້ວ.

4ເຕົ້າໆ ອ໋ອຍ ຕສຸ ທ່າຍ ຕອງ ຈາ ເຍີຍ ເລີ໌ຍ, ຂູງ ຫລົ່ງ ກັ້ນ ເຍີຍ ເອົ໊າ ໂອກ໋ ຈວັ່ງ ໂຖສວ ເປວີ໋ຍ, ເຫວີ່ຍ ຕສຸ ທິນ-ຮູ່ງ ອ໋ອຍ ຕີ່ງ ປວັ້ງ ລ່ຽວ ເຍີຍ ມ່ຽນ ເຖສົາ ຫຮຢຽນ ເອົ໊າ ຫຮຢຽນ ໂອກ໋ ເຍີຍ ມ່ຽນ ເຍີຍ ຕສຸ໌ຍ.

5ໄມ້ ຕູ໋ງ ປຸນ ເມົ້າ ຍ່ານ ເຍີຍ ເຈົ໊າ ກຸ໊ນ ເມີ່ຍ ບົວ ເຍີຍ ແໝ່ງ. ເມີ່ຍ ບົວ ມ່າຍ ເຍີຍ, ອ໋ອຍ ຕສຸ ປວັ໊ງ ໂຮຍ້ວ ເຫວີ່ຍ ຕສຸ ທິນ-ຮູ່ງ ກ໊ອງ, “ເຢຍ ຢຽດ ລິ໌ວ ໄມ້ ເລີ່ຍ ເມີ່ຍ, ຢຽດ ລິ໌ວ ຢ່າ ໄມ້ ກວັ່ງ ເມີ່ຍ.”

6ຮນັ້ງ ໜ່າຍ ບົວ ອ໋ອຍ ຕສຸ ປູ໋ງ ຕີ່ງ ໂຮຍ້ວ ກ໊ອງ, “ເຖງ ເຢຍ ວົ້ວ ເຕົ້າ ເຊ ຕສ໊ຽວ, ເຢຍ ຕສ່ຽວ ໄມ້ ກ້ຳ ເດສ໋ຍ. ປ້າມ ມ່ຽນ ໄຮ່ ໂຕສ໋ວ ຫາຍ ຫຍູ່ງ ປຸນ ເຢຍ?”

7ອ໋ອຍ ຕສຸ ຈັ໋ງ ຈ໊ຽນ ຕສິ້ນ ດ່າງ ຕໍ້ ເມີ່ຍ ບົວ ວົ້ວ ເຕີ໋ຍ ເປຢີ໊ຍ ເຕສີ໊ຍ, ຕົ້ງ ຕສຸ້ນ ທິນ-ຮູ່ງ ເຍີຍ ໂຕ໌-ເລີ໌ຍ ປຸນ ເມີ່ຍ ບົວ ໝວັງ ວົ້ວ ເຕີ໋ຍ. ຮນ້ຳ ໝັ່ງ ກ໋າ ນິ່ນ ບົວ ຢຽມ ເສີຍ ຕສັ່ງ ຮນັ້ງ ຫາຍ ນໍ ຕສຢັ້ງ, ຮນັ້ງ ຫາຍ ນໍ ໄຕ່. ນິ່ນ ບົວ ຮນັ້ງ ຫາຍ ນໍ ສຽນ, ເມີ່ຍ ບົວ ອ໋ອຍ ຕສຸ ຕສວດ ນິ່ນ ບົວ ເຍີຍ ຫຍູ່ງ ເຕສີ໊ຍ.

8ເຢຊູ ກີຕູ່ ໄມ້ ກ໊ອຍ ຢ່ຽນ. ອະຮນອຍ, ອີ້ ຮນອຍ, ຢຽດ ລິ໌ວ ຟີ່ ຮນັ້ງ ເຍີຍ.

9ໄມ້ ຕູ໋ງ ປຸນ ຫາຍ ຫຍູ່ງ ກັ້ນ ຫຍູ່ງ ເລີ໌ຍ ຕໍ້ ເມີ່ຍ ບົວ ຢັ້ງ ຕ່ອງ ເຈົ໊າ. ອ໋ອຍ ຕສຸ ເຂົາ ທິນ-ຮູ່ງ ເຍີຍ ເອນ ປຸນ ໂຮຍ້ວ ວ້ວນ ເຊ ເກົ້າ ຫລົງ ເຂົາ ຫຍັ່ນ ຮົບ ເຍີຍ ເລີ໌ຍ-ເຫຍີ່ຍ. ມ່ຽນ ເຂົາ ຫຍັ່ນ ຮົບ ເຍີຍ ເລີ໌ຍ-ເຫຍີ່ຍ ເຊ ໄມ້ ເຖງ ຢຽດ ເຕີ໋ຍ ນິ່ນ ບົວ.

10ບົວ ມ່າຍ ນອມ ເຕສ່ຍ-ຕ້ອງ. ຢຽມ ຕສັ່ງ ທິນ-ຮູ່ງ ເຍີຍ ດົ໊ບ-ລິ່ວ ຟູ-ສູ ທິນ-ຮູ່ງ ວົ້ວ ເຕີ໋ຍ ໄຊ ມ່ຽນ ໄມ້ ມ່າຍ ເລີ໌ຍ ຫຍັ່ນ ຢຽມ ບົວ ເຍີຍ ເຕສ່ຍ-ຕ້ອງ ເຕສ່ຍ ເຍີຍ ກະນ້າຍ.

11ຢິວໄທ ມ່ຽນ ເຍີຍ ຕົ້ມ ໄຊ ມ່ຽນ ຕໍ້ ແຊງ-ຄູ້ ເຍີຍ ດສຢ໊າມ ເປັຍ ເກົ້າ ທສີງ-ເດສ່ງ ເຈ໋ຍ ວົ້ວ ຖຈົງ ເຫວີ່ຍ ຟິ ຕສຸ໌ຍ. ມປ່າ ແຊງ-ຄູ້ ເຍີຍ ເຊີຍ ຕໍ້ ທສວດ ກະເຫຍ່ຍ ຕສິ ດົ໊ບ-ລິ່ວ ທສຢັ້ງ ປົ໊ວ ເດສ່ງ.

12ເຫວີ່ຍ ນ້າຍ ເຢຊູ ຢ່າ ຢຽມ ກະເຫຍ່ຍ ຕສິ ຕສີ້ງ ແກ້ງ ສ່ຽວ ໂຄ້ວ ເຖົາ ໄຕ່ ເຫວີ່ຍ ຫລົ່ງ ນິ່ນ ກັ້ນ ເຍີຍ ດສຢ໊າມ ດສ໋າວ ແປະ ຝີງ ທສີງ-ເດສ່ງ ຕ້າຍ.

13ວົ້ວ ຫຍູ່ງ, ປຸນ ບົວ ທສວດ ກະເຫຍ່ຍ ຕສິ ດົ໊ບ-ລິ່ວ ທສຢັ້ງ ມີ່ງ ເຖສົາ ນິ່ນ ຕສຸ ເຕ໊ຍ ໄຍ້.

14ເຫວີ່ຍ ຕສຸ ຢຽມ ນ້າຍ ປ້າມ ເກນ ບົວ ໄມ້ ມ່າຍ ຢຽດ ລິ໌ວ ວ້ວນ ເຍີຍ ຕສີ້ງ, ມປ່າ ບົວ ລໍ໌ ອກະຮ້າ ຮີ້ງ ອ໋ອຍ ຕ້າຍ ວົ້ວ ນອມ ຕສີ້ງ.

15ຮນັ້ງ ໜ່າຍ, ບົວ ອ໋ອຍ ຕສຸ ເຂົາ ເຢຊູ ຕສັ່ນໆ ຫລົ່ງ ເທສງ ທິນ-ຮູ່ງ ເຍີຍ ຫວ່າ ເຫວີ່ຍ ໂຕສ໋ວ ເຕສ່ຍ ເຍີຍ ກະນ້າຍ ເຕສ່ຍ ປຸນ ທິນ-ຮູ່ງ. ນ້າຍ ເຊ ຫລົ່ງ ບົວ ເຍີຍ ດສຸ້ຍ ຫຍ່ຽມ ນິ່ນ ເຍີຍ ບົ໋ວ ວົ້ວ ເຕີ໋ຍ ຫວ່າ.

16ໄມ້ ຕູ໋ງ ຫລະຄຸ ໂຕສ໋ວ ຄູ້ ສີ່, ລ່ານ ຢ່າ ເຖງ ລ່ານ. ນ້າຍ ເຕີ໋ຍ ສີ່ ຕສ່ຽວ ເປ໋ນ ເຕສ່ຍ ເຍີຍ ກະນ້າຍ ປຸນ ທິນ-ຮູ່ງ ຫອບ ໂຮຍ້ວ.

17ອ໋ອຍ ຕສຸ ໝວັງ ເມີ່ຍ ບົວ ເຍີຍ ເປຢີ໊ຍ ເຕສີ໊ຍ ຢ່າ ບົວະ ນິ່ນ ບົວ ກຸ໊ນ. ນິ່ນ ບົວ ຕສັ່ນໆ ໂກ໋ວ ຈ໊ຽນ ເມີ່ຍ ບົວ ເຫວີ່ຍ ຕສຸ ນິ່ນ ບົວ ອ໋ອຍ ຕສຸ ກ໊ອງ ເມ່ງ ນິ່ນ ບົວ ໂຕສ໋ວ ເຍີຍ ກົງ ບົ໋ວ ທິນ-ຮູ່ງ. ອ໋ອຍ ຕສຸ ໝວັງ ນິ່ນ ບົວ ເຫວີ່ຍ ປຸນ ນິ່ນ ບົວ ອຈຽນ-ໂຢ້ວ ເຍີຍ ໂຕສ໋ວ ນິ່ນ ບົວ ເຍີຍ ກົງ. ໄມ້ ເຕສີຍ ແອ໊ະ, ນິ່ນ ບົວ ເດສົ້າ. ນ້າຍ ຢ່າ ໄມ້ ເຖງ ຫາຍ ຫຍູ່ງ ເມີ່ຍ ບົວ.

18ໂທ້ ເຖງ ເຢຍ ບົວ ເຕົ໋າ ເກົ໋າ. ເຢຍ ບົວ ຮິ້ວ ຕີ່ງ ເຢຍ ບົວ ເຍີຍ ໂຮຍ້ວ ທສີງ-ເດສ່ງ, ຕສັ່ນໆ ຂູງ ອ໋ອຍ ໂຕສ໋ວ ຫອບ ເຍີຍ ເຈົ໊າ ຮນັ້ງ.

19ເຢຍ ຢ່າ ທຈະ ໂທ້ ເມີ່ຍ ບົວ ເຕົ໋າ ເກົ໋າ ໂຈ້ວ ທິນ-ຮູ່ງ ປຸນ ເຢຍ ຊຽບໆ ເຍີຍ ໄຮ່ ດສ໋ວນ ເມີ່ຍ ບົວ ໜ່າຍ.

20ໂທ້ ເຖສີຍ ແປ້ງ ອອນ ເຍີຍ ທິນ-ຮູ່ງ, ຕົ້ງ ບົວ ເຍີຍ ຕສ໊ຽວ ເຢຊູ ໄຕ່ ມີ່ງ ປຸນ ນິ່ນ ນັ່ງ ຕ້າຍ ວົ້ວ ເຕົ້າ, ປຸນ ເມີ່ຍ ບົວ ຕຸ໊ ຫຍູ່ງໆ ຫລົງ ເຫວີ່ຍ ເອີຍ ຈ໊ຽນ ນິ່ນ ເຍີຍ ເອີ໋ຍ ໂຕສ໋ວ. ຢ່າ ໂທ້ ທິນ-ຮູ່ງ ຫລົ່ງ ເຢຊູ ກີຕູ່ ຢຽມ ບົວ ກະຍົ໌ວ ປຸນ ບົວ ໂຕສ໋ວ ຫຍູ່ງໆ ຫອບ ນິ່ນ ເຍີຍ ໂຮຍ້ວ. ເຢຊູ ກີຕູ່ ຫລົ່ງ ນິ່ນ ເຍີຍ ດສຢ໊າມ ຫລຽບ ເຈ໌ຍ ຢຽດ ລິ໌ວ ຢຽມ ເຍີຍ ແຫງ່ງ ຫວ່າ ຢ່າ ໂຕສ໋ວ ໂກ໋ວ ປະກີ ຢູ້ງ ເຍີຍ ຕົ້ມ ຕສ໊ຽວ. ບົວ ອ໋ອຍ ຕສຸ ຢຽດ ລິ໌ວ ເທສງ ນິ່ນ ເຖົາ ໝ່ານ ໂກ໊ວ ໝ່ານ ຕ່ອຍ. ອາເມນ.

22ຕສວັ໋ງ ກໍ໋-ໂຢ໌ວ ອ້າ! ເຢຍ ໂທ້ ເມີ່ຍ ບົວ ໝວັງ ຫລົງ ເຢຍ ຂວິນ ເມີ່ຍ ບົວ ນ້າຍ ເຕີ໋ຍ ຫວ່າ, ເຫວີ່ຍ ຕສຸ ເຢຍ ເຟ້ຍ ປຸນ ເມີ່ຍ ບົວ ນ້າຍ ເຕສີ໊ຍ ຝຽນ ເຊ ໄມ້ ໜັ່ງ ດ໊າວ.

23ເຢຍ ອ໋ອຍ ເມີ່ຍ ບົວ ຮິ້ວ ຕຸ໊ ບົວ ເຍີຍ ໂຢ໌ວ, ທິໂມໄທ, ຕຸ໊ ປູ໋ງ ທສວດ ໂລ່ ຕ້າຍ ອ໊ະ. ເຊ ກ໊ອງ ນິ່ນ ເຖົາ ຊຽບ ເຕີ໋ຍ ນໍ, ນິ່ນ ໄຮ່ ເຖສົາ ເຢຍ ມີ່ງ ໝັ່ງ ເມີ່ຍ ບົວ.

24ບົ໋ວ ເມີ່ຍ ບົວ ເຍີຍ ຕສວັ໋ງ ເປຢີ໊ຍ ເຕສີ໊ຍ ເຖສົາ ທິນ-ຮູ່ງ ເຍີຍ ມ່ຽນ ຢຽດ ຕສູ໊ງ, ເຢຍ ບົວ ຈັ໋ງ ເຖົາ ນິ່ນ ບົວ. ຢຽມ ອິຕາລີ ຕ້າຍ ເຍີຍ ກໍ໋-ໂຢ໌ວ ຢ່າ ຈັ໋ງ ເຖົາ ເມີ່ຍ ບົວ.

25ໂທ້ ທິນ-ຮູ່ງ ເຖສີຍ ເອນ ປຸນ ເມີ່ຍ ບົວ ຕສວັ໋ງ ມ່ຽນ.

← Chapter 12 Jump to: