James 3

Lao Bible (ฉบับอักษรลาว)

← Chapter 2 Jump to: Chapter 4 →

1ເຢຍ ເຍີຍ ກໍ໋-ໂຢ໌ວ ອ່າ, ເມີ່ຍ ບົວ ໄມ້ ຕສຸ ມ່າຍ ມ່ຽນ ທສ້ຳ ໂຕສ໋ວ ຟິນ-ແຊງ, ເຫວີ່ຍ ຕສຸ ເມີ່ຍ ບົວ ຮິ້ວ ຕຸ໊ ເຢຍ ບົວ ໂຕສ໋ວ ຟິນ-ແຊງ ເຍີຍ ມ່ຽນ ອ໋ອຍ ຕສຸ ຊ້ຽມ ເກົ້າ ເຮນ້ຍ ເຈ໋ຍ ໄມ້ ໂຕສ໋ວ ເຍີຍ ມ່ຽນ.

2ບົວ ເຕົ້າໆ ໂຕສ໋ວ ຕ່ອງ ທສ້ຳ-ຫຍູ່ງ ເຍີຍ. ຫາຍ ເຕົ້າ ຢຽດ ລິ໌ວ ໄມ້ ກ໊ອງ ຕ່ອງ ຫາຍ ຫຍູ່ງ, ວົ້ວ ເຕົ້າ ເຊ ຕຸ້ນ ຢຸ້ນ ເຍີຍ ມ່ຽນ, ໄຮ່ ກຸ໊ນ ຕຸ໊ ເດສ່ງ ນິ່ນ ກັ້ນ ເຍີຍ ຊິນ.

3ບົວ ເຕສ໊າະ ຮລາງ-ໂຄ້ວ ຟັບ ຈ໊ຽນ ມ໌າ ເຍີຍ ດສຸ້ຍ ແປ໋ງ ເຫວີ່ຍ ປຸນ ມ໌າ ໝວັງ ບົວ. ບົວ ຕສ່ຽວ ໄຮ່ ກຸ໊ນ ເດສ່ງ ນິ່ນ ເຍີຍ ຊິນ, ປຸນ ນິ່ນ ມີ່ງ ຫາຍ ຢ່າ ຕຸ໊.

4ຮນ້ຳ ໝັ່ງ ກ໋າ ດສັ໊ງ! ໄມ້ ກຸ໊ນ ດສັ໊ງ ດົ່ງ ຫາຍ ໂຮລ ຢ່າ ຕສຸ ຕົ້ມ ດສຢ໋າວ ປ່ວນ ມີ່ງ, ດສັ໊ງ-ຈຽນ ຫລົ່ງ ດສັ໊ງ-ບຽດ ໄຝ! ເຍີຍ, ເອີຍ ນິ່ນ ເຍີຍ ໂຮຍ້ວ ກ໊ອຍ ມີ່ງ ກ໊ອຍ ຕ້າຍ.

5ບຽດ ຢ່າ ຟີ່ ຮນັ້ງ ເຍີຍ. ໄມ້ ກຸ໊ນ ເຊ ຊິນ ຕສັ່ງ ເຍີຍ ຢຽດ ຫຍູ່ງ ໄຝ ເຍີຍ, ມປ່າ ໄຮ່ ປູ໋ງ ຕຸ໊ ຕົ້ມ ຫວ່າ. ຢ່າ ຮນ້ຳ ໝັ່ງ ກ໋າ! ຕິ໊ ຕຽນ ໂຕ໌ວ-ບຽດ ຮນັ້ງ ມປ່າ ໄຮ່ ເຕສັຍ ເດສ່ງ ຕົ້ມ ເກ້ມ.

6ບຽດ ເຊ ຮນັ້ງ ໂຕ໌ວ ນໍ. ບຽດ ໂຕສ໋ວ ຊິນ ເຍີຍ ຢຽດ ຫຍູ່ງ ຢ່າ ເອ໊າະ ໄຫ່, ປຸນ ເອ໊າະ ເຍີຍ ສີ່ ທສວດ ປວັ໊ງ ເດສ່ງ ຊິນ. ບຽດ ຕ໊ຽມ ຈ໊ຽນ ຢຽມ ເຕີ່ຍ ຫຍົວະ ຕ້າຍ ເຍີຍ ໂຕ໌ວ. ຢຽດ ເສີຍ ມ່າຍ ນ້າຍ ຫຍູ່ງ ໂຕ໌ວ ເຕສັຍ ຈ໊ຽນ ບົວ ຢຽມ.

7ຫຍູ່ງໆ ແຊງ-ຄູ້, ເຮ່ຍ ຕສ້ອຍ, ເໜາະ, ນາງ, ເບຢົ໌າ, ປ້າມ ມ່ຽນ ໄຮ່ ກຸ໊ນ ຕຸ໊ ຮີ່ງ, ຕສູ໊ງ ກຸ໊ນ ຕຸ໊ ບົວະ ໝີ່ ອ໊ະ.

8ມປ່າ ບຽດ, ໄມ້ ມ່າຍ ຫາຍ ເຕົ້າ ໄຮ່ ກຸ໊ນ ຕຸ໊ ຈ໊ຽນ. ບຽດ ເຊ ເອ໊າະ ໄຫ່, ໄມ້ ໄຮ່ ກຸ໊ນ ໄມ້ ຈ໊ຽນ, ມ່າຍ ແຫລ່ງ ໄຕ່ ມ່ຽນ ເຍີຍ ເດຍ ປວັ໊ງ ເດສ່ງ.

9ບົວ ຫລົ່ງ ບຽດ ເທສງ ຕສ໊ຽວ ຕສັ່ງ ເຕ໋ຍ, ຢ່າ ຫລົ່ງ ຕສ໋ຽວ ມ່ຽນ, ຕົ້ງ ຕສັ່ງ ເຕ໋ຍ ເຕສີ໋ຍ ທສວດ ຕ້າຍ ຕສວັ໊ງ ນິ່ນ ກັ້ນ ຢ່າ ຮນັ້ງ ນິ່ນ ກັ້ນ ນໍ.

10ເທສງ ເຍີຍ ຫວ່າ ເຖສົາ ຕສ໋ຽວ ເຍີຍ ຫວ່າ ຈວັ່ງ ຊູງ ດສຸ້ຍ ທສວດ. ເຢຍ ເຍີຍ ກໍ໋-ໂຢ໌ວ ອ້າ! ຮນັ້ງ ໜ່າຍ ຕສະເກ້ງ ໄມ້ ຫອບ ຢຽດ ເຕີ໋ຍ.

11ຄູ້ ເຍີຍ ວວມ ເຖສົາ ໄມ້ ຄູ້ ເຍີຍ ວວມ ໄຮ່ ຈວັ່ງ ນອມ ຕສີ໊ງ ທສວດ ໄຟ?

12ເຢຍ ເຍີຍ ກໍ໋-ໂຢ໌ວ ອ້າ! ງົ່ງ ຫຍໍ ດຢັ໋ງ ໄຮ່ ຕສຢັ້ງ ກະລັ້ນ ປ໊ຽວ ໄຟ? ອະຫງຸ່ນ ເຮມີຍ ໄຮ່ ຕສຢັ້ງ ງົ່ງ ຫຍໍ ປ໊ຽວ ໄຟ? ວວມ-ດສ້າຍ ຕສີ໊ງ ຢ່າ ໄມ້ ໄຮ່ ທສວດ ຄູ້ ເຍີຍ ວວມ.

13ຢຽມ ເມີ່ຍ ບົວ ໜ່າຍ, ມ່າຍ ຫາຍ ເຕົ້າ ໄກວ ເຍີຍ, ທສົງ-ເມ່ງ ເຍີຍ ໄຟ? ນິ່ນ ອ໋ອຍ ຕສຸ ຫລົ່ງ ສ່ວນ ໂຮຍ້ວ, ຫລົ່ງ ທສົງ-ເມ່ງ ໂຕສ໋ວ ຄູ້ ສີ່ ປຸນ ທສີງ ນິ່ນ ຕົ້ງ ໜ່າຍ ຫຍູ່ງ ມ່ຽນ.

14ເຊ ກ໊ອງ ເມີ່ຍ ໂຮຍ້ວ ອິມ, ເໝວີ່ຍ ເຈັ໊ຍ, ຂູງ ໂຕ້ວ ກັ້ນ ຕຸ໊ ຫລົງ ຮນັ້ງ, ໄມ້ ຕູ໋ງ ເທສງ ກັ້ນ ມ່າຍ ທສົງ-ເມ່ງ. ໄມ້ ຕູ໋ງ ກ໊ອງ-ແປະ ແຫງ່ງ ຕສຽນ ເລີ໌ຍ.

15ນ້າຍ ຫຍູ່ງ ທສົງ-ເມ່ງ ເຊ ໄມ້ ຮນັ້ງ ຢຽມ ກູ້ ຫງວ່າຍ ຕ້າຍ ເຍີຍ ທສົງ-ເມ່ງ. ເຊ ປ້າມ ເກນ ເຍີຍ, ຕົ້ງ ຢຽມ ມ່ຽນ ເຍີຍ ໂຮຍ້ວ ທສວດ ຕ້າຍ ເຍີຍ, ຢ່າ ຢຽມ ມ້ຽນ ທສວດ ຕ້າຍ ເຍີຍ ທສົງ-ເມ່ງ.

16ຫາຍ ນອມ ຕ໋ອງ ມ່າຍ ມ່ຽນ ເໝວີ່ຍ ເຈັ໊ຍ, ໂຕ້ວ ກັ້ນ ຕຸ໊ ຫລົງ, ວົ້ວ ນອມ ຕ໋ອງ ຕສ່ຽວ ເຖສວ ຫລຸ່ນ, ມ່າຍ ຫຍູ່ງໆ ຫວ່າຍ ສີ່ ທສວດ.

17ຢຽມ ກູ້ ຫງວ່າຍ ຕ້າຍ ເຍີຍ ທສົງ-ເມ່ງ ຕະຢ໊ຽດ ເຊ ທສີງ-ເດສ່ງ ເຍີຍ, ຢ່າ ແປ້ງ ອອນ ເຍີຍ, ສ່ວນ ເຍີຍ, ເຫ່ ຕຸ໊ ກ໊ອງ ເຍີຍ. ນ້າຍ ຫຍູ່ງ ທສົງ-ເມ່ງ ປຸນ ລ່ານ ຄໍ້-ລ່ຽນ ລ່ານ, ຢ່າ ຂູງ ໂຕສ໋ວ ທສວດ ຄູ້ ສີ່ ຮນັ້ງ, ໄມ້ ໝັ່ງ ໄຝ ຫາຍ ເຕົ້າ, ຢ່າ ໄມ້ ມ່າຍ ເປີ້ຍ ຕສະ ໂຮຍ້ວ ອຈ໊ວດ ເຍີຍ ສີ່.

18ຫາຍ ເຕົ້າ ຂວິນ ອີ ປູງ ມ່ຽນ ຫອບ ໂຮຍ້ວ ຕ້າຍ ເຊ ຕສວັ໋ງ ແປ້ງ ອອນ ເຍີຍ ຍິມ. ຊຽວ ຕ້າຍ ເຍີຍ ຢຽດ ຕສູ໊ງ ຕສ່ຽວ ຫລົງ ເຍີຍ.

← Chapter 2 Jump to: Chapter 4 →