Lamentations 5

Lao Bible (ฉบับอักษรลาว)

← Chapter 4 Jump to:

1ໂອ ຕສ໊ຽວ ອ່າ, ໂທ້ ຈັ໋ງ ຈ໊ຽນ ເຢຍ ບົວ ປວັ້ງ ເຍີຍ ສີ່, ໝັ່ງ ເຢຍ ບົວ ດົ່ງ ນ້າຍ ຕສຸ ໄຍ້.

2ເຢຍ ບົວ ດສິບ ເຍີຍ ປ່ວນ ເປ໋ນ ກັ້ນ ຝີງ ມ່ຽນ ເຍີຍ ໝີ່ ອ໊ະ. ກັ້ນ ນອມ ກົ໊ວະ ເຍີຍ ມ່ຽນ ຕຸ໊ ເຢຍ ບົວ ເຍີຍ ເປຢົ໊າ.

3ເຢຍ ບົວ ເປ໋ນ ໄມ້ ມ່າຍ ເຕຍ ເຍີຍ ກູ້ ຮັ່ນ ຝຸຈ໊ວຍ, ເຢຍ ບົວ ເຍີຍ ມາ ຢ່າ ຮນັ້ງ ເອົ໊າ-ກວ໊າ.

4ເຢຍ ບົວ ອ໋ອຍ ຕສຸ ມ໌າຍ ວວມ ຮົບ. ເຢຍ ບົວ ເຍີຍ ຕສ້າງ ຢ່າ ອ໋ອຍ ຕສຸ ມ໌າຍ.

5ນິ່ນ ບົວ ເກ້ ຈ໊ຽນ ເຢຍ ບົວ ເຍີຍ ຈາງ ເຕສີ໋ຍ ເຢຍ ບົວ. ເຢຍ ບົວ ໂຄ້ວ ໄຫ່, ໄມ້ ຕຸ໊ ຮິດ ຂວນ.

6ເຢຍ ບົວ ຫຍ່ຽມ ເຊວີຍ ອີຢິ໊ບ ເຖສົາ ອັດຊີເລຍ ເຫວີ່ຍ ຕຸ໊ ຫຮນາງ ເກົ໋າ ຫຍັ່ນ.

7ເຢຍ ບົວ ເຍີຍ ອົງ-ຖາຍ ປ໌າມ ຕສຸ໌ຍ, ມປ່າ ອີ້ ຕສັ່ນ ໄມ້ ຢຽມ ອ໊ະ. ເຢຍ ບົວ ຕສຸ ດາມ-ຕອງ ນິ່ນ ບົວ ເຍີຍ ຕສຸ໌ຍ.

8ໂຕສ໋ວ ໂນ່ວ ເຍີຍ ມ່ຽນ ກຸ໊ນ ເຢຍ ບົວ, ຢ່າ ໄມ້ ມ່າຍ ຫາຍ ເຕົ້າ ໂອຈ໋ວ ເຢຍ ບົວ ເປຢົ໋າ ດຸ໊ດ ນິ່ນ ບົວ ເຍີຍ ປົ໌ວ-ເດ໊ຍ.

9ເຢຍ ບົວ ໄມ້ ຫລົ່ງ ແໝ່ງ ເຍີຍ ມີ່ງ ລໍ໌ ຫຍັ່ນ ຮົບ, ເຫວີ່ຍ ຕສຸ ໄຕ໋ ມ່ຽນ ເຍີຍ ມ່ຽນ ນັ້ນ ຈ໊ຽນ ດສຸ ດ໊າວ ຢຽມ ເຕີ່ຍ-ປູງ-ຮວາງ.

10ຫລາຍ ຫງໍ່ ຫຮນາງ ຊິນ ຈອມ, ເຢຍ ບົວ ເຍີຍ ດົ໊ບ ຢ່າ ດົ່ງ ໂຕ໌ວ-ໂລ່ວ ຈອມ.

11ຢຽມ ສິໂອນ ເຍີຍ ມເຊັຍ ຕອນ ຕສຸ ທສາ, ຢຽມ ຢູດາ ເຍີຍ ຟິ້ວ-ລ໌າງ ໄມ້ ເປວີ໋ຍ ເຈ໋ຍ ຕອນ ເຍີຍ ເຊັຍ ຢ່າ ຕສຸ ທສາ.

12ເຢຍ ບົວ ເຍີຍ ເປຢີ໊ຍ ເຕສີ໊ຍ ຕສຸ ໂດ້ ຈ໊ຽນ ປົ໌ວ ດິ໋ວ ຢ່າ ໄມ້ ມ່າຍ ຫາຍ ເຕົ້າ ທ່າຍ ມ່ຽນ ໂກ໋.

13ໂຮ່ວ ແຊງ ຕສຸ ອ໊າບ ໝໍ່ ບ໊ວນ, ຕອນ ຕສຸ ເຫຍຍ ຕສ້າງ ເຮນ້ຍ ລີ່ງໆ ຄີງໆ ເຍີຍ.

14ໄມ້ ມ່າຍ ມ່ຽນ ໂກ໋ ມ່ຽນ ມີ່ງ ຢຽມ ວົ້ວ ຕສີ້ງ ແກ້ງ ອ໊ະ. ມ່ຽນ ຫລຸນ ມ່ຽນ ຢ່າ ໄມ້ ພັດ ຕ້ານ ປ້າ.

15ເຢຍ ບົວ ເຍີຍ ໂຮຍ້ວ ເຍີຍ ອຈຽນ-ໂຢ້ວ ເຈ໋ຍ ໝີ່ ອ໊ະ. ເຢຍ ບົວ ຖສັງ ເຫີຍ ເຍີຍ ເຈົ໊າ ທິ້ວ ເປ໋ນ ເດສົ້າ ຍ້ຽມ ເຍີຍ ສີ່.

16ນີ້ງ ຢຽມ ເຢຍ ບົວ ເຍີຍ ມອກ໊ອງ ດ໊ອດ ໝີ່ ອ໊ະ. ເຢຍ ບົວ ປ໌າມ ຕສຸ໌ຍ, ອີ້ ຕສັ່ນ ຕສຸ ໂຄ້ວ ອ໊ະ.

17ເຫວີ່ຍ ນ້າຍ ເຕີ໋ຍ ສີ່ ເຢຍ ບົວ ເຍີຍ ໂຮຍ້ວ ໂຄ້ວ ໄຫ່, ຢ່າ ຫລາຍ ນ້າຍ ເຕີ໋ຍ ສີ່ ເຢຍ ບົວ ເຍີຍ ມຕສີງ ບ໌ຽວໆ ວົ້ວ, ໄມ້ ອຈັງ.

18ເຫວີ່ຍ ຕສຸ ສິໂອນ ບົງ ເປ໋ນ ເດົາ-ຮວາງ ໝີ່ ອ໊ະ, ເປ໋ນ ເຮ່ຍ ຈູ໊ ມີ່ງໆ ຕ້າຍໆ ເຍີຍ ຕ໋ອງ.

19ມປ່າ ຕສ໊ຽວ ອ່າ, ເມີ່ຍ ຢຽດ ລິ໌ວ ໂຕສ໋ວ ຮູ່ງ. ເມີ່ຍ ເຍີຍ ຮູ່ງ ເຫວີ່ຍ ອ໋ອຍ ຢຽມ ຈ໊ຽນ ເຖົາ ໝ່ານ ໂກ໊ວ ໝ່ານ ຕ່ອຍ.

20ເມີ່ຍ ເຫວີ່ຍ ຫາຍ ຕິ່ວ ຢຽດ ລິ໌ວ ຫລະຄຸ ເຢຍ ບົວ? ເມີ່ຍ ເຫວີ່ຍ ຫາຍ ຕິ່ວ ກວັ່ງ ເຢຍ ບົວ ດົ່ງ ນ້າຍ ເລົ່າ?

21ໂອ ຕສ໊ຽວ ອ່າ, ໂທ້ ປຸນ ເຢຍ ບົວ ດສ໋ວນ ຕ້າຍ ລໍ໌ ເມີ່ຍ, ເຢຍ ບົວ ຕສ່ຽວ ຕຸ໊ ດສ໋ວນ ຕ້າຍ. ໂທ້ ປຸນ ເຢຍ ບົວ ເຍີຍ ຮນອຍ-ເຫຍັຍ ດສ໋ວນ ຕ້າຍ ຊຢັງ ເຍີຍ, ຮນັ້ງ ໂລ໌-ຮນອຍ ວົ້ວ ນໍ.

22ເມີ່ຍ ຕສະເກ້ງ ຢຽດ ລິ໌ວ ເອກ້ມ ເຢຍ ບົວ ໄຟ? ເມີ່ຍ ຕສະເກ້ງ! ເຖຈຍ ເຈ໌ຍ ເຢຍ ບົວ ເຖົາ ຕ້າວ ໄຟ?

← Chapter 4 Jump to: