Psalms 119 — Lao Bible (ฉบับอักษรลาว)

1ຕະຟ່ານ ນິ່ນ ບົວ ໂຕສ໋ວ ເຍີຍ ເຈົ໊າ ໄມ້ ມ່າຍ ຕ໋ອງ ເອກ້ມ, ເຊ ກັນ ຕສ໊ຽວ ເຍີຍ ເລີ໌ຍ-ຫລັດ ຢັ້ງ ວົ້ວ ເຕີ໋ຍ, ມ່າຍ ອອນ-ເຫລາະ.

2ກັນ ຫລົງ ນິ່ນ ກ໊ອງ ເຍີຍ ຫວ່າ, ເຊ ຫລົ່ງ ເດສ່ງ ໂຮຍ້ວ ລໍ໌ ນິ່ນ ວົ້ວ ເຕີ໋ຍ, ມ່າຍ ອອນ-ເຫລາະ.

3ນ້າຍ ຫຍູ່ງ ມ່ຽນ ໄມ້ ໂຕສ໋ວ ຕ່ອງ ຫາຍ ຫຍູ່ງ, ນິ່ນ ບົວ ຂູງ ຢັ້ງ ຕສ໊ຽວ ເຍີຍ ເຈົ໊າ ຮນັ້ງ.

4ເມີ່ຍ ເຕສ໊າະ ເມີ່ຍ ຫັດ ເຍີຍ ຫວ່າ ພ້າຍ ປຸນ ເຢຍ ບົວ ຈ້ຽນ ເອີຍ ຈ໊ຽນ ໂຕສ໋ວ.

5ໂທ້ ປຸນ ເຢຍ ເຍີຍ ເຈົ໊າ ວ້ວນ, ໄຮ່ ກັນ ຫລົງ ເມີ່ຍ ເຍີຍ ເລີ໌ຍ-ເຫຍີ່ຍ.

6ເຢຍ ເຍີຍ ມຕສີງ ໝັ່ງ ຈ໊ຽນ ເມີ່ຍ ເຍີຍ ຢຽດ ຕສູ໊ງ ຫລີ່ງ, ເຢຍ ຕສ່ຽວ ໄມ້ ຕສຸ ໄຍ້.

7ເຢຍ ໂຫະ ລິ໌ວ ເມີ່ຍ ແປ້ງ ຟິມ ເຍີຍ ເລີ໌ຍ, ເຢຍ ຕສ່ຽວ ຫລົ່ງ ທສີງ-ເດສ່ງ ໂຮຍ້ວ ເທສງ ເມີ່ຍ.

8ເຢຍ ອ໋ອຍ ກັນ ເມີ່ຍ ເຍີຍ ເລີ໌ຍ-ເຫຍີ່ຍ. ໂທ້ ຢຽດ ລິ໌ວ ໄມ້ ຕູ໋ງ ກວັ່ງ ຕສຢັ້ງ ເຢຍ. ເບດ

9ໂຮ່ວ ແຊງ ມ່ຽນ ອ໋ອຍ ຕສຸ ຮນັ້ງ ຫາຍ ນໍ ໂກ໋ວ ຕຸ໊ ນິ່ນ ກັ້ນ ເຍີຍ ເຈົ໊າ ທສີງ-ເດສ່ງ? ເຊ ອ໋ອຍ ຕສຸ ເອີຍ ຈ໊ຽນ ເມີ່ຍ ເຍີຍ ຫວ່າ ໂຕສ໋ວ.

10ເຢຍ ຫລົ່ງ ເດສ່ງ ໂຮຍ້ວ ລໍ໌ ເມີ່ຍ. ໂທ້ ປຸນ ເຢຍ ໄມ້ ຕູ໋ງ ເລີ່ຍ ອກອຍ ເມີ່ຍ ເຍີຍ ຫລີ່ງ.

11ເຢຍ ເຕສ໊າະ ເມີ່ຍ ເຍີຍ ຫວ່າ ຕສ້າງ ຈ໊ຽນ ເຢຍ ເຍີຍ ໂຮຍ້ວ, ເຫວີ່ຍ ປຸນ ເຢຍ ໄມ້ ປ໌າມ ຕສຸ໌ຍ ຕ່ອງ ເມີ່ຍ.

12ໂອ ຕສ໊ຽວ ອ່າ, ເຢຍ ເທສງ ເມີ່ຍ. ໂທ້ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ.

13ເຢຍ ອ໋ອຍ ຫລົ່ງ ເຢຍ ເຍີຍ ດສຸ້ຍ ເໝີຍ ຕສຸ້ນ ຢ້າງ ເມີ່ຍ ເຍີຍ ດສຸ້ຍ ກ໊ອງ ເຍີຍ ຢຽດ ຕສູ໊ງ ເລີ໌ຍ.

14ເຢຍ ອະເຮນີ້ຍ ເມີ່ຍ ກ໊ອງ ເຍີຍ ຫວ່າ ດົ່ງ ອະເຮນີ້ຍ ຢຽດ ຕສູ໊ງ ຕສິ້ນ ຕສ້ອຍ.

15ເຢຍ ອ໋ອຍ ເຟີຍ-ຟັ້ງ ເມີ່ຍ ຫັດ ເຍີຍ ຫວ່າ ຢ່າ ໝັ່ງ ຕີ່ງ ເມີ່ຍ ເຍີຍ ເຈົ໊າ-ໂຫລ່ວ.

16ເຢຍ ອະເຮນີ້ຍ ເມີ່ຍ ເຍີຍ ເລີ໌ຍ-ເຫຍີ່ຍ, ເຢຍ ໄມ້ ໄຮ່ ຫລະຄຸ ເມີ່ຍ ເຍີຍ ຫວ່າ. ອກີເມນ

17ໂທ້ ໂຕສ໋ວ ຫລົງ ປຸນ ເມີ່ຍ ເຍີຍ ໂປວ, ເຫວີ່ຍ ປຸນ ເຢຍ ຕຸ໊ ຕສຢັ້ງ ຈ໊ຽນ ຢ່າ ກັນ ເມີ່ຍ ເຍີຍ ຫວ່າ.

18ໂທ້ ປຸນ ເຢຍ ເຍີຍ ມຕສີງ ໝັ່ງ ຕຸ໊ ທສວດ ຢຽມ ເມີ່ຍ ເຍີຍ ເລີ໌ຍ-ຫລັດ ບົວະ ຮ່ອງ ເຍີຍ ສີ່.

19ເຢຍ ຢຽມ ລູ່ງ ເດ໊ຍ ໂຕສ໋ວ ຕີ້ງ ເຕສ໊ບ ຕັ້ງ ປ໊າ ເຍີຍ ມ່ຽນ, ໂທ້ ໄມ້ ຕູ໋ງ ເຕສ໊າະ ເມີ່ຍ ເຍີຍ ຫລີ່ງ ປີ໋ງ ເຢຍ.

20ເຢຍ ເກ້ງ! ຈອມ ໂຮຍ້ວ ຕສັ່ນໆ ຈັ໋ງ ເມີ່ຍ ເຍີຍ ເລີ໌ຍ, ເຖົາ ບະດສິວ ຕສູ໊ງ ອ໋ອຍ ບ໋າຍ ເຍີຍ.

21ເມີ່ຍ ເຫມ ເທສງ ກັ້ນ ໂຮລ, ເຊ ຕສຸ ຕສ໋ຽວ ເຍີຍ ມ່ຽນ, ຕົ້ງ ຢັ້ງ ພຽນ, ເລີ່ຍ ເມີ່ຍ ເຍີຍ ຫລີ່ງ ວົ້ວ ເຕີ໋ຍ.

22ໂທ້ ເຕສ໊າະ ກວັ່ງ ເຢຍ ຕສຸ ໄຍ້ ຕສຸ ມ່ຽນ ໝັ່ງ ເຜຍ ເຍີຍ ສີ່, ເຫວີ່ຍ ຕສຸ ເຢຍ ກັນ ຫລົງ ເມີ່ຍ ເຍີຍ ຫວ່າ.

23ໄມ້ ກຸ໊ນ ໂຕສ໋ວ ໂຮລ ເຍີຍ ມ່ຽນ ເຕສວີ໌ຍ ຈ໊ຽນ ທສ່າງ ລ່າງ ຫ່ອຍ ເຢຍ, ເມີ່ຍ ເຍີຍ ໂປວ ເຟີຍ-ຟັ້ງ ເມີ່ຍ ເຍີຍ ເລີ໌ຍ-ເຫຍີ່ຍ.

24ເມີ່ຍ ອຈ໋າວ ເຍີຍ ຢຽດ ຕສູ໊ງ ຫວ່າ ປຸນ ເຢຍ ອະເຮນີ້ຍ, ຢ່າ ໂຕສ໋ວ ເຢຍ ທສ່າງ ລ່າງ ເຍີຍ ມ່ຽນ. ດາເລດ

25ເຢຍ ເຍີຍ ແໝ່ງ ເຊ ຮນັ້ງ ຕສຸ ເອຈ່ຍ ເຖົາ ເນຍ-ບູງ. ໂທ້ ຕສິ໋ວ ເມີ່ຍ ເຍີຍ ຫວ່າ ເຖງ ເຢຍ ເຍີຍ ແໝ່ງ ແອ໋ງ ຟີ້ງ ເຈ໌ຍ ຕ້າຍ.

26ເຢຍ ກ໊ອງ ເຢຍ ໂຕສ໋ວ ເຍີຍ ເຈົ໊າ, ເມີ່ຍ ຢ່າ ເຕົາ ເຢຍ. ໂທ້ ເຕສ໊າະ ເມີ່ຍ ເຍີຍ ເລີ໌ຍ-ເຫຍີ່ຍ ອຈ໋າວ ເຢຍ.

27ໂທ້ ເມີ່ຍ ເຖງ ເຢຍ ເມ່ງ ແປະ ເມີ່ຍ ຫັດ ເຍີຍ ຫວ່າ, ເຢຍ ຕສ່ຽວ ເຟີຍ-ຟັ້ງ ເມີ່ຍ ໂຕສ໋ວ ເຍີຍ ບົວະ ຮ່ອງ ສີ່.

28ເຢຍ ເຍີຍ ໂຮຍ້ວ ເດສົ້າ ຕຸ໊ ໂຄ້ວ ຮນັ້ງ ຢຸ ເດສ່ງ ນໍ, ໂທ້ ຕສິ໋ວ ເມີ່ຍ ເຍີຍ ຫວ່າ ເຖງ ເຢຍ ເຮ້ນ ເຈ໌ຍ ຕ້າຍ.

29ໂທ້ ເມີ່ຍ ປຸນ ເຢຍ ເລີ່ຍ ອກອຍ ຈ໊າ ເຍີຍ ເຈົ໊າ ຢ່າ ອກອຍ ເອີ໋ຍ ອຈ໋າວ ເມີ່ຍ ເຍີຍ ເລີ໌ຍ-ຫລັດ ເຢຍ.

30ເຢຍ ກິ໊ນ ຕສຽບ ຕສົ໊ວະ ເຍີຍ ເຈົ໊າ ຢັ້ງ. ເຢຍ ເຕສ໊າະ ເມີ່ຍ ເຍີຍ ເລີ໌ຍ ອັນ ຈ໊ຽນ ເຢຍ ເຍີຍ ດສະຮມຽນ.

31ໂອ ຕສ໊ຽວ ອ່າ, ເຢຍ ເຂົາ ວ້ວນ ເມີ່ຍ ອຈ໋າວ ເຍີຍ ຫວ່າ, ໂທ້ ໄມ້ ຕູ໋ງ ປຸນ ເຢຍ ຕສຸ ໄຍ້.

32ເຢຍ ອ໋ອຍ ຖິວ ກັນ ຈ໊ຽນ ເມີ່ຍ ເຍີຍ ຫລີ່ງ ເຍີຍ ເຈົ໊າ, ເຫວີ່ຍ ຕສຸ ເມີ່ຍ ປຸນ ເຢຍ ເປັຍ ໂຮຍ້ວ ທສ້ຳ ຈ໊ຽນ ຝາວ. ເຮ

33ໂອ ຕສ໊ຽວ ອ່າ, ໂທ້ ອຈ໋າວ ເຢຍ ກັນ ເມີ່ຍ ເຍີຍ ເລີ໌ຍ-ເຫຍີ່ຍ, ເຢຍ ຕສ່ຽວ ກັນ ເມີ່ຍ ເຖົາ ຕ້າວ ເຖົາ ເມວີ໌ຍ.

34ໂທ້ ປຸນ ເຢຍ ເມ່ງ ແປະ ເຫວີ່ຍ ປຸນ ເຢຍ ໄຮ່ ກັນ ເມີ່ຍ ເຍີຍ ເລີ໌ຍ-ຫລັດ, ຢ່າ ຫລົ່ງ ເດສ່ງ ໂຮຍ້ວ ເອີຍ ຈ໊ຽນ ໂຕສ໋ວ.

35ໂທ້ ຕໍ້ ເຢຍ ກັນ ເມີ່ຍ ເຍີຍ ຫລີ່ງ ເຍີຍ ເຈົ໊າ, ເຫວີ່ຍ ຕສຸ ນ້າຍ ຕິ້ວ ເຈົ໊າ ເຢຍ ອະເຮນີ້ຍ ໄຫ່.

36ໂທ້ ປຸນ ເຢຍ ມ່າຍ ໂຮຍ້ວ ອ໋ອຍ ຫລົ່ງ ເມີ່ຍ ອຈ໋າວ ເຍີຍ ຫວ່າ, ໄມ້ ເຕສີ໌ຍ ຂູງ ໂຕ້ວ ເຫລີ່ຍ ຕສິ້ນ.

37ໂທ້ ໄມ້ ຕູ໋ງ ປຸນ ເຢຍ ຮວິນ ໝັ່ງ ໄມ້ ລ່ຳ ຫລົ່ງ ເຍີຍ ສີ່. ໂທ້ ປຸນ ເຢຍ ຢຽມ ເມີ່ຍ ເຍີຍ ເຈົ໊າ ຕຸ໊ ຕສຢັ້ງ ແໝ່ງ.

38ໂທ້ ເມີ່ຍ ເອີຍ ຈ໊ຽນ ເມີ່ຍ ແລ໌ງ ເຍີຍ ຫວ່າ ໂຕສ໋ວ ເຫວີ່ຍ ເຢຍ, ເມີ່ຍ ເຍີຍ ໂປວ, ເຊ ເຫວີ່ຍ ທ່າຍ ເມີ່ຍ ວົ້ວ ເຕີ໋ຍ ແລ໌ງ ເຍີຍ ຫວ່າ.

39ໂທ້ ເຖງ ເຢຍ ເລີ່ຍ ອກອຍ ກ້ຳ ເດສ໋ຍ ຕສຸ ໄຍ້ ເຍີຍ ສີ່, ເຫວີ່ຍ ຕສຸ ເມີ່ຍ ເຍີຍ ເລີ໌ຍ ເຊ ຫລົງ ໄຫ່.

40ເຢຍ ຫງໍ່ ເມີ່ຍ ຫັດ ເຍີຍ ຫວ່າ. ເຫວີ່ຍ ຕສຸ ເມີ່ຍ ແປ້ງ ຟິມ ເຍີຍ, ໂທ້ ປຸນ ເຢຍ ຕຸ໊ ຕສຢັ້ງ ຈ໊ຽນ. ວາວ

41ໂອ ຕສ໊ຽວ ອ່າ, ໂທ້ ປຸນ ທສີງ ເມີ່ຍ ຕສຽບ ຕສົ໊ວະ ເຍີຍ ຮນ້ຳ ເຢຍ, ໂທ້ ຕສິ໋ວ ເມີ່ຍ ແລ໌ງ ເຍີຍ ຫວ່າ ໂອຈ໋ວ ເຢຍ.

42ເຢຍ ຕສ່ຽວ ມ່າຍ ຫວ່າ ເຕົາ ຮວວດ ເຢຍ ວົ້ວ ເຕີ໋ຍ ມ່ຽນ, ເຫວີ່ຍ ຕສຸ ເຢຍ ເຂົາ ເມີ່ຍ ເຍີຍ ຫວ່າ.

43ໂທ້ ເມີ່ຍ ໄມ້ ຕູ໋ງ ເຕສ໊າະ ຕສຽນ ເລີ໌ຍ ເຍີຍ ຫວ່າ ທສວດ ເດສ່ງ ເຢຍ ເຍີຍ ດສຸ້ຍ, ເຫວີ່ຍ ຕສຸ ເມີ່ຍ ເຍີຍ ເລີ໌ຍ ປຸນ ເຢຍ ມ່າຍ ລ່ຳ ຮນ້ຳ ຕ໋ອງ.

44ເຢຍ ອ໋ອຍ ຕສັ່ນໆ ເອີຍ ຈ໊ຽນ ເມີ່ຍ ເຍີຍ ເລີ໌ຍ-ຫລັດ ເຖົາ ຢຽດ ລິ໌ວ ຢຽດ ເສີຍ.

45ເຢຍ ຕສ່ຽວ ຢັ້ງ ປູ໋ງ ອກອຍ ເຍີຍ ເຈົ໊າ, ເຫວີ່ຍ ຕສຸ ເຢຍ ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ.

46ເຢຍ ອ໋ອຍ ຢຽມ ຮູ່ງ ເຕ໋ຍ ເຍີຍ ດສະຮມຽນ ກ໊ອງ ເມີ່ຍ ຫັດ ເຍີຍ ຫວ່າ, ເຢຍ ຕສູ໊ງ ໄມ້ ຕສຸ ໄຍ້,

47ເຫວີ່ຍ ຕສຸ ເຢຍ ອະເຮນີ້ຍ ເມີ່ຍ ເຍີຍ ຫລີ່ງ, ເຊ ຕົ້ງ ເຢຍ ຮນ້ຳ ເຍີຍ.

48ເຢຍ ທ່າຍ ເມີ່ຍ ເຍີຍ ຫລີ່ງ, ເຊ ຕົ້ງ ເຢຍ ຮນ້ຳ ເຍີຍ, ເຢຍ ຢ່າ ເຟີຍ-ຟັ້ງ ເມີ່ຍ ເຍີຍ ເລີ໌ຍ-ເຫຍີ່ຍ. ຕສາຢິນ

49ຈັ໋ງ ຈ໊ຽນ ເມີ່ຍ ເຖສົາ ເມີ່ຍ ເຍີຍ ໂປວ ແລ໌ງ ເຍີຍ ຫວ່າ, ເຫວີ່ຍ ຕສຸ ເມີ່ຍ ເຍີຍ ຫວ່າ ປຸນ ເຢຍ ມ່າຍ ລ່ຳ ຮນ້ຳ ຕ໋ອງ.

50ເມີ່ຍ ແລ໌ງ ເຍີຍ ຫວ່າ ປຸນ ເຢຍ ມ່າຍ ແໝ່ງ ຕສຢັ້ງ, ເຢຍ ຕສຸ ໜ່ານ ຕສີ້ງ ເຍີຍ ຕສຢັ້ງ ໂຫ່ ຕສ່ຽວ ອອນ ເຢຍ ເຍີຍ ໂຮຍ້ວ.

51ໂຕສ໋ວ ເໝົາ ເຍີຍ ມ່ຽນ ໄມ້ ຕີ້ງ ລ່ຽວ ເຍີຍ ຮວວດ ເຢຍ, ມປ່າ ເຢຍ ໄມ້ ເລີ່ຍ ອກອຍ ເມີ່ຍ ເຍີຍ ເລີ໌ຍ-ຫລັດ.

52ໂອ ຕສ໊ຽວ ອ່າ, ເຢຍ ຈັ໋ງ ຕຸ໊ ເມີ່ຍ ໂລ໌-ຮນອຍ ປຸນ ຕ້າຍ ເຍີຍ ເລີ໌ຍ, ຕສ່ຽວ ອອນ ເຢຍ ເຍີຍ ໂຮຍ້ວ.

53ເຢຍ ປວັດ ມ່ຽນ ຫວ່າຍ ມ່ຽນ ກວັ່ງ ເມີ່ຍ ເຍີຍ ເລີ໌ຍ-ຫລັດ, ເຢຍ ເຖຈຍ ເຈ໌ຍ ໄຫ່ ຮນັ້ງ ອ໋ອຍ ອຈົບ ໂຕ໌ວ ນໍ.

54ເຢຍ ຢຽມ ລູ່ງ ເດ໊ຍ ຕີ້ງ ເຕສ໊ບ ເຍີຍ ຕ໋ອງ, ເມີ່ຍ ເຍີຍ ເລີ໌ຍ-ເຫຍີ່ຍ ເປ໋ນ ເຢຍ ເຍີຍ ດສູງ.

55ໂອ ຕສ໊ຽວ ອ່າ, ເຢຍ ລູ່ງ ມ໌ວນ ຕສັ່ນ ຈັ໋ງ ເມີ່ຍ ເຍີຍ ເມ່ງ, ຢ່າ ເອີຍ ຈ໊ຽນ ເມີ່ຍ ເຍີຍ ເລີ໌ຍ-ຫລັດ.

56ເຢຍ ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ ໂຕສ໋ວ. ນ້າຍ ເຊ ເຢຍ ເຍີຍ ອອນ-ເຫລາະ. ເຫດ

57ຕສ໊ຽວ ເປ໋ນ ເຢຍ ເຍີຍ ປ່ວນ, ເຢຍ ແລ໌ງ ເອີຍ ຈ໊ຽນ ເມີ່ຍ ເຍີຍ ຫວ່າ.

58ເຢຍ ຫລົ່ງ ເດສ່ງ ໂຮຍ້ວ ໂທ້ ເມີ່ຍ ຕສິ໋ວ ເມີ່ຍ ແລ໌ງ ເຍີຍ ຫວ່າ ຄໍ້-ລ່ຽນ ເຢຍ.

59ເຢຍ ຮນ້ຳ ເຖົາ ເຢຍ ຢັ້ງ ເຍີຍ ຕິ່ວໆ ເຈົ໊າ, ເຢຍ ຕສ່ຽວ ຮວິນ ດສ໋ວນ ຕ້າຍ ລໍ໌ ເມີ່ຍ ອຈ໋າວ ເຍີຍ ຢຽດ ຕສູ໊ງ ຫວ່າ.

60ເຢຍ ຊຽບໆ ເຍີຍ ກັນ ເມີ່ຍ ເຍີຍ ຫລີ່ງ, ຕສູ໊ງ ໄມ້ ໄງ່.

61ໄມ້ ກຸ໊ນ ເອ໊າະ ມ່ຽນ ແຕສງ ຮລາງ ໂດ້ ເຢຍ, ເຢຍ ຕສູ໊ງ ໄມ້ ຫລະຄຸ ເມີ່ຍ ເຍີຍ ເລີ໌ຍ-ຫລັດ.

62ດ໊າມ ມ໌ວນ ເຢຍ ເຈ໌ຍ ຊິນ ຕ້າຍ ເທສງ ເມີ່ຍ, ເຫວີ່ຍ ເມີ່ຍ ແປ້ງ ຟິມ ເຍີຍ ເລີ໌ຍ.

63ຕະຟ່ານ ທ່າຍ ເມີ່ຍ, ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ ໂຕສ໋ວ ວົ້ວ ເຕີ໋ຍ, ເຢຍ ເຖສົາ ນິ່ນ ບົວ ໂຕສ໋ວ ຕ່ອຍ.

64ໂອ ຕສ໊ຽວ ອ່າ, ເມີ່ຍ ຕສຽບ ຕສົ໊ວະ ເຍີຍ ຮນ້ຳ ລູ່ງ ເດ໊ຍ ມ່ຽນ, ໂທ້ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ. ເຖດ

65ໂອ ຕສ໊ຽວ ອ່າ, ເມີ່ຍ ຕສິ໋ວ ເມີ່ຍ ເຍີຍ ຫວ່າ ໂຕສ໋ວ ຫລົງ ປຸນ ເມີ່ຍ ເຍີຍ ໂປວ.

66ໂທ້ ເຖສີຍ ປຸນ ເຢຍ ມ່າຍ ທສົງ-ເມ່ງ ເຖສົາ ວ່ວນ ຕສາງ, ເຫວີ່ຍ ຕສຸ ເຢຍ ສຽນ ເມີ່ຍ ເຍີຍ ຫລີ່ງ.

67ເຢຍ ໄມ້ ແກ້ງ ຕສຸ ໂຄ້ວ ວົ້ວ ຕສັ່ນ, ເຢຍ ປ໌າມ ຕສຸ໌ຍ ໂຕສ໋ວ ຕ່ອງ, ມປ່າ ອີ້ ຕສັ່ນ ເຢຍ ເອີຍ ຈ໊ຽນ ເມີ່ຍ ເຍີຍ ຫວ່າ.

68ເມີ່ຍ ເຊ ຫລົງ, ເມີ່ຍ ໂຕສ໋ວ ເຍີຍ ຢ່າ ໂຕສ໋ວ ຫລົງ, ໂທ້ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ.

69ໂຕສ໋ວ ເໝົາ ເຍີຍ ມ່ຽນ ກ໊ອງ-ແປະ ຫ່ອຍ ເຢຍ, ມປ່າ ເຢຍ ຫລົ່ງ ເດສ່ງ ໂຮຍ້ວ ກັນ ເມີ່ຍ ຫັດ ເຍີຍ ຫວ່າ.

70ນິ່ນ ບົວ ເຍີຍ ໂຮຍ້ວ ຫຮງົງ, ມປ່າ ເຢຍ ອະເຮນີ້ຍ ເມີ່ຍ ເຍີຍ ເລີ໌ຍ-ຫລັດ.

71ເຢຍ ຕສຸ ໂຄ້ວ ເຊ ຫລົງ ເຍີຍ, ເຫວີ່ຍ ປຸນ ເຢຍ ໂຫະ ຫລິ່ນ ເມີ່ຍ ເຍີຍ ເລີ໌ຍ-ເຫຍີ່ຍ.

72ເມີ່ຍ ເຍີຍ ດສຸ້ຍ ກ໊ອງ ທສວດ ເຍີຍ ເລີ໌ຍ-ຫລັດ ເຫວີ່ຍ ເຢຍ ເກົ້າ ມ່າຍ ລ່ຳ ຫລົ່ງ ເຈ໋ຍ ທສິນໆ ຫວ່ານໆ ຈຽມ ຍ່ານ. ຢົ໊ດ

73ເມີ່ຍ ເຍີຍ ປົ໌ວ ເຕສີ໋ຍ ເຢຍ ຕ້າຍ ແອ໋ງ ຫລຽບ ເຢຍ, ໂທ້ ປຸນ ເຢຍ ເປັຍ ໂຮຍ້ວ ເຫວີ່ຍ ປຸນ ເຢຍ ຕຸ໊ ໂຫະ ຫລິ່ນ ເມີ່ຍ ເຍີຍ ຫລີ່ງ.

74ທ່າຍ ເມີ່ຍ ວົ້ວ ເຕີ໋ຍ ມ່ຽນ ປວັດ ເຢຍ ຕສ່ຽວ ອະເຮນີ້ຍ ໄຫ່, ເຫວີ່ຍ ຕສຸ ເຢຍ ເຂົາ ເມີ່ຍ ເຍີຍ ຫວ່າ ມ່າຍ ລ່ຳ ຮນ້ຳ ຕ໋ອງ.

75ໂອ ຕສ໊ຽວ ອ່າ, ເຢຍ ຮິ້ວ ຕຸ໊ ເມີ່ຍ ຊ້ຽມ ເຍີຍ ຫວ່າ ເຊ ແປ້ງ ຟິມ ເຍີຍ, ຢ່າ ຮິ້ວ ຕຸ໊ ເຢຍ ຕສຸ ສ່ຽວ ໂຄ້ວ ເຊ ເມີ່ຍ ຕສຽບ ຕສົ໊ວະ ເຍີຍ ໂຕສ໋ວ.

76ໂທ້ ຕສິ໋ວ ເມີ່ຍ ແລ໌ງ ປຸນ ເມີ່ຍ ເຍີຍ ໂປວ ເຍີຍ ຫວ່າ ຫລົ່ງ ເມີ່ຍ ຕສຽບ ຕສົ໊ວະ ຮນ້ຳ ມ່ຽນ ເຍີຍ ໂຮຍ້ວ ອອນ ເຢຍ ເຍີຍ ໂຮຍ້ວ.

77ໂທ້ ເມີ່ຍ ຄໍ້-ລ່ຽນ ເຢຍ, ປຸນ ເຢຍ ຕຸ໊ ຕສຢັ້ງ ຈ໊ຽນ, ເຫວີ່ຍ ຕສຸ ເມີ່ຍ ເຍີຍ ເລີ໌ຍ-ຫລັດ ປຸນ ເຢຍ ອະເຮນີ້ຍ.

78ໂທ້ ປຸນ ເທສງ-ໂຮລ ເຍີຍ ມ່ຽນ ຕສຸ ໄຍ້, ເຫວີ່ຍ ຕສຸ ນິ່ນ ບົວ ໄມ້ ຫລົ່ງ ເລີ໌ຍ ເຍີຍ ຫ່ອຍ ເຢຍ. ມປ່າ ເຢຍ ກັ້ນ ແອ໊ະ, ເຢຍ ເຟີຍ-ຟັ້ງ ເມີ່ຍ ຫັດ ເຍີຍ ຫວ່າ.

79ໂທ້ ປຸນ ທ່າຍ ເມີ່ຍ ວົ້ວ ເຕີ໋ຍ ຮວິນ ດສ໋ວນ ຕ້າຍ ລໍ໌ ເຢຍ, ເຫວີ່ຍ ປຸນ ນິ່ນ ບົວ ຮິ້ວ ຕຸ໊ ເມີ່ຍ ເຍີຍ ຫວ່າ.

80ໂທ້ ປຸນ ເຢຍ ເຍີຍ ໂຮຍ້ວ ເອີຍ ຈ໊ຽນ ເມີ່ຍ ເຍີຍ ເລີ໌ຍ-ເຫຍີ່ຍ ຢ່າ ໄມ້ ມ່າຍ ຕ໋ອງ ເອກ້ມ, ເຫວີ່ຍ ປຸນ ເຢຍ ໄມ້ ຕສຸ ໄຍ້. ຄັບ

81ເຢຍ ເຍີຍ ໂຮຍ້ວ ຕສະເກ້ງ ຕສົ໊ວ ຈ໊ຽນ ອ໋ອຍ ຕຸ໊ ເມີ່ຍ ເຍີຍ ໂອຈ໋ວ ເອນ, ເຢຍ ເຂົາ ເມີ່ຍ ເຍີຍ ຫວ່າ ມ່າຍ ລ່ຳ ຮນ້ຳ ຕ໋ອງ.

82ເຢຍ ຕສົ໊ວ ເກົາ ເມີ່ຍ ເອີຍ ເມີ່ຍ ແລ໌ງ ເຍີຍ ຫວ່າ ໂຕສ໋ວ, ມຕສີງ ຕສູ໊ງ ບົ໊ວ ໝີ່ ອ໊ະ. ເຢຍ ໜ່າຍ ກ໋າ, “ເມີ່ຍ ຫາຍ ຕສັ່ນ ຖສີງ ອອນ ເຢຍ ເຍີຍ ໂຮຍ້ວ?”

83ເຢຍ ເຊ ຮນັ້ງ ນອມ ຕັ໊ບ ອະຫງຸ່ນ ຕິ໊ວ ເຍີຍ ດົ໊ບ-ບົວະ ຂັງ ຈ໊ຽນ ໂຕ໌ວ-ສຽວ ກູ້ ຫງວ່າຍ, ມປ່າ ເຢຍ ໄມ້ ຫລະຄຸ ເມີ່ຍ ເຍີຍ ເລີ໌ຍ-ເຫຍີ່ຍ.

84ເມີ່ຍ ເຍີຍ ໂປວ ອ໋ອຍ ຕສຸ ເຕ໊ຍ ດົ່ງ ຫາຍ ເລົ່າ? ເມີ່ຍ ເຖົາ ຫາຍ ຕສັ່ນ ຖສີງ ຊ້ຽມ ຫ່ອຍ ເຢຍ ວົ້ວ ເຕີ໋ຍ ມ່ຽນ ເຍີຍ ຕສຸ໌ຍ?

85ໂຕສ໋ວ ເໝົາ, ໄມ້ ເອີຍ ເມີ່ຍ ເຍີຍ ເລີ໌ຍ-ຫລັດ ເຍີຍ ມ່ຽນ, ເວດ ຄວດ ອ໋ອຍ ຫ່ອຍ ເຢຍ ດ໊ອດ.

86ເມີ່ຍ ເຍີຍ ຢຽດ ຕສູ໊ງ ຫລີ່ງ ເຂົາ ຕຸ໊ ວ້ວນ ເຍີຍ. ນິ່ນ ບົວ ກ໊ອງ-ແປະ ຫ່ອຍ ເຢຍ, ໂທ້ ເຖງ ເຢຍ.

87ນິ່ນ ບົວ ຄ້າ ເຕີ໋ຍ ໝຽດ ເຢຍ, ປຸນ ເຢຍ ໄມ້ ມ່າຍ ແໝ່ງ ຢຽມ ລູ່ງ ເດ໊ຍ, ມປ່າ ເຢຍ ໄມ້ ກວັ່ງ ເມີ່ຍ ຫັດ ເຍີຍ ຫວ່າ.

88ເມີ່ຍ ຕສຽບ ຕສົ໊ວະ ເຍີຍ ຮນ້ຳ ມ່ຽນ ຕສ່ຽວ ໂທ້ ເສຍ ທສວດ ເຢຍ ເຍີຍ ແໝ່ງ ເຫວີ່ຍ ປຸນ ເຢຍ ໄຮ່ ເອີຍ ຈ໊ຽນ ເມີ່ຍ ເຍີຍ ດສຸ້ຍ ກ໊ອງ ເຍີຍ ຫວ່າ. ລາເມດ

89ໂອ ຕສ໊ຽວ ອ່າ, ເມີ່ຍ ເຍີຍ ຫວ່າ ຢຽມ ລູ່ງ ກູ້ ຫງວ່າຍ ຫລຽບ ວ້ວນ ເຖົາ ຢຽດ ລິ໌ວ.

90ຕ່ອຍ ເຈ໋ຍ ຕ່ອຍ ເມີ່ຍ ເຊ ຕສຽບ ຕສົ໊ວະ ເຍີຍ. ເມີ່ຍ ຫລຽບ ປ້າມ ເກນ ຕ້າຍ, ປ້າມ ເກນ ຕສ່ຽວ ຢຽມ ຈ໊ຽນ ເຖົາ ອີ້ ຕສັ່ນ.

91ຕສິ໋ວ ເມີ່ຍ ຫັດ ເຍີຍ ຫວ່າ ຢຽດ ຕສູ໊ງ ຢຽມ ຈ໊ຽນ ເຖົາ ອີ້ ຮນອຍ ເຫວີ່ຍ ຕສຸ ໝ່ານ ໝວດ ເຊ ເປ໋ນ ເມີ່ຍ ເຍີຍ ໂປວ.

92ເຊ ກ໊ອງ ເມີ່ຍ ເຍີຍ ເລີ໌ຍ-ຫລັດ ໄມ້ ເຕສີ໌ຍ ປຸນ ເຢຍ ອະເຮນີ້ຍ, ເຢຍ ຢຽມ ໂຄ້ວ ໜ່ານ ກະຍົ໌ວ ຕສູ໊ງ ຕສຸ ໝຽດ ໝີ່ ອ໊ະ.

93ເຢຍ ຢຽດ ລິ໌ວ ໄມ້ ຫລະຄຸ ເມີ່ຍ ຫັດ ເຍີຍ ຫວ່າ, ເຫວີ່ຍ ຕສຸ ເມີ່ຍ ຫລົ່ງ ເມີ່ຍ ຫັດ ເຍີຍ ຫວ່າ ປຸນ ເຢຍ ຕຸ໊ ຕສຢັ້ງ ຈ໊ຽນ.

94ເຢຍ ເປ໋ນ ເມີ່ຍ ເຍີຍ ມ່ຽນ, ໂທ້ ໂອຈ໋ວ ເຢຍ, ເຫວີ່ຍ ຕສຸ ເຢຍ ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ.

95ເອ໊າະ ມ່ຽນ ຕສົ໊ວ ຈ໊ຽນ ອ໋ອຍ ໄຕ໋ ເຢຍ, ມປ່າ ເຢຍ ອ໋ອຍ ສຳ ໝັ່ງ ເມີ່ຍ ເຍີຍ ເລີ໌ຍ-ຫລັດ.

96ເຢຍ ປວັດ ໝ່ານ ສີ່ ມ່າຍ ນິ່ນ ເຍີຍ ໂສວ ໂໝ່ວ, ມປ່າ ເມີ່ຍ ເຍີຍ ຫລີ່ງ ຕສະເກ້ງ! ຈັ໊ງ ໄຫ່. ເມມ

97ໂອ ເຢຍ ຕສະເກ້ງ ຮນ້ຳ ເມີ່ຍ ເຍີຍ ເລີ໌ຍ-ຫລັດ, ເຢຍ ຕສຢັ້ງ ຮນອຍ ໄມ້ ຕີ້ງ ລ່ຽວ ເຍີຍ ເຟີຍ-ຟັ້ງ.

98ເມີ່ຍ ເຍີຍ ຫລີ່ງ ຕສັ່ນໆ ຢຽມ ເຢຍ ເຍີຍ ໂຮຍ້ວ, ຕສ່ຽວ ປຸນ ເຢຍ ມ່າຍ ທສົງ-ເມ່ງ ເກົ້າ ທສ້ຳ ເຢຍ ເຍີຍ ວິນ-ວັ້ງ.

99ເຢຍ ເກົ້າ ຮນ້ຳ ຕຸ໊ ທົງ ເຢຍ ເຍີຍ ຢຽດ ຕສູ໊ງ ຟິນ-ແຊງ, ເຫວີ່ຍ ຕສຸ ເຢຍ ເຟີຍ-ຟັ້ງ ເມີ່ຍ ອຈ໋າວ ເຍີຍ ຫວ່າ.

100ເປີ໊ຍ ມ່ຽນ ໂກ໋ ມ່ຽນ ເຢຍ ເກົ້າ ເມ່ງ ແປະ ເຫວີ່ຍ ຕສຸ ເຢຍ ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ.

101ເຢຍ ຫັດ ຈ໊ຽນ ໄມ້ ປຸນ ເຢຍ ເຍີຍ ເຕສົ໋າ ຢັ້ງ ຢຽດ ຕສູ໊ງ ເອ໊າະ ເຍີຍ ເຈົ໊າ, ເຫວີ່ຍ ປຸນ ເຢຍ ເອີຍ ຈ໊ຽນ ເມີ່ຍ ເຍີຍ ຫວ່າ ໂຕສ໋ວ.

102ເຢຍ ໄມ້ ເລີ່ຍ ອກອຍ ເມີ່ຍ ເຍີຍ ເລີ໌ຍ ເຫວີ່ຍ ຕສຸ ເມີ່ຍ ກັ້ນ ອຈ໋າວ ເຈ໋ຍ ເຢຍ.

103ເຢຍ ເສີຍ ລິ໌ວ ເມີ່ຍ ເຍີຍ ຫວ່າ, ຕສະເກ້ງ ກາມ ໄຫ່, ຢຽມ ເຢຍ ເຍີຍ ດສຸ້ຍ ຕສູ໊ງ ເກົ້າ ກາມ ເມວີ໌ຍ-ຕ້ອງ.

104ເຢຍ ເຂົາ ເມີ່ຍ ຫັດ ເຍີຍ ຫວ່າ ເຖງ ເຢຍ ເປັຍ ໂຮຍ້ວ, ເຫວີ່ຍ ນ້າຍ ເຢຍ ດສອງ ໄຫ່ ຢຽດ ຕສູ໊ງ ຈ໊າ ເຍີຍ ເຈົ໊າ. ນຸນ

105ເມີ່ຍ ເຍີຍ ຫວ່າ ເຊ ຮນັ້ງ ຕັງ ຕສິ໋ວ ເຢຍ ເຍີຍ ເຕສົ໋າ-ເບ່ຍ, ຢ່າ ໂຕສ໋ວ ເຢຍ ເຈົ໊າ ຕສັ່ງ ເຍີຍ ອຈັງ.

106ເຢຍ ໂຮ້ວ ຈ໊ຽນ ຫລຽບ ແຫງ່ງ ຫວ່າ ຢ່າ ແລ໌ງ ເອີຍ ຈ໊ຽນ ແປ້ງ ຟິມ ເຍີຍ ເລີ໌ຍ ໂຕສ໋ວ.

107ໂອ ຕສ໊ຽວ ອ່າ, ເຢຍ ຕສະເກ້ງ ສ່ຽວ ໂຄ້ວ ໜ່ານ ເຮນ້ຍ ໄຫ່, ໂທ້ ເມີ່ຍ ຕສິ໋ວ ເມີ່ຍ ເຍີຍ ຫວ່າ ປຸນ ເຢຍ ຕຸ໊ ຕສຢັ້ງ ຈ໊ຽນ.

108ໂອ ຕສ໊ຽວ ອ່າ, ໂທ້ ຕສິ໊ບ ເຢຍ ເຍີຍ ດສຸ້ຍ ເທສງ ເຍີຍ ຫວ່າ ເປ໋ນ ເຕສ່ຍ ເຍີຍ ກະນ້າຍ, ຢ່າ ອຈ໋າວ ເຢຍ ຮິ້ວ ຕຸ໊ ເມີ່ຍ ເຍີຍ ເລີ໌ຍ.

109ເຢຍ ເຍີຍ ແໝ່ງ ຕສັ່ນໆ ຕສຸ ກ້ຳ ເດສ໋ຍ ເຍີຍ ສີ່, ມປ່າ ເຢຍ ໄມ້ ຫລະຄຸ ເມີ່ຍ ເຍີຍ ເລີ໌ຍ-ຫລັດ.

110ເອ໊າະ ມ່ຽນ ແຕສງ ໂຂວ ອ໋ອຍ ຮລົບ ເຢຍ, ມປ່າ ເຢຍ ໄມ້ ເລີ່ຍ ອກອຍ ເມີ່ຍ ຫັດ ເຍີຍ ຫວ່າ.

111ເມີ່ຍ ອຈ໋າວ ເຍີຍ ຫວ່າ ເຊ ເຢຍ ຢຽດ ລິ໌ວ ດສິບ ເຍີຍ ປ່ວນ, ຢ່າ ປຸນ ເຢຍ ເຍີຍ ໂຮຍ້ວ ອະເຮນີ້ຍ ໄຫ່.

112ເຢຍ ຫລຽບ ຕີ່ງ ໂຮຍ້ວ ກັນ ເມີ່ຍ ເຍີຍ ເລີ໌ຍ-ເຫຍີ່ຍ, ຢຽດ ລິ໌ວ ກັນ ເຖົາ ຕ້າວ ເຖົາ ເມວີ໌ຍ. ຊາເມກ

113ມ່າຍ ອີ ຕິ່ວ ໂຮຍ້ວ ເຍີຍ ມ່ຽນ ເຢຍ ດສອງ ໄຫ່, ມປ່າ ເຢຍ ຮນ້ຳ ເມີ່ຍ ເຍີຍ ເລີ໌ຍ-ຫລັດ.

114ເມີ່ຍ ໂຕສ໋ວ ເຢຍ ປີ໋ງ ເຍີຍ ຕ໋ອງ ຢ່າ ໂຕສ໋ວ ເຢຍ ເຍີຍ ທ້ອງ-ປ້າຍ. ເຢຍ ເຂົາ ເມີ່ຍ ເຍີຍ ຫວ່າ ມ່າຍ ລ່ຳ ຮນ້ຳ ຕ໋ອງ.

115ໂຕສ໋ວ ເອ໊າະ ເຍີຍ ມ່ຽນ ອ້າ! ເປຢົ໋າ ອກອຍ ເຢຍ ມ່າະ! ເຫວີ່ຍ ປຸນ ເຢຍ ໄຮ່ ກັນ ຫລົງ ເຢຍ ເຍີຍ ທິນ-ຮູ່ງ ຫັດ ເຍີຍ ຫລີ່ງ.

116ໂທ້ ຕສິ໋ວ ເມີ່ຍ ແລ໌ງ ເຍີຍ ຫວ່າ ປ໊າ ຈ໊ຽນ ເຢຍ, ປຸນ ເຢຍ ຕຸ໊ ຕສຢັ້ງ ຈ໊ຽນ. ເຢຍ ມ່າຍ ລ່ຳ ຮນ້ຳ ເຍີຍ ຢ່າ ໂທ້ ໄມ້ ຕູ໋ງ ປູ໋ງ ດ໊ອດ ເຫວີ່ຍ ປຸນ ເຢຍ ໄມ້ ຕສຸ ໄຍ້.

117ໂທ້ ປ໊າ ຈ໊ຽນ ເຢຍ, ເຢຍ ຕສ່ຽວ ຢຽມ ຕຸ໊ ຫລົງ ຢ່າ ຕສັ່ນໆ ທ່າຍ ເມີ່ຍ ເຍີຍ ເລີ໌ຍ-ເຫຍີ່ຍ.

118ເມີ່ຍ ເອກ້ມ ໄມ້ ເອີຍ ເມີ່ຍ ເຍີຍ ເລີ໌ຍ-ເຫຍີ່ຍ ເຍີຍ ມ່ຽນ. ນິ່ນ ບົວ ກູ໊ ໄກວ໋ ເຍີຍ ຕສະເອີ໋ຍ ເຊ ໄມ້ ລ່ຳ ຫລົ່ງ.

119ເມີ່ຍ ເຕສ໊າະ ລູ່ງ ເດ໊ຍ ເຍີຍ ເອ໊າະ ມ່ຽນ ຝຸນ ຮນັ້ງ ເຮລັຍ-ໄອກ໊ ນໍ, ເຫວີ່ຍ ນ້າຍ ເຢຍ ຮນ້ຳ ເມີ່ຍ ອຈ໋າວ ເຍີຍ ຫວ່າ.

120ເຢຍ ຊິນ ຕສິ໋ນ ເຫວີ່ຍ ຕສຸ ເຢຍ ກ້ຳ ເດສ໋ຍ ເມີ່ຍ. ເຢຍ ຢ່າ ກ້ຳ ເດສ໋ຍ ເມີ່ຍ ຊ້ຽມ ເຍີຍ ຫວ່າ. ອາຢິນ

121ເຢຍ ໂຕສ໋ວ ເຍີຍ ເຊ ແປ້ງ ຟິມ, ຫອບ ເຍີຍ. ໂທ້ ໄມ້ ຕູ໋ງ ກວັ່ງ ເຢຍ ຢຽມ ເຕສີ໋ຍ ເຢຍ ວົ້ວ ເຕີ໋ຍ ເຍີຍ ປົ໌ວ-ເດ໊ຍ.

122ໂທ້ ເປວ ຈ໊ຽນ ເມີ່ຍ ເຍີຍ ໂປວ ປຸນ ເຢຍ ຕຸ໊ ຫລົງ, ໄມ້ ຕູ໋ງ ປຸນ ໂຕສ໋ວ ເໝົາ ເຍີຍ ມ່ຽນ ເຕສີ໋ຍ ເຢຍ.

123ເຢຍ ຕສົ໊ວ ເກົາ ເມີ່ຍ ເຍີຍ ໂອຈ໋ວ ເອນ, ເຖສົາ ເມີ່ຍ ໂຕສ໋ວ ຕສຢັ໋ງ ເມີ່ຍ ແປ້ງ ຟິມ ແລ໌ງ ເຍີຍ ຫວ່າ, ເຢຍ ມຕສີງ ຕສູ໊ງ ໄມ້ ອຈັງ ອ໊ະ.

124ໂທ້ ເມີ່ຍ ຕສິ໋ວ ເມີ່ຍ ຕສຽບ ຕສົ໊ວະ ເຍີຍ ຮນ້ຳ ມ່ຽນ ຕໍ້ ເມີ່ຍ ເຍີຍ ໂປວ, ຢ່າ ໂທ້ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ.

125ເຢຍ ເຊ ເມີ່ຍ ເຍີຍ ໂປວ. ໂທ້ ປຸນ ເຢຍ ເປັຍ ໂຮຍ້ວ, ເຫວີ່ຍ ປຸນ ເຢຍ ເມ່ງ ແປະ ເມີ່ຍ ອຈ໋າວ ເຍີຍ ຫວ່າ.

126ຕສ໊ຽວ ຕີ່ງ ຕສຸ໌ຍ ເຍີຍ ຕສຢັ້ງ ໂຫ່ ເຖົາ ອ໊ະ, ເຫວີ່ຍ ຕສຸ ມ່ຽນ ປ໌າມ ເມີ່ຍ ເຍີຍ ເລີ໌ຍ-ຫລັດ.

127ເຢຍ ຕສະເກ້ງ ຮນ້ຳ ເມີ່ຍ ເຍີຍ ຫລີ່ງ ເກົ້າ ທສ້ຳ ຈຽມ, ຕສູ໊ງ ເກົ້າ ທສ້ຳ ຕສຽນ ຈຽມ.

128ເຫວີ່ຍ ນ້າຍ ເຢຍ ຢັ້ງ ເມີ່ຍ ຫັດ ເຍີຍ ຫວ່າ, ເຢຍ ດສອງ ໄຫ່ ຢຽດ ຕສູ໊ງ ຈ໊າ ເຍີຍ ເຈົ໊າ. ເພ

129ເມີ່ຍ ອຈ໋າວ ເຍີຍ ຫວ່າ ເກ້ງ ເຜີຍ ຝູ່ ໄຫ່, ເຫວີ່ຍ ນ້າຍ ເຢຍ ຫລົ່ງ ໂຮຍ້ວ ກັນ ຈ໊ຽນ ມີ່ງ.

130ເມີ່ຍ ເຍີຍ ຫວ່າ ພໍ້ ອກອຍ ເຊ ຮນັ້ງ ຕສິ໋ວ ອຈັງ ນໍ, ປຸນ ໄມ້ ໜັ່ງ ຮິ້ວ ທສ້ຳ ເຍີຍ ມ່ຽນ ເປັຍ ໂຮຍ້ວ.

131ເຢຍ ໝອງ ອກອຍ ດສຸ້ຍ ເທົ້າ ເຖຈຍ ແຮໆ ເຍີຍ, ເຫວີ່ຍ ຕສຸ ເຢຍ ຕສະເກ້ງ ອ໋ອຍ ເມີ່ຍ ເຍີຍ ຫລີ່ງ.

132ໂທ້ ຮວິນ ໝັ່ງ ເຢຍ ຢ່າ ຄໍ້-ລ່ຽນ ເຢຍ, ຮນັ້ງ ເມີ່ຍ ໂຕສ໋ວ ເຈ໋ຍ ເຫວີ່ຍ ຮນ້ຳ ເມີ່ຍ ເຍີຍ ເມ່ງ ວົ້ວ ເຕີ໋ຍ ມ່ຽນ.

133ໂທ້ ເມີ່ຍ ຫລົ່ງ ເມີ່ຍ ເຍີຍ ຫວ່າ ປຸນ ເຢຍ ເຍີຍ ເຕສົ໋າ-ເບ່ຍ ໄຮ່ ທສ້າຍ ຕຸ໊ ຈ໊ຽນ, ຢ່າ ໄມ້ ຕູ໋ງ ປຸນ ຫາຍ ຫຍູ່ງ ຕສຸ໌ຍ ກຸ໊ນ ເຢຍ.

134ໂທ້ ເຖງ ເຢຍ ເປຢົ໋າ ດຸ໊ດ ເຕສີ໋ຍ ເຢຍ ວົ້ວ ເຕີ໋ຍ ມ່ຽນ, ເຫວີ່ຍ ປຸນ ເຢຍ ໄຮ່ ເອີຍ ຈ໊ຽນ ເມີ່ຍ ຫັດ ເຍີຍ ຫວ່າ.

135ໂທ້ ເມີ່ຍ ເຍີຍ ຮມຽນ ຕສິ໋ວ ອຈັງ ເມີ່ຍ ເຍີຍ ໂປວ, ຢ່າ ໂທ້ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ.

136ເຢຍ ເຍີຍ ວວມ-ເໝວີ່ຍ ຫລ່ຽວ ເອຈ່ຍ ຮນັ້ງ ໂດ໊ະ ນໍ, ເຫວີ່ຍ ຕສຸ ມ່ຽນ ໄມ້ ເອີຍ ເມີ່ຍ ເຍີຍ ເລີ໌ຍ-ຫລັດ. ຕສາເດ

137ໂອ ຕສ໊ຽວ ອ່າ, ເມີ່ຍ ເຊ ແປ້ງ ຟິມ ເຍີຍ, ເມີ່ຍ ເຍີຍ ເລີ໌ຍ-ຫລັດ ຢ່າ ຕສີ໋ງ ເຍີຍ.

138ເມີ່ຍ ຕີ່ງ ຕ້າຍ ເຍີຍ ເລີ໌ຍ-ເຫຍີ່ຍ ເຊ ຫອບ ເຍີຍ, ຢ່າ ແປ້ງ ຟິມ ເດສ່ງ.

139ເຢຍ ເຍີຍ ໂຮຍ້ວ ເຖຈຍ ເຈ໌ຍ ໄຫ່ ຮນັ້ງ ໂຕ໌ວ ປົ໊ວ ຈ໊ຽນ ນໍ, ເຫວີ່ຍ ຕສຸ ເຢຍ ເຍີຍ ວິນ-ວັ້ງ ຫລະຄຸ ເມີ່ຍ ເຍີຍ ຫວ່າ.

140ເມີ່ຍ ແລ໌ງ ເຍີຍ ຫວ່າ ເສີຍ ລິ໌ວ, ຮິ້ວ ຕຸ໊ ເຂົາ ຕຸ໊ ວ້ວນ ເຍີຍ, ເຢຍ, ເມີ່ຍ ເຍີຍ ໂປວ, ຢ່າ ຮນ້ຳ ໄຫ່.

141ເຢຍ ໂຕສ໋ວ ໄຝ, ຕສຸ ມ່ຽນ ໝັ່ງ ເຜຍ, ມປ່າ ເຢຍ ໄມ້ ຫລະຄຸ ເມີ່ຍ ຫັດ ເຍີຍ ຫວ່າ.

142ເມີ່ຍ ເຊ ແປ້ງ ຟິມ ເຍີຍ, ຢ່າ ຢຽດ ລິ໌ວ ແປ້ງ ຟິມ. ເມີ່ຍ ເຍີຍ ເລີ໌ຍ-ຫລັດ ຢ່າ ຕສຽນ.

143ເຢຍ ຕສຸ ໂຕ້ ໜ່ານ, ເດສົ້າ ໂຄ້ວ, ມປ່າ ເມີ່ຍ ເຍີຍ ຫລີ່ງ ປຸນ ເຢຍ ອຈຽນ-ໂຢ້ວ.

144ເມີ່ຍ ອຈ໋າວ ເຍີຍ ຫວ່າ ຢຽດ ລິ໌ວ ແປ້ງ ຟິມ ເຍີຍ, ໂທ້ ປຸນ ເຢຍ ເມ່ງ ແປະ ເຫວີ່ຍ ປຸນ ເຢຍ ຕຸ໊ ຕສຢັ້ງ ຈ໊ຽນ. ຄົບ

145ໂອ ຕສ໊ຽວ ອ່າ, ເຢຍ ຫລົ່ງ ເດສ່ງ ໂຮຍ້ວ ເຫ່ວ ຈ໊ຽນ ເມີ່ຍ. ໂທ້ ເຕົາ ເຢຍ, ເຢຍ ຕສ່ຽວ ເອີຍ ຈ໊ຽນ ເມີ່ຍ ເຍີຍ ເລີ໌ຍ-ເຫຍີ່ຍ.

146ເຢຍ ເຫ່ວ ຈ໊ຽນ ເມີ່ຍ, ໂທ້ ໂອຈ໋ວ ເຢຍ, ເຫວີ່ຍ ປຸນ ເຢຍ ໄຮ່ ເອີຍ ຈ໊ຽນ ເມີ່ຍ ອຈ໋າວ ເຍີຍ ຫວ່າ.

147ລູ່ງ ໄມ້ ແກ້ງ ອຈັງ ເຢຍ ເຈ໌ຍ ຊິນ ເຫ່ວ ເມີ່ຍ ເຖງ. ເຢຍ ເຂົາ ເມີ່ຍ ເຍີຍ ຫວ່າ ມ່າຍ ລ່ຳ ຮນ້ຳ ຕ໋ອງ.

148ເຢຍ ຕສຢັ້ງ ມ໌ວນ ໜູງ ຈ໊ຽນ ມຕສີງ ເຫວີ່ຍ ເຟີຍ-ຟັ້ງ ເມີ່ຍ ແລ໌ງ ເຍີຍ ຫວ່າ.

149ຕສິ໋ວ ເມີ່ຍ ຕສຽບ ຕສົ໊ວະ ເຍີຍ ຮນ້ຳ ມ່ຽນ ໂທ້ ໝວັງ ເຢຍ ເຍີຍ ເຖຈຍ. ໂອ ຕສ໊ຽວ ອ່າ, ໂທ້ ຕສິ໋ວ ເມີ່ຍ ເຍີຍ ເລີ໌ຍ ເປວ ເຢຍ ເຍີຍ ແໝ່ງ.

150ຕ໊າ ເອ໊າະ ຕສະເອີ໋ຍ ເຕສີ໋ຍ ເຢຍ ວົ້ວ ເຕີ໋ຍ ມ່ຽນ ເຖົາ ຟັດ ອ໊ະ. ນິ່ນ ບົວ ເລີ່ຍ ໂກ ເມີ່ຍ ເຍີຍ ເລີ໌ຍ-ຫລັດ.

151ມປ່າ ຕສ໊ຽວ ອ່າ, ເມີ່ຍ ຢຽມ ນິດ ຟັດ. ເມີ່ຍ ເຍີຍ ຢຽດ ຕສູ໊ງ ຫລີ່ງ ຢ່າ ຕສຽນ.

152ເຢຍ ເຫວີ່ຍ ໂຫະ ເມີ່ຍ ອຈ໋າວ ເຍີຍ ຫວ່າ ຮິ້ວ ຕຸ໊ ເລົ່າ ອ໊ະ, ເມີ່ຍ ອຈ໋າວ ເຍີຍ ຫວ່າ ຢຽດ ລິ໌ວ ຫລຽບ ວ້ວນ. ເລດ

153ໂທ້ ໝັ່ງ ປວັດ ເຢຍ ເຍີຍ ໂຄ້ວ ໜ່ານ ຢ່າ ໂອຈ໋ວ ເຢຍ, ເຫວີ່ຍ ຕສຸ ເຢຍ ໄມ້ ຫລະຄຸ ເມີ່ຍ ເຍີຍ ເລີ໌ຍ-ຫລັດ.

154ໂທ້ ເຖງ ເບ່ນ ເຢຍ ເຍີຍ ສີ່ ຢ່າ ຕສົວະ ເຢຍ. ຕສິ໋ວ ເມີ່ຍ ແລ໌ງ ເຍີຍ ຫວ່າ ໂທ້ ປຸນ ເຢຍ ຕຸ໊ ຕສຢັ້ງ ຈ໊ຽນ.

155ໂຕສ໋ວ ເອ໊າະ ເຍີຍ ມ່ຽນ ໄມ້ ໄຮ່ ຕຸ໊ ໂອຈ໋ວ, ນິ່ນ ບົວ ໄມ້ ກັນ ເມີ່ຍ ເຍີຍ ເລີ໌ຍ-ເຫຍີ່ຍ.

156ໂອ ຕສ໊ຽວ ອ່າ, ເມີ່ຍ ຕສະເກ້ງ ຄໍ້-ລ່ຽນ ມ່ຽນ ໄຫ່. ໂທ້ ຕສິ໋ວ ເມີ່ຍ ເຍີຍ ເລີ໌ຍ ປຸນ ເຢຍ ມ່າຍ ແໝ່ງ ຕສຢັ້ງ ຈ໊ຽນ.

157ເຕສີ໋ຍ ເຢຍ, ເຖສົາ ເຢຍ ຕ໋ອຍ-ເຕກ ເຍີຍ ມ່ຽນ ທສ້ຳ ໄຫ່, ມປ່າ ເຢຍ ໄມ້ ເລີ່ຍ ອກອຍ ເມີ່ຍ ຫັດ ເຍີຍ ຫວ່າ.

158ເຢຍ ປວັດ ໄມ້ ຕສຽບ ຕສົ໊ວະ ເຍີຍ ມ່ຽນ ຕສ່ຽວ ໂຢ໋ວ ໄຫ່ ເຫວີ່ຍ ຕສຸ ນິ່ນ ບົວ ໄມ້ ເອີຍ ເມີ່ຍ ເຍີຍ ຫວ່າ.

159ສຳ ໝັ່ງ ກ໋າ ເຢຍ ດົ່ງ ຫາຍ ຮນ້ຳ ເມີ່ຍ ຫັດ ເຍີຍ ຫວ່າ. ໂທ້ ຕສິ໋ວ ເມີ່ຍ ຕສຽບ ຕສົ໊ວະ ເຍີຍ ຮນ້ຳ ມ່ຽນ ເປວ ເຢຍ ເຍີຍ ແໝ່ງ.

160ເມີ່ຍ ເຍີຍ ຫວ່າ ດສຸ໊ດ ຕສຸ໊ນ ກ໊ອງ ເຊ ຕສຽນ ເລີ໌ຍ, ເມີ່ຍ ເຍີຍ ຢຽດ ຕສູ໊ງ ກົງ-ຟິມ ເຍີຍ ເລີ໌ຍ ຢຽດ ລິ໌ວ ຢຽມ. ຊິນ

161ໂຕສ໋ວ ໂຮລ ເຍີຍ ມ່ຽນ ໄມ້ ຫລົ່ງ ເລີ໌ຍ ເຍີຍ ຫ່ອຍ ເຢຍ, ມປ່າ ເຢຍ ເຍີຍ ໂຮຍ້ວ ກ້ຳ ເດສ໋ຍ ເຍີຍ ເຊ ເມີ່ຍ ເຍີຍ ຫວ່າ.

162ເຢຍ ເຫວີ່ຍ ເມີ່ຍ ເຍີຍ ຫວ່າ ອະເຮນີ້ຍ, ຮນັ້ງ ມ່ຽນ ຕຸ໊ ທສ້າງ ຕ້າຍ ເຍີຍ ກະນ້າຍ ທສ້ຳ ນໍ.

163ເຢຍ ດສອງ ໄຫ່, ໂຢ໋ວ ໄຫ່ ຢຽດ ຕສູ໊ງ ກ໊ອງ-ແປະ ເຍີຍ ຫວ່າ, ມປ່າ ເຢຍ ຮນ້ຳ ໄຫ່ ເມີ່ຍ ເຍີຍ ເລີ໌ຍ-ຫລັດ.

164ເຫວີ່ຍ ເມີ່ຍ ແປ້ງ ຟິມ ເຍີຍ ເລີ໌ຍ ເຢຍ ຢຽດ ຮນອຍ ເທສງ ເມີ່ຍ ເສ່ຍ ດສຸ່ນ.

165ຮນ້ຳ ເມີ່ຍ ເຍີຍ ເລີ໌ຍ ເຍີຍ ມ່ຽນ ຕຸ໊ ແປ້ງ ອອນ ທສ້ຳ, ຢ່າ ໄມ້ ມ່າຍ ຫາຍ ຫຍູ່ງ ໄຮ່ ປຸນ ນິ່ນ ບົວ ດິ໊ ຕສຸ ດອບ.

166ໂອ ຕສ໊ຽວ ອ່າ, ເຢຍ ຕສົ໊ວ ຈ໊ຽນ ເມີ່ຍ ໂອຈ໋ວ ເຢຍ, ເຢຍ ຢ່າ ເອີຍ ເມີ່ຍ ຫັດ ເຍີຍ ຫລີ່ງ ໂຕສ໋ວ.

167ເຢຍ ເຍີຍ ໂຮຍ້ວ ເອີຍ ຈ໊ຽນ ເມີ່ຍ ເຍີຍ ຫວ່າ. ເຢຍ ຕສະເກ້ງ! ຮນ້ຳ ໄຫ່ ເມີ່ຍ ເຍີຍ ຫວ່າ.

168ເຢຍ ເອີຍ ຈ໊ຽນ ເມີ່ຍ ຫັດ ເຍີຍ, ພ້າຍ ເຍີຍ ຫວ່າ, ເຫວີ່ຍ ຕສຸ ເຢຍ ເຍີຍ ຕິ່ວໆ ເຈົ໊າ ຢຽມ ເມີ່ຍ ເຍີຍ ດສະຮມຽນ. ເທົາ

169ໂອ ຕສ໊ຽວ ອ່າ, ໂທ້ ປຸນ ເຢຍ ເຫ່ວ ເຍີຍ ຊີງ-ເຖຈຍ ເຖົາ ເມີ່ຍ ເຍີຍ ດສະຮມຽນ, ຢ່າ ຕສິ໋ວ ເມີ່ຍ ເຍີຍ ຫວ່າ ປຸນ ເຢຍ ເປັຍ ໂຮຍ້ວ.

170ໂທ້ ປຸນ ເຢຍ ໂຈ້ວ ເຍີຍ ຫວ່າ ເຖົາ ເມີ່ຍ ເຍີຍ ດສະຮມຽນ, ໂທ້ ຕສິ໋ວ ເມີ່ຍ ເຍີຍ ຫວ່າ ໂອຈ໋ວ ເຢຍ.

171ເຢຍ ເຍີຍ ດສຸ້ຍ ເໝີຍ ອ໋ອຍ ກ໊ອງ ທສວດ ເທສງ ເຍີຍ ຫວ່າ, ເຫວີ່ຍ ຕສຸ ເມີ່ຍ ອຈ໋າວ ເມີ່ຍ ເຍີຍ ເລີ໌ຍ-ເຫຍີ່ຍ ເຢຍ.

172ເຢຍ ເຍີຍ ບຽດ ອ໋ອຍ ປ໋າວ ດສູງ ກ໊ອງ ເມີ່ຍ ເຍີຍ ຫວ່າ, ເຫວີ່ຍ ຕສຸ ເມີ່ຍ ເຍີຍ ຢຽດ ຕສູ໊ງ ຫລີ່ງ ເຊ ແປ້ງ ຟິມ ເຍີຍ.

173ໂທ້ ຫລິ່ວ ເລີ໌ຍ ຕສຢັ໋ງ ເມີ່ຍ ເຍີຍ ປົ໌ວ ເຖງ ເຢຍ, ເຫວີ່ຍ ຕສຸ ເຢຍ ກິ໊ນ ລິ໌ວ ເມີ່ຍ ຫັດ ເຍີຍ ຫວ່າ.

174ໂອ ຕສ໊ຽວ ອ່າ, ເຢຍ ເກ້ງ ອ໋ອຍ ຕຸ໊ ເມີ່ຍ ເຍີຍ ໂອຈ໋ວ ເອນ, ເມີ່ຍ ເຍີຍ ເລີ໌ຍ-ຫລັດ ຢ່າ ປຸນ ເຢຍ ອະເຮນີ້ຍ.

175ໂທ້ ປຸນ ເຢຍ ຕຸ໊ ຕສຢັ້ງ ຈ໊ຽນ ເຫວີ່ຍ ປຸນ ເຢຍ ໄຮ່ ເທສງ ເມີ່ຍ, ໂທ້ ປຸນ ເມີ່ຍ ເຍີຍ ເລີ໌ຍ ເຖງ ເຢຍ.

176ເຢຍ ມີ່ງ ຕ່ອງ ເຈົ໊າ ຮນັ້ງ ປະກີ ຢູ້ງ ຕີ໋ງ ລ່າຍ ນໍ, ໂທ້ ຕ້າຍ ລໍ໌ ເມີ່ຍ ເຍີຍ ໂປວ, ເຫວີ່ຍ ຕສຸ ເຢຍ ໄມ້ ຫລະຄຸ ເມີ່ຍ ເຍີຍ ຫລີ່ງ.