Romans 6

Lao Bible (ฉบับอักษรลาว)

← Chapter 5 Jump to: Chapter 7 →

1ວົ້ວ ຫຍູ່ງ, ບົວ ອ໋ອຍ ຕສຸ ຮນັ້ງ ຫາຍ ນໍ ກ໊ອງ? ບົວ ຖສໍ່ ອ໋ອຍ ຕສຸ ປ໌າມ ຈ໊ຽນ ຕສຸ໌ຍ ມີ່ງ ທິນ-ຮູ່ງ ຖສີງ ຕ້າຍ ໄຮ່ ເຖສີຍ ເອນ ທສ້ຳ ຈ໊ຽນ ຝາວ ໄຟ?

2ຕສູ໊ງ ໄມ້ ເຕສີ໌ຍ! ເອີຍ ໂຕສ໋ວ ຕສຸ໌ຍ ເຍີຍ ເຈົ໊າ ບົວ ຕສູ໊ງ ໄຕ່ ໝີ່ ອ໊ະ. ວົ້ວ ຫຍູ່ງ ບົວ ຮນັ້ງ ຫາຍ ນໍ ໄຮ່ ໂຕສ໋ວ ຈ໊ຽນ ຕສຸ໌ຍ ມີ່ງ?

3ເມີ່ຍ ບົວ ຮິ້ວ ຕຸ໊ ບົວ ເຈ໋ຍ ວວມ ເຍີຍ ເລີ໌ຍ, ບົວ ຕຸ໊ ເຖສົາ ກີຕູ່ ເຢຊູ ຈວັ່ງ ແໝ່ງ. ເຈ໋ຍ ເລີ໌ຍ ວົ້ວ ຕສັ່ນ ຕຸ໊ ເຖສົາ ນິ່ນ ຈວັ່ງ ໄຕ່.

4ຮນັ້ງ ໜ່າຍ, ບົວ ເຈ໋ຍ ວວມ ເຍີຍ ເລີ໌ຍ, ບົວ ເຖສົາ ກີຕູ່ ໄຕ່ ມີ່ງ ປຢົ໊ບ ຈ໊ຽນ ເຫວີ່ຍ ປຸນ ບົວ ຕຸ໊ ຊຢັງ-ຕສຢັ້ງ ແໝ່ງ, ຮນັ້ງ ກີຕູ່ ໄຕ່ ມີ່ງ ຕສັ່ງ ເຕ໋ຍ ຢ່າ ຫລົ່ງ ອຈັງ-ຫລ່າງ ເຍີຍ ຕົ້ມ ທຈະ ປຸນ ນິ່ນ ແອ໋ງ ນັ່ງ ຕ້າຍ ຕສຢັ້ງ ຈ໊ຽນ ວົ້ວ ນໍ.

5ເຊ ກ໊ອງ ບົວ ຕຸ໊ ເຖສົາ ກີຕູ່ ຈວັ່ງ ແໝ່ງ ໄຕ່, ທິນ-ຮູ່ງ ປຸນ ບົວ ນັ່ງ ຕ້າຍ ຮນັ້ງ ນິ່ນ ປຸນ ກີຕູ່ ນັ່ງ ຕ້າຍ, ບົວ ຢ່າ ຕຸ໊ ເຖສົາ ກີຕູ່ ຈວັ່ງ ແໝ່ງ ຕສຢັ້ງ.

6ບົວ ຢ່າ ຮິ້ວ ຕຸ໊ ບົວ ເຍີຍ ໂລ໌-ໂຮຍ້ວ ຕສຸ ເຖສົາ ກີຕູ່ ຕີງ ວົ້ວ ຕສຽບ ດສັ່ງ ຈ໋າ ເຫວີ່ຍ ປຸນ ປ໌າມ ຕສຸ໌ຍ ເຍີຍ ໂຮຍ້ວ ຕສຸ ໝຽດ. ບົວ ຢ່າ ໄມ້ ຕສຸ ແອ໋ງ ໂຕສ໋ວ ຕສຸ໌ຍ ເຍີຍ ໂນ່ວ.

7ເຫວີ່ຍ ຕສຸ ຫາຍ ເຕົ້າ ໄຕ່ ມີ່ງ ຕສ່ຽວ ເລີ່ຍ ດຸ໊ດ ຕສຸ໌ຍ ເຍີຍ ທຈະ ໝີ່ ອ໊ະ.

8ເຊ ກ໊ອງ ບົວ ເຖສົາ ກີຕູ່ ໄຕ່ ໝີ່ ອ໊ະ, ບົວ ຢ່າ ສຽນ ບົວ ອ໋ອຍ ຕຸ໊ ເຖສົາ ນິ່ນ ຈວັ່ງ ແໝ່ງ ຕສຢັ້ງ.

9ບົວ ຮິ້ວ ຕຸ໊ ກີຕູ່ ໄຕ່ ມີ່ງ ທິນ-ຮູ່ງ ແອ໋ງ ປຸນ ນິ່ນ ນັ່ງ ຕ້າຍ. ອກະຮ້າ ນິ່ນ ຢຽດ ລິ໌ວ ໄມ້ ໄຕ່ ອ໊ະ. ໄຮ່ ໄຕ່ ເຍີຍ ທຈະ ໄມ້ ໄຮ່ ກຸ໊ນ ນິ່ນ.

10ກີຕູ່ ໄຕ່ ເຫວີ່ຍ ປຸນ ຕສຸ໌ຍ ໄມ້ ໄຮ່ ກຸ໊ນ ນິ່ນ. ໄຕ່ ດສຸ່ນ, ຕ໋ອງ ຕຸ໊ ຢຽດ ລິ໌ວ. ອີ້ ຕສັ່ນ ນິ່ນ ຕສຢັ້ງ ຈ໊ຽນ ເຊ ເຫວີ່ຍ ທິນ-ຮູ່ງ ຕສຢັ້ງ.

11ເມີ່ຍ ບົວ ຟີ່ ຮນັ້ງ ເຍີຍ, ອ໋ອຍ ຕສຸ ຝຸນ ກັ້ນ ຮນັ້ງ ໄຕ່ ໝີ່ ອ໊ະ ນໍ, ຕສຸ໌ຍ ກຸ໊ນ ໄມ້ ຈ໊ຽນ. ມປ່າ ເມີ່ຍ ບົວ ເຖສົາ ກີຕູ່ ເຢຊູ ຈວັ່ງ ແໝ່ງ ຕສຢັ້ງ ຕສ່ຽວ ເຫວີ່ຍ ທິນ-ຮູ່ງ ຕສຢັ້ງ ຈ໊ຽນ.

12ເຫວີ່ຍ ນ້າຍ ໄມ້ ຕູ໋ງ ປຸນ ຕສຸ໌ຍ ກຸ໊ນ ເມີ່ຍ ບົວ ໄຮ່ ໄຕ່ ເຍີຍ ຊິນ, ດົ໊ວ ເມີ່ຍ ບົວ ເອີຍ ກັ້ນ ເຍີຍ ໂຮຍ້ວ ຫັ່ນ ອ໋ອຍ ໂຕສ໋ວ.

13ໄມ້ ຕູ໋ງ ປຸນ ຊິນ ຕສັ່ງ ເຍີຍ ຫາຍ ຫຍູ່ງ ໂຕສ໋ວ ຕສຸ໌ຍ, ຫລົ່ງ ໂຕສ໋ວ ຫວ່າຍ ໄຫ່ ເຍີຍ ສີ່. ຕ໋າວ ດສ໋ວນ ອ໋ອຍ ຕສຸ ຝູງ ກັ້ນ ປຸນ ທິນ-ຮູ່ງ, ຮນັ້ງ ໄຕ່ ມີ່ງ ມປ່າ ທິນ-ຮູ່ງ ປຸນ ແອ໋ງ ນັ່ງ ຕ້າຍ ເຍີຍ ມ່ຽນ ນໍ. ຢ່າ ເຕສ໊າະ ຊິນ ເຍີຍ ຫຍູ່ງໆ ປຸນ ທິນ-ຮູ່ງ ຫລົ່ງ ໂຕສ໋ວ ຫອບ ເຍີຍ ເຈົ໊າ.

14ຕສຸ໌ຍ ໄມ້ ຕຸ໊ ແອ໋ງ ໂຕສ໋ວ ເມີ່ຍ ບົວ ເຍີຍ ຕສ໊ຽວ, ເຫວີ່ຍ ຕສຸ ເມີ່ຍ ບົວ ໄມ້ ຢຽມ ເລີ໌ຍ-ຫລັດ ກະເດ໊ຍ. ເມີ່ຍ ບົວ ຢຽມ ທິນ-ຮູ່ງ ເຍີຍ ເອນ ກະເດ໊ຍ.

15ວົ້ວ ຫຍູ່ງ, ຮນັ້ງ ຫາຍ ນໍ ໂຕສ໋ວ? ບົວ ໄມ້ ເຕສີ໌ຍ ຢຽມ ເລີ໌ຍ-ຫລັດ ກະເດ໊ຍ, ເຊ ຢຽມ ທິນ-ຮູ່ງ ເຍີຍ ເອນ ກະເດ໊ຍ. ຮນັ້ງ ໜ່າຍ, ເຊວີ່ຍ ບົວ ປ໌າມ ຕສຸ໌ຍ ໄຟ? ຕສູ໊ງ ໄມ້ ເຕສີ໌ຍ!

16ເມີ່ຍ ບົວ ໄມ້ ຮິ້ວ ຕຸ໊ ໄຟ? ເຊ ກ໊ອງ ຝູງ ກັ້ນ ໂຕສ໋ວ ຫາຍ ເຕົ້າ ເຍີຍ ໂນ່ວ, ໝວັງ ວົ້ວ ເຕົ້າ ເຍີຍ ຫວ່າ, ເມີ່ຍ ບົວ ຕສ່ຽວ ໂຕສ໋ວ ຕົ້ງ ເມີ່ຍ ບົວ ໝວັງ ວົ້ວ ເຕົ້າ ເຍີຍ ໂນ່ວ. ຮນັ້ງ ໜ່າຍ, ເມີ່ຍ ບົວ ໂຕສ໋ວ ຕສຸ໌ຍ ເຍີຍ ໂນ່ວ ຕສ່ຽວ ອ໋ອຍ ຕສຸ ໄຕ່. ມປ່າ ເມີ່ຍ ບົວ ໝວັງ ທິນ-ຮູ່ງ ຕສ່ຽວ ຕຸ໊ ເຖສົາ ນິ່ນ ຫອບ ໂຮຍ້ວ.

17ແລ໌ງ ຕສີ້ງ ທິນ-ຮູ່ງ! ໄມ້ ກຸ໊ນ ຕສິ້ນ ດ່າງ ເມີ່ຍ ບົວ ໂຕສ໋ວ ຕສຸ໌ຍ ເຍີຍ ໂນ່ວ, ອີ້ ຕສັ່ນ ເມີ່ຍ ບົວ ຫລົ່ງ ເດສ່ງ ໂຮຍ້ວ ໝວັງ ອຈ໋າວ ປຸນ ເມີ່ຍ ບົວ ເຍີຍ ເລີ໌ຍ.

18ທິນ-ຮູ່ງ ປູ໋ງ ເມີ່ຍ ບົວ ເລີ່ຍ ດຸ໊ດ ຕສຸ໌ຍ ເຍີຍ ທຈະ, ໂຕສ໋ວ ຫອບ ເຍີຍ ເຈົ໊າ ຕສ່ຽວ ກຸ໊ນ ເມີ່ຍ ບົວ.

19ເຫວີ່ຍ ຕສຸ ເມີ່ຍ ບົວ ໂຕສ໋ວ ປ້າມ ມ່ຽນ, ເມີ່ຍ ບົວ ອະ ຕຸ໊ ເມ່ງ ແປະ. ເຢຍ ຕສ່ຽວ ຫລົ່ງ ໂພວ-ທົງ ເຍີຍ ເຈົ໊າ ເຖສົາ ເມີ່ຍ ບົວ ກ໊ອງ. ຕສິ້ນ ດ່າງ ເມີ່ຍ ບົວ ຫລົ່ງ ຊິນ ເຍີຍ ຫຍູ່ງໆ ໂຕສ໋ວ ຕສຸ໌ຍ ເຍີຍ ໂນ່ວ, ໂຕສ໋ວ ໄລ່ ຮລົບ, ໄມ້ ທສີງ-ເດສ່ງ ເຍີຍ ສີ່, ກຸ໊ນ ໂຕສ໋ວ ກຸ໊ນ ຫວ່າຍ. ອີ້ ຕສັ່ນ ເມີ່ຍ ບົວ ອ໋ອຍ ຕສຸ ຟີ່ ຮນັ້ງ ເຍີຍ ຝູງ ຊິນ ເຍີຍ ຫຍູ່ງໆ ປຸນ ໂຕສ໋ວ ຫອບ ເຍີຍ ເຈົ໊າ ກຸ໊ນ ເດສ່ງ ເມີ່ຍ ບົວ, ຢ່າ ເປ໋ນ ທສີງ-ເດສ່ງ ເຍີຍ ມ່ຽນ.

20ເມີ່ຍ ບົວ ໂຕສ໋ວ ຕສຸ໌ຍ ເຍີຍ ໂນ່ວ ວົ້ວ ຕສັ່ນ, ໂຕສ໋ວ ຫອບ ເຍີຍ ເຈົ໊າ ໄມ້ ຕຸ໊ ກຸ໊ນ ເມີ່ຍ ບົວ.

21ຕສິ້ນ ດ່າງ ເມີ່ຍ ບົວ ໂຕສ໋ວ ເຍີຍ ສີ່, ອີ້ ຕສັ່ນ ເມີ່ຍ ບົວ ໄຍ້ ອ໊ະ. ໂຕສ໋ວ ວົ້ວ ເຕີ໋ຍ ສີ່ ປຸນ ເມີ່ຍ ບົວ ຕຸ໊ ຫາຍ ຫຍູ່ງ? ໂຕສ໋ວ ວົ້ວ ຫຍູ່ງ ສີ່ ເຊ ປຸນ ມ່ຽນ ຕສຸ ໄຕ່ ຮນັ້ງ.

22ມປ່າ ອີ້ ຕສັ່ນ ທິນ-ຮູ່ງ ປູ໋ງ ເມີ່ຍ ບົວ ເປຢົ໋າ ດຸ໊ດ ຕສຸ໌ຍ, ຕ້າຍ ໂຕສ໋ວ ທິນ-ຮູ່ງ ເຍີຍ ໂນ່ວ ຕສ່ຽວ ເປ໋ນ ທສີງ-ເດສ່ງ ເຍີຍ ມ່ຽນ. ຮນັ້ງ ໜ່າຍ ເມີ່ຍ ບົວ ຕຸ໊ ຢຽດ ລິ໌ວ ເຍີຍ ແໝ່ງ.

23ເຫວີ່ຍ ຕສຸ ຕສຸ໌ຍ ເຍີຍ ກົງ-ຕສິ້ນ ເຊ ປຸນ ມ່ຽນ ຕສຸ ໄຕ່, ມປ່າ ທິນ-ຮູ່ງ ແປະໆ ປຸນ ເຍີຍ ຕສີ້ງ ເຫຍີ່ຍ ເຊ ບົວ ເຖສົາ ບົວ ເຍີຍ ຕສ໊ຽວ ກີຕູ່ ເຢຊູ ຈວັ່ງ ແໝ່ງ ຕສຢັ້ງ ຕສ່ຽວ ຕຸ໊ ຢຽດ ລິ໌ວ ເຍີຍ ແໝ່ງ.

← Chapter 5 Jump to: Chapter 7 →