Zechariah 11

Lao Bible (ฉบับอักษรลาว)

← Chapter 10 Jump to: Chapter 12 →

1ໂອ ເລບານອນ ອ້າ! ຄອຍ ອກອຍ ເມີ່ຍ ເຍີຍ ແກ້ງ, ໂຕ໌ວ ຕສ່ຽວ ປົ໊ວ ທຈຸຍ ເມີ່ຍ ເຍີຍ ສີດາ ຕສົ້ງ ດຢັ໋ງ.

2ໂອ ຕສົ້ງ ດຢັ໋ງ ອ້າ! ອ໋ອຍ ຕສຸ ຍ້ຽມ ອ໊ະ. ເຫວີ່ຍ ຕສຸ ສີດາ ຕສົ້ງ ດຢັ໋ງ ບາງ ໝີ່ ອ໊ະ, ຫລົງ ໄຫ່, ເດສວີ່ຍ ໄຫ່ ເຍີຍ ດຢັ໋ງ ປ່າຍ ເດສ່ງ. ບາຊານ ເຍີຍ ບະອົງ ເຕສວີຍ ດຢັ໋ງ ອ້າ! ອ໋ອຍ ຕສຸ ຍ້ຽມ, ເຫວີ່ຍ ຕສຸ ໂຮ໌ ໄຫ່ ເຍີຍ ເກ້ມ ກ໋ອຍ ເດສ່ງ ໝີ່ ອ໊ະ.

3ໝວັງ ມ່າະ! ໂກ໋ວ ປະກີ ຢູ້ງ ເຍີຍ ມ່ຽນ ຍ້ຽມ, ເຫວີ່ຍ ຕສຸ ນິ່ນ ບົວ ອຈັງ-ຫລ່າງ ເຍີຍ ເມ້ຍ-ທສຢັ້ງ ຕສຸ ໝຽດ ເດສ່ງ ໝີ່ ອ໊ະ. ໝວັງ ມ່າະ! ຊ່ຽນ ອຈຸ້ນ ເຍີຍ ເຖຈຍ ບຸຍ ເຫວີ່ຍ ຕສຸ ຈໍແດນ ດ້າຍ ເຮລນ ເຍີຍ ດຢັ໋ງ-ຫລົ່ມ ຕສຸ ປ່າຍ ຮວາງ.

4ຕສ໊ຽວ, ເຢຍ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, “ເມີ່ຍ ອ໋ອຍ ຕສຸ ໂຕສ໋ວ ຮນັ້ງ ເຕົ້າ ໂກ໋ວ ປະກີ ຢູ້ງ ເຍີຍ ມ່ຽນ ໂກ໋ວ ນ້າຍ ກວັ້ນ ອ໋ອຍ ຕສຸ ໄຕ໋ ເຍີຍ ປະກີ ຢູ້ງ.

5ມ໌າຍ ນິ່ນ ບົວ ວົ້ວ ເຕີ໋ຍ ໄຕ໋ ນິ່ນ ບົວ ຢ່າ ໄມ້ ຕສຸ ຕີ່ງ ຕສຸ໌ຍ. ໝ່າຍ ປະກີ ຢູ້ງ ວົ້ວ ເຕີ໋ຍ ກ໊ອງ, ‘ເທສງ ຕສ໊ຽວ ເຫວີ່ຍ ຕສຸ ເຢຍ ປຸ໊ດ ຕສ້ອຍ ໝີ່ ອ໊ະ.’ ໂກ໋ວ ນິ່ນ ບົວ ວົ້ວ ເຕີ໋ຍ ໂກ໋ວ ປະກີ ຢູ້ງ ມ່ຽນ ຢ່າ ໄມ້ ຄໍ້-ລ່ຽນ ນິ່ນ ບົວ.”

6ຕສ໊ຽວ ກ໊ອງ, “ຢຽມ ນ້າຍ ມີ່ງ ເຢຍ ໄມ້ ຄໍ້-ລ່ຽນ ນ້າຍ ນອມ ເຕີ່ຍ-ປູງ ເຍີຍ ມ່ຽນ. ໝັ່ງ ມ່າະ! ເຢຍ ອ໋ອຍ ປຸນ ນິ່ນ ບົວ ເກ໊າະ-ມ່ຽນ ຕສຸ ຢຽມ ເກ໊າະ-ມ່ຽນ ເຍີຍ ຈວັ່ງ ລ໌າງ ມ່ຽນ ເຍີຍ ປົ໌ວ-ເດ໊ຍ, ຢ່າ ຕສຸ ຢຽມ ນິ່ນ ບົວ ເຍີຍ ຮູ່ງ ເຕ໋ຍ ເຍີຍ ປົ໌ວ-ເດ໊ຍ. ນິ່ນ ບົວ ອ໋ອຍ ປ່າຍ ຫວ່າຍ ນ້າຍ ນອມ ເຕີ່ຍ-ປູງ. ເຢຍ ຢ່າ ໄມ້ ໂອຈ໋ວ ຫາຍ ເຕົ້າ ເປຢົ໋າ ດຸ໊ດ ນິ່ນ ບົວ ເຍີຍ ປົ໌ວ-ເດ໊ຍ.”

7ເຢຍ ຕສ່ຽວ ໂຕສ໋ວ ໂກ໋ວ ປະກີ ຢູ້ງ ເຍີຍ ມ່ຽນ ໂກ໋ວ ອ໋ອຍ ຕສຸ ໄຕ໋ ໄຕ່ ເຍີຍ ປະກີ ຢູ້ງ. ເຢຍ ແອ໋ງ ເຕສ໊າະ ອີ ຕິ້ວ ປຢ໊າ-ບຢ່າ. ມ່າຍ ຕິ້ວ ເຫ່ວ “ຮູ່ງ ເອນ,” ມ່າຍ ຕິ້ວ ເຫ່ວ “ກັ໊ບ ຈ໊ຽນ.” ເຢຍ ຢ່າ ໂກ໋ວ ປະກີ ຢູ້ງ.

8ຢຽດ ຫຮລາ ເຫຍັຍ ກະຍົ໌ວ ເຢຍ ຕສຸ່ນ ທສວດ ປົວ ເຕົ້າ ໂກ໋ວ ປະກີ ຢູ້ງ ເຍີຍ ມ່ຽນ ເຫວີ່ຍ ຕສຸ ເຢຍ ໄມ້ ໜ່ອຍ ຟ່ານ ນິ່ນ ບົວ. ນິ່ນ ບົວ ຢ່າ ດສອງ ເຢຍ.

9ເຢຍ ຕສ່ຽວ ກ໊ອງ ບົ໋ວ ປະກີ ຢູ້ງ ກວັ້ນ, “ເຢຍ ໄມ້ ໂຕສ໋ວ ເມີ່ຍ ບົວ ເຍີຍ ໂກ໋ວ ປະກີ ຢູ້ງ ມ່ຽນ ອ໊ະ. ອ໋ອຍ ຕສຸ ໄຕ່, ເຊວີ່ຍ ນິ່ນ ໄຕ່ ອ໊ະ. ອ໋ອຍ ຕສຸ ໝຽດ ເຍີຍ, ເຊວີ່ຍ ນິ່ນ ຕສຸ ໝຽດ ອ໊ະ. ເຕສ່ງ ເອຈ່ຍ ເຍີຍ, ເຊວີ່ຍ ນິ່ນ ບົວ ລ່ານ ຫຍັ່ນ ລ່ານ.”

10ເຢຍ ແອ໋ງ ເຕສ໊າະ ເຢຍ ເຍີຍ ປຢ໊າ-ບຢ່າ, ເຫ່ວ “ຮູ່ງ ເອນ” ວົ້ວ ຕິ້ວ, ວວດ ເນົ້າ ປຸນ ທສີງ ເຢຍ ເຖສົາ ໝ່ານ ຝີງ ຫລຽບ ເຍີຍ ແຫງ່ງ ຫວ່າ ເຈ໋ຍ ໝີ່ ອ໊ະ.

11ຕົ້ງ ວົ້ວ ຮນອຍ ວົ້ວ ເຕີ໋ຍ ຫລຽບ ເຍີຍ ແຫງ່ງ ຫວ່າ ເຈ໋ຍ ໝີ່ ອ໊ະ. ມ໌າຍ ໝ່າຍ ປະກີ ຢູ້ງ ເຍີຍ ມ່ຽນ ໝັ່ງ ຈ໊ຽນ ເຢຍ ຕສ່ຽວ ຮິ້ວ ຕຸ໊ ນ້າຍ ເຊ ຕສ໊ຽວ ກັ້ນ ກ໊ອງ ເຍີຍ ຫວ່າ.

12ເຢຍ ຕສ່ຽວ ກ໊ອງ ບົ໋ວ ນິ່ນ ບົວ, “ເຊ ກ໊ອງ ເມີ່ຍ ບົວ ປວັດ ຫອບ ນໍ, ໂທ້ ເຕສ໊າະ ເຢຍ ເຍີຍ ກົງ-ຕສິ້ນ ປຸນ ເຢຍ. ເຊ ກ໊ອງ ປວັດ ໄມ້ ຫອບ ນໍ, ໄມ້ ຕສຸ ປຸນ ອ໊ະ.” ນິ່ນ ບົວ ຕສ່ຽວ ເຕສ໊າະ ຟ່າ ຕສຽບ ນອມ ຕສິ້ນ ປຸນ ເຢຍ ໂຕສ໋ວ ກົງ-ຕສິ້ນ.

13ຕສ໊ຽວ ກ໊ອງ ບົ໋ວ ເຢຍ, “ຕໍ້ ນ້າຍ ເຕີ໋ຍ ຕສິ້ນ ແກວ໋ງ ປຸນ ນັ້ນ ເນຍ-ມໍ ຕສັ່ງ.” ເຊ ຕົ້ງ ນິ່ນ ບົວ ຝຸນ ເຢຍ ຜຸຍ ຕຸ໊ ຕສິ໊ບ ເຍີຍ, ຫລົງ ໄຫ່ ເຍີຍ ຈ໋າ-ຕສິ້ນ. ເຢຍ ຕສ່ຽວ ຕໍ້ ວົ້ວ ເຕີ໋ຍ ຟ່າ ຕສຽບ ນອມ ຕສິ້ນ ມີ່ງ ຕສັ່ງ ຕສ໊ຽວ ເຍີຍ ເປຢົ໊າ ແກວ໋ງ ປຸນ ນັ້ນ ເນຍ-ມໍ ຕສັ່ງ.

14ເຢຍ ແອ໋ງ ວວດ ເນົ້າ ເຢຍ ເຍີຍ ຕະເຫຍີ່ຍ ຕິ້ວ ປຢ໊າ-ບຢ່າ, ຕົ້ງ ມ່າຍ ບົ໋ວ ເຫ່ວ “ກັ໊ບ ຈ໊ຽນ” ວົ້ວ ຕິ້ວ, ຕສ່ຽວ ແທສະ ອກອຍ, ປຸນ ຢູດາ ເຖສົາ ອິສະລາເອນ ໂຕສ໋ວ ກໍ໋-ໂຢ໌ວ ຈິວ ທົງ ເຍີຍ ເຈົ໊າ ຕັ໋ງ.

15ຕສ໊ຽວ ແອ໋ງ ກ໊ອງ ບົ໋ວ ເຢຍ, “ອ໋ອຍ ຕສຸ ແອ໋ງ ເຕສ໊າະ ດສຸ່ນ ໄມ້ ລ່ຳ ຫລົ່ງ ເຍີຍ ໂກ໋ວ ປະກີ ຢູ້ງ ມ່ຽນ ເຍີຍ ຈາ-ສີ່,

16ເຫວີ່ຍ ຕສຸ ເຢຍ ອ໋ອຍ ຢຽມ ນ້າຍ ນອມ ເຕີ່ຍ-ປູງ ຫລຽບ ເຕົ້າ ໂກ໋ວ ປະກີ ຢູ້ງ ເຍີຍ ມ່ຽນ. ນິ່ນ ໄມ້ ກຸ໊ນ ອ໋ອຍ ຕສຸ ໄຕ່ ເຍີຍ, ໄຟ ລໍ໌ ຕີ໋ງ ລ່າຍ ວົ້ວ ເຕີ໋ຍ. ນິ່ນ ຢ່າ ໄມ້ ຕສໍ່ ຕສຸ ມຸນ ເຍີຍ ຢ່າ ໄມ້ ຢູ໌ງ ຫລົງ ເຮ້ນ ເຍີຍ ວົ້ວ ເຕີ໋ຍ. ຕ໋າວ ດສ໋ວນ ນິ່ນ ອ໋ອຍ ຫຍັ່ນ ປະກີ ຢູ້ງ ຈຸ່ນ ເຍີຍ ອໍ໊, ລ່ຽມ ເຕີ້ຍ ຕສູ໊ງ ເປ໊ດ ເດສ່ງ.

17ໄມ້ ລ່ຳ ຫລົ່ງ ເຍີຍ ໂກ໋ວ ປະກີ ຢູ້ງ ມ່ຽນ, ຕົ້ງ ກວັ່ງ ນິ່ນ ເຍີຍ ຢູ້ງ ກວັ້ນ ວົ້ວ ເຕົ້າ ອ໋ອຍ ຕສຸ ໂຄ້ວ ອ໊ະ. ໂທ້ ປຸນ ດສຸ ດ໊າວ ຮງະ ນິ່ນ ເຍີຍ ປົ໌ວ ເຖສົາ ນິ່ນ ເຍີຍ ບຢ່າວ ປູງ ມຕສີງ. ໂທ້ ປຸນ ນິ່ນ ເຍີຍ ບຢ່າວ ເຈັ໊ຍ ປົ໌ວ ເຫຍົາ ອກາຍ ເດສ່ງ, ປຸນ ນິ່ນ ເຍີຍ ບຢ່າວ ປູງ ມຕສີງ ແມ່ງ ມີ່ງ.”

← Chapter 10 Jump to: Chapter 12 →