2 Samuel 13

Mizo Bible

← Chapter 12 Jump to: Chapter 14 →

1Tin, chu mi hnuah chuan, heti hi a ni a, Davida fapa Absaloma chuan farnu hmel tha tak a nei a, a hming chu Tamari a ni a. Tin, Davida fapa Amnona chuan ani chu a hmangaih a.

2Tichuan Amnona chu afarnu Tamari avang chuan a buai ta hle a, a dam lo ta a; ani lah chu nula thianghlim ani si a; achunga thil eng emaw han tih hu Amnona tan chuan khrih tak a ni.

3Amaherawhchu Amnona chuan thian a nei a, a hming chu Jonadaba a ni a, Davida unaupa Simea fapa a ni: Jonadaba chu mi ring vervek tak a ni.

4Tin, ahnenah, "Aw, nang lal fapa hi eng tizia nge a ni tela i cher telh telh chu le? Min hrilh duh dawn lo'm ni?" a ti a.Tin, Amnona chuna a hnenah, "Ka unaupa Absalima farnu tamari hi ka hmangaih miau mai a ni," a ti a.

5Tin, Jonadaba huan a hnenah, "I khumah mu reng la, dam lo der la; tin, i pain a rawn en hunah he a hneah, 'Khawngaih takin ka farnu Tamari chu aka hnenah lo kal sela, chhang ei tur mi rawn pe se la, tin, ka hmuh theihah, ka mithmuhah ngeiah ei tur min siamsak te se, a kuta mi ngei ka lo ei ang e,' lo ti ang che," a ti a.

6Chutichuan Amnona chu a mu a, a dam lo der taa: tin, lalin a va en chuan Amnona chuan lal hnenah, "Khawngaih takin ka farnu Tamari lo kal se la, ka mithmuh ngeia hian changper pahnih emaw min siam se la, ama kuta mi ngei ka lo ei ang e," a ti a.

7Chutichuan Davida chuan Tamari hnenah, "I nuta Amnona in lamah kal la, ei tur va siamsak rawh khai," tiin mi a tir a.

8Chutichuan Tamari chu a nuta Amnona in lamah chuan a kal a; tin, ani chu a lo mu reng a. Tin, chhang diak a la a, a hmet a, amithmuhah chhangperchu a siam a, a ur a.

9Tin, a urna chu a la a, a hmaa chuan abun a; nimahsela a ei duh lo a. Tin, Amnona chuan, "Mi zawng zawng hian mi chhuahsan vek raw se," a ti a. Tichuan an chhuahsan ta vek a.

10Tin, Amnona chuan Tamari hnenah, "I kuta mi ngei ka ei theihna'n ei tur chu pindanah hian han la tawh rawh le," a ti a. Tin, Tamari chuan a chhangper siamte chu a la a, a nuta Amnona hnenah pindanah chuan a la lut a.

11Eitir tura a kiang hnaia a va kalpui chu a lo man a, a hnenah, "Ka farnu, lo mu ve teh, " a ti a.

12Tin, ani chuan a chang a, "Ni lo e a, ka nutapa, mi tilui suh, Israelte zingah hetiang thil hi tih tur ani lo e; he thil sual atthlak tak hi ti suh khai.

13Tin, kei hian ka mualphona chu khawiahnge ka thangpui ang? Tin, nang pawh Israelte zinga mi aa ngaih i lo ni mai ang a sin. Chuvnagin lal be zawk rawh khai, i mi nei chu a hnial lo ang e," a ti a.

14Nimahsela a thu chu a pawm lo a, amah aiin a chak zawk si a, a tilui a, a mutpui ta a.

15Chutichuan, Amnona chuan huat namen lohin a haw leh ta si a; a huatna chu amah a hmangaih laia a hmangaihna ai maha nasain a ni a huat ni. Tichuan Amnona chuan a hnenah, "Tho la, kal daih mai rawh," a ti a.

16Tin, ani chuan a hnenah, "Chuti tur chu ni lo e, hetianga dik lo taka mi tihchhuah hi ka chunga i tih tak ai mah khan a tha lo zawk a ni, a ti a. Nimahsela a pawm duh chuang lo a.

17Chutichuan a rawngbawltu a chiahhlawh chu a ko a, "He hmeichhia hi ka hnen ata chuatir la, kawng kalh hnan tlat rawh," a ti a.

18Kawrfual ze hrang hranga zia a ha a; chutiang kawrfual chu lal nula thianghlimten an ha thin a. Chutichuan a chiahhlawh chuan a hruai chhuak a, kawng a kalh hnan ta tlat a.

19Tin, tamari chuan a luah vut a phul a, a kawrfual ze hrang hranga zia a hak chu a pawtthler a, a chhipah a kut a dah a, ring taka tap chung zelin a kal ta a.

20Tin, a nuta Absaloma chuan a hnenah, "I nuta Amnona chu i hnenah a lo lut a ni maw? Nimahsela ngawi mai rawh, ka farnu, i nuta ani alawm, engto duh suh," a ti a. Chutichuan tamari chu a nuta Absaloma inah ngui takin a inkhung ta tlat mai a.

21Nimahsela lal Davida'n chung thil zawng zawng chu a han hriat chuan a thinrim ta hle mai a.

22Tin, Absaloma chuan Amnona hnenah a chhia a tha, a engmah a sawi duh lo a; Absaloma chuan a farnu Tamari a tihluih avangin Amnona chu a haw hle a ni.

23Tin, heti hi a ni a, kum hnih pumhlum a ral hnu chuan ephrai kianga Baal-hazar-ah Absaloman beram hmul a mehtir a; tin, Absaloma chuan lal fapate zawng zawng chu a sawm a.

24Tin, Absaloma chu lal hnena a kal a, "Ngai teh, i chhiahhlawhin beram hmuh a mehtir a; lal leh a chhiahlawhte chu i chhiahlawh hnenah hian kal ve ang hmiang," a ti a.

25tin, lal chuan Absaloma hnenah, "Ni lo e ka fapa, kan za chuan kal lo e, kan tihautak lutuk dah ang che," a ti a. Tin, ani chuan a sawm lui chiam a, nimahsela a kal duh chuang lo a. Mal erawh chu a sawm a.

26chutichuan Absaloman, "A nih loh leh ka unaupa Amnona tal kan hnenah kal ang hmiang," a ti a. Tin, lal chuan a hnenah, "Engah nge a kal bik ang?" a ti a.

27Nimahsela Absaloma chuan Amnona leh lal fapate zawng awng tal chu a hnena kal ve turin a ngnsak tal a.

28Tin, Absaloma chuan, a chiahlawhte chu, "Ngai teh u, Amnona uain ina ahlim laiin a hnenah, "Amnona chu that rawh u,' ka tih che u chuan, that u la, hlau suh u, thu ke pe tawh che u ani lo'm ni? In tihuai u la, intipasaltha ang che u, tiin thu a pe a.

29Chutichuan Absaloma chhiahhlawhte chuan Amnona chungah Absaloma thupek ang chuan a ti a. Chutichuan lal fapate zawng zawng chu an tho a, an sabengtung chungah an chuang theu a, an tlan bo ta a.

30Tin, heti hi a ni a, kawng laka an la awm laiin, "Absaloman lal fapate zawng zawng chu a that ta vek mai a. pakhat maha zuah lo," tiin Davida hnenah chanchin an a lo thleng a.

31Chuchuan lal chu a tho a, a silhfente a pawtthler a, leiah a mu ta a; tin, a chhiahhlawh zawng zawngte chu an silhfente pawtthlerin a kiangah an ding a.

32Tin, Davida unau Simea fapa Jonadaba chuan a chhang a, "Ka pu chuan lal fapa tlangval zawng zawngte hu a that vek a ni tih ring suh se; Amnona chauh ani thi ni; a farnu tamari a tihlui achin kha Absaloma chuanhetianga tih hi a tum reng a ni.

33chuvangin ka pu, LALPA chuan lal fapate zawng zawng chu an thi emaw tih ringin engto suh se, Amnona chauh a ni thi ni," a ti a.

34Absaloma erawh chu a tlan bo ta a. Tin, a ral vengtu tlangval chuan a mit a len a, a han en a, tin, ngai teh, a hnun glama tlang panga kawngah chuan mi tam tak an lo kal a.

35Tin, Jonadaba chuan lal hnenah, "Ngai teh, lal fapate chu an lo kal e, i chhiahlawhin a sawi ang chiah khaani ngei mai," a ti a.

36Tin, heti hi a ni a, a sawi zawh veleh chuan ngai teh, lal fapate chu an lo thleng a, an aw chhuah meuhin an tap a: tin, lal pawh chu a chiahlawhte nen chuan an tap ta vak vak mai a.

37Absaloma erawh chu a tlan bo a, Gesur lal Amihura fpa Talmaia hnenah a kal a. Tin, Davida chuan ni tin, a fapa chu a sun a.

38Chutichuan Absaloma hu a tlan bo a, Gesur ram ramah a kal a, chuta chuan kum thum a va awm a.Tin, lal Davida chuan Absaloma hnena kal a chak em em a: Amnona chungchang thuah chuan a thlamuang ta a. Ani chu a thi tawh si a.

39Tin, lal Davida chuan Absaloma hnena kal a chak em em a: Amnona chungchang thuah chuan a thlamuang ta a. Ani chu a thi tawh si a.

← Chapter 12 Jump to: Chapter 14 →