Daniel 4

Mizo Bible

← Chapter 3 Jump to: Chapter 5 →

1Lal Nebukadnezzara chuan, mi tinte, hnam tinte, tawng tinte zawng zawng, lei pum puia chengte hnenah chuan, in chungah remna tihpunin awm rawh se.

2Chungnungber pathianin ka hnena thil entirnate, thilmakte a tih tak hi tihlan tha ka ti e.

3A thil entirnate chu a ropuiin, a thiltihmakte chu a va nasa em! A ram chu ramhlun a ni a, a rorelna chu chhuanawm chhung zawng zawng a ni ang.

4Kei, Nebukadnezzara ka inah nuamsa tak leh ka in ropuiah neinung takin ka awm a.

5Mumang ka hlauhzawng tak ka nei a; ka khum laizawla ka suangtuahna leh ka lu-a inlarna chuan mi tibuai a.

6Chuvang chuan Babulon mifing zawng zawngte chu ka mumang hrilhfiahna mi hriattir theihna'n ka hmaa rawn hruai turin thu ka pe a.

7Tichuan, dawivaihthiamte, aikaihthiamte, kaldai mite, aisanthiamte chu an lo kal a; tin, ka mumang chu ka hrilh a, mahse a hrilhfiahna reng chu min hriattir lo a.

8Mahse a tawp berah chuan Daniela, ka pathian hming ang pu, a hming Beltesazzara, amah pathian thianghlimte thlarau awm chu ka hmaah a lo kal a: tin, ka mumang chu ka hrilh a,

9Aw Beltesazzara, dawivaihthiamte hotu, nangmahah chuan pathian thianghlimte thlarau a awm tih leh thuruk reng rengin a tibuai lo che tih ka hriat avangin, ka manga ka hmuh inlarna leh a hrilhfiahna chu min hrilh teh khai.

10Ka khum laizawla ka lu-a inlarnate chu hetiang hi a ni: Ka han dak chhuak a, ngai teh, lei lai takah thing a lo awm a, a sanzia chu nasa chu a nasa khawp mai a.

11Thing chu a thang a, a tantha a, a sanlam chuan van a tawng a, kawlkil atangin a lang thei vek a.

12Ahnah te chu a mawiin a rahte a tam a, amahah chuannung zawng zawng tan eitur a awm a: ramsate chuan a hlim an bel a, chungleng savate chu a zarahte an cheng a, tissa pu zawng zawng chu ama chawm an ni.

13Ka khum laizawla ka lu-a inlarnaah chuan ka han en a, ngaiteh, van atangin vengtu, mi thianghlim chu a lo chhuk a,

14ring takin, 'Thing chu kit la, a zarte chu hlawi la, a hnahte thing thla la, a rahte tidarh rawh: a hnuai ata ramsate chu kal bo se la, a zar ata chungleng savate pawh thlawk bo rawh se.

15Amaherawhchu, ram hlobet to zingah, leia a bulbawr chu, th�r leh dara tawnin, zuah la; tin, van daiin huh se la, a chan tur chu ramsa te nena hlobet z�nga awm ni rawh se:

16a rilru chu mihring rilru atanga tihdanglam nise, a hnenah ramsa rilru pek ni rawh se: a chungah hun sarih ral rawh se.

17Thu tlu hi vengtute thuipeka tih a ni a, thil phut hi mithianghlimte thua tih a ni a, chungnungbera chuan mihringte lalna ram chungah thu a nei a, a duhsak apiang a pe a, mi hnuaihnung berte pawh a luahtir thin a ni tih minungin an hriatna'n a ni;' tiin a au a.

18He mumang hi kei, lal Nabukadnezzaran ka nei a, tin, nang aw Beltesazzar, a hrilfiahna chu puang rawh. Ka rama mi fingte zawng zawng chuan a hrilhfiahna chu mi hriattir thei si lo a; nang erawh chuan i thei e, nangmahah chuan pathian thianghlimte thlarau chu a awm si a,'' tiin.

19Tichuan, Daniela, ahming Beltesazzara chu a han chi-ai hle rih a, a ngaihtuahte chuan a tibuai a. Lal chuan a hnenah, Beltesazzar, mumang emaw, a hrilhfiahna emaw pawhin tibuai che suh se,''tiin a sawi a. Beltesazzara chuan a hnenah, Ka lalpa, mumang chu a hawtu che tan ni se la, a hrilhfiahna pawh chu i hmelma te t6n ni rawh se.

20Thing i hmuh, lo thang a, lo tanthaa, van lo tawnga, kawlkil atanga lang thei vek leh

21a hnahte mawia, a rahte tama, nung zawng zawng tana ei tur awm leh a hnuaia ramsate chenga, a zarte chunglenf savate chenna lo ni chu,

22aw lalber, nangmah i ni a; i thanga, i chak a, i rorelna te chu kawlkil thleng a ni si a.

23Tin, van atanga vengtu mithianghlim lo chhuka, Thing chu kit la, tiboral rawh; amaherawhchu ram hlobet to zingah, leia bulbawr chu thir leh dara tawnin zuah la; tin, van daiin huh se la, a chan tur chu ramsate nena awm ni rawh se, a chunga hun sarih a ral thlengin, rawn ti lalin a hmu a;

24tin, a hrilhfiahna chu heihi a ni, aw lalber, Chungnungbera thupek, lalber ka lalpa chunga lo thleng chu a ni e:

25mihring zing ata hnawhchhuah i ni ang a, i chenna chu ramsate zingah a ni ang a, sebawng ang a hlobet eitir i ni ang a, van daiin i huh ang a, i chungah hun sarih a ral ang; Chungnungbera chuan mihringte lalna ram chungah thu a nei a, a duhsak apiang a pe thin a ni tih i hriat hma loh chuan.

26Tin, a bulbawr zuah tura thu an lo pek ang khan, vanin thu a nei tih i hriat hnuah chuan i ram chu i ta a ni tlat ang.

27Chuvang chuan, aw lalber, ka thu rawn che hi pawmtlak ah ngai la, i sualna chu felnain thlak la, i suahsualnate chu mirethei chunga zahngaihnain thlak rawh, i nunkhawnawmna hi a sei thei deuh mahna," tiin a chhang a.

28Heng zawng zawng hi lal Nebukadnezzara chung ah a lo thleng a ni.

29Thla sawm leh thla hnih tawpah chuan Babulon lal in chungah lal chu a vei a vei a.

30Lal chuan, He Babulon ropui hi keima chakna ngeia lal chenna hmun atan leh ka ropuina maawina tura ka siam chu a ni lo em ni? tiin a sawi a.

31Chu thu chu lal kaa a chhuah lai mekin, van atangin aw a lo chhuka, Aw lal Nebukadnezzar, i hnenah thu a lo thleng e: lalna ram chuan a thansan ta che a ni.

32Mihring zing ata hnawhchhuah i ni ang a, i chenna chu ramsa te zingah a ni ang: sebawng anga hlobet eitir i ni ang a, i chungah hun sarih a ral ang; chungnungbera chuan mihringte lalna ram chungah thu a nei a, a duhsak apiang hnenah a pe thin a ni, tih i hriat hma loh chuan,'' tiin.

33Chumi lai la la chuan thil chuNebukadnezzara chungah a lo th1leng ta nghal a;mihring zing ata hnawhchhuah in a awm ta a, sebawng angin hlobet a ei a, a taksa chu van daia huh in a awm a, a samte mupui hmul anga athan leh a tinte sava tin ang mai a nih thlengin.

34Tin, chung ni tawpah chuan kei, Nebukadnezzara chuan van lamah ka mit ka len chho a, ka hriatna chu ka hnenah a lo kirleh ta a, chungnungbera chu mal ka sawm a, nung renga chu ka fak a, ka zah a, a rorelna chu chatuan rorelna a ni a, a ram chu chatuan awmchhung zawng zawng a ni si a:

35tin, leilung luahtu zawng zawngte hi engmah lo va ngaih an ni a: van sipai rualte zingah leh leilung luahtute zingah chuan a thu thuin a ti a, tumahin a kut chu an chawlhtir thei lo a, a hnenah, Nangin enge i tih?'' pawh an ti thei hek lo.

36Chutih lai vek chuan ka hriatna chu ka hnenah a lo kir leh ta a; tin, ka ram ropuina turin ka ropuina leh mawina chu ka hnenah a lo kir leh a; tin, ka remruatpuitute leh ka miropuite chuan mi rawn pan leh a, ka ram ah chuan tihnghehin ka aawm a, ropuina nasa tak mai ka hnenah belhchhah a ni ta a.Tichuan, kei Nebukadnezzara hian van lal chu ka fak a, ka chawisang a, ka zah a;a thiltih zawng zawng chu a dikin a kawng te chu a fel si a: chapova lengte chu a tihniam thei a ni.

37Tichuan, kei Nebukadnezzara hian van lal chu ka fak a, ka chawisang a, ka zah a;a thiltih zawng zawng chu a dikin a kawng te chu a fel si a: chapova lengte chu a tihniam thei a ni.

← Chapter 3 Jump to: Chapter 5 →