Ezekiel 8

Mizo Bible

← Chapter 7 Jump to: Chapter 9 →

1Tin, kum rukna, thla rukna, chumi thla ni nga niah chuan heti hi a ni a, ka ina ka thuta, Juda upate ka hmaa an thut lai chuan LALPA PATHIAN kut chu ka hnungah a lo awm a.

2Tichuan, ka han en a, ngai teh, mi mei anga lang hi a lo awm a; a kawnga chin thlanglam niawma lang chu mei a ni a, a kawnga chin chunglam thihna zia ang, eng tak a ni,

3Tin, kut ang hi a rawn zen chhuak a, ka chal samah mi man ta a, thlarau chuan lei leh van karah mi chawi kang ta daih mai a, Pathian inlarnain Jerusalemah mi hruai a, Jerusalem hmarlam hung chhungnung kawngka kharna bulah chuan mi thlen ta a; tah chuan thikna lim thut hmun a awm a, chu chuan a thiktir thin a.

4Tin, ngai rawh, phaizawla ka hmuh ang zel khan chutah chuan Israel pathian ropuina chu a awm.

5Tichuan a ni chuan ka hnenah,"Mihring fapa,hmarlam hawiin i mit han len teh le," a ti a, Chitichuan hmarlam hawia ka mit ka han len chuan, ngai teh, hmarlam kawngka hmarlam luhnaah chuan he thikna lim hi a lo awm a.

6Tin, a ni chuan ka hnenah,"Mihring fapa an thiltih kha i hmu em? Israel chhungten thil tenawm nasa tak,heta an tih ngei,ka in thianghlim ata hla tak a ka kal bona'n an tih kha? Mahse thildang tenawm zawmah i la hmu leh ang,"a ti a.

7Tin, hung chhung luhnaah chuan mi hruai a; tin, ka han en a, bangah hian awng zuk lo awm a.

8Tichuan, ka hnenah,"Mihring fapa bang kha han kher teh,' a ti a, Tin, ka han ker tak chuan kawngkhar a lo awm reng mai a.

9Tin, a ni chuan ka hnenah,"Lut la, heta sual tenawm tak an tih hi en teh," a ti a.

10Tichuan ka lut a, ka hmu a, ngai rawh thilnung chitin reng lemte, ramsa tenawm lemte, Israel chhungte milim zawng zawngte chu bangah chuan a velin a lo chuang a.

11Tin, an hmaah chuan Israel chhung upate zinga mi sawmsarihte chu an ding a, an laiah chuan Saphana fapa Jaazania a ding a, mitin chuan berhbu an keng theuh a; tin, rimtui khu rim chu a chho ta mup mup a.

12Tichuan, ka hnenah,"Mihring fapa, Israel chhung upate thim hnuai a thiltih chu i hmu em? Mitinin milim pindana an tih chu?'LALPA chuan mi hmu lo a, LALPA chuan ram chu a kalsan tawh a lawm,' an ti si a.

13An thiltih tenawm nasa leh zual dang pawh i la hmu leh ang," ka hnenah chuan a ti bawk a.

14Tichuan LALPA in hmar lampang luhna kawngkharah mi hruai a; tin, ngai teh, tah chuan hmeichhiate Tamuz ngaia tapin an thu a.

15Tin, a ni chuan ka hnenah,"Aw mihring fapa, hei hi i hmu em? Hei aia tenawm nasa hi i la hmu ang," a ti a.

16Tin, LALPA in hung chhungnung zawkah chuan mi hruai lut a, ngai teh, LALPA in thianghlim kawng kharah chuan hulhliap leh maicham inkarah hian mi sawmhnih leh panga LALPA in thianghlim lam hnuchhawna, an hmaite khawchhak lam hawiin an lo awm a, khawchhak lama ni chu zuk lo bia a.

17Tichuan, a ni chuan ka hnenah," Hei hi i hmu em?, aw mihring fapa, an thil tenawm tih, heta an tiha hi Juda chhungte tan thil tenau em ni? Ram chu pawngneknain an tikhat a, mi tithinur leh ta nghal si a, an hnar chu chhawlin an hup a.Chuvangin kei pawhin thinur takin ka ti dawn a ni: ka mitin a hmaih lo ang a, ka khawngaih hek lo ang; aw ring takin ka bengah lo au mah se la ka ngai thla lo vang," a ti a.

18Chuvangin kei pawhin thinur takin ka ti dawn a ni: ka mitin a hmaih lo ang a, ka khawngaih hek lo ang; aw ring takin ka bengah lo au mah se la ka ngai thla lo vang," a ti a.

← Chapter 7 Jump to: Chapter 9 →