Haggai 2

Mizo Bible

← Chapter 1 Jump to:

1Thla sarihna, chumi thla ni sawmhnih leh ni khatnaah zawlnei Hagaia kutah LALPA thu a lo thleng a:

2Seatiela fapa, Judai ram awptu Zerubabela hnenah leh mi la awm chhunte hnenah chuan heti hian sawi ta che, a ti a.

3He in hi a hmaa a ropui lai hmu in zingah tu nge la awm? Tunah hian eng ang in nge in hmuh le? In mit hmuh ah eng tham mah a ni lo lo'm ni?

4Aw Jerubabel, tunah chuan huai takin awm rawh, tih hi LALPA thu chhuak a ni; Aw puithiam lalber Josua, Jehozadaka fapa, nangpawh chak takin awm rawh; tin, nangni he rama mi zawng zawngte u, chak takin awm bawk rawh u, tih hi LALPA thu a chhuak a ni; thawk rawh u, in hnenah ka awm si a, tih hi Sipaihote LALPA thu chhuak a ni:

5Aigupta ram atanga in lo chhuah laia thu ka thlun pui che u ang khan in zingah ka thlarau a la cheng reng a ni, hlau suh u.

6Sipaihote LALPA chuan heti hian a ti si a, vawikhat chu reilo teah van te leh leite leh tuifinriat te leh khawmualte ka ti nghing ang.

7Hnam tinreng ka ti nghing ang a, hnam tinreng thil duhzawngte chu a lo thleng ang a, he in hi ropuinain ka ti khat ang, sipaihote LALPA chuan a ti.

8Tangkarua hi ka ta a ni a, rangkachak hi ka ta a ni, tih hi sipaihote LALPA thu chhuak a ni.

9He in ropuina hnuhnung zawk hi a hmasa ai khan a nasa zawk ang, sipaihote LALPA chuan a ti: tin, hehmunah hian remna ka thlen ang, tih hi sipaihote LALPA thu chhuak a ni.

10Daria lal kumhnihna, thla kuana, ni sawmhnih leh ni linaah chuan zawlnei Hagaia kutah LALPA thu hetiang hian a lo thleng a.

11Sipaihote LALPA chuan heti hian a ti: puithiamte chu dan heti hian zawt teh,

12Tuin emaw a kawrfual hmawrah sa thianghlim fun se la, a kawrfual hmawr chuan chhang emaw thil chhum kawi emaw, uain emaw, hriak emaw, ei tur reng reng emaw lo khawih ta se la, a thianghlim ang em? Tiin. Puithiamte chuan, Thianghlim lo vang, tiin an chhang a.

13Tin, Hagaia chuan, mitthi ruang khawih avanga mi bawrhbangin he'ng thil a enga pawh hi lo khawih ta se la, a bawrhbang ang em? A ti a, Puithiamte chuan, bawrhbang ang tiin an chhang a.

14Tin, Hagaia chuan heti hian a chhang taa: he mite hi chutiang tak chu an ni a, he hnam hi chutiang tak chuan ka hmaah an awm, tih hi LALPA thu chhuak a ni;' an kutchhuak tinreng pawh chutiang bawk chu a ni a, chuta an thil hlan pawh chu a thianghlim lo a ni.

15Tun atangin nakin hnu thlengin LALPA biak inah lungin chherchhuan hma, tun hma lam kha ngaihtuah ang che u:

16khang hun lai zawng zawng khan buh tehkhawng sawmhnih tling awm tak chhun khawmnaa mi a lo kalin sawmhnih chauh a lo tling thin.

17In thawh chhuah zawng zawngah rona te, ngetna te leh rial tein ka hrem che u a; nimahsela ka lam in hawi chuang lo, tih hi LALPA thu chhuak a ni.

18He thla kuana, ni sawmhnih leh ni lina, vawin ni atang hian nakin hnu thlengin, tun hmalam kha ngaihtuah ang che u, LALPA biakin lungphum ni atang khan ngaihtuah rawh u.

19A chi chu buh inah a la awm em ni? Grep hrui te, theipui kung te, pawmgranet te leh olive thing te chu a la rah lo; vawiin ni atang hian mal ka sawm ang che u.

20Tin, LALPA thu chu, chumi thla, ni sawmhnih leh nilinaah chuan Hagaia hnenah a lo thleng nawn leh a;

21Hetiang hian Judai ram awptu Zerubabela hnenah chuan sawi rawh: kei chuan lei leh van ka ti nghing thin: ram lalthutphahte chu ka paihthla ang a, hnamte ram chakna chu ka tichhia ang;

22tawlailirte leh a chunga chuangte chu ka ti tlu ang a, sakawrte leh a chunga chuangte chu mitin mahni unau te khandaihin an tlu ang.Chumi niah chuan, aw Zerubabel ka chhiahhlawh, Seatiela fapa, ka chelh ang che,sipaihote LALPA thu chhuak chuan a ti; hming nemna zungbun angah ka siam bawk anag che, LALPA thu chhuak chuan a ti; nang ka thlang tawh si che a ni, Sipaihote LALPA thu chhuak chuan a ti," tiin.

23Chumi niah chuan, aw Zerubabel ka chhiahhlawh, Seatiela fapa, ka chelh ang che,sipaihote LALPA thu chhuak chuan a ti; hming nemna zungbun angah ka siam bawk anag che, LALPA thu chhuak chuan a ti; nang ka thlang tawh si che a ni, Sipaihote LALPA thu chhuak chuan a ti," tiin.

← Chapter 1 Jump to: