Isaiah 18

Mizo Bible

← Chapter 17 Jump to: Chapter 19 →

1A, thla zap ri hum hum ram, Ethiopia rama luite rala awm,

2tuipuia, tui chunga luang lawngahte palaiho tirtu chu! Zualko chak takte u, hnam sang thler thlawrh mam tak hnenah, an chhuah tan achin tun thleng mi hlauhawm takte hnenah chuan, kal rawh u; chu hnam chuan ram an sem thin a, an rapthlu bawk thin, an ram chu luite chuan a sem darh a ni.

3Khawvela awm zawng zawng leh leilung luahte u; tlangahte chhinchhiahna an tar chhuah hunah en rawh u: tawtawrawt an ham hunah ngaithla rawh u.

4LALPA'n ka hnenah heti hian a saiw a ni, "Ka awm hle hle ang a, ka awmnaah hian ka thlir reng ang; ni sat laia khaw lum thiang vel vul ang leh buh seng khaw lum laia daifim chhum ang hian, tiin.

5Grep lawh hun hmaa, a par a rem a, a par chu grep puama a lo cha hunah chuan, a peng te te chu theikung ahchhumna chemtein a ait chhum dawn si a, a peng zam darhte chu a lo boin a sat chhum bawk ang.

6Chung chu tlanga sava kohamte tan leh, leia sate tan chuan hnutchhiahin an awm hlawm ang: tichuan sava kohamte chuan anni chu nipui chhungin an ei ang a, leia sa zawng zawng chuan thlasik chhungin an ei ang.Chu mi hunah chuan, sipaihote LALPA hming awmna hmun, Zion tlangah chuan, sipaihote LALPA hnena pek atan mi sang thlerh thlawrh mam takte hnen ata, an chhuah tan achin tun thlenga mi hlauhawm takte hnen ata chu, lawmman an rawn sin ang; chu hnam chuan ram an sem thin a, an rapthlu bawk thin, an ram chu luite chuan a sem darh a ni.

7Chu mi hunah chuan, sipaihote LALPA hming awmna hmun, Zion tlangah chuan, sipaihote LALPA hnena pek atan mi sang thlerh thlawrh mam takte hnen ata, an chhuah tan achin tun thlenga mi hlauhawm takte hnen ata chu, lawmman an rawn sin ang; chu hnam chuan ram an sem thin a, an rapthlu bawk thin, an ram chu luite chuan a sem darh a ni.

← Chapter 17 Jump to: Chapter 19 →