bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mizo
/
Mizo Bible
/
Leviticus 4
Leviticus 4
Mizo Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
1
Tin, LALPA chuan Mosia a bia a.
2
"Israela thlahte chu bia la, LALPA'n thil tih loh tura thu a pekte a enga pawh hi miin hriat loh vangin lo tipalh se la, a titu chu
3
hriak thih puithiam ni se la, mipui thiam loh chantir thei thil a tihsual chuan a thil tihsual tak sual thawina'n LALPA hnenah bawng tuai sawiselbo, sual thawinaah hlan rawh se.
4
Bawng chu inbiakna puan in kawngka bulah LALPA hmaah a rawn kai ang a, bawng lu chungah a kut a nghat ang a, LALPA hmaah bawng chu a talh tur a ni.
5
Tin, hriak thih puithiam chuan bawng thisen engemawzat chu a la ang a, inbiakna puan inah chuan a rawn keng ang a:
6
tin, puithiam chuan thisenah chuan a kut zungtang a chiah ang a, a then chu LALPA hmaah, hmun thianghlim puanzar bulah chuan vawi sarih a theh tur a ni.
7
Tin, puithiam chuan LALPA hmaah inbiakna puan ina rimtui halna maicham kiahte chuan thisen chu tlem a tat ang; tin, bawng thisen zawng zawng chu inbiakna puan in kawngka kianga halral thilhlan maicham bulah chuan a chhung chhuak tur a ni.
8
9,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.
9
8,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.
10
8,9 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.
11
Tin, bawng vun te, a sa zawng zawng te, a lu nen, a kete nen, a kawchhungte, a ek te,
12
a bawng pum chu daipawn lam hmun faiah vut paihnaah a kalpui ang a, thingchungah a hal ang: vut paihnaah chuan hal tur a ni.
13
Israela chu a hnam puma an lo sual a, hre lo a LALPA thupek eng pawh an lo bawhchhiat palh chuan,
14
chu thil tihsual chu hriat chhuah a nih veleh mipuiin sual thawina'n bawng tuai an hlan ang a, inbiakna puan in kawtah an rawn kai tur a ni.
15
Tin, mipuiho upate chuan LALPA hmaah talh tur a ni.
16
Tin, hriak thih puithiam chuan inbiakna puan inah bawng thisen engemawzat chu a rawn keng ang a:
17
tin, puithiamin thisenah chuan a kut zungtang a chiah ang a, puanzar bulah LALPA hmaah vawisarih a theh tur a ni.
18
Tin, thisen chu inbiakna puan ina LALPA hmaa maicham kiah chuan tlem a tat ang a, thisen zawng zawng chu inbiakna puan in kawngka kianga halral thilhlan maicham bulah chuan a chhung chhuak tur a ni.
19
Tin, a thau zawng zawng chu a la vek ang a, maichamah a hal tur a ni.
20
Chutiang chuan bawng chu a ti ang a; sual thawina bawng a tih ang chiahin hei pawh hi a ti tur a ni: tin, puithiamin inremna a siam sak ang a, ngaihdam an ni ang.
21
Tin, bawng chu daipawn lamah a kalpui ang a, bawng hmasa a hal angin a hal tur a ni: chu chu mipuite tana sual thawina a ni.
22
Roreltuin thil a tihsual a, LALPA a Pathianin tih loh tura thu a pek zawng zawng a enga pawh a tih palh a, thiam loh a chan a,
23
a thil sual tih chu hriattir a nih chuan a thilhlanah kel, a pa, sawiselbo a rawn kai ang a:
24
kel lu chungah chuan a kut a nghat ang a, LALPA hmaah hlaral thilhlan an talh thinnaah chuan a talh tur a ni: chu chu sual thawina a ni.
25
Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, halral thilhlan maicham bulah a thisen chu a chhung chhuak tur a ni.
26
Tin, a thau zawng zawng chu remna thilhlan inthawina thau a hal angin maichamah a hal tur a ni: tin, a sual chungchang thuah chuan puithiamin inremna a siamsak ang a, ngaihdam a ni ang.
27
roreltuin thil a tihsuala LALPA a Pathianin tih loh tura thu a pek zawng zawng a enga pawh a tih palha thiam loh a chana,
28
a thil sual tih chu hriattir a nih chuan a thilhlanah kel, a pa, sawiselbo a rawn kai ang a:
29
kel lu chungah chuan a kut a nghat ang a, LALPA hmaa halral thilhlan an talh thinnah chuan a talh tur a ni: chu chu sual thawina a ni.
30
Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, halral thilhlan maicham bulah a thisen chu a chhung chhuak tur a ni.
31
Tin, a thau zawng zawng chu remna thilhlan inthawina thau a hal angin maichamah a hal tur a ni: tin, a sual chungchang thuah chuan puithiamin inremna a siamsak ang a, ngaihdam a ni ang.
32
Tin, vantlang zinga mi a tua pawhin LALPA'n tih loh tura thu a pekte a enga pawh tihsual palhin, thiam loh lo chang ta se la,
33
a thil sual tih chu hriattir a nih chuan a thilhlanah kel, a nu, sawiselbo, a thiltih sual tak sual thawina'n a rawn kai tur a ni.
34
Sual thawina lu chungah chuan a kut a nghat ang a, halral thilhlanna hmunah chuan sual thawina chu a talh tur a ni.
35
Tin, puithiamin thisen chu a kut zungtangin tlem a pir ang a, halral thilhlan maicham kiahte chuan a tat ang a, a thisen zawng zawng chu maicham bulah chuan a chhung chhuak tur a ni.
36
Tin, a thau zawng zawng chu remna thilhlan inthawina thau an lak angin a la vek ang a; tin, puithiam LALPA tana rimtuiah maichamah a hal tur a ni; tin, puithiamin inremna a siamsak ang a, ngaihdam a ni ang.
37
Tin, sual thawina'na a thilhlana beram no a rawn ken chuan, a nu, sawiselbo a rawn keng tur a ni.
38
Sual thawina lu chungah chuan a kut a nghat ang a, halral thilhlan an talhnaah chuan sual thawina'n a talh tur a ni.
39
Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, a thisen zawng zawng chu maicham bulah chuan a chhung chhuak ang a:tin, a thau zawng zawng chu, beram no thau, remna thilhlan inthawinaa mi lak angin a la vek ang a; tin, puithiamin LALPA tana meia thilhlan angin maichamah a hal tur a ni: tin, puithiamin a thil tihsual tak chungchang thuah inremna a siamsak ang a, ngaihdam ani ang.
40
tin, a thau zawng zawng chu, beram no thau, remna thilhlan inthawinaa mi lak angin a la vek ang a; tin, puithiamin LALPA tana meia thilhlan angin maichamah a hal tur a ni: tin, puithiamin a thil tihsual tak chungchang thuah inremna a siamsak ang a, ngaihdam ani ang.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27