Song of Solomon 5

Mizo Bible

← Chapter 4 Jump to: Chapter 6 →

1Ka huanah chuan ka lo lut a, ka laina, ka thiannu. Ka murra ka rimtuite nen ka lawrkhawm a, ka khawizu chu a thlar chawpin ka ei a, ka uain ka in a, hnutetui nen. Ei rawh u, aw thiante u, in rawh u; a ni, in teuh mai rawh u, ka duhtakte u.

2Ka muhil reng, ka thinlung erawh chu a harh, chu, ka duhtakin a rawn kik chu! Min hawn rawh, ka laina, ka hmangaih, ka thuro, ka sawiselbo, ka lu a huh zo si a, daiin, ka sam chhawl leng, zan dai farte chuan, tiin.

3Ka kawr ka hlip ta, engah nge ka hak ang? Ka ke ka sil ta, engah nge ka tihbawlhhlawh ang?

4Ka duhtak chuan a rawn zen, kawngkhar awngah, amah ka ngai em e - lung rilah.

5Ka duhtak kawng hawn turin ka tho, tin, ka kut chu a far a, murrain, murra a luang ka zungtangahte, kawng kalh humna chungah chuan.

6Ka duhtak tan chuan ka hawng ta, mahse, ka duhtak lam ang let e, a tawng ka thlain a tuar zo lo. Ka zawng ruai e, ka tawng si lo e, ka au chiam a, mi chhang si lo a.

7Khawpui venga kal hualtuten min hmu a, min vua a, min hliam ta a, kulh vengtu'n an hlip e, ka silhpuan.

8Ka ngen tlat che u, aw Jerusalem fanute, ka duhtak chu in hmuh chuanin hmangaihnaah ka uai zo tih rawn hrilh r'u.

9Mi aiin i duhtak chu eng nge a nih bik le? Aw hmeichhia a laia mawi ber, mi aiin i duhtak chu eng nge a nih bik, chuti ema min ngen le?

10Ka duhtak chu a tha sen siar a, sangsawm zingah a chungnung ber e.

11A luin a iang e, rangkachak thianghlim, a sam kir chu dum zen e, lianak iangin.

12A mitte chu lui te kam thuro ang, hnutetuia inbuala fel taka thu chu.

13A biangte chu hlo rimtui hmun, rimtui chhuah thin ang a ni, a hmuite chu lili par ang, murra tuiin a far e.

14A kutzungte rangkachak tlawn, topaz lung phum thiau ang, a sakruak chu saingho, safir-a chei ang a ni.

15A ke chawn chu lung var tlawn, rangkachak nghahchhana hun ang, a lan danin Lebanon tlangpui iang e, sidar thing tha chungchuang ang.A kam a thlum ber mai, a ni, a duhawm famkim; hei hi ka duhtak chu a ni, hei hi ka thian a ni; aw Jerusalem fanute u.

16A kam a thlum ber mai, a ni, a duhawm famkim; hei hi ka duhtak chu a ni, hei hi ka thian a ni; aw Jerusalem fanute u.

← Chapter 4 Jump to: Chapter 6 →