Malachi 4

Madurese Bible 1994 (ALKETAB E DHALEM BASA MADURA)

← Chapter 3 Jump to:

1Dhabuna PANGERAN Se Mahakobasa, “Bakal dhapa'a arena e bakto sakabbinna oreng se sombong ban jahat eobbara akantha darameyan. E are jareya reng-oreng jareya bakal eobbara kabbi sampe' tadha' karena.

2Tape kaangguy ba'na se ta'at ka Sengko', Tang kobasa se madhateng kasalameddan bakal nyonara akantha are, ban sonarra mabarasan se sake'. Ba'na bakal bebasa sarta gumbira akantha budhu'na sape se buru epakalowar dhari kandhang.

3E are jareya Sengko' ngokoma se sala, ban ba'na bakal makala'a reng-oreng jahat, sampe' reng-oreng jareya daddi akantha abu se enyek-enyek ba'na.

4Kaenga'e pangajaran-pangajaranna Mosa Tang abdi, kaenga'e kom-hokom sarta ta-parenta se etarema Mosa jareya dhari Sengko' e Gunong Sinay sopaja eta'adi bi' sakabbinna ommat Isra'il.

5Tape sabellunna are se nako'e se la etantowagi bi' Sengko' jareya dhapa', Sengko' ngotosa Nabbi Eliya ka ba'na.

6Nabbi jareya marokona pole lalake'an se anyama eppa' ban na'-ana'na, sopaja Sengko' ta' dhatengnga maancor nagarana ba'na.”

← Chapter 3 Jump to: