Hosea 3

Maasai 2018 (BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI)

← Chapter 2 Jump to: Chapter 4 →

1Naajoki nanu Olaitoriani, “Nyaaki shomo tonyorra ina kitok nanyor olang'ata lenye, naa enaibor onyek, tonyorra anaa enanyor Olaitoriani iltung'ana le Israel, hoo neibelekenyakino ninche kulie aaitin nenyorru imukateni o sabibu naatoito.”

2Neaku ainyang'ua nanu ninye te shekeli tomon o imiet e nkosholai o ntemet nabo e shairi o lpisiai le ntemet e shairi.

3Najoki nanu ninye, “Meeta nchere pee mibik ira enaai too nkolong'i kumok; mintoki aiborrie onyek, aashu iaku ene likae lee; neijia sii nanu atiu te iyie.”

4Amu kebik inkera oo Siraeli nkolong'i kumok meeta olaiguanani aashu olkitok, meeta olasar aashu eng'ape, meeta enkila o lgoo aashu enkitanyaanyukoto.

5Ore te siadi nerrinyunye nkera e Israel neing'oru Olaitoriani Enkai enye, o Daudi olaiguanani lenye; naa kepuonu ninche te nkuretisho enetii Olaitoriani o esupatisho enye too nkolong'i e siadi.

← Chapter 2 Jump to: Chapter 4 →