Malachi 4

Maasai 2018 (BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI)

← Chapter 3 Jump to:

1“Kesipa elotu enkolong napejisho anaa olmoti le nkima, ina pee eaku ilooitokoos o laasak pooki loo ng'ok isuut; ore ina olong nalotu napejoo ninche, ejo Olaitoriani loo lororani, melekaki ninche entonai anaa olng'osila.

2Kake ore iyie oure enkarna ai, keilepaki intae enkolong e supatisho eetae enkishiunoto too naipuko enyena. Ipuopuo intae intigiranana anaa ilasho ooti ooitigiran epuku to lale.

3Naa intunyokiki enkop iltorrok. Amu keaku ninche nkuruon tiabori ndapi oo nkejek inyi ina olong naas ina, Olaitoriani loo lororani ojo.

4“Entadamu inkiguanat o sinka lai Musa o nkitanapat naitanapa ninye to ldoinyo le Horeb naaipirta Israel pooki.

5“Ng'ura ajo kairriwaki nanu intae Eliya oloiboni le Nkai eton eitu elotu ina olong torrono o Laitoriani.

6Naa keitutum ninye intoiwuo o nkera enye malotu ake aosh enkop to ldeket.”

← Chapter 3 Jump to: