bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Morisyen
/
morisyen
/
Mark 7
Mark 7
morisyen
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Bann Farizien ek detrwa dokter lalwa ki sorti depi Zerizalem antour Zezi.
2
Zot remarke ki detrwa so bann disip ti pe manz dipin avek lame sal, savedir, zot pa finn lav zot lame.
3
Anefe, bann Farizien parey kouma tou Zwif, ti bizin bien lav lame avan manze, pou respekte tradision zot gran dimoun.
4
Kan zot sorti dan enn landrwa piblik, zot bizin lav zot, apre zot manze. Ena enn pake tradision koumsa ki zot finn resevwar e ki zot bien respekte, par exanp zot lav bann koup, brok, deksi.
5
Alors bann Farizien ek bann dokter lalwa dimann li, “Pou ki rezon to bann disip pa mars dapre tradision nou bann gran dimoun? Pou kifer zot manz dipin ar lame sal?”
6
Zezi reponn zot, “Izai ti ena rezon kan li ti profetiz lor zot, bann ipokrit, kan li ti ekrir dan so liv, ‘Sa lepep la ador mwa zis ar so labous me so leker bien-bien lwin ar mwa.
7
Pou nanye zot ador mwa parski zot fer zot lalwa pas pou lalwa Bondie.’
8
Zot met lalwa Bondie dan enn kwin me zot gard tradision bann imin.”
9
Zezi kontigne, “Zot bien malin kan bizin detourn lalwa Bondie pou favoriz zot tradision.
10
Moiz ti bien dir, ‘Respekte to papa, respekte to mama,’ e ‘Dimoun ki maltret so papa, ek so mama, li merit lamor.’
11
Me zot, zot dir, si enn dimoun deklar ar so papa ek so mama, koudme ki li ti pou kapav donn zot, li Korbann - savedir li enn ofrand sakre,
12
alors li gagn drwa pa donn okenn led so papa, so mama.
13
Zot diminie pwa Parol Bondie zis pou kapav transmet zot bann tradision; zot fer boukou kiksoz dan sa manier la.”
14
Li apel lafoul ankor, li dir zot, “Ekout mwa bien zot tou, sey konpran sa ki mo pe dir.
15
Tou seki dan lanatir e ki rant dan lekor enn dimoun, pa kapav fer li vinn inpir, selman seki sorti dan so lekor, sa kapav fer li vinn inpir. [
16
Si zot ena zorey pou ekoute, ekout bien! ]”
17
Letan li kit lafoul, li rant lakaz, so bann disip pe poz li kestion lor sa parabol la.
18
Li dir zot, “Kouma zot ousi, zot kapav bet koumsa? Kouma zot pa konpran ki tou seki dan lanatir e rant dan enn dimoun pa kapav fer li vinn inpir,
19
parski li pa rant dan so leker me dan so vant apre so lekor eliminn li?” Par sa parol la Zezi ti deklare ki tou manze prop.
20
Li kontigne, “Seki sorti depi andan, samem ki fer dimoun vinn inpir.
21
Andan, dan leker, lamem tousort kalite move lide sorti: move lavi, kokin, touye,
22
adilter, groker, fer vis, zwe malin, lamizman, met lizie, zoure, vantar, divage.
23
Tou seki move sort dan leker dimoun; samem ki fer li vinn inpir.”
24
Kan Zezi sorti la, li al dan rezion Tir. Li rant dan enn lakaz, li pa ti anvi personn kone, me li pa ti kapav kontign kasiet.
25
Me kouma enn madam ki so tifi ti ena move lespri lor li tann koz Zezi, li vini, li tom azenou devan li.
26
Sa madam la pa ti dan larelizion Zwif; li ti enn Siro-Fenisyenn. Li dimann Zezi tir demon lor so tifi.
27
Zezi reponn li, “Les bann zanfan manze avan, parski li pa bon pran dipin zanfan pou zet ar tilisien.”
28
Madam la reponn, “Wi Segner, me selman tilisien anba latab, manz bout dipin ki bann zanfan les tonbe.”
29
Alor Zezi dir li, “Akoz sa parol to finn koze la, ale, demon finn kit to tifi.”
30
Kan li ariv kot li, li trouv so zanfan alonze lor lili, demon finn fini kit li.
31
Apre sa, Zezi kit rezion Tir ankor enn fwa, li pas par Sidon; li pran direksion lamer Galile, li travers Dekapol.
32
Zot amenn enn sourd devan li, li ti osi gagn difikilte pou koze; zot sipliy Zezi poz lame lor li.
33
Zezi pran li, amenn li dan enn kwin, lwin ar lafoul. Li met so ledwa dan so zorey; li tous so lalang ar so lakras.
34
Li lev so lizie ver lesiel li pous enn soupir, li dir li “Efata!” -sakivedir, “Ouver-twa!”
35
Deswit so zorey ouver, so lalang delarge, li koz normal.
36
Zezi donn zot lord pa dir nanye personn; me plis li donn zot lord, plis zot fann nouvel lor li partou.
37
Zot ti bien-bien inpresione; zot tou ti pe dir, “Li finn fer boukou mervey! Mem bann sourd tande, bann miye koze.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16