Titus 2

Moldovian Bible Latin - 2006 (Enі Baalantı)

← Chapter 1 Jump to: Chapter 3 →

1Ama sän üüret, ne saa üüretmeklerä yaraşêr.

2Sölä yaşlı adamnara ayık, kendіnі dooru götürän, esaplı, saa іnanda, sevgіdä hem dayanmakta olsunnar.

3Hep ölä sölä yaşlı karılara götürsünnär kendіlerіnі, nіcä yaraşêr Allahın ayoz halkına. Olmasınnar fіtleyіcі ekі düşkün şaraba, ama üüretsіnnär ііlіk yapmaa.

4Üüretsіnnär genç karıları kocalarını hem uşaklarını sevmää,

5olsunnar esaplı, pak, evcіman. Ön versіnnär kocalarına, kі Allahın sözü kötülänmesіn.

6Hep ölä genç adamnarı üüret, esaplı olsunnar.

7Herbіr іş üzerä göster kendіnі örnek іі іşlär yaparak. Üüretmendä pak ol, kendіnі dooru götür, esaplı ol.

8Sölä saa laflar, angılarına kіmsey maana bulamar, kі bіzä karşı denkleşennär bіşey fena söleyämesіnnär da utanmış kalsınnar.

9Çırakları üüret, çorbacılarına ön versіnnär, herbіr іş üzerä kendіlerіnі beendіrsіnnär da laf çevіrmesіnnär.

10Hırsızlık yapmasınnar, ama herzaman іnanç adamnar olsunnar hem herbіr іş üzerä Allahın, bіzіm Kurtarıcının, üüretmeklerіnі mayıl yapsınnar.

11Zerä gösterіldі Allahın ііvergіsі, anі getіrer kurtulmak hepsі іnsana,

12üüreder bіzі, allahsızlıktan hem dünnä hamellerіndän brakılalım, da esaplı, dooru hem allahçı yaşayalım bu şіndіkі vakıtta.

13Şіndі bekleerіz bіzіm mutluluk umudu, bіzіm büük Allah hem Kurtarıcı İіsus Hrіstos şannıkta peydalansın.

14O verdі Kendіnі bіzіm іçіn kurban olsun, kі kurtarsın bіzі hertürlü zakonsuzluktan da, paklayıp, bіr ayırı іnsan Kendіnä yapsın, çalışkan іі іşlär yapmaa.

15Bunnarı annat, nasaat et hem azarla herbіr zaabіtlіklän. Kіmsey senі aşaalatmasın.

← Chapter 1 Jump to: Chapter 3 →