1 Timothy 1

Mossi MPBU (WẼNNAAM SEBRE 2014)

Jump to: Chapter 2 →

1A Polle, a Zeezi Kiris tẽn-tʋmda, a wa sẽn zems ne Wẽnnaam sẽn yaa tõnd fãagdã raabo, la sẽn zems ne a Zeezi Kirisã, tõnd tẽeb sẽn be ne a soabã noore,

2n gʋlsd a Tɩmote, m bi-roagdg tẽeb pʋgẽ. Bɩ barka, la nimbãan-zoeere, la laafɩ sẽn yit Ba a Wẽnnaam la tõnd Zu-soab a Zeezi Kiris nengẽ wã zĩnd ne foom.

3A wa mam sẽn dag n sagl foom wakat ning mam sẽn loogd n dabd Masedoannã, kell n pa Efɛɛs n sagl neb kẽer tɩ b ra zãms nebã koɛɛg a to ye,

4la b ra sak soalma, ne roog yɛl sẽn ka saabo, la sẽn ka wat ne Wẽnnaam tʋʋmd tẽeb pʋgẽ la yaa no-koɛɛm balã ye.

5Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn yaa sõama pʋgẽ, la tẽeb sɩd-sɩd pʋgẽ.

6Neb kẽer sẽn bʋdg n bas bõn-kãensã yĩnga, b bʋdgame n menem gom-vɩɩd pʋgẽ.

7Bãmb dat n yɩɩ a Moyiis tõog karen-saam-dãmba, n yaool n ka wʋmd b sẽn gomdã, la b sẽn yetã võor ye.

8Tõnd mii sɩd t'a Moyiis tõogã yaa sõama, b sã n tũ-a tɩ zemse,

9la d miẽ t'a Moyiis tõogã ka maan nin-tɩrg yĩng ye, la yaa nin-wẽnsã, neb nins sẽn ka sakd noorã, sẽn ka tẽed-b Wẽnnaamã, yel-wẽn-maandbã, neb nins sẽn paoogd Wẽnnaamã, la toog sẽn ka be ne wẽn-tũudum, ba-rãmb la ma-rãmb kʋʋdba,

10la yĩng ratem yembse, la raop bɩ pagb sẽn gãe taaba, la yemb-koaasdba, la zĩrẽ yagdba, la zĩrẽ kaset rãmba, la bũmb nins a taab sẽn kɩɩsd koe-sõngã maandbã yĩnga.

11Yaa koe-noog ning sẽn tar ziirã, Wẽnnaam sẽn yaa bark soabã koe-noogã, koe-noog ning b sẽn ning mam noorẽ wã n yet a woto.

12Mam pʋʋsda soab ning sẽn kõ-a maam pãngã barka, tõnd Zu-soab a Zezi, bãmb sẽn ges tɩ mam yaa ned sẽn maand sɩda, n zĩndg maam tʋʋmdã pʋgẽ,

13tɩ mam yaool n dag n yaa ned sẽn paoogd Wẽnnaam, la sẽn namsd Kiris tẽedbã, la ned sẽn maand a taab pãnga. La b zoee mam nimbãanega, bala, dag n yaa zɩɩlem la ka-tẽeb pʋgẽ la mam dag n maand rẽnda.

14La mam paama tõnd Zu-soabã barkã, n paas tẽeb la nonglem sẽn be a Zeezi Kiris pʋgẽ.

15Gomd ning sẽn yet t'a Zeezi Kiris waa dũni n na n fãag yel-wẽn-maandbã yaa sɩda, la gomdã zemsa reegr zãnga, la mam yaa yel-wẽn-maandbã taoor soaba.

16La Wẽnnaam maana nimbãan-zoeer ne maam, t'a Zeezi Kiris reng n wilg b sũ-marã fãa ne maam, mam sẽn yaa wẽng n yɩɩd yel-wẽn-maandba fãa wã, tɩ yɩ kaset neb nins fãa sẽn na tẽ bãmba n dat vɩɩm sẽn ka sɛtã yĩnga.

17Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n yaa b yembr tãa n yaa Wẽnnaamã soog waoogre, la ziiri, wakat sẽn ka sɛt ye. Ãmina!

18M biig a Tɩmote, koɛɛg ning mam sẽn yet foom, a wa sẽn zems bãngr gomdã sẽn gom a yellã, yaa tɩ f zab zab-sõngã wa b sẽn yeelã,

19la f kell n tall tẽeb ne sũur kaset-sõngo. Neb kẽer basa sũur kaset‑kãnga, la ne tẽebã yelle, b yaa wa neb koom sẽn dɩ.

20A Imene ne a Alegsãndr bee bãmb dãmba sʋka, la mam basa bãmb ne a Sʋtãanã, tɩ b na zãms n bãng tɩ ra paoog Wẽnnaam ye.

Jump to: Chapter 2 →