bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Esther 6
Esther 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 7 →
1
Badaar yʋngo, rĩmã rag n ka tõe n gũs ye. Dẽ, a kɩtame tɩ b tall soolmã kibay sebrã n wa karemdẽ t'a kelgdẽ.
2
La b karma zĩig ning b sẽn gomd zu-soben-dãmb a yiibã, a Bigtã ne a Terɛɛs sẽn dag n yaa rĩmã rotã noy gũudbã sẽn dag n dat n kʋ rĩm a Asiruus t'a Mardoose vẽneg yellã n togsã.
3
Rĩmã sokame: «Bõe waoogr la b waoog a Mardoose yel-kãng yĩnga?» La rĩmã tʋmtʋmdbã leokame: «B ka tol n maan bũmb baa fɩ n kõ-a ye.»
4
Dẽ, rĩmã sokame tɩ ãnda n be zakã pʋga. La mikame tɩ yaa a Haman sẽn dag n nan tat rĩmã pipi samandẽ wã, n dat n kos rĩmã tɩ b luul a Mardoose ra-ludg ning yẽnda sẽn luglã zugu.
5
Rĩmã tʋmtʋmdbã yeela rĩmã yaa: «Yaa a Haman n be zakã pʋga.» Dẽ, rĩmã yeelame tɩ b kɩt t'a wa kẽ.
6
A Haman sẽn kẽ, rĩmã sok-a lame yaa: «Rĩmã sã n dat n waoog ned ne waoogr meng-menga, a tog n maana bõe n kõ a soaba?» La a Haman tagsa a sũurẽ a woto: «Yaa ãnda la rĩmã rat n waoog tɩ sã n ka maam.»
7
Dẽ, a Haman leoka rĩmã yaa: «Ned rĩmã sẽn dat n waooge?»
8
Bɩ b rɩk naam fuug rĩmã sẽn yeelge, la weef ning rĩmã sẽn zombdã tɩ maanf be a zugẽ wã.
9
La bɩ b kõ a soabã fuugã ne weefã, la b kɩt tɩ naab a yembr nanambsã sʋk zã futã, n tɩ yeelg rĩmã sẽn dat n waoog a soabã, la a zombg-a weefã, n lʋɩ a taoor n tall-a n kẽng tẽngã raasã noyã, la zĩis nins fãa nebã sẽn tigimd taabã, la a moondẽ n yetẽ: «Yaa woto la b maand ned ning rĩmã sẽn dat n waoogã.»
10
Dẽ, rĩmã yeela a Haman yaa: «Bɩ f tall fuugã ne weefã n kẽng tao-tao n tɩ maan woto ne Zʋɩf a Mardoose sẽn zĩ rĩm dignoorẽ wã wa fo sẽn yeelã, la f ra sak tɩ bũmb ba a yembr paoog fo sẽn togsã fãa pʋgẽ ye.»
11
Dẽ, a Haman rɩka fuugã n yeelga a Mardoose, n zombg-a weefã, n lʋɩ a taoor n saagd tẽngã n moondẽ n yetẽ: «Yaa woto la b maand ned ning rĩmã sẽn dat n waoogã.»
12
A Mardoose lebgame n leb rĩmã dignoorẽ wã, la a Haman lebga tao-tao n kuil ne sũ-sãan-kãsenga, la a pila a zugã.
13
A Haman togsa a pag a Zerɛɛse, ne a zo-rãmbã bũmb ning sẽn paam yẽnda wã. La a zo-rãmbã ne a pag a Zerɛɛs yeela yẽnda yaa: «Sã n mikame tɩ Mardoose ning fo sẽn sɩng n paamd paoogr a nifẽ wã yaa zʋɩfe, fo ka na n tõog-a ye. Fo na n konga zãng yẽnda taoore.»
14
Bãmb sẽn nan ket n gomd ne a Haman bal yee, la rĩmã tʋmtʋmdb sẽn be waoongẽ, n tall a Haman tao-tao n kẽng tigr ning rĩm-poak a Ɛstɛɛr sẽn maanã.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 7 →
All chapters:
1
2
3
4
5
6
7
8
9
10