bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Mark 1
Mark 1
Mossi MPBU (WẼNNAAM SEBRE 2014)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
1
Koe-noog ning sẽn togsd a Zeezi Kiris sẽn yaa Wẽnnaam Bi-riblã yɛlã sɩngr la a woto.
2
Bõn‑kãng zemsa wa sẽn gʋls Wẽnnaam no-rɛɛs a Ezayi sebrã pʋgã: «Ade, mam tʋmda m koe-toagsd t'a reng fo taoor n maneg f sorã.
3
Yaa yẽnda koɛɛg n kelemd we-rasempʋɩɩgẽ n yetẽ: Maneg-y Zu-soabã sore, rems-y bãmb so-bugsã tɩ yɩ tɩrse.»
4
A Zã rag n bee weoogẽ n lisd nebã la a moondẽ n yetẽ tɩ b tek yam n deeg lisg b yel-wẽnã sugr yĩnga.
5
Zʋʋde tẽmsã neb fãa ne Zeruzalɛm dãmbã rag n yitame n kẽngd yẽnda nengẽ, n vẽnegd n togsd b yel-wẽnã t'a lisd bãmb Zʋrdẽ kʋɩlgã pʋgẽ.
6
A Zã fuugã rag n wʋga ne yʋgemd kõbdo. A sẽbdgã rag n yaa gãongo, la a rɩɩb rag n yaa sʋy la weoog sɩɩdo.
7
Yẽnda rag n moondame n yetẽ: «Ned sẽn yɩɩd maam n na n pʋgl maam n wa. Mam pʋs n ka zems tɩ zõond n lok bãmb neooda loets ye.
8
Mam lisa yãmb koomẽ, la bãmb na n lisa yãmb Sɩɩg-sõng pʋgẽ.»
9
Wakat-kãnga, a Zeezi yii Galɩle Nazarɛt n wa, la a Zã lisa bãmb Zʋrdẽ koomã pʋgẽ.
10
La b sẽn yit koomẽ wã, b yãnda yĩngr sẽn pake, la Sɩɩg-sõng sẽn wẽnd wall sẽn sigd bãmb zugu.
11
Koɛɛg zĩnda saasẽ n yeele: «Fo yaa mam Bi-ribl-nongr sẽn ta mam yam zãnga.»
12
Tao-tao bala, Sɩɩgã kɩtame t'a Zeezi kẽng we-rasempʋɩɩgẽ.
13
Bãmb paa be rasem pis-naas tɩ Sʋtãanã mak bãmba. B rag n bee be ne we-rũmsi, la malɛɛk-rãmb n dag n sõngd bãmba.
14
B sẽn kẽes a Zã bi-bees roogã zugẽ, a Zeezi kẽnga Galɩle n tɩ moond koe-noogã n yetẽ:
15
«Wakatã taame, la Wẽnnaam soolem kolgame. Tek-y yam n bas y yel-wẽnã la y tẽ koe-noogã.»
16
Bãmb sẽn tũud Galɩle ko‑kãsengã noore, bãmb yãnda a Sɩmo ne a ba-biig a Ãndere, tɩ b lobd zĩm-gãmbr ko‑kãsengã pʋgẽ. Bala, b rag n yaa zĩm-yõagdba.
17
A Zeezi yeel-b lame yaa: «Wa‑y n tũ-y maam, tɩ m na n kɩtame tɩ y lebg nin-baoodba.»
18
Bãmb basa b zĩm-gãmba wã tao-tao n tũ a Zeezi.
19
Bãmb sẽn kẽng taoor bilfu, b yãnda a Zebde kom-dibli a Zak ne a ba-biig a Zã. Bãmb me rag n bee koom koglgẽ n tõgd b zĩm-gãmba.
20
Tao-tao bala, a Zeezi boola bãmba, la b basa b ba a Zebde koglgã pʋgẽ ne tʋmtʋmdbã n tũ bãmba.
21
A Zeezi ne b karen-biisã kẽe Kapɛrnaom tẽnga pʋga. La vʋʋsg daarã sẽn ta, a Zeezi kẽe karen-doogẽ wã n sɩng n zãms nebã.
22
Bãmb zãmsgã yɛɛsa nebã, bala, b zãmsa ne noore, la ka wa tõog karen-saam-dãmbã ye.
23
La rao a yembr n dag n be bãmb karen-doogẽ wã tɩ zĩn-dẽgd tar-a. A kelmame n yeele:
24
«Zeezi sẽn yit Nazarɛte, yaa bõe la y rat ne tõndo? Yãmb waame n na n menes tõnd laa? Mam mii yãmb sẽn yaa ned ninga. Yãmb yaa Wẽnnaam pʋ‑peelem soaba.»
25
A Zeezi leng-a lame n yeele: «Sĩnd la f yi n bas raoã.»
26
Zĩn-dẽgdã kelma ne pãnga, n yi n bas raoã t'a rigd wʋsgo.
27
Nebã fãa yɛɛsame n sok taaba: «Bõn-kãngã yaa bõe? Koe-paalga! B tãsda zĩn-dãmb mens hal tɩ b sakd-ba.»
28
Tao-tao bala, bãmb yʋʋrã saaga zĩigã fãa Galɩle soolmã pʋga.
29
A Zeezi ne b karen-biisã sẽn yi karen-doogẽ wã, a Zeezi ne a Zak la a Zã kẽnga a Sɩmo ne a Ãndere rãmb zakẽ.
30
A Sɩmo pagã ma yĩns rag n wɩngame t'a gãeyã. La a Zeezi sẽn ta bala, b togs-b lame.
31
Bãmb kolgame n gãd a nug n sõng-a t'a yiki, la wakat‑kãng bala, a yĩn-wɩngrã sigame t'a yik n maan-b sãando.
32
La zĩ-sobdo, wĩndgã lʋɩɩs poore, nebã talla bãad-dãmbã fãa ne neb nins zĩn-dãmb sẽn tarã n wa a Zeezi nengẽ.
33
La tẽngã nebã tigma taab roogã noore.
34
A Zeezi maaga neb wʋsgo, bãas buud toay-toay sẽn dag n tar-ba. Bãmb diga zĩn-dãmb wʋsg me n ka sak tɩ b gom ye. Bala, zĩn-dãmbã rag n mii bãmba.
35
A Zeezi sãda beoogo, tɩ zĩigã ket n yaa lika, n kẽng zĩig neb sẽn ka be n tɩ pʋʋse.
36
A Sɩmo ne neb nins sẽn be ne yẽnda wã baoo bãmba.
37
La b sẽn yãnd a Zeezi, b yeel-b lame yaa: «Nebã fãa baooda yãmba.»
38
La a Zeezi leoka bãmba: «Wa-y tɩ d kẽng tẽn-kɩremsã, tɩ m tɩ moon koe-noogã beenẽ me, tɩ yaa rẽnda yĩng la m wa-yã.»
39
Bãmb saaga Galɩle n moon koe-noogã karen-dotã pʋse, la b rig zĩn-dãmba.
40
Ned a yembr yĩn-gãong bãag sẽn tar n wa a Zeezi nengẽ n yĩgimd n bõos bãmb ne nimbãaneg n yeele: «Yãmb sã n data, y tõe n maaga maam tɩ m yɩ yɩlemde.»
41
Raoã nimbãaneg yõka a Zeezi tɩ b tẽeg b nug n sɩɩs-a n yeele: «Mam datame, lebg yɩlemde.»
42
Wakat-kãng bala, yĩn-gãongã bãag loog n bas-a lame t'a lebg yɩlemde.
43
Wakat kãng bala, a Zeezi yeel-a-lame t'a looge,
44
n keoog-a neer n yeele: «Gũus n da wa yeel ned tɩ bũmb ye. La f kẽng n tɩ wilg f meng maan-kʋʋdã, la f maan maoong ning a Moyiis sẽn wilgã, f yɩlgr yĩnga, t'a yɩ kaset nebã yĩnga.»
45
La raoã sẽn looge, a puka yellã n moone, hal t'a Zeezi ka leb n tõe n kẽ tẽngẽ tɩ ka yɩ ne soosg ye. Bãmb zĩnda zĩis neb sẽn ka be, la neb rag n yita zĩig zãng fãa n wat bãmb nengẽ.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
All chapters:
1
2
3
4
5
6
7
8
9
10
11
12
13
14
15
16