bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Romans 11
Romans 11
Mossi MPBU (WẼNNAAM SEBRE 2014)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Dẽ, mam sokdame yaa: Wẽnnaam zãgsa b nebã la? Yaa vẽeneg tɩ b ka zãgs-b ye. Bala, mam me yaa Israyɛll neda, a Abrahaam yagenga, a Benzame buudu.
2
Wẽnnaam ka zãgs b nebã bãmb sẽn pĩnd n bãngã ye. Yãmb ka mi bũmb ning Wẽnnaam gʋls-sõamyã sẽn yeta, zĩig ning a Eli sẽn yẽgem ne Wẽnnaam Israyɛll nebã poorẽ wã?
3
Zu-soaba, b kʋʋ yãmb no-rɛɛsdbã, b leeba yãmb tẽn-kugã n lubi. Maam m yembr n kelle, tɩ b baood maam n na n kʋ.
4
La Wẽnnaam leokame tɩ bõe? Mam welga raop tus a yopoe m mengã yĩnga, la b ka yĩgimd baall taoor ye.
5
Woto me, moasã, neb n kelle, wa sẽn zems Wẽnnaam sẽn tũus b rãmb b barkã pʋgẽ wã.
6
La sã n yaa ne Wẽnnaam bark la ned paamd fãagre, ka leb n yaa ne tʋʋm ye. Sã n ka rẽ, barkã ka leb n ya nimbãan-zoeer ye [la sã n yaa ne tʋʋmã la ned paamd fãagre, ka leb n yaa nimbãan-zoeer yell ye. Sã n ka rẽ, tʋʋmd ka leb n yaa tʋʋmd ye.]
7
Dẽ, yaa bõe? Israyɛll nebã ka paam bũmb ning b sẽn dag n baoodã ye, la nin-tũusdsã paam-a lame. Neb a taabã sũy riglmame,
8
wa b sẽn gʋlsã: Hal tɩ ta dũndã daare, Wẽnnaam kõo bãmb gõeem sɩɩga, nin sẽn ka ne, tʋb sẽn ka wʋmda. La a Davɩɩd yeelame yaa:
9
Bɩ b rɩɩbã yɩ bẽdg b yĩnga, gãmbre, kug-lakdga, la b yaoodo.
10
Bɩ b ninã lebg lik n ka tõe n yãnd ye, la y kɩt tɩ b kuudẽ n ka tõe n doog ye.
11
Dẽ, mam sokdame yaa: B lakame n na n lʋɩ? Yaa vẽeneg tɩ ka a woto ye. La bãmb lʋɩɩsã wa ne bu-zẽmsã fãagre, tɩ sũ-kiir na yõk Israyɛll nebã.
12
Bãmb lʋɩɩsã sã n zĩnda yõod ne dũni, tɩ bãmb kongrã zĩnd yõod bu-zẽmsã yĩnga, bãmb yikr zãng kõn zĩnd yõod n yɩɩda?
13
Bu-zẽmsã, mam yeta yãmba: Mam sẽn yaa tẽn-tʋmd bu-zẽmsã sʋka, mam waoogda m tʋʋmdã,
14
tɩ sã n tõe, bɩ m kɩt tɩ sũ-kiir yõk mam buudã, tɩ m tõe n fãag neb kẽere.
15
Bala, b sẽn bas bãmb kɛɛngã sã n kɩtame tɩ dũni paam yel-manegr ne Wẽnnaam, b sẽn na n leb n deeg bãmbã na n yɩɩ a wãnã? A kõn yɩ vʋʋg n bas kũum sɩda?
16
La dẽenem biisã sã n welga toor Wẽnnaam yĩnga, zom-nagdgã me welga toore. La yẽgrã sã n welga toor Wẽnnaam yĩnga, wilã me yaa a woto.
17
La sã n yaa tɩ b kʋʋsa wil kẽere, n dɩk fo sẽn ya weoogẽ oliiv tɩɩgã n lebs n tong b zĩigẽ wã, tɩ fo paam lagem-n-taar ne oliiv tɩɩgã yẽg la a sũma,
18
da paoog wilã n waoog f meng ye. Fo sã n waoogd f menga, bãng tɩ ka foom n zãad yẽgã ye, la yaa bãmb n zãad foom.
19
Daar ninga fo na n yeelame: Bkʋʋsa wilã, tɩ b tõe n lebs maam n tong beenẽ.
20
Yaa sõama yẽ. Yaa b ka-tẽebã yĩng la b sẽn kʋʋs-bã. La yaa tẽeb yĩng la fo ket n vɩ. Da paam wuk-m-meng tagsg ye, ayo, maan dabeem.
21
Bala, Wẽnnaam sã n ka bas tɩɩgã meng wila, b ka na n bas foom me ye.
22
Ges Wẽnnaamã sõmblmã ne b toolmã yelle: Bãmb yaa toaag ne neb nins sẽn lʋɩ wã, la Wẽnnaam sõmblem fo yĩnga, fo sã n pa sõmblem-kãng pʋgẽ. Sã n ka rẽ, b na n kʋʋga foom me.
23
Bãmb me sã ka pa ka-tẽebã pʋgẽ, b na n lebs-b lame n tom ne tɩɩgã. Bala, Wẽnnaam pãnga sekame tɩ lebs-b n tom yɛsa.
24
B kʋʋga foom oliiv tɩɩg sẽn yaa weoog bũmb zugu, n tong foom ne yir oliiv tɩɩga, baa ne rẽ sẽn ka zemsd ne foomã. Sẽn yaa bãmb meng tɩɩg la rẽ wã, Wẽnnaam kõn lebs-b n tom be n yɩɩda, a sẽn zemsd ne bãmbã yĩnga?
25
Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛll nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.
26
Rẽ zugẽ, Israyɛll nebã fãa na n paama fãagr wa sẽn gʋlsã: Yoalsdã na n yii Siyõ. B na n kɩtame t'a Zakoob bas Wẽn-kɩɩsgo.
27
Mam kaool ne bãmb na n yɩɩ a woto wakat ning mam sẽn na n yẽes b yel-wẽnã.
28
Sã n yaa ne koe-noogã yelle, b yaa bɛɛba, yãmb yĩnga. La sã n yaa ne yãkrã, Wẽnnaam nong-b lame, b ba-rãmbã yĩnga.
29
Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.
30
A wa yãmb sẽn dag n kɩɩs Wẽnnaam, n paam nimbãan-zoeer moasã Israyɛll nebã kɩɩsg yĩngã,
31
woto me, bãmb me kɩɩsa moasã, tɩ b tõe n paam nimbãan-zoeer moasã, nimbãan-zoeer ning yãmb sẽn paamã maasem yĩnga.
32
Bala, Wẽnnaam kẽesa nebã fãa kɩɩsg pʋgẽ, n na n naag b fãa n zoe b nimbãanega.
33
Wẽnnaam arzegsã, la b yamã ne b bãngrã zulma wʋsgo. Ned ka tõe n vees bãmb bʋʋdã soay n bãng ye, la ned ka tõe n wʋm bãmb so-tũudsã võor ye. Sɩd me,
34
ãnda n bãng Zu-soabã tagsgo? Wall ãnda n yɩ bãmb sagenda?
35
Ãnda n deng n kõ bãmba, tɩ bãmb tog lebs a soaba?
36
Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16