bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ruth 2
Ruth 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 3 →
1
A Naoomi rag n tara a sɩdã ned a yembr sẽn yaa nin-kãseng n tar arzegse. A yʋʋrã boondame t'a Boaaze, n yaa a Elimelɛk buudã neda.
2
Dẽ, daar a yembre, Moaab bi-pugl a Rut yeela a Naoomi yaa: «M kota sor n na n kẽng pʋtẽ wã, tɩ ned ning sẽn na n sak-a, bɩ m kẽ a pʋʋgẽ wã n yiis bɩle.» La a Naoomi yeel-a lame t'a kẽnge.
3
Dẽ, a Rut kẽnga pʋʋg a yembr pʋg n tɩ pʋgd tigsdbã n yiisd koodo. La mikame tɩ pʋʋg ning pʋg yẽnda sẽn be wã, yaa a Boaaz sẽn yaa a Elimelɛk buudã nedã n so.
4
Rẽ poore, a Boaaz yii Betlehɛm n wa n na n pʋʋs tigsdbã, yẽnda pʋʋs-b lame n yeel tɩ Zu-soabã zĩnd ne-ba, la bãmb leokame tɩ: «Bɩ Zu-soabã bark zĩnd ne yãmba.»
5
La a Boaaz soka tigsdbã taoor soab yaa: «Yaa ãnda pag la woto?»
6
Dẽ, tigsdbã taoor soab leokame: «Yaa Moaab bi-pugla. Yẽnda tũ a Naoomi n yi Moaab tẽng n wa.
7
Yẽnda kosa maam n na n pʋgd tigsdbã n yiisd koodo. La a sẽn wa hal yibeoogẽ tɛkã, a nan ka tol n vʋʋs ye.»
8
Dẽ, a Boaaz yeela a Rut yaa: «M biiga, kelg neere, da kẽng pʋʋg a to pʋg n tɩ yiis koodã ye, kell n pa ka ne mam tʋmtʋmd-pogsã.
9
Ges bãmb sẽn tigsd zĩig ningã neere, n pʋgl b poore. Bala, mam yeela m tʋmtʋmdbã tɩ b ra sɩɩs foom ye, la ko-yũud sã n wa tar foom, bɩ f kẽng n tɩ yãk tʋmtʋmdbã sẽn toog koom ning tɩ be ko-yũusẽ wã n yũ.»
10
Dẽ, a Rut yĩgimdame n fõgen a neng tẽng n yeele: «M maana yãmb bõe tɩ y maand m neer woto fãa, tɩ m yaool n yaa sãana.»
11
La a Boaaz leok-a lame yaa: «B togsa maam bũmb ning fãa fo sẽn maan n kõ f sɩd-ma wã f sɩdã kũumã poorã, la fo sẽn bas f ba la f ma, la tẽng ning pʋgẽ fo sẽn dogã, n na n tɩ zĩnd ne buud a to fo sẽn dag n ka mi wã.»
12
Bɩ Sẽn-Ka-Saab keo foom wa sẽn zems bũmb ningã fo sẽn maanã! La bɩ Sẽn-Ka-Saab sẽn yaa Israyɛll Wẽnnaamã, fo sẽn wa n soond a soab maasmẽ wã keo foom tɩ seke.
13
A Rut yeelame yaa: «M soaala, yãmb maana maam neere, yãmb sẽn bels maamã, yãmb nooga y tʋmtʋmd-poakã sũuri, tɩ mam yaool n ka zem yãmb tʋmtʋmd-poak ba a yembr ye.»
14
Rɩɩbã wakate, a Boaaz yeela yẽnda yaa: «Kolg tɩ d dɩ rɩɩbã, yãk burã n suk zẽedã.» La a Rut zĩnd n yegla tigsdbã. A Boaaz kõo yẽnda ka-sẽedem t'a wãb n tɩge, la a bĩng sẽn kellã.
15
La yẽnda sẽn yik n na yiis koodã, a Boaaz yõd n yeel a tʋmtʋmdbã yaa: «Bas-y-yã-a t'a yiis koodã, ba a sã n wa be koodã sʋka, bɩ y ra yeel-a tɩ bũmb ye.»
16
Sẽn paase, yãkd-y koodã ka-zut kẽer n basdẽ tɩ lʋɩtẽ t'a tõe n paamd n dɩgsdẽ, la y ra zab-a ye.
17
A Rut yiisa koodã pʋʋgã pʋg hal tɩ ta zaabre. La yẽnda soga koodã yẽnda sẽn yiisã, la a kolga peoog pidbu.
18
Woto, a Rut tʋka koodã a sẽn yiisã, n kuil n tɩ wilg a sɩd-ma wã, la a rɩk ka-sẽedmã yẽnda sẽn dag n wãb n kellã kõ a sɩd-ma wã.
19
A Naoomi sok-a lame yaa: «Yaa yɛ la fo yiis koodã rũndã? Pʋ-bʋg pʋg la fo tʋm yã? Bɩ Wẽnnaam ning sẽn maan-a foom neerã zug barka!» La a Rut togsa a sɩd-ma wã b sẽn maan yẽnda bũmb ningã fãa, la a yeel tɩ pʋʋgã soab yʋʋr la a Boaaze.
20
Dẽ, a Naoomi yeela a bi-pagã yaa: «Bɩ Sẽn-Ka-Saab sẽn wilgd b nonglem wakat fãa ne nin-vɩɩsã, la ne sẽn ki-bã ning rao-kãng barka.» La a Naoomi leb n yeela a Rut yaa: «Rao-kãngã yaa mam sɩdã roagda, la yẽnda yaa neb nins sẽn tog n deeg foom n zã wã sʋk ned a yembre.»
21
La a Rut leb n yeelame: «Sẽn paas me, a Boaaz yeela maam tɩ mam pa ne yẽnda tʋmtʋmdbã hal tɩ ta tigsgã sɛɛbo.»
22
Dẽ, a Naoomi yeela a bi-pag a Rut yaa: «M biiga, a yaa sõama tɩ fo kell n pʋgd rao-kãngã tʋmtʋmd-pogsã bal n yiisdẽ, la f ra sak n kẽng pʋʋg a to pʋgẽ, tɩ b wa tɩ namsd-f ye.»
23
Dẽ, a Rut kell n paa ne a Boaaz tʋmtʋmd-pogsã n yiisd koodã hal tɩ tigsgã fãa wa sɛ. La yẽnda rag n ket n bee ne a sɩd-ma wã.
← Chapter 1
Jump to:
Chapter 1
Chapter 2
Chapter 3
Chapter 4
Chapter 3 →
All chapters:
1
2
3
4