Jonah 2

Mossi (SEBR SÕNGO) 1998

← Chapter 1 Jump to: Chapter 3 →

1Soaala-Wẽnd kɩtame tɩ zĩm kãsenga vel a Zonas. A Zonas paa zĩifã pʋgẽ dasem a tãab para.

2A Zonas zĩnda zĩifã pʋgẽ n pʋʋs a zu-soaba Wẽnde:

3«Mam da zĩi ne fare n zẽk m koɛɛga n tees yãmba, la y leok-m lame; m zĩnda bʋg-tẽnga n yõk y sɛɛga la y wʋma m koɛɛga.

4Yãmb da loba maam ko-sʋka tɩ mogrã lim maam; ko-wiisa la ko-bɛɛla wẽ-m lame.

5Tɩ mam da zoe n gomda: ‹Soaala riga maam n zãag ne b menga m yaool n da nongẽ lame tɩ m nif le teegẽ b ro-sõngã.›

6Koom da zoe n dɩdga m kokoɛ tɩ m ka mi m sẽn tutẽ ye. Kʋl-mood da zoe n vila m zugu.

7M da sud n taa tãmsã yẽgnẽ, tɩ bʋg-tẽng kʋɩlensa lɛɛg n pag-ma, daar buud fãa yĩnga. La yãmba, m Soaala-Wẽnde, yãmb yiisa maam bog-zulungẽ y yiis-m-la vɩɩga.

8M sẽn waa n tẽed kũuma, wakat kãng la m tags y yelle, Soaala-Wẽnde tɩ m pʋʋsga ta yãmba, al y wẽnd do-sõngẽ wã.

9Sẽn tũud-b wẽn-naandse bãmb zãagda b meng ne fãagre.

10M na n pʋda m bark pʋʋsg yɩɩlle m na kʋ maoongo n waoog yã. M na n pidsa m pʋlengo. Sɩda, Soaala, yãmb n so fãagre.»

11Naaba-Wẽnd kɩtame tɩ zĩifã wʋk a Zonas mogra noorẽ.

← Chapter 1 Jump to: Chapter 3 →