bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
Ephesians 6
Ephesians 6
mewari
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
ओ छोरा-छोरी, थाँ परबू का गट-जोड़ में हो, ईं वाते आपणाँ बई-बापू को केणो मानो, काँके ओ हव हे।
2
“आपणी बई अन बापू को मान कर।” ओ पेलो हुकम हे जिंका हाते वादो भी हे।
3
“ताँके थारो भलो वेई अन थूँ धरती पे नरई दन जीवतो रेई।”
4
ओ बई-बापू, आपणाँ छोरा-छोरी ने रीस मती दो, पण परबू की हिक अन सई-गलत को फरक हमजाता तका वाँको पालण करो।
5
ओ हाळयाँ, थाँ जस्यान मसी को हुकम मानो वस्यानीस धरती का मालिक को केणो दरपता अन धूँजता तका हाँचा मनऊँ मानो।
6
मनकाँ ने खुस करबावाळा के जस्यान दिकाबा का वाते वाँकी सेवा-चाकरी ने करो, पण मसी का दास का जस्यान मनऊँ परमेसर की मरजी पे चालो।
7
अन वाँकी सेवा-चाकरी ने मनकाँ की ने पण परबू की जाणन हाँचा मनऊँ करो।
8
थाँ तो जाणो हो के, पलई हाळी वे कन पलई आजाद, परबू वाँने वणाके भला काम का जस्यान फळ देई।
9
हो मालिक, थाँ भी धमकियाँ देणी छोड़न वाँका हाते वस्यानीस वेवार करो, काँके थाँ जाणो हो के, वाँका अन थाँको मालिक हरग में हे, अन वो किंकोई पकस ने लेवे।
10
आकरी बात, परबू का गट-जोड़ अन वाँकी मोटी तागतऊँ ज्योरावर वेता रेवो।
11
परमेसर का हाराई हत्यार बांद लो, ताँके थाँ सेतान की चाल को सामनो कर सको।
12
काँके आपणो युद मनकाँऊँ कोयने पण आकास में रेबावाळा मोटा राजा, अदिकारियाँ, ईं अंदारा की दनियाँ में राज करबावाळी सगत्याँ अन हुगली आत्माऊँ हे।
13
ईं वाते परमेसर का हारई हत्यार पेरलो के, थाँ बुरा दन में वाँका हामे ऊबा रे सको अन हारई पूरो करन अटल रेवो।
14
ईं वाते हाँच का बेलपट्याऊँ आपणी कमर बाँदन, अन छाती को कवच पेरलो मतलब परमेसर का हामे सई करो,
15
अन पगाँ में मोचड्याँ पेरलो, ज्यो मेल-मिलाप का हव हमच्यार का परच्यार करबा ने त्यार वेबा के जस्यी हे
16
अन ईं हारई का हाते विस्वास की ढाल लेवो जणीऊँ थाँ सेतान की हारी हगलती तकी तीराँ ने बजा सको।
17
अन उदार को टोपो, अन आत्मा की तरवार, ज्यो परमेसर का बचन हे, लिलो।
18
हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।
19
अन मारा वाते भी अरज करज्यो, ताँके जद्याँ मूँ बोलूँ वीं दाण परमेसर मने अस्यो बचन देवे के, मूँ हिम्मत राकन हव हमच्यार को भेंद बता सकूँ।
20
अणी हव हमच्यार को परच्यार करबा का वाते मूँ हाकळाऊँ बंद्यो तको परमेसर को दूत हूँ। मारा वाते परातना करो के, जस्यान मने परच्यार करणो छावे, वस्यानीस मूँ बना दरपणीऊँ कर सकूँ।
21
मूँ कस्यान हूँ अन कई कररियो हूँ ईं हारी बाताँ परबू का विस्वास जोगो दास अन लाड़लो भई तुखिकुस थाँने बताई।
22
माकाँ हमच्यार जाणबा का वाते अन थाँकी हिम्मत बड़ाबा का वाते मूँ वींने थाँका नके खन्दारियो हूँ।
23
बापू परमेसर अन परबू ईसू मसी का आड़ीऊँ भायाँ ने सान्ती अन परेम, विस्वास का हाते मले।
24
ज्यो आपणाँ परबू ईसू मसीऊँ अमर परेम राके हे, वणा हाराई पे परमेसर की करपा वेती रेवे।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6