bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Corinthians 9
1 Corinthians 9
Marwari Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
कांई म्हैं आजाद कोनीं? कांई म्हैं प्रेरित कोनीं? कांई म्हैं यीसु नै जिकौ म्हांरौ परभु है, कोनीं देख्यौ? कांई थां परभु में म्हारै कांम री वजै ऊं कोनीं?
2
जे म्हनै दूजा प्रेरित नीं ही मांनै, तौभी थौरे लियै तो हूं। क्यूंकै थै परभु में म्हारी प्रेरिताई रौ सबूत हो।
3
जिकौ म्हनै जांचे है, उणौरै वास्तै म्हारौ जबाब है।
4
कांई म्हौ नै हक कोनीं की थै म्हौरी खाणै-पीणै री जरुत पूरी करता रैवौ।
5
कांई म्हौ नै ओ हक कोनीं, की किणी मसीही छोरी ऊं ब्याव करनै उणनै साथै लिए फिरौ, ज्यूं दूजा प्रेरित अर परभु रा भाई अर पतरस करै है?
6
या कैवल म्हनै अर बरनबास नै ही जीवन जीने रै लियै कांम करणौ चाहीजै?
7
कुण सिपाई आपरौ खरचो खुद उठायनै सेना में कांम करै है? कुण अंगूरो री बाड़ी लगायनै उणरौ फळ नीं खावै? कुण लरड़ियां री रूखाळी करनै उणरौ दूध कोनीं पीये?
8
कांई म्हैं ऐ बातां मिनख री ही रीति माथै बोलूं हूं? कांई व्यवस्था भी ओहीज कोनीं कैवै?
9
क्यूंकै मूसा री व्यवस्था में लिख्योड़ौ है, “लाटो लेते वगत चालते बळद रौ मूंडौ नीं बांधणौ।” कांई परमेसर बळदों रै ही बारै में बता रिया है?
10
या खासकर म्हौरै लियै कैवै है। हां, म्हौरै लियै भी लिख्यौ गियौ, क्यूंकै ओ सही है, की जोतनवाळौ आसा ऊं जोते अर कटनी करणैवाळौ भागी होणै री आसा ऊं कटनी करै।
11
जे म्हौ थौरे मांय आत्मिक चीजों बोई, की थौरी सारीरिक चीजों री मदद मांगी तो कांई आ कोई मोटी बात है?
12
जद दूजौ नै थौरी चीजों में पांति रौ हक है, तो कांई म्हौरौ इणौ ऊं घणौ नीं होवैला? पण म्हौ ओ हक कांम में कोनीं लाया। पण सगळौ कीं सहन करौ हो की म्हौरै खातर मसीह रै सुभ संदेस में कीं भी रूकावट नीं हो।
13
कांई थै कोनीं जांणौ की जिकौ मिंदर में सेवा करै है, वे मिंदर में चढ़ावै रौ भागी है, अर जिकौ वेदी री सेवा करै है, वे वेदी रै साथै भागी होवै है?
14
इण रीत ऊं परभु री आग्या है की जिकौ लोग सुभ संदेस सुणावै है, उणरी जीविका सुभ संदेस ऊं पूरी हो।
15
पण म्हैं इणमे ऊं कोई भी अधिकार कांम में नीं लायौ। अर म्हैं ऐ बातां इण वास्तै कोनीं लिखी की म्हारै लियै ऐड़ौ कियो जावै। जिण बात रौ म्हनै घंमड है उणनै कोई लैय ले इण ऊं तो म्हारौ मरणौ ही भलौ है।
16
जद म्हैं सुभ संदेस सुणाऊं, तो म्हारै लिए कीं घंमड री बात कोनीं। क्यूंकै ओ तो म्हारै लियै जरुरी है। जे म्हैं सुभ संदेस नीं सुणाऊं, तो म्हारै माथै हाय!
17
क्यूंकै जे अपणी इछा ऊं ओ कांम करूं हूं, तो मजूरी म्हनै मिळै है। अर जे अपणी इछा ऊं कोनीं करूं, तो भी जिम्मेदारी म्हनै सूंपयोड़ी है।
18
तो म्हारी कुण सी मजूरी है? आ की म्हैं मसीह रौ सुभ संदेस रौ परचार मुफत में करतौ रहूंं। एठै तांई की सुभ संदेस में जिकौ म्हारौ अधिकार है उणनै भी म्हैं पूरी रीति ऊं कांम में नीं लाऊं।
19
क्यूंकै सबां ऊं आजाद होयनै भी म्हैं अपणै आप नै सबां रौ दास बणा दियौ की घणाहारा लोगां नै मसीह में लाऊं।
20
म्हैं यहूदियो रै लियै यहूदियो जैड़ौ बण्यौ की यहूदियो नै मसीह में लाऊं। जिकौ लोग व्यवस्था रै अधीन है उणौरै वास्तै म्हैं व्यवस्था रै अधीन नीं होणै रै बावजूद भी व्यवस्था रै अधीन बण्यौ की उणौनै जिकौ व्यवस्था रै अधीन है, मसीह में लाऊं।
21
जिकौ व्यवस्था रै अधीन कोनीं है, म्हैं उणौरै ज्यूं बण गियौ। म्हैं खुद परमेसर री व्यवस्था ऊं आजाद कोनीं, पण मसीह री व्यवस्था रै अधीन हूं की म्हैं उणौनै जीत सकूं, जिकौ व्यवस्था रै अधीन कोनीं है।
22
म्हैं विसवास में कमजोरो रै वास्तै कमजोर बण्यौ की कमजोरो नै मसीह में लाऊं। म्हैं सगळै मिनखौ रै वास्तै सगळौ कीं बण्यौ की किणी न किणी रीति ऊं कहीयो रौ उद्धार कराऊं।
23
म्हैं ओ सगळौ सुभ संदेस रै लियै करूं हूं की दूजौ रै साथै उणरौ भागी हो जाऊं।
24
कांई थै जांणौ कोनीं की दौड़ में तो सगळा ही दौड़े है, पण इनाम एक ही ले जावै है? थै व्यौंही दौड़ो, की जीत सकौ।
25
हरैक पेहलवान सगळै तरैह रौ संयम करै है। वो तो एक मुरझाणै वाळै मुगट नै हासल करणै रै लियै ओ सगळौ करै है, पण म्हौ तो उण मुगट रै लियै करौ हो जिकौ कदैई मुरझावै कोनीं।
26
म्हैं बिना मकसद रै मिनख रै ज्यूं कोनीं दौड़तो। म्हैं भी इणीज रीति ऊं मुक्कों ऊं लड़ रियौ हूं, पण उणरै ज्यूं कोनीं जिकौ हवा पीटतो होयौ लड़ै है।
27
म्हैं अपणै सरीर नै तकलीफ देयनै अपणै वस में राखूं हूं, ऐड़ौ नीं हो की म्हैं दूजौ नै उपदेस दूं अर खुद ही किणी रीति ऊं निकमो ठैहरूं।
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16