2 John 1

Marwari Bible

Jump to:

1आ चिठ्ठी कलीसिया रौ अगुवो म्हैं यूहन्‍ना, री तरफ ऊं उण चुणयोड़ी बेन अर उणरै टाबरौ रै नाम, जिण ऊं म्हैं साचौ परैम राखूं हूं, अर सिरफ म्हैं इज कोनीं बल्कि वे सगळा भी परैम राखै है जिकौ सचाई नै जांणै है।

2वो सचाई जिकौ म्हौ में रैवास करै है, अर हमेसां म्हौरै साथै बणी रैवैला।

3परमेसर पिता, अर उणरौ बेटौ यीसु मसीह री तरफ ऊं करपा अर दया अर सानति, सचाई अर परैम समेत म्हौरै साथै रैवैला।

4म्हैं घणौ खुस होयौ की म्हैं थारै कीं टाबरौ नै आग्या रै अनुसार, जिकौ म्हौ नै पिता री तरफ ऊं मिळी ही, उण सचाई माथै चालता देख्यां।

5अबार हे बेन, म्हैं थांनै कोई नई आग्या कोनीं, बल्कि वोहीज जिकौ सरूआत ऊं म्हौरै खनै है, लिखूं हूं। अर थारै ऊं अरज करूं हूं की म्हौ एक दूजै ऊं परैम राखौ।

6अर परैम ओ है की म्हौ उणरी आग्याओं ऊपर चालै। आ वोहीज आग्या है जिकौ थै सरूआत ऊं सुणी है, अर थांनै इण माथै चालणौ भी चाहीजै।

7घणा ऐड़ा भरमानेवाळा जगत में निकळ आया है, जिकौ ओ कोनीं मांनै की यीसु मसीह सरीर मे होयनै आया, भरमानेवाळा अर मसीह विरोधी ऐ इज है।

8अपणै बारै में सावचेत रैवौ, की जिकौ मेनत म्हौ किनी है उणनै थै गुमा नीं दो, बल्कि उणरौ पूरौ फळ पाओ।

9जिकौ कोई मसीह री सिकसा ऊं आगै बढ़ जावै है अर उणमे बण्यौ नीं रैवै, उणरै खनै परमेसर कोनीं। जिकौ कोई उणरी सिकसा में बण्यौ रैवै है, उणरै खनै पिता भी है अर बेटौ भी है।

10जे कोई थौरे खनै आवै अर आ सिकसा नीं दैवै, उणनै नीं तो घर में आवण दो अर नीं नमस्कार करौ।

11क्यूंकै जिकौ कोई ऐड़ै मिनख रौ आदर भाव करै है, वो उणरै भूंडै कांमां मे भागीदार होवै है।

12म्हनै घणी बातां थांनै लिखणी है, जद की कागद अर स्याही ऊं लिखणौ कोनीं चावूं, बल्कि आसा है की म्हैं थौरे खनै आऊंला अर खनै बैठनै बातचीत करूंला, जिण ऊं म्हौरौ आंणंद पूरौ हो।

13थारी बेन रा बेटा बेटियां जिणनै भी परमेसर चुणया है, थनै नमस्कार कैवै है।

Jump to: