bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Jude 1
Jude 1
Marwari Bible
Jump to:
Chapter 1
1
आ चिठ्ठी यहूदा री तरफ ऊं जिकौ यीसु मसीह रौ दास अर याकूब रौ भाई है, उण बुलायोड़ो रै नाम लिख रियौ हूं जिणौ ऊं परमेसर पिता परैम करै अर यीसु मसीह रै लियै संभाल नै राख्या गिया है।
2
थांनै दया अर सानति अर परैम घणौहारौ मिळतौ रैवै।
3
हे प्रियो, म्हैं थांनै उण उद्धार रै बारै में लिखनै री घणी मेनत ऊं कोसीस कर रियौ हो, जिणमे म्हौ सगळा साथै हा, पण म्हैं थांनै ओ समझाणौ जरुरी जांण्यौ की उण विसवास रै लियै पूरी कोसीस करौ जिकौ परमेसर रा पवितर लोगां नै एक इज बार सौपयो गियौ हो।
4
क्यूंकै किता ऐड़ा मिनख छांनै ऊं थौरे मांय आयनै मिळिया है, जिणरै इण डंड रौ वरणन पुराणै वगत में पैला ही ऊं लिख्योड़ौ हो। ऐ बिना भगती रा है, अर म्हौरै परमेसर रै करपा नै लुचाई रौ पटो मांन लियौ है, अर म्हौरै एकाएक मालिक परभु यीसु मसीह रौ इन्कार करै है।
5
थां सगळी बात जांण चुका हो, तौभी म्हैं थांनै इण बात री याद दिलाणी चावूं हूं की परभु एक कुळ नै मिसर देस ऊं छुड़ायनै रै पछै उणमे विसवास नीं करणै वाळौ नै नास कर दिया हा।
6
म्हैं थांनै ओ भी याद दिलाणौ चावूं की जिकौ सरगदूतो नै अपणै पद नै बणाए नीं राख्यौ बल्कि आपरै निज रैवास नै छोड़ दियौ, परमेसर उणनै भी उण भीसण दिन रै न्याव रै लियै अंधारै में, जिकौ हमेसां काल रै लियै है, जंजीरौ में राख्यौ है।
7
इण रै ज्यूं ऊं सदोम अर अमोरा अर उणरै आजू-बाजू रै नगर, व्यभिचारी हो गिया हा अर बुराई रै मारग में चाल रिया हा, अग्नि रै अनत डंड में पड़ नै वे म्हौरै लिए उदाहरण ठैरया है।
8
ठीक उणीज रीति ऊं किता ऐड़ा मिनख छांनै ऊं थौरे मांय आयनै मिळग्या है जिकौ अपणै भूंडा सपनो रै लारै चालनै अपणै अपणै सरीर नै असुद्ध करै, अर सामरथ नै कीं नीं जांणै है अर ऊंचै पदवाळौ नै भला-भूंडा कैवै है।
9
पण परधान सरगदूत मीकाइल तांई नै, जद सैतान ऊं मूसा रै लास रै बारै में बहस कर रियौ हो, तो उणनै भळौ-भूंडौ कैह नै दोस लगाने री भी हीमत कोनीं की, पण उणै ओहीज कयौ, “परभु थनै डाटे-फटकारे।”
10
पण ऐ लोग जिण बातां नै नीं जांणै उणनै भळौ-भूंडौ कैवै है। अर जिण बातां नै अणचेत पसु रै ज्यूं स्वभाव ऊं जांणै है, उणमे अपणै आप नै नास करै है।
11
उण ऊपर हाय! क्यूंकै वे कैन रै ज्यूं चाल चलै, अर मजूरी रै लियै बिलाम रै ज्यूं भीस्ट हो गियौ है, अर कोरह रै ज्यूं विरोध करनै नास होया है।
12
ऐ मतलबी लोग थौरी परैम सभाओं में थौरे साथै खावै-पीवै। वे नुकसानदायक है ज्यूं समंदर में छुपयोड़ी चटान है। वे सिरफ आपरौ ही पेट भरनेवाळा रखवाळा है। वे बिना पांणी रा बादळ है, जिणनै हवा उडायनै ले जावै है। ऐ पतझड़ रै बिना फळ रा रूंखड़ा है, जिकौ दो बार मर चुकया है, अर जड़ ऊं उखड़ गिया है।
13
ऐ समंदर री ऐड़ी भयंकर लेहरौ है, जिकौ आपरी लाज रा झाग उछाळै है। ऐ एठै-उठै भटकता ऐड़ा तारा है, जिणरै लियै युगानयुग घोर अंधारौ राख्योड़ौ है।
14
हनोक ही जिकौ आदम रै सातवी पीढ़ी में हो, इणरै बारै में आ भविसयवांणी की, “देखौ, परभु आपरै हजारो पवितरो रै साथै आया,
15
की सगळौ रौ न्याव करै, अर सगळै विधरमियों नै जिता भूंडा कांम रै बारै में, जिकौ विधरमी पापियो नै परभु रै विरोध में कही है, परभु उण सगळी बातां रै लियै उणौनै दोसी ठैरावैला।”
16
ऐ लोग तो हमेसां खोट निकाळनै वाळा, कुड़कुड़ानेवाळा, अर आपरी इछाओ रै अनुसार चालनैवाळा है, अर अपणै मूंडै ऊं घंमड री बातां बोले है, अर वे फायदे रै लियै मूंडौ देखनै सौभा किया करै है।
17
पण हे प्रियो, थै उण बातां नै याद राखौ जिकौ म्हौरै परभु यीसु मसीह रै प्रेरित पैला इज कैह चुकया है।
18
वे थांरै ऊं कैवता हा, “आखरी दिनां में ऐड़ा मजाक करनै वाळा होवैला, जिकौ अपणी बुरी इछाओ रै अनुसार चलै ला।”
19
ऐ तो वो है, जिकौ फूट डाले है। ऐ सांसारिक लोग है, जिणमे पवितर आतमा कोनीं।
20
पण हे प्रियो, थै अपणै पवितर विसवास में मजबुत होता रौ अर पवितर आतमा में पराथना करता होया,
21
अपणै आप नै परमेसर रै परैम में बणाए राखौ। अर अनत जीवन रै लियै म्हौरै परभु यीसु मसीह री दया री बाट जोहता रौ।
22
जिकौ डावाडोल है उण माथै दया करौ।
23
और दूजौ नै अग्नि मांय ऊं झपटनै निकाळौ। और उणौ माथै दया करते वगत सावचेत रैवौ, पण उणरै कपड़ो तांई भी घिरणा करौ जिकौ वासना ऊं भूंडा होय गिया है।
24
अबै परमेसर जिकौ थांनै ठोकर खाणै ऊं बचा सकै है, अर अपणी महिमा री भरपुरी रै सांमै मगन अर निरदोस करनै ऊभा कर सकै है।
25
उण एकाएक परमेसर म्हौरै मुगतिदाता री महिमा, गौरव, पराक्रम, अर राज मसीह यीसु, म्हौरै परभु रै जरियै ज्यूं सनातन काल ऊं ही, अबार है अर युगानयुग बणी रैवै। आमीन।
Jump to:
Chapter 1
All chapters:
1