bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Philemon 1
Philemon 1
Marwari Bible
Jump to:
Chapter 1
1
ओ कागद यीसु मसीह रा सुभ संदेस नै सुणावण रै कारण जेळ में बंद पौलुस और भाई तिमुथियुस री ओर ऊं, म्हारै प्यारै साथी फिलेमोन,
2
बेन अफफिया और अपांरै सिपाई साथी और फिलेमोन रै घर री कलीसिया रै नाम है।
3
अपांरा पिता परमेसर और परभु यीसु मसीह री दया और सानति थौरे माथै हमेसां रैवै।
4
जद म्हैं परमेसर रा पवितर लोगां और परभु यीसु मसीह रै साथै थौरो परैम और विसवास री बातां सुणूं हूं, तो हमेसां थौरे वास्तै परमेसर नै धन्यवाद देवूं और पराथना करूं हूं, के थांरा विसवास ऊं पैदा होई दयाळु भागीदारी लोगां नै मारग बतावै। जिण ऊं उणौनै उण सगळी चौखी चीजों रौ ग्यांन रै जावै जिकौ मसीह रा मकसद नै आगै बढ़ाणै ऊं अपांरै बीच में रैह री है।
7
क्यूंकै हे भाई, म्हनै ओ जांण नै घणी हीमत और सानति मिळी के, थै आपरा भाई जैड़ा हेत ऊं परमेसर रा पवितर लोगां रा मन लीला हो गिया है।
8
म्हनै मसीह में थांनै जिकौ करणौ चाहीजै उण वास्तै हुकम देवणा रौ हक है, तौभी
9
म्हैं पौलुस, जिकौ बूढ़ो हो गियो हूं और यीसु मसीह रा सुभ संदेस रै कारण जेळ में बंद हूं। थारै ऊं परैम ऊं उनेसिमुस वास्तै विणती करूं हूं।
10
जिकौ जेळ में म्हारै ऊं सुभ संदेस सुण्यौ और विसवास करणा ऊं म्हारौ बेटौ बणग्यौ।
11
ओ पैला थारै कोई कांम रौ कोनीं हो, पर अबै ओ थारै अर म्हारै दोनो रै घणै कांम रौ है।
12
म्हैं म्हारै इण काळजा रा टुकड़ा नै पाछौ थारै खनै मेलूं हूं।
13
म्हैं जिकौ सुभ संदेस रै कारण जेळ में हूं, इणनै म्हैं सेवा वास्तै म्हारै खनै थारी जगा राखणी चावतौ हो।
14
पर हे फिलेमोन थारी इछा रै बिना इणनै नीं राखियौ। ताकी थै इणनै दबाओ नीं, पर आंणंद रै साथै म्हारी सेवा वास्तै इणनै म्हारै खनै रैवण दो।
15
हो सकै ओ थारै खनै ऊं इण वास्तै थोड़ौ आगौ रियौ, ताकी हमेसां थारै खनै रै सकै।
16
अबै इणनै नौकर ज्यूं नीं, पर भाई ज्यूं राख जो। इणनै नौकर ज्यूं नीं, पर भाई ज्यूं परैम करजै। क्यूंकै ओ परभु में म्हारौ घणौ लाडलौ है।
17
अगर थै म्हनै थारौ साथी समझौ तो, इणनै भी म्हारै ज्यूं मानजो।
18
ओ थौरो कीं नुकसाण करयौ है तो, इण रौ नुकसाण म्हारै नाम मांड दीजौ।
19
म्हैं पौलुस म्हारै हाथ ऊं लिखूं हूं के, उनेसिमुस रौ सगळौ नुकसाण म्हैं भर दूंला। म्हनै ओ याद दिलावण री जरुत कोनीं के थूं म्हारै जिन्दगी भर रौ करजदार है।
20
हे भाई परभु में थै म्हारी आ बात मांन जाईजौ। ताकी मसीह में म्हारौ मन राजी रैवै।
21
म्हनै पूरौ विसवास है के, जिकौ म्हैं थांनै कयौ, उण ऊं बढ़नै करौला। इण वास्तै भरोसौ करनै ओ कागद थनै लिखूं हूं।
22
ओ भी कहूं के, थै म्हारै रैवण रै वास्तै प्रबन्ध करजौ। क्यूंकै म्हनै विसवास है, थौरी परमेसर ऊं पराथना रै कारण म्हैं वेगो छूट नै थौरे खनै आऊंला।
23
इपफ्रास जिकौ यीसु मसीह रै कारण म्हारै साथै बन्धियोड़ो है थनै नमस्कार कैवै है।
24
मरकुस, अरिस्तर्खुस, देमास और लूका जिकौ म्हारै साथी है उणौरौ थनै नमस्कार।
25
अपांरा परभु यीसु मसीह रौ अनुग्रह थौरे सगळौ री आतमा माथै हमेसां रैवै।
Jump to:
Chapter 1
All chapters:
1
Recommended Reading
Commentary
Philemon Commentaries
→
Devotional
Philemon Devotional Guide
→
Get This Bible
Marwari Bible Study Bible
→