1 Peter 5

Mazanderani GMB (گیله ماز)

← Chapter 4 Jump to:

1مَن که خودَم مَشایِخِ جی هیسَم و مسیحِ رنجهای شاهد بام و اونه جلالِ دِلهِ که ظاهِر بونه شریکم، مشایخی که شیمی میَن دَرِن رِه سِفارش کانَم:

2گَلِّه ایی که خُدا شیمی دَس بِسپارِسِّه رِه گالِشی و نِظارت هَکُنید، ولی نه زور زورکی بلکه میل و رغبتِ هَمرَه، همونجور که خُدا خَنِه؛ و نه شرم آورِ سودِ وَسین بلکه شوق هَمرَه.

3نه اینکه اوشانیکه شیمی دَس بِسپارِسِّه هَبان رِه، سَرورِی هَکُنید، بلکه اون گَلِّه یه وَسین نِمونِه هَبین،

4و اون وختی که گالِشانِ رئیس ظهور هَکونه، اون جلالِ تاج که از بِین نَشونِه رِه، بِدس هارنین.

5همینجور شُما هم اِی جَوانان، مشایخِ جی اطاعت هَکُنید. شُما همه شیمی رفتارِ دِلِه همدیگَرِ هَمرَه فروتنی رِه شیمی کَمَر دَبِدید، چون، «خُدا مغرورِانِ پِیش ایسَنِه، وَلی فروتَنان رِه فیض بَخشِنِه.»

6پَس شِمِرِه خُدایِ رَسدارِ دَس جیر فروتن هَکُنید تا ایتا خُجیرِ موقِه شِمِره سَربُلَن هَکونه.

7تمام شیمی دِلواپسی ها رِه اونه بِسپارین چون اون شِیمی فِکر دَرِه.

8هوشیار هَبین، شِیمی حواس دَبو، شِیمی دُشمَن اِبلیس ایتا غُرّانِ شیرِ مِثان دَرِه گَردِنِه و یِنَفَرِه دُمّال دَرِه تا اونه قورت هَدِه

9اونه پِیش بییَسید، ایمان دِلهِ پابرجا هَبین، چون دانید که شیمی اَداشان دُنیایِ دِلهِ این عذابانِ هَمرَه روبِروئِن.

10و ایما که یِکَم سختی و عذاب بِدیِیَن، خُدایی که فیضِ جی پُرِ، که شِمِره مَسیح دِلهِ دُخوانِسِّه، تا اونه اَبدی جلالِ دِلهِ شریک هَبین، شِمِره از نو بَنا کانه و پایدار و رَسدار و پابرجا کانه.

11سلطنت تا اَبد اونه وَسین هیسِه. آمین.

12سیلاسِ کُمَکِ هَمرَه که اونه ایتا وفادارِ اَداش دانَم، شِمِرِه خُلاصِه بَنویشتَم تا شِمِره سِفارش هَکُنَم و شِمِره اعلام هَکُنَم که خُدایِ حقیقی فیض اینه. اونه دِلِه پابرجا بُمانید.

13خاخُری که بابِلِ دِلِه دَرِه، اونیکه شیمی مِثان اِنتخاب هَبا، و همینجور می ریکا مَرقُس شِمِرِه سلام رِساندِنِن

14هَمدِیگَرِ ایتا خُوشِ هَمرَه که دوس داشتَنِ جی هَنه، سلام هَکُنید. شُما همه یه وَسین که مَسیح دِلهِ دَرِین، صُلح و سلامتی بیه.

← Chapter 4 Jump to: