2 John 1

Mazanderani GMB (گیله ماز)

Jump to:

1شِیخِ جی، به مُحتَرَمِ بانو و اونه وَچِه هان که ’حَقیقَتِ‘ دِلِه اوشانِ دوس دارَم - وَ نه فقط مَن، بلکه تمام اوشانیکه حَقیقَتِ بِشناختَن -

2اون حَقیقَتِ خاطری که اَمیی دِلِه دَرِه و تا اَبد اَمیی هَمرَه ماندِنه.

3فیض و رَحمَت و سلامتی، خُدای پیَرِ طَرف جی و عیسی مَسیح طَرف جی، اون پیَرهِ ریکا، حقیقَت و مُحَبتِ دِلِه اَمیی هَمرَه ماندِنه.

4مَن خِیلی خوشحال هَبام که بِفَهمِسَّم تی وَچِه هان جی بعضیان طبقِ همون حُکمی که پیَرهِ جی بِیتِیم، ’حَقیقَتِ‘ دِلِه زندگی کانَن.

5اَسِه، عزیزِ بانو، تی جی ایتا خواهِش دارَم. نه اونکه ایتا تازِه حُکم تِرِهِ بَنویسَم، بلکه همون حُکم که اَز اوَّل داشتم، که هَمدِیگَرِ مُحَبَت هَکُنیم.

6وَ مُحَبت اینه که اَما طِبقِ اونه اَحکام زندگی هَکُنیم. آرِه، هَمونجور که اَز اوَّل بِشنَوِسّین اونه حُکم اینه که مُحبتِ دِلِه زندگی هَکنید.

7چون دُنیایِ دِلِه خیلی حُقِّ بازِ آدَمان دَرِن، که اوشان اعتراف نُکانَن عیسی مسیح آدَمی یه جِسمِ دِلِه بوما. اینجور آدَم، همون حُقِّ باز و ضِدِّ مَسیحِ.

8هوشیار هَبین تا اون کارِ ثَمرِه که اَما هَکُردیم رِه به باد نَدین، بلکه ایتا کامِل پاداشِ هَگیرین.

9هر کَسی که مَسیح تَعلیم جی پِیشتر بوشو و اونه دِلِه ثابت نُمانهِ، خُدا رِه نِداره. هر کسی که اون تَعلیم دِلِه ثابت بُمانه، هم پیَر رِه دارِه و هَم ریکا رِه دارِه.

10اَگه کَسی شِیمی وَرجه بیه و این تَعلیمِ نیارِه، اونه شیمی سِرِه را نَدین و اونه خُش آمد نَگین؛

11چون اونیکه اونه خُش آمد باگو، اونه شَریرِ اَعمالِ دِلِه شریک بونه.

12هَر چَن خِیلی چیزا دارَم که شِمِره بَنویسَم، وَلی نَخَنَم مُرَکَب و کاغذِ هَمرَه هَبو. بلکه اُمید دارَم شِیمی وَرجه بییَم و رُو دَر رُو گَب بَزِنیم تا اَمیی خُشحالی کامِل هَبو.

13تی مُحتَرَمِ خاخُر وَچِه هان، تِرِه سلام رِساندِنِن. آمین!

Jump to: