3 John 1

Mazanderani GMB (گیله ماز)

Jump to:

1شیخِ جی، بِه عزیزِ گایوس که مَن اونِه ’حَقیقَتِ‘ دِلِه دوس دارَم.

2اِی عزیز، می دُعا اینه که همه چی شِمِرِه خوُب پِیش بوشو و سَلامت هَبین، وَ هَمینجور تی جان هَم سلامتی یه دِلِه دَبو.

3چون خوشحال هَبام اون موقِه که اَداشان بومَن و تی وفاداری رِه که حقیقتِ دِلِه زندگی کانی رِه گَواهی هَدَئن.

4هیچی مَرِه اینه جی بیشتر خوشحال نُکانه که بِشنُئَم می وَچِهان ’حَقیقَتِ‘ دِلِه زندگی کانَن.

5اِی عزیز، تو تمام کارانِ دِلِه اَداشانِ وَسین، تیِ اَمانتِ نِشان دَنی، بِخصوص اینکه تی ور غَریبه هیسَن.

6ایشان هَم کلیسایِ ورجه تی مُحبتِ گُواهی هَدَئن؛ پَس خوُب کاری کانی اَگه ایشان رِه اونجوریکه خُدایِ شَأنِ، سفر وَسین راهی هَکُنی.

7چون ایشان اون اِسمِ خاطِری سَفر هَکُردَن و غیرِ یهودیِانِ جی هیچ کُمکی نِیتَن.

8پَس اَما بایسّی اینجور آدَمان مِثان رِه کُمَک هَکُنیم تا بَتَّنیم اوشانِه هَمرَه حَقیقَتِ وَسین هَمکار هَبیم.

9مَن یِچّی کلیسایِ وَسین بَنویشتَم، وَلی دیوتْرِفیس که دوس دارِه خودِشِه اوّل بِدانه، اَمیی اِقتدارِ اَهمیَت نَدَنِه.

10پَس اگه مَن بییَم، کارایی که اون کانه رِه رسیدگی کانَم، چون غَرَضِ هَمرَه اَمی بَدی رِه گونِه، به این هَم قانع نَبا، اَداشان رِه هَم قبول نُکانه؛ وَ اون اَداشانی هَم که خَنِن اوشانه قَبول هَکُنَنِ جُلوهِ گیرنِه و کلیسای جی دِرگا کانه.

11اِی عزیز، بَدی رِه تیِ سَرمَشق نَکُن، بلکه خوبی یه جی سَرمَشق بِگیر، اونیکه خُجیرِ کار کانه خُدایِ جییه، وَلی اونیکه بَدِ کار کانه خُدا رِه نَدیَه.

12هَمه دیمیتریوسِ بارِه خوبِ گَواهی دَنِن، حتّی خُدِ حَقیقت. اَما هَم اینجور گَواهی دَنیم و دانی که اَمیی گَواهی راسِه.

13خِیلی چیزان داشتَم تِرِه بَنویسَم، وَلی نَخَنَم قَلَم و مُرَکّبِ هَمرَه هَبو.

14اُمید دارَم خِیلی زود تِرِه بِینَم و رُو دَر رُو گَب بَزِنیم.

15سَلامت هَبین! رَفِیقان تِرِه سَلام رِساندِنَن. تَک تَکِ رَفیقانِ به اِسم سَلام بَرِسان.

Jump to: