Haggai 1

ndau

Jump to: Chapter 2 →

1Mugore rechipiri rokutonga kwaDhariusi mambo, mumwedzi wechitanhatu, pazuva rokutanga romwedzi, izwi raMambo Mwari rakauya kubudikidza ndiHagai muprofeti kunaZerubhabheri mukororo waShearatieri, mutongi waJudha, nokunaJoshua mukororo waJehozadhaki, mupristi mukuru rechiti,

2“Izvi ndizvo zvinoronza Mambo Mwari wehondo: Vanhu ava vanoti, ‘Ausati waguma mukuwo, mukuwo wokuakisa mhatso yaMambo Mwari.’ ”

3Zvino izwi raMambo Mwari rakauya kubudikidza ndiHagai muprofeti rechiti,

4“Mukuwo here wokuti imwimwi mwemene mugare mumhatso dzenyu dzinemawaro ngepadera, apo iyi mhatso yechiita dongo?

5Ndizvo zvino, izvi ndizvo zvinoronza Mambo Mwari wehondo: Pinimidzai ngenjira dzenyu.

6Mwasima zvizhinji, mwakukura zvishomani; munodya, asi amugutswi; munomwa, asi amukwaniswi ngezvomunomwa; munodzipfekesa, asi akuna unodziirwa; nouwo unoshandira kuthuswa unoshandira muthuso kuuisa munyede inemauri.

7Izvi ndizvo zvinoronza Mambo Mwari wehondo: Pinimidzai ngenjira dzenyu.

8Kwirai kumutunhu, muunze basha, muake mhatso; neni ndinozodakara ndiyo, ndechizokudzwa, unoronza Mambo Mwari.

9“Mwakaringira kuona zvizhinji, ringirai, zvakaita zvishomani; naapo mwakazviunza kanyi, ndakazvifuridza. Ngenyi? Unoronza Mambo Mwari wehondo. Ngendaa yemhatso yangu yaita dongo, apo imwimwi mweshe munorumba kumhatso dzenyu.

10Ndizvo matenga aramba nebeto, nenyika yaramba nemichero yayo.

11Neni ndadaidza kuoma kuti kuuye padera penyika, padera pezvimitunhu, padera pezviyo, padera pevhini idzva, padera pemafuta, nepeizvo zvinoberekwa ngemavhu, nepadera pevanhu, nepadera pemhuka, nepemishando yavo yeshe yenyara.”

12Zvino Zerubhabheri mukororo waShearatieri, naJoshua mukororo waJehozadhaki, mupristi mukuru, navo veshe vakasara vevanhu, vakapurutana izwi raMambo Mwari, Mwari wavo, nemazwi aHagai muprofeti, kudai ngezvaakamutuma Mambo Mwari, Mwari wavo; nevanhu vakatya Mambo Mwari.

13Zvino Hagai nhumwa yaMambo Mwari wakaereketa mashoko aMambo Mwari kuvanhu echiti, “Ndinemwi, unoronza Mambo Mwari wehondo.”

14NaMambo Mwari wakamusa mweya waZerubhabheri mukororo waShearatieri, mutongi waJudha, nomweya waJoshua mukororo waJehozadhaki, mupristi mukuru, nomweya yavo veshe vakasara vevanhu; navo vakauya, vakashanda mhatso yaMambo Mwari wehondo, Mwari wavo,

15ngezuva remakumi mairi nemarongomuna romwedzi mumwedzi wechitanhatu, ngegore rechipiri rokutonga kwaDhariusi mambo.

Jump to: Chapter 2 →