Song of Solomon 2

ndau

← Chapter 1 Jump to: Chapter 3 →

1Ndiri ruva romuSharoni, neruva regofa rebani.

2Kudai ngeruva riri pakati peminzwa, ndizvo zvakaita mudikani wangu pakati pevanasikana varanda.

3Kudai ngomuti wemaapura uri pakati pemiti yegwasha, ndizvo zvakaita mudikani wangu pakati pemajaha. Ndakagara pashi pemumvuri wake ngokudakara kukuru, muchero wake waitapira mukuraira kwangu.

4Wakandiunza kumhatso yedhiri, chidisiso chake kwendiri chaiya rudo.

5Ndigutisenyi ngemavhini akaoma, ndiembedzere ngemaapura; ngokuti ndapera simba ngorudo.

6Nyara yake yokumuoshwe iri pashi pesoro rangu, nenyara yake yokumudyo yakandifungatira.

7Ndinomupanga, imwimwi vanasikana veJerusarema, ngezvinyamutai nemhara dzomushango, kuti musatsungudza nokuti kumusa rudo metsa rwooda.

8Izwi romudikani wangu! Ringira, unouya echipembera padera pemitunhu, echitomuka padera pezvimitunhu.

9Mudikani wangu wakadai ngechinyamutai nokuti kudai ngemhara itsva. Ringira, unoema apo sure kwerukumbati rwedu, unoringira mukati ngepamafasitera, echiringira ngepaburi.

10Mudikani wangu unoereketa nokuti kwendiri, muka, mudikani wangu, iwewe unoringirika, uuye.

11Ngokuti, ringira, nguva yechando yapinda, mvura yapera aichanayi.

12Maruva omera munyika; nguva yokuemba yaguma; neizwi regora rinozwika munyika yedu.

13Muti womuonde unobereka maonde awo akasvipirika, nemivhini inemaruva, inobudisa gwema rakanaka. Muka, mudikani wangu, uuye.

14A gora rangu, unogara mumarutwe emapuwe, mundau yakafishika yakaita zvikofiro ngandione hope yako, ngandizwe izwi rako, ngokuti izwi rako rinotapira nehope yako yakanaka.

15Tibatire hava, zvihava zvidoko, zvinoshaishira mivhini: ngokuti mivhini yedu inemavhini achimatete.

16Mudikani wangu ngowangu, neni ndiri wake; mutanga wake unofura pakati pemaruva egofa.

17Metsa zuva ribude, nemabvute atize, kunukuka, mudikani wangu, udai ngechinyamutai, nokudai ngechiunga chemhara itsva padera pemitunhu yeBhetheri.

← Chapter 1 Jump to: Chapter 3 →