Esther 10

Nuer Bible © Bible Society in South Sudan 1998,2012

← Chapter 9 Jump to:

1Kä cu Kuäär ni Ä-ɣɛ̈c-we-roc wi̱i̱kɛ diaal kuɔ̱k tho̱lbo̱k amäni wi̱i̱ tin te jɔk yiëër.

2Kä cua lät Ä-ɣɛ̈c-we-roc diaal kɛ buɔ̱mdɛ kɛnɛ wuɔ̱tdɛ amäni ciaŋ luthä mëë di̱i̱t ëë ci kuäär ɛ ka̱m Mɔr-da-kay gɔ̱a̱r rɛy buɔk cäätni kua̱ri Ma-day kɛnɛ Pa-rath.

3Kä Mɔr-da-kay ɛ jɛn ram mëë thieek ni jɛn kɛ Kuäär ni Ä-ɣɛ̈c-we-roc, kä cuɛ la ram mi bum ɛlɔ̱ŋ kä ji̱ Juudh. Kä cua jɛ ŋa̱c kɛ kui̱ lätnikɛ ti ŋuan kä gɔw ɛ dämani, kä cɛ la̱t ni lät ti gɔw kɛ kui̱ nɛɛnikɛ, kä cɛ lat ni mal kɛ kui̱ nɛɛnikɛ diaal.

← Chapter 9 Jump to: