1 Timothy 2

Chewa Bible (BL) 1992 - Buku Lopatulika

← Chapter 1 Jump to: Chapter 3 →

1Ndidandaulira tsono, poyambayamba, kuti acitike mapembedzo, mapemphero, mapembedzero, mayamiko, cifukwa ca anthu onse;

2cifukwa ca mafumu ndi onse akucita ulamuliro kuti m'moyo mwathu tikakhale odika mtima, ndi acete m'kulemekeza Mulungu, ndi m'kulemekezeka monse.

3Pakuti ici ncokoma ndi colandirika pamaso pa Mulungu Mpulumutsi wathu;

4amene afuna anthu onse apulumuke, nafike pozindikira coonadi.

5Pakuti pali Mulungu mmodzi, ndi Mtetezi mmodzi pakati pa Mulungu ndi anthu, ndiye munthu, Kristu Yesu,

6amene anadzipereka yekha ciombolom'malo mwa onse; umboni m'nyengo zace;

7umene anandiika ine mlaliki wace ndi mtumwi (ndinena zoona, wosanama ine), mphunzitsi wa amitundu m'cikhulupiriro ndi coonadi.

8Cifukwa cace ndifuna kuti amunawo apemphere pamalo ponse, ndi kukweza manja oyera, opanda mkwiyo ndi makani.

9Momwemonso, akazi adzibveke okha ndi cobvala coyenera, ndi manyazi, ndi cidziletso; osati ndi tsitsi lace loluka, ndi golidi kapena ngale, kapena maraya a mtengo wace wapatali;

10komatu (umo mokomera akazi akubvomereza kulemekeza Mulungu), mwa nchito zabwino.

11Mkazi aphunzire akhale wacete m'kumvera konse.

12Koma sindilola ine kuti mkazi aphunzitse, kapena kulamulira mwamuna; komatu akhale cete.

13Pakuti Adamu anayamba kulengedwa, pamenepo Heva;

14ndipo Adamu sananyengedwa, koma mkaziyo ponyengedwa analowa m'kulakwa;

15koma adzapulumutsidwa mwa kubala mwana, ngati akhala m'cikhulupiriro ndi cikondi ndi ciyeretso pamodzi ndi cidziletso.

← Chapter 1 Jump to: Chapter 3 →