John 20

Odia NTS2024 2024 (ದೆವಾಚಿ ಖರಿ ಖಬರ್)

← Chapter 19 Jump to: Chapter 21 →

1ಆಯ್ತಾರ್‍ಚೆ ಸಕ್ಕಾಳಿ ಫಿಡೆ, ಅಜುನ್ ಉಲ್ಲೊ ಕಾಳೊಕ್ ಹೊತ್ತೊ, ತನ್ನಾ ಮರಿ ಮಾಗ್ದೆಲಿನ್ ಸಮಾದಿಕ್ಡೆ ಯೆಲಿ, ಅನಿ ಸಮಾದಿಚ್ಯಾ ದಾರಾರ್ ಲಾವಲ್ಲೊ ಗುಂಡೊ ಕಡೆಕ್ ಸರಕಲ್ಲೊ ತೆನಿ ಬಗಟ್ಲಿನ್.

2ತನ್ನಾ ತಿ ಪಳುನ್ಗೆತ್ ಸಿಮಾವ್ ಪೆದ್ರು, ಅನಿ ತ್ಯಾ ಜೆಜುಚ್ಯಾ ಪ್ರೆಮಾಚ್ಯಾ ಶಿಸಾಕ್ಡೆ ಗೆಲಿ, “ಅನಿ, ತೆನಿ ಧನಿಯಾಕ್ ಸಮಾದಿತ್ನಾ ಕಾಡುನ್ ನ್ಹೆಲ್ಯಾನಾತ್ ತೆನಿ ಖೈ ನ್ಹೆಲ್ಯಾನಾತ್ ಕಾಯ್ಕಿ” ಮನುನ್ ಸಾಂಗ್ಲಿನ್.

3ತನ್ನಾ ಪೆದ್ರು, ಅನಿ ತೊ ಅನಿ ಎಕ್ಲೊ ಶಿಸ್ ಸಮಾದಿಕ್ಡೆ ಪಳುನ್ ಗೆಲೆ.

4ತೆನಿ ದೊಗೆಬಿ ಪಾಳುನ್ಗೆತ್ ಗೆಲೆ. ಖರೆ ತೊ ಅನಿ ಎಕ್ಲೊ ಶಿಸ್ ಪೆದ್ರುಚ್ಯಾನ್ಕಿ ಜೊರ್ ಪಳಾಲೊ, ಅನಿ ಸಮಾದಿಕ್ಡೆ ಜಾವ್ನ್ ಪಾವ್ಲೊ.

5ತೆನಿ ಸಮಾದಿತ್ ಹಾನ್ಕುನ್ ಬಗಲ್ಲ್ಯಾ ತನ್ನಾ ತೆಕಾ ಜೆಜುಚ್ಯಾ ಮಡ್ಯಾಕ್ ಲಪ್ಟಲ್ಲೊ ಕಪ್ಡೊ ಎವ್ಡೊಚ್ ದಿಸ್ಲೊ, ತೊ ಭುತ್ತುರ್ ಜಾವ್ಕ್ ನಾ.

6ಫಾಟ್ನಾ ಯೆಲ್ಲೊ ಸಿಮಾವ್ ಪೆದ್ರು, ನಿಟ್ ಸಮಾದಿತ್ ಭುತ್ತುರ್ ಗುಸ್ಲೊ, ತೊ ಮ್ಹಾಗ್ರೊ ಕಪ್ಡೊ ಖಾಲ್ತಿ ಪಡ್ತಲ್ಲೆ ಬಗಟಲ್ಲ್ಯಾನಿ.

7ಅನಿ ಜೆಜುಚ್ಯಾ ಟಕ್ಲ್ಯಾರ್ ಲಪ್ಟಲ್ಲೊ ಕಪ್ಡೊ ಎವ್ಡೆಚ್ ತೆಕಾ ದಿಸ್ಲೆ, ತೊ ಕಪ್ಡೊ ಲೈ ಕಿಮ್ತಿಚ್ಯಾ ಕಪ್ಡ್ಯಾಚ್ಯಾ ವಾಂಗ್ಡಾ ಪಡಲ್ಲೊ ನತ್ತೊ, ತೊ ಲಪ್ಟುನ್ ಥವಲ್ಲೊ ಹೊತ್ತೊ.

8ತನ್ನಾ ತೊ ಅದ್ದಿ ಸಮಾದಿಕ್ಡೆ ಜಾವ್ನ್ ಪಾವಲ್ಲೊ ಅನಿ ಎಕ್ಲೊ ಶಿಸ್‍ಬಿ ಭುತ್ತುರ್ ಗೆಲೊ. ತೆನಿ ಹೆ ಸಗ್ಳೆ ಬಗಟ್ಲ್ಯಾನ್ ಅನಿ ವಿಶ್ವಾಸ್ ಕರ್ಲ್ಯಾನ್.

9ತೊ ಮರ್‍ನಾತ್ನಾ ಝಿತ್ತೊ ಹೊವ್ನ್ ಉಟುಕ್ ಪಾಜೆ ಮನುನ್ ಪವಿತ್ರ್ ಪುಸ್ತಕಾನ್ ಸಾಂಗಟಲ್ಲೆ ತೆಂಕಾ ಅಜುನ್ಬಿ ಕಳುಕ್ ನತ್ತೆ.

10ಮಾನಾ ಶಿಸಾ ಪರ್ತುನ್ ಘರಾಕ್ ಗೆಲಿ.

11ಮರಿ ಮಾಗ್ದೆಲಿನ್ ಸಮಾದಿಚ್ಯಾ ಭಾಯ್ರ್ ರಡುಂಗೆತ್ ಇಬೆ ಹೊತ್ತಿ ತಿ ರಡ್ತಾರಡ್ತಾನಾಚ್, ತೆನಿ ಸಮಾದಿತ್ ಹಾನ್ಕುನ್ ಬಗಟ್ಲಿನ್.

12ತನ್ನಾ ದೊಗೆ ಜಾನಾ ದೆವ್‍ದುತಾ ಫಾಂಡ್ರೆ ಕಪ್ಡೆ ನೆಸುನ್ ಜೆಜುಚೆ ಮಡೆ ಥವಲ್ಲ್ಯಾಕ್ಡೆ ಟಕ್ಲ್ಯಾಕ್ಡೆ ಎಕ್ಲೊ, ಅನಿ ಪಾಂಯಾಂಚ್ಯಾ ಬಾಜುಕ್ ಎಕ್ಲೊ ಬಸಲ್ಲೆ ತಿಕಾ ದಿಸ್ಲೆ.

13ತನ್ನಾ ತ್ಯಾ ದೆವ್‍ದುತಾನಿ, “ಬಾಯಿ, ತಿಯಾ ಕಶ್ಯಾಕ್ ರಡುಲಾಲೆ?” ಮನುನ್ ತಿಕಾ ಇಚಾರ್‍ಲ್ಯಾನಿ. ತನ್ನಾ ತೆನಿ “ತೆನಿ ಧನಿಯಾಕ್ ಘೆವ್ನ್ ಗೆಲ್ಯಾನಾತ್ ತೆಕಾ ತೆನಿ ಖೈ ಥವ್ಲ್ಯಾನಾತ್ ಮನುನ್ ಮಾಕಾ ಗೊತ್ತ್ ನಾ!” ಮನುನ್‍ ಜಬಾಬ್ ದಿಲಿನ್.

14ಮಾನಾ ತೆನಿ ಪರ್ತುನ್ ಬಗ್ತಾನಾ ಜೆಜು ಥೈಚ್ ಇಬೆ ಹೊತ್ತೊ, ಖರೆ ತೊ ಜೆಜುಚ್ ಮನುನ್ ತಿಕಾ ಕಳುಕ್ ನಾ.

15ಜೆಜುನ್ ತಿಕಾ, “ಬಾಯಿ, ತಿಯಾ ಕಶ್ಯಾಕ್ ರಡುಲಾಲೆ?” ಮಟ್ಲ್ಯಾನ್, ಅನಿ “ತಿಯಾ ಕೊನಾಕ್ ಹುಡ್ಕುಲೆ?” ಮನುನ್ ಇಚಾರ್‍ಲ್ಯಾನ್. ತೆನಿ ತೊ ತ್ಯಾ ಮಳ್ಯಾತ್ಲೊ ಕೊನ್ತರ್ ಅಶಿಲ್ ಮನುನ್ ಚಿಂತ್ಲಿನ್ ಅನಿ ತೆಕಾ, “ಸಾಯ್ಬಾ, ತಿಯಾ ತೆಕಾ ಘೆವ್ನ್ ಗೆಲೆ ಜಾಲ್ಯಾರ್, ತೆಕಾ ತಿಯಾ ಖೈ ಥವ್ಲೆ ಮನುನ್ ಮಾಕಾ ಸಾಂಗ್, ಮಿಯಾ ಜಾವ್ನ್ ತೆಕಾ ಘೆವ್ನ್ ಯೆತಾ” ಮಟ್ಲಿನ್.

16ಜೆಜುನ್ ತಿಕಾ,“ಮರಿ” ಮಟ್ಲ್ಯಾನ್. ತನ್ನಾ ತಿ ತೆಚೆಕ್ಡೆ ಪರತ್ಲಿ, ಅನಿ, ಹೆಬ್ರೆವ್ ಬಾಶೆತ್, “ರಬ್ಬೊನಿ” ಮಟ್ಲಿನ್. ಅಶೆ ಮಟ್ಲ್ಯಾರ್ ಗುರುಜಿ ಮನುನ್.

17ತನ್ನಾ ಜೆಜುನ್ ತಿಕಾ, “ಮಾಕಾ ಧರುನ್ ಘೆವ್ನ್ ರಾವ್ನಕ್ಕೊ, ಮಿಯಾ ಅಜುನ್ ಮಾಜ್ಯಾ ಬಾಬಾಕ್ಡೆ ಫಾಟಿ ಪರ್ತುನ್ ಜಾವ್ಕ್ ನಾ, ಖರೆ ಜಾ ಅನಿ ಮಾಜ್ಯಾ ಭಾವಾಕ್ನಿ ಮಿಯಾ ಮಾಜ್ಯಾ ಬಾಬಾ ಅನಿ ತುಮ್ಚ್ಯಾ ಬಾಬಾಕ್ಡೆ, ಮಾಜ್ಯಾ ದೆವಾ ಅನಿ ತುಮ್ಚ್ಯಾ ದೆವಾಕ್ಡೆ ಪರ್ತುನ್ ಜಾವ್ಕ್ ಲಾಗ್ಲಾ ಮನುನ್ ಸಾಂಗ್” ಮನುನ್ ಸಾಂಗಟ್ಲ್ಯಾನ್.

18ಅಶೆ ಮರಿ ಮಾಗ್ದೆಲಿನ್ ಶಿಸಾನಿಕ್ಡೆ ಗೆಲಿ, ಅನಿ ಮಿಯಾ ಧನಿಯಾಕ್ ಬಗಟ್ಲೊ ಮನುನ್ ಸಾಂಗಟ್ಲಿನ್, ಅನಿ ತೆಂಚ್ಯಾ ವಿಶಯಾತ್ ಧನಿಯಾನ್ ತಿಚೆಕ್ಡೆ ಕಾಯ್-ಕಾಯ್ ಸಾಂಗಲ್ಲ್ಯಾನ್ ತೆ ಸಗ್ಳೆ ತೆನಿ ತೆಂಕಾ ಸಾಂಗಟ್ಲಿನ್.

19ತ್ಯಾಚ್ ಆಯ್ತಾರ್‍ಚೆ ಸಾಂಚೆಕ್ಡೆ ಸಗ್ಳಿ ಶಿಸಾ ಜುದೆವಾಂಚ್ಯಾ ಅದಿಕಾರ್‍ಯಾಕ್ನಿ ಭಿಂವ್ನ್, ದಾರಾ ಧಾಪುನ್ ಘೆವ್ನ್ ಭುತ್ತುರ್ ಬಸಲ್ಲಿ ಹೊತ್ತಿ ತನ್ನಾ ಜೆಜು ಯೆಲೊ, ಅನಿ ತೆಂಚ್ಯಾ ಮದ್ದಿ ಇಬೆ ರ್‍ಹಾಲೊ, ಅನಿ ತೆಂಕಾ, “ಶಾಂತಿ ತುಮ್ಚ್ಯಾ ವಾಂಗ್ಡಾ ರ್‍ಹಾಂವ್ದಿತ್” ಮಟ್ಲ್ಯಾನ್.

20ಹೆ ಸಾಂಗುನ್ ಹೊಲ್ಲ್ಯಾ ಮಾನಾ ತೆನಿ ಅಪ್ನಾಚಿ ಹಾತಾ, ಅನಿ ಪಕ್ಡಿತ್ ತೆಂಕಾ ದಾಕ್ವುಲ್ಯಾನ್ ಧನಿಯಾಕ್ ಬಗುನ್ ಶಿಸಾಕ್ನಿ ಲೈ ಕುಶಿ ಹೊಲಿ.

21ಅನಿ ಎಗ್ದಾ ಜೆಜುನ್ ತೆಂಕಾ, “ಶಾಂತಿ ತುಮ್ಚ್ಯಾ ವಾಂಗ್ಡಾ ರ್‍ಹಾಂವ್ದಿತ್, ಮಾಜ್ಯಾ ಬಾಬಾನ್ ಮಾಕಾ ಧಾಡುನ್ ದಿಲ್ಲ್ಯಾ ಸರ್ಕೆ ಮಿಯಾಬಿ ತುಮ್ಕಾ ಧಾಡುನ್ ದಿತಾ” ಮಟ್ಲ್ಯಾನ್.

22ಮಾನಾ ತೆನಿ ತೆಂಚೆ ವರ್ತಿ ಅಪ್ನಾಚೊ ಶ್ವಾಸ್ ಸೊಡ್ಲ್ಯಾನ್, ಅನಿ,“ಪವಿತ್ರ್ ಆತ್ಮ್ಯಾಕ್ ಘೆವಾ,

23ತುಮಿ ಲೊಕಾಂಚಿ ಪಾಪಾ ಮಾಪ್ ಕರ್ಲ್ಯಾರ್ ತಿ ಮಾಪ್ ಕರುನ್ ಹೊತ್ಯಾತ್, ತುಮಿ ತಿ ಮಾಪ್ ಕರಿನಸ್ಲ್ಯಾರ್ ತಿ ಮಾಪ್ ಕರುನ್ ಹೊಯ್‍ನ್ಯಾತ್” ಮಟ್ಲ್ಯಾನ್.

24ಬಾರಾ ಜಾನಾ ಶಿಸಾನಿತ್ಲೊ ದಿದಿಮೊಸ್ ಮಟ್ಲ್ಯಾರ್ ಅವ್ಲೊ ಅವ್ಳಿ-ಜವ್ಳಿ ಮನ್ತಲೊ ಥೊಮಸ್ ಜೆಜು ಥೈ ಯೆಲ್ಲ್ಯಾ ತನ್ನಾ ತೆಂಚ್ಯಾ ವಾಂಗ್ಡಾ ನತ್ತೊ.

25ತಸೆಮನುನ್ ಹುರಲ್ಲ್ಯಾ ಶಿಸಾನಿ ತೆಕಾ,“ಅಮಿ ಧನಿಯಾಕ್ ಬಗಟ್ಲಾವ್” ಮನುನ್ ಸಾಂಗಟ್ಲ್ಯಾನಿ. ತನ್ನಾ ಥೊಮಸಾನ್,“ಮಿಯಾ ತ್ಯೆಚ್ಯಾ ಹಾತಾಂಚ್ಯಾ ವರ್ತಿ ಹೊತ್ತಿ ಮೊಳ್ಯಾಂಚಿ ವಳಕ್ ಬಗಟ್ಲ್ಯಾ ಶಿವಾಯ್ ಅನಿ ತ್ಯಾ ಮೊಳ್ಯಾಂಚ್ಯಾ ವಳ್ಕಿಯಾತ್ನಿ ಬೊಟ್ ಘಾಲುನ್ ಅನಿ ತ್ಯೆಚ್ಯಾ ಪಕ್ಡಿತ್ ಹಾತ್ ಘಾಲುನ್ ಬಗಟ್ಲ್ಯಾ ಶಿವಾಯ್ ವಿಶ್ವಾಸ್, ಕರಿನಾ” ಮಟ್ಲ್ಯಾನ್.

26ಎಕ್ ವಾರಾಚ್ಯಾ ಮಾನಾ ಶಿಸಾ ದಾರಾ ಲಾವುನ್ ಘೆವ್ನ್ ಭುತ್ತುರ್ ಗೊಳಾ ಹೊವ್ನ್ ಹೊತ್ತಿ, ಅನಿ ಥೊಮಸ್‍ಬಿ ತೆಂಚ್ಯಾ ವಾಂಗ್ಡಾ ಹೊತ್ತೊ. ದಾರಾ ಧಾಪಲ್ಲಿ ಹೊತ್ತಿ ಜಾಲ್ಯಾರ್‍ಬಿ ಜೆಜು ತೆಂಚ್ಯಾ ಮದ್ದಿ ಯೆವ್ನ್ ಇಬೆ ರ್‍ಹಾಲೊ, ಅನಿ, “ಶಾಂತಿ ತುಮ್ಚ್ಯಾ ವಾಂಗ್ಡಾ ರ್‍ಹಾಂವ್ದಿತ್” ಮಟ್ಲ್ಯಾನ್.

27ಮಾನಾ ತೆನಿ ಥೊಮಸಾಕ್, “ಥೊಮಾಸಾ ಯೆ ಅನಿ ಮಾಜ್ಯಾ ಹಾತಾತ್ನಿ ತುಜೊ ಬೊಟ್ ಘಾಲುನ್ ಬಗ್, ಮಾನಾ ತುಜೊ ಹಾತ್ ಲಾಂಬ್ ಕರುನ್ ಮಾಜ್ಯಾ ಪಕ್ಡಿತ್ ಘಾಲುನ್ ಬಗ್, ಸಂಶೆವ್ ಕರ್‍ತಲೆ ಸೊಡ್, ಅನಿ ವಿಶ್ವಾಸ್ ಕರ್!” ಮಟ್ಲ್ಯಾನ್.

28ತನ್ನಾ ಥೊಮಸಾನ್, “ಮಾಜ್ಯಾ ಧನಿಯಾ, ಮಾಜ್ಯಾ ದೆವಾ!” ಮನುನ್ ತೆಕಾ ಜಬಾಬ್ ದಿಲ್ಯಾನ್.

29ತನ್ನಾ ಜೆಜುನ್ ತೆಕಾ, “ತಿಯಾ ಮಾಕಾ ಬಗಟ್ಲೆ ಮನುನ್ ವಿಶ್ವಾಸ್, ಕರುಕ್ ಲಾಗ್ಲೆ, ಖರೆ ಮಾಕಾ ಬಗಿನಸ್ತಾನಾಚ್ ವಿಶ್ವಾಸ್ ಕರ್‍ತಲ್ಯಾಂಚೆ ಕವ್ಡೆ ಬರೆ ಅಸಿಲ್!” ಮಟ್ಲ್ಯಾನ್.

30ಜೆಜುನ್ ಅಪ್ನಾಚ್ಯಾ ಶಿಸಾಂಚ್ಯಾ ಇದ್ರಾಕ್ ಅನಿಬಿ ಲೈ ಅಜಾಪಾ ಕರಲ್ಲ್ಯಾನ್, ತಿ ಸಗ್ಳಿ ಹ್ಯಾ ಪುಸ್ತಕಾತ್ ಲಿವಲ್ಲಿ ನಾತ್.

31ಖರೆ ಹೆ ಲಿವಲ್ಲೆ ಎವ್ಡೆ ತುಮಿ ಜೆಜು ಮೆಸ್ಸಿಯಾ, ದೆವಾಚೊಲೆಕ್ ಮನುನ್ ವಿಶ್ವಾಸ್ ಕರುಚೆ, ಅನಿ ತುಮಿ ತ್ಯೆಚ್ಯಾ ವರ್ತಿ ಥವಲ್ಲ್ಯಾ ವಿಶ್ವಾಸಾಚ್ಯಾ ವೈನಾ ತುಮಿ ಜಿವ್ ಖಮ್ವುನ್ ಘೆವ್ಸಾಟ್ನಿ ಲಿವಲ್ಲೆ ಹಾಯ್.

← Chapter 19 Jump to: Chapter 21 →