Mark 8

Odia NTS2024 2024 (ದೆವಾಚಿ ಖರಿ ಖಬರ್)

← Chapter 7 Jump to: Chapter 9 →

1ತ್ಯಾಚ್ ದಿಸಾತ್ನಿ ಅನಿ ಎಕ್ ಲೊಕಾಂಚೊ ಮೊಟೊ ತಾಂಡೊ ಜೆಜುಚ್ಯಾ ವಾಂಗ್ಡಾ ಹೊತ್ತೊ. ತ್ಯಾ ಲೊಕಾಕ್ನಿ ಜೆವ್ನಾಕ್ ಕಾಯ್ಬಿ ನತ್ತೆ. ತನ್ನಾ ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ ಬಲ್ವುನ್,

2“ಹ್ಯಾ ಲೊಕಾಕ್ನಿ ಬಗುನ್ ಮಾಕಾ ಪಾಪ್ ದಿಸುಕ್ ಲಾಗ್ಲಾ, ತಿನ್ ದಿಸಾ ಹೊಲಿ ಹಿ ಲೊಕಾ ಮಾಜ್ಯಾ ವಾಂಗ್ಡಾ ಹಾತ್, ತೆಂಚ್ಯಾಕ್ಡೆ ಜೆವ್ನಾಕ್ ಕಾಯ್ಬಿ ನಾ.

3ಹ್ಯಾ ಲೊಕಾಕ್ನಿ ಉಪ್ಪಾಸಿ ಧಾಡ್ಲ್ಯಾರ್ ಹ್ಯಾತುರ್ಲಿ ಉಲ್ಲಿ ಲೊಕಾ ಲೈ ಧುರ್‍ನಾ ಯೆಲ್ಲಿ ಹಾತ್, ಭುಕೆನ್ ಖೈ ತರ್ ಪಡ್ತಿಲ್,” ಮಟ್ಲ್ಯಾನ್.

4ತನ್ನಾ ಶಿಸಾನಿ “ಹಿತ್ತೆ ಜಗ್ಗೊಳ್ ಎಕ್‍ಬಿ ಗಾಂವ್ ನಾ ಕಾಯ್ನಾ, ಎವ್ಡ್ಯಾ ಸಗ್ಳ್ಯಾ ಲೊಕಾಕ್ನಿ ಫಿರೆ ಹೊಯ್ಸರ್ಕ್ಯಾ ಭಾಕ್ರಿಯಾ ಖೈತ್ನಾ ಹಾನ್ತಲ್ಯಾ ಅತ್ತಾ?” ಮಟ್ಲ್ಯಾನಿ.

5ತನ್ನಾ ಜೆಜುನ್ “ತುಮ್ಚ್ಯಾಕ್ಡೆ ಕವ್ಡ್ಯಾ ಭಾಕ್ರಿಯಾ ಹಾತ್” ಮನುನ್ ಇಚಾರ್‍ಲ್ಯಾನ್. ಶಿಸಾನಿ “ಸಾತ್ ಭಾಕ್ರಿಯಾ ಹಾತ್” ಮಟ್ಲ್ಯಾನಿ.

6ತನ್ನಾ ಜೆಜುನ್ ಸಗ್ಳ್ಯಾ ಲೊಕಾಕ್ನಿ ಬಸಾ ಮನುನ್ ಸಾಂಗ್ಲ್ಯಾನ್. ಮಾನಾ ತ್ಯಾ ಸಾತ್ ಭಾಕ್ರಿಯಾ ಹಾತಿತ್ ಘೆಟ್ಲ್ಯಾನ್ ಅನಿ ದೆವಾಕ್ ಧನ್ಯವಾದ್ ದಿಲ್ಯಾನ್ ಅನಿ ಭಾಕ್ರಿಯಾ ಮೊಡುನ್ ಲೊಕಾಕ್ನಿ ವಾಟಾ ಮನುನ್ ಅಪ್ಲ್ಯಾ ಶಿಸಾಂಚ್ಯಾಕ್ಡೆ ದಿಲ್ಯಾನ್, ಶಿಸಾನಿ ಸಗ್ಳ್ಯಾ ಲೊಕಾಕ್ನಿ ವಾಟ್ಲ್ಯಾನಿ.

7ತೆಂಚ್ಯಾಕ್ಡೆ ಉಲ್ಲ್ಯಾ ಬಾರಿಕ್ಲ್ಯಾ ಮಾಸೊಳ್ಯಾಬಿ ಹೊತ್ತ್ಯಾ, ತ್ಯಾ ಮಾಸೊಳ್ಯಾಬಿ ಜೆಜುನ್ ಅಪ್ಲ್ಯಾ ಹಾತಿತ್ ಘೆವ್ನ್ ಧನ್ಯಾವಾದ್ ದಿವ್ನ್ ಲೊಕಾಕ್ನಿ ವಾಟಾ ಮನುನ್ ಶಿಸಾಂಚ್ಯಾ ಹಾತಾತ್ ದಿಲ್ಯಾನ್.

8ಸಗ್ಳ್ಯಾ ಲೊಕಾನಿ ಪೊಟ್‍ಬರ್ ಜೆವ್ಲ್ಯಾನಿ, ಮಾನಾ ಶಿಸಾನಿ ಹುರಲ್ಲೆ ಭಾಕ್ರಿಯಾಂಚೆ ತುಕ್ಡೆ ಗೊಳಾ ಕರ್‍ಲ್ಯಾನಿ, ತನ್ನಾ ಸಾತ್ ಭುಟಿಯಾ ಭರ್‍ಲ್ಯಾ.

9ಥೈ ಜೆವಾನ್ ಕರಲ್ಲಿ ಸುಮಾರ್ ಚಾರ್ ಹಜಾರ್ ಲೊಕಾ ಹೊತ್ತಿ. ತೆಂಚೆ ಜೆವಾನ್ ಕರುನ್ ಹೊಲ್ಲ್ಯಾ ತನ್ನಾ ಜೆಜುನ್ ತೆಂಕಾ ಧಾಡುನ್ ದಿಲ್ಯಾನ್.

10ತೆ ಹೊಲ್ಲ್ಯಾ ಮಾನಾ ಜೆಜು ಡೊನಿತ್ ಚಡುನ್ ಅಪ್ನಾಚ್ಯಾ ಶಿಸಾಂಚ್ಯಾ ವಾಂಗ್ಡಾ “ದಲ್ಮನುಥ” ಮನ್ತಲ್ಯಾ ಗಾವಾಕ್ ಗೆಲೊ.

11ಫಾರಿಜೆವ್ ಯೆಲೆ ಅನಿ ಕಾಯ್ತರ್ ಚುಕ್ ಹುಡ್ಕುಕ್ ಮನುನ್, ತಿಯಾ ದೆವಾಕ್ನಾ ಯೆಲ್ಲೊ ಮನುನ್ ದಾಕ್ವುಕ್ ಸರ್‍ಗಾ ವೈನಾ ಎಕ್ ಮೊಟೊ ವಳಕ್ ಕರುನ್ ದಾಕ್ವು ಮನುನ್ ತೆಚೆಕ್ಡೆ ವಾದ್ ಕರುಕ್ ಲಾಗ್ಲೆ.

12ಜೆಜು ಉಸ್ಕಾರ್ಲೊ ಅನಿ “ಹ್ಯಾ ಕಾಲಾಚಿ ಲೊಕಾ ವಳಕ್ ಕಶ್ಯಾಕ್ ಇಚಾರ್‍ತ್ಯಾತ್? ಮಿಯಾ ಖರೆಚ್ ಸಾಂಗ್ತಾ ಹ್ಯಾ ಲೊಕಾಕ್ನಿ ಘುರುತ್ ಕರುನ್ ದಾಕ್ವುಕ್ ಹೊಯ್ನಾ,” ಮಟ್ಲ್ಯಾನ್.

13ಮಾನಾ ತೊ ಥೈತ್ನಾ ಢೊನಿತ್ ಚಡುನ್ ಸಮುಂದರಾಚ್ಯಾ ತಿಕುಲ್ಯಾ ದಂಡೆಕ್ ಗೆಲೊ.

14ಶಿಸಾನಿ ಪಾಜೆ ಹೊಲ್ಲ್ಯಾ ತವ್ಡ್ಯಾ ಭಾಕ್ರಿಯಾ ಹಾನ್ತಲೆ ಇಸರಲ್ಲ್ಯಾನಿ, ಢೊನಿತ್ ತೆಂಚೆಕ್ಡೆ ಎಕುಚ್ ಎಕ್ ಭಾಕ್ರಿ ಹೊತ್ತಿ.

15ತನ್ನಾ ಜೆಜುನ್ ತೆಂಕಾ ಫಾರಿಜೆವಾಂಚ್ಯಾ ಅನಿ ಹೆರೊದಿಚ್ಯಾ ಲೊಕಾಂಚ್ಯಾ ಸೊಡ್ಯಾಚ್ಯಾ ವಿಶಯಾತ್ ಉಶಾರ್ ರ್‍ಹಾವಾ, ಮನುನ್ ಉಶಾರ್ಕಿ ದಿಲ್ಯಾನ್.

16ತನ್ನಾ ತೆನಿ “ಅಮ್ಚೆಕ್ಡೆ ಭಾಕ್ರಿಯಾ ನಾತ್ ಮನುನ್ ತೆನಿ ತಸೆ ಮಟ್ಲ್ಯಾನ್ ಕಾಯ್ಕಿ ” ಮನುನ್ ತೆಂಚ್ಯಾ-ತೆಂಚ್ಯಾ ಮದ್ದಿ ಬೊಲುನ್ ಘೆಟ್ಲ್ಯಾನಿ.

17ತೆನಿ ಬೊಲ್ತಲೆ ಜೆಜುಕ್ ಕಳ್ಳೆ ತನ್ನಾ ಜೆಜುನ್ “ತುಮಿ ಭಾಕ್ರಿಯಾನಾತ್ ಮನುನ್ ಕಶ್ಯಾಕ್ ಬೊಲುಲ್ಯಾಸಿ? ಅಜುನ್ ತುಮ್ಕಾ ಕಳುಕ್ ನಾ? ತುಮ್ಚಿ ಟಕ್ಲಿ ತೌಡಿಬಿ ಮಡ್ಡ್ ಹೊಲ್ಯಾತ್ ಕಾಯ್?

18ಡೊಳೆ ರ್‍ಹಾವ್ನ್‌ಬಿ ತುಮ್ಕಾ ದಿಸಿನಾ ಕಾಯ್? ಕಾನಾ ರ್‍ಹಾವ್ನ್‌ಬಿ ತುಮ್ಕಾ ಆಯ್ಕಿನಾ ಕಾಯ್? ಅನಿ ತುಮ್ಕಾ ಯಾದ್ ನಾ ಕಾಯ್?

19ಮಿಯಾ ಪಾಂಚ್ ಭಾಕ್ರಿಯಾ ಪಾಂಚ್ ಹಜಾರ್ ಲೊಕಾಕ್ನಿ ವಾಟಾ ಮನುನ್ ದಿಲ್ಲೊ ತನ್ನಾ ಭಾಕ್ರಿಯಾಂಚೆ ತುಕ್ಡೆ ಕವ್ಡ್ಯಾ ಭುಟಿಯಾ ಭರ್ಲ್ಯಾಸಿ?” ಮನುನ್ ಶಿಸಾಕ್ನಿ ಇಚಾರ್‍ಲ್ಯಾನ್. ತೆನಿ “ಬಾರಾ ಭುಟಿಯಾ” ಮಟ್ಲ್ಯಾನಿ.

20ಮಿಯಾ ಸಾತ್ ಭಾಕ್ರಿಯಾ ಚಾರ್ ಹಜಾರ್ ಲೊಕಾಕ್ನಿ ಮೊಡುನ್ ದಿಲ್ಲ್ಯಾ ತನ್ನಾ ಕವ್ಡ್ಯಾ ಭುಟಿಯಾ ಭಾಕ್ರಿಯಾಂಚೆ ತುಕ್ಡೆ ಹುರಲ್ಲೆ ಸಾತ್ ಭುಟಿಯಾ ಮಟ್ಲ್ಯಾನಿ,

21ತನ್ನಾ ಜೆಜುನ್ “ಅನಿ ಅಜುನ್ಬಿ ತುಮ್ಕಾ ಕಳಿನಾ?” ಮನುನ್ ಇಚಾರ್‍ಲ್ಯಾನ್.

22ಜೆಜು ಅನಿ ತೆಚಿ ಶಿಸಾ ಬೆತ್ಸಾಯಿದಾ ಮನ್ತಲ್ಯಾ ಗಾವಾಕ್ ಯೆಲ್ಯಾನಿ.ಥೈ ಲೊಕಾನಿ ಎಕ್ ಕುಡ್ಡ್ಯಾಕ್ ಜೆಜುಕ್ಡೆ ಘೆವ್ನ್ ಯೆಲ್ಯಾನಿ ಅನಿ ತೆಕಾ ಅಪಡ್ ಮನುನ್ ಮಾಗ್ಲ್ಯಾನಿ.

23ತನ್ನಾ ಜೆಜುನ್ ತ್ಯಾ ಕುಡ್ಡ್ಯಾಕ್ ಹಾತ್ ಧರುನ್ ಗಾಂವಾಂಚ್ಯಾ ಭಾಯ್ರ್ ಘೆವ್ನ್ ಗೆಲ್ಯಾನ್ ಅನಿ ತೆಚ್ಯಾ ಡೊಳ್ಯಾ ವೈನಿ ಥುಕುನ್ ತೆಚ್ಯಾ ವರ್‍ತಿ ಹಾತ್ ಥವ್ಲ್ಯಾನ್, ಅನಿ “ಅತ್ತಾ ತುಕಾ ದಿಸುಕ್ ಲಾಗ್ಲಾ ಕಾಯ್ ನಾ?” ಮನುನ್ ಇಚಾರ್‍ಲ್ಯಾನ್.

24ತ್ಯಾ ಕುಡ್ಡ್ಯಾನ್ ಟಕ್ಲೆ ವೈರ್ ಕರುನ್ ಬಗುನ್ “ಹೊಯ್ ಮಾಕಾ ದಿಸುಕ್ ಲಾಗ್ಲಾ, ಖರೆ ಮಾನ್ಸಾ ಚಲ್ತಲ್ಯಾ ಝಾಡಾಂಚ್ಯಾ ಸರ್ಕಿ ದಿಸುಕ್ ಲಾಗ್ಲ್ಯಾತ್” ಮಟ್ಲ್ಯಾನ್.

25ಜೆಜುನ್ ಅನಿ ಎಗ್ದಾ ಅಪ್ಲೊ ಹಾತ್ ತೆಚ್ಯಾ ಡೊಳ್ಯಾಕ್ನಿ ಲಾವ್ಲ್ಯಾನ್. ತೆಕಾ ಬರೆ ದಿಸುಕ್ ಲಾಗ್ಲೆ ತೆಚೆ ಡೊಳೆ ಸಮಾ ಹೊಲೆ.

26ತನ್ನಾ ಜೆಜುನ್ ತೆಕಾ “ತಿಯಾ ತುಮ್ಚ್ಯಾ ಘರಾಕ್ ಜಾ, ಗಾಂವಾತ್ ಜವ್ನಕೊ” ಮನುನ್ ಖಡಕ್ ತಾಕಿತ್ ದಿವ್ನ್ ಧಾಡುನ್ ದಿಲ್ಯಾನ್.

27ತನ್ನಾ ಜೆಜು ಅನಿ ಶಿಸಾ ಸೆಜರಿಯಾ ಫಿಲಿಪ್ಪಿ ಮನ್ತಲ್ಯಾ ಗಾಂವಾಂಚ್ಯಾ ಜಗ್ಗೊಳ್ ಹೊತ್ತ್ಯಾ ಗಾಂವಾತ್ನಿ ಗೆಲ್ಲೆ. ವಾಟೆನ್ ಜಾತಾನಾ ಜೆಜುನ್ “ಲೊಕಾ ಮಿಯಾ ಕೊನ್ ಮನುನ್ ಮನ್ತ್ಯಾತ್?” ಮನುನ್ ಇಚಾರ್‍ಲ್ಯಾನ್.

28ತನ್ನಾ ಶಿಸಾನಿ ಉಲ್ಲೆ ಜಾನಾ ತುಕಾ ಬಾಲ್ತಿಮ್‍ ದಿತಲೊ ಜುವಾಂವ್ ಮನ್ತ್ಯಾತ್, ಅನಿ ಉಲ್ಲೆ ಜಾನಾ “ಎಲಿಯಾ” ಮನ್ತ್ಯಾತ್, ಅನಿ ಉಲ್ಲೆ ಜಾನಾ; ಎಕ್ಲೊ ದೆವಾಚ್ಯಾ ವಿಶಯಾತ್ ಸಾಂಗ್ತಲೊ; ಮನ್ತ್ಯಾತ್ ಮನುನ್ ಸಾಂಗ್ಲ್ಯಾನಿ.

29ತನ್ನಾ ಜೆಜುನ್ ತುಮಿ ಮಾಕಾ ಕಾಯ್ ಮನುನ್ ಯವಜ್ತ್ಯಾಶಿ? “ತುಮಿ ಮಾಕಾ ಕೊನ್ ಮನುನ್ ಮನ್ತ್ಯಾಶಿ?” ಮನುನ್ ಇಚಾರ್‍ಲ್ಯಾನ್. ತನ್ನಾ ಪೆದ್ರುನ್ “ತಿಯಾ ಕ್ರಿಸ್ತ್” ಮನುನ್ ಸಾಂಗ್ಲ್ಯಾನ್.

30ತನ್ನಾ ಜೆಜುನ್ ಮಿಯಾ “ಕ್ರಿಸ್ತ್” ಮನುನ್ ಕೊನಾಕ್ಬಿ ಸಾಂಗುನಕಾಸಿ ಮನುನ್ ತೆಂಕಾ ತಾಕಿತ್ ದಿಲ್ಯಾನ್.

31ತನ್ನಾ ಜೆಜುನ್ ಅಪ್ಲ್ಯಾ ಶಿಸಾಕ್ನಿ "ಮಾನ್ಸಾಚ್ಯಾ ಲೆಕಾಕ್ ಕಸ್ಟ್ ಸೊಸುಕುಚ್ ಪಾಜೆ, ಜಾನ್ತ್ಯಾ ಲೊಕಾನಿ, ಮೊಟ್ಯಾ ಯಾಜಕಾನಿ ಅನಿ ಶಾಸ್ತರಾ ಶಿಕ್ವುತಲ್ಯಾನಿ ತೆಕಾ ತಿರಸ್ಕಾರ್ ಕರುಕುಚ್ ಪಾಜೆ. ಅನಿ ತೊ ಮರುಕ್ ಪಾಜೆ, ಖರೆ, ತೊ ತಿನ್ವ್ಯಾ ದಿಸಿ ಮರಲ್ಲ್ಯಾತ್ನಾ ಝಿತ್ತೊ ಹೊವ್ನ್ ಉಟುನ್ ಯೆತಾ."ಮನುನ್ ಸಾಂಗುಕ್ಲಾಗ್ಲೊ.

32ಫಿಡೆ ಅಪ್ನಾಕ್ ಕಾಯ್-ಕಾಯ್ ಹೊತಲೆ ಹಾಯ್ ತೆ ಸಗ್ಳೆ ನಿಪ್ವುನ್ ಥೈ ನಸ್ತಾನಾ ತೆನಿ ತೆಂಕಾ ಸಾಂಗಟ್ಲ್ಯಾನ್. ಹೆ ಆಯ್ಕುನ್ ಪೆದ್ರುನ್ ಜೆಜುಕ್ ಕಡೆಕ್ ಬಲ್ವುನ್ ಘೆವ್ನ್ ಗೆಲ್ಯಾನ್, ಅನಿ “ಹೆ ಸಗ್ಳೆ ತುಕಾ ಹೊತಲೆ ನಕ್ಕೊ” ಮನುನ್ ಮಟ್ಲ್ಯಾನ್.

33ಖರೆ ಜೆಜುನ್ ಶಿಸಾಂಚ್ಯಾಕ್ಡೆ ಪರ್ತುನ್ ಪೆದ್ರುಕ್ “ಮಾಜ್ಯಾಕ್ನಾ ಧುರ್ ಚಲ್ ಸೈತಾನಾ! ತಿಯಾ ಮಾನ್ಸಾನ್ ಯೆವಜಲ್ಲ್ಯಾ ಬಾಸೆನ್ ಯೆವಜ್ತೆ, ದೆವಾನ್ ಯವಜಲ್ಲ್ಯಾ ಬಾಸೆನ್ ಯೆವ್ಜುನ್” ಮಟ್ಲ್ಯಾನ್.

34ತನ್ನಾ ಜೆಜುನ್ ಶಿಸಾಕ್ನಿ ಅನಿ ಸಗ್ಳ್ಯಾ ಲೊಕಾಕ್ನಿ ಅಪ್ನಾಕ್ಡೆ ಬಲ್ವುಲ್ಯಾನ್ ಅನಿ “ತುಮ್ಚ್ಯಾತ್ಲ್ಯಾ ಕೊನಾಕ್ ತರ್‍ಬಿ ಮಾಜ್ಯಾ ಫಾಟ್ನಾ ಯೆವ್ಕ್ ಮನ್ ರ್‍ಹಾಲ್ಲ್ಯಾರ್, ತೊ ಅಪ್ನಾಕುಚ್ ಇಸ್ರುಂದಿ, ಅಪ್ನಾಚೊ ಕುರಿಸ್ ಘೆಂವ್ದಿತ್, ಅನಿ ಮಾಜ್ಯಾ ಫಾಟ್ನಾ ಯೆಂವ್ದಿ”

35ಕಶ್ಯಾಕ್ ಮಟ್ಲ್ಯಾರ್, ಜೊ ಕೊನ್ ಅಪ್ನಾಚೊ ಜಿವ್ ಹುರ್‍ವುನ್ ಘೆವ್ಕ್ ಬಗ್ತಾ, ತೊ ಕಳ್ದುನ್ ಘೆತಾ, ಅನಿ ಜೊ ಕೊನ್ ಮಾಜೆ ಸಾಟ್ನಿ ಅನಿ ದೆವಾಚ್ಯಾ ಬರ್‍ಯಾ ಖಬ್ರೆಸಾಟ್ನಿ ಅಪ್ನಾಚೊ ಜಿವ್ ಕಳ್ದುನ್ ಘೆತಾ ತೊ ಅಪ್ನಾಚೊ ಜಿವ್ ಹುರ್‍ವುನ್ ಘೆತಾ,

36ಕೊನ್ ತರ್ ಎಕ್ಲ್ಯಾನ್ ಹಿ ಸಗ್ಳಿ ದುನಿಯಾಚ್ ಜಿಕುನ್ ಘೆವ್ನ್, ಅಪ್ನಾಚೊ ಅತ್ಮೊಚ್ ನಾಸ್ ಕರುನ್ ಘೆಟ್ಲ್ಯಾರ್ ತೆಕಾ ಕಾಯ್ ಫಾಯ್ದೊ ಹೊಲ್ಯಾ ಸರ್ಕೆ ಹೊಲೆ? ಕಾಯ್ಬಿ ಫಾಯ್ದೊ ನಾ.

37ಅಪ್ನಾಚೊ ಜಿವ್ ಕಮ್ವುನ್ ಘೆವ್ಕ್ ತೆನಿ ಕಾಯ್ಬಿ ದಿವ್ಕ್ ಹೊಯ್ನಾ,

38ಹ್ಯಾ ಬುರ್ಶ್ಯಾ ಅನಿ ಪಾಪಿ ದಿಸಾತ್ನಿ, ಕೊನ್ ತರ್ ಎಕ್ಲೊ ಮಾನುಸ್ ಮಿಯಾ ಸಾಂಗಲ್ಲ್ಯಾ ಬರ್‍ಯಾ ಗೊಸ್ಟಿಯಾಂಚ್ಯಾಸಾಟಿ ನಾಜಾಲ್ಯಾರ್ ಮಾಜೆಸಾಟಿ ಲಜ್ತಾ ಹೊಲ್ಯಾರ್ ಮಾನ್ಸಾಚೊ ಲೆಕ್ ಅಪ್ನಾಚ್ಯಾ ಬಾಬಾಚ್ಯಾ ಮಹಿಮೆನ್ ದೆವಾಚ್ಯಾ ದುತಾಂಚ್ಯಾ ವಾಂಗ್ಡಾ ಯೆಲ್ಲ್ಯಾ ತನ್ನಾ ತೆಚೆಸಾಟ್ನಿ ಲಜ್ತಾ ಮನುನ್ ಸಾಂಗ್ಲ್ಯಾನ್.

← Chapter 7 Jump to: Chapter 9 →