bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
1 Samuel 7
1 Samuel 7
Quechuan (Tayta Diospa Wilakuynin) 2003
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
1
Wilakuq chayaykur tsayno niptinmi Bet-semesman aywaykur Tayta Diospa babulninta apakärirqan. Quiriat-jearimman chayaykatsirmi jirkancho kaykaq Abinadabpa wayinman churapäkurqan. Nirkurmi Abinadabpa tsurin Eleazarta churapäkurqan babulta täpananpaq.
2
Quiriat-jearimcho Tayta Diospa babulnin churararqan ishkay chunka (20) watami. Filisteo runakunapa munaynincho karmi Israel runakuna lakikushpan Tayta Diosta manakurqan yanapananpaq.
3
Tsaymi Israel runakunata Samuel kayno nirqan: « Tayta Diosta rasunpa cäsukuyta munarqa Astarot ïdulukunata y wakin ïdulukunatapis jitarir Tayta Dioslata sirvipäkuy. Tsaynöpami filisteo runakunapa munaynincho kashqantsipita jorqamäshunpaq».
4
Tsayno niptinmi Israel runakuna Baal ïdulukunata y Astarot ïdulukunata jitarishpan Tayta Dioslatana adorapäkurqan.
5
Nirkurmi Samuel kayno nirqan: «Mizpa markaman lapantsi juntakäshun. Tsaychömi qamkunapaq Tayta Diosta manakushaq».
6
Tsayno niptinmi Israel runakuna Mizpaman juntakarqan. Tsaychömi mana cäsukuq kashqanpita perdonta manakur pukyupita yakuta chaqarkur Tayta Diospaq jichapäkurqan. Tsaynöpis patsa tsakashqanyaq ayunashpanmi Tayta Diosta manakärirqan kayno nir: «Jutsata rurapäkushqäpita perdonaykalämay, Tayta». Tsay junaqmi Samuelta churapäkurqan jueznin kananpaq.
7
Israel runakuna Mizpacho juntakashqa kaykashqanta mayarmi filisteo runakunapa mandaqninkuna soldädunkunata shuntarkur pelyaq aywapäkurqan. Tsayno aywashqanta musyarmi Israel runakunaqa fiyupa mantsakurqan.
8
Tsaymi Samuelta kayno nipäkurqan: «¡Filisteo runakunapita salvamänantsipaq mana chawaypa Tayta Diosnintsita manakuykulay!»
9
Tsaypitami carnishta Tayta Diospaq rupatsina sacrificiuta rupatsir Samuel manakurqan Israel runakunata salvananpaq. Tsayno manakuptinmi filisteo runakunapita Tayta Dios salvarqan.
10
Rupatsina sacrificiuta Samuel rupaykätsishqan hörami filisteo runakuna chayarqan Israel runakunata atacananpaq. Tsaymi jana patsapita Tayta Dios fiyupa räyutsimuptin filisteo runakuna pasaypa mantsakarqan. Tsayno mantsakashqa kaykaqtami Israel runakuna atacar vincipäkurqan.
11
Vincirmi filisteo runakunata qati qatiykur wanutsirqan Mizpapita hasta Bet-car uraqanyaq.
12
Nirkurnami Samuel ichitsirqan jatunkaray wankata Mizpa y Sen markakunapa lindërunman. Tsay wankapa jutinta churaparqan Eben-ezer jutin kananpaq. Jutinta tsayno churaparqan kayno nir: «Kananyaqmi Tayta Dios yanapamashqantsi».
13
Tsaypita patsami filisteo runakunaqa Israel runakunata manana atacarqannatsu. Samuel kawashqan witsanmi Israel runakunata Tayta Dios yanaparqan filisteo runakunata vincipäkunanpaq.
14
Tsaymi Ecrón y Gat cercancho markakunatapis filisteo runakunapita Israel runakuna shuntapäkurqan. Tsaynölami wakin markakunatapis shuntapäkurqan. Tsay witsanqa Israel runakunawan amorreo runakuna achäquita mana ashipänakuypana kawapäkurqan.
15
Samuelqa Israel runakunapa jueznin karqan wanunanyaqmi.
16
Cada watami aywaq Bet-elman, Gilgalman y Mizpaman tsaycho runakuna quejakushqanta arreglananpaq.
17
Nirkurna Ramáman kutiq, tsaycho wayin kaptin. Ramáchöpis runakuna quejakushqanta arreglaqmi. Tsaynöpis Tayta Diosta adorananpaqmi altarta tsaycho ruratsirqan.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31