bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Leviticus 27
Leviticus 27
Quechuan (Tayta Diospa Wilakuynin) 2003
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Mastapis Moisésta Tayta Dios kayno nirqan:
2
«Israel runakunata kayno niy: «Pipis aylunta Tayta Diospaq dedicayta munarqa runapa chaninta kayno päganqa:
3
Ishkay chunka (20) watayuqpita soqta chunka (60) watayuqyaq olquta dedicayta munarqa päganqa pitsqa chunka (50) siclo qellayta. Tsay qellayta pësanqa Tinkuna Tolducho kaykaq pësakunawanmi.
4
Warmita dedicayta munarqa kimsa chunka (30) siclo qellayta päganqa.
5
Pitsqa watayuqpita ishkay chunka (20) watayuqyaq olquta dedicayta munarqa päganqa ishkay chunka (20) siclo qellayta. Pitsqa watayuqpita ishkay chunka (20) watayuqyaq warmita dedicayta munarqa chunka siclo qellayta päganqa.
6
Juk killayuqpita pitsqa watayuqyaq olquta dedicayta munarqa päganqa pitsqa siclo qellayta. Juk killayuqpita pitsqa watayuqyaq warmita dedicayta munarqa kimsa siclo qellayta päganqa.
7
Soqta chunka (60) watayuqpita janaman olquta dedicayta munarqa chunka pitsqa siclo qellayta päganqa. Soqta chunka (60) watayuqpita janaman warmita dedicayta munarqa chunka siclo qellayta päganqa.
8
Pobri kashpan pägananpaq mana aypäpakurqa cürata wilanqa. Cüranami aypäpakushqalanpita pägananpaq ninqa.
9
« «Sacrificiupaq ali uywata Tayta Diospaq apaptinqa tsay uywa sagrädunami kanqa.
10
Apananpaq kaq uywataqa manami trukatsinmantsu ali kaptinpis o mana ali kaptinpis. Trukatsiptin imaptinqa ishkannami sagrädu kar Tayta Diospaq kanqa.
11
« «Sacrificiupaq mana ali uywata Tayta Diospaq aparqa cüramanmi apanqa.
12
Cüranami tsay uywata rikaykur preciunta täsanqa. Tsay uywapa preciunqa cüra täsashqannölami kanqa.
13
Ämun shuntakuyta munarqa preciunta churashqan jananman quinta parti masta yapanqa.
14
« «Pipis wayinta Tayta Diospaq qoykuptinqa wayita rikaykur cüra täsanqa ayka preciun kashqantapis. Tsay wayipa preciunqa cüra churashqannölami kanqa.
15
Wayinta duëñun shuntakuyta munarqa preciunta churashqan jananman quinta parti masta päganqa.
16
« « Tayta Diospaq juk chakrata qoykuptinqa tsay chakrata cüra täsanqa ayka arröba muru yaykushqantapis. Cada ishkay chunka (20) arröba cebäda muru yaykuptinqa pitsqa chunka (50) siclo qellayta päganqa.
17
Jubileo watacho chakranta Tayta Diospaq qoykuptinqa täsashqannöla päganqa.
18
Jubileo wata pasarkuptinraq qoykuptinqa aykata pägananpaq täsashqanpita preciunta cüra bäjatsinqa. Tsayno bäjatsinqa Jubileo watapaq ayka wata pishiykashqantapis yuparkurmi.
19
« «Qoykushqan chakranta duëñun shuntakuyta munarqa preciunpa jananman quinta parti masta päganqa. Tsayno pägaykurmi chakranta shuntakunqa.
20
Kikin mana shuntakuptin tsay chakrata juktana cüra rantikuykuptinqa mananami shuntanqanatsu.
21
Jubileo wata chayamushqanyaq tsay chakrata pipis mana shuntaptinqa Tayta Diospaq sagrädumi kanqa. Tayta Diospaq karmi tsay chakraqa cürapaqna kanqa.
22
« «Particionta chaskishqan chakrata qoykunanpa trukan rantishqan chakrata Tayta Diospaq qoykuptinqa
23
Jubileo watapaq ayka wata pishiykashqantapis yuparkurmi tsay chakrapa preciunta cüra täsanqa. Chakrapa preciunta täsashqannölami tsay junaqla päganqa. Pägashqanqa Tayta Diospaq sagrädumi kanqa.
24
Jubileo wata chayamuptinnami punta kaq duëñun tsay chakrata shuntakunqa.
25
« «Pägashqan siclo qellaykunataqa pësanqa Tinkuna Tolducho kaykaq pësakunawanmi. Tsay pësakunawan pësaptinqa kanqa chunka juk grämu qellaymi.
26
« «Manta uywaykikunapa punta yurishqan orqu kaqkunaqa uysha karpis wäka karpis Tayta Diospami kaykan. Tsayno kaykaptinqa Tayta Diospa kaqtaqa ama apapäkuytsu, sinöqa kikikipa kaqta apapäkuy.
27
Pipis impüru uywata aparkur shuntakuyta munarqa preciunta cüra churashqan jananman quinta parti masta yaparkur shuntakunqa. Mana shuntaptinqa preciunta cüra churashqalanchömi rantikunqa.
28
« «Pipis kikinpa kaqta uywata karpis, runata karpis, particionta chaskishqan chakrata karpis Tayta Diospaq qoykurqa manami rantikunqanatsu ni shuntakunqanatsu. Imatapis Tayta Diospaq qoykuptinqa sagrädu kar paypanami kanqa.
29
« «Wanutsishqa kananpaq destinashqa kaykaq runataqa manami pägaypapis salvanqatsu. Tsay runaqa wanutsishqami kanqa.
30
« «Chakraykikunacho wayushqan tsaki mikuy kaptinpis o yörakunapa wayuynin kaptinpis cada chunkapita jukta Tayta Diospaq apapäkunki. Tsay apashqayki diezmuqa Tayta Diospaq santumi kanqa.
31
Tsay apashqaykita shuntakuyta munarqa preciunta täsarkur tsay jananman quinta parti masta yapapäkunki.
32
« «Uywayki mirashqanpitapis cada chunkapita jukta Tayta Diospaq apanki, wäka kaptinpis, uysha kaptinpis, cabra kaptinpis. Tsay diezmuqa Tayta Diospaq santumi kanqa.
33
Uywataqa ama rikapankitsu ali kashqanta o mana ali kashqantapis. Tsaynöpis ali kaqta manami trukatsinkimantsu mana ali kaqwanqa. Trukatsiptiki imaptikiqa ishkannami sagrädu kar Tayta Diospaq kanqa. Apaykurnaqa manami tsaykunata shuntankimantsu» ».
34
Lapan Israel runakunata tantiyatsinanpaqmi Sinaí jirkacho mandamientukunata Moisésta Tayta Dios tsayno tantiyatsirqan.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27