Malachi 4

Quechuan (Tayta Diospa Wilakuynin) 2003

← Chapter 3 Jump to:

1Lapanta mandaq Tayta Dios kaynömi nin: «Walkalanami pishiykan juzganä junaq chayamunanpaq. Tsay junaqmi bunyaypa bunyar nina rupar oqshata ushashqanno lapan ali chölu tukuqkunata y fiyu runakunata chipyaq ushakätsishaq.

2Qamkunapaqmi itsanqa, mantsakamaq kapäkuptiki, inti jeqamuqno salvación chayamunqa. Salvacionta chaskirmi becërrukuna pañaqnöraq kushishqa tiwyaykachanki.

3Juzganä junaq chayamuptinmi fiyu runakunata vincir uchpatano jarur ushanki. Noqa lapanta mandaq Tayta Diosmi tsayno nï».

4Tayta Dios kaynömi nin: «Sirvimaqnï Moisésta Horeb puntacho kamaripashqä leynïkunata imaypis ama qonqapäkuytsu. Tsay leynïkuna y mandamientükunaqa lapan Israel runakunapaqmi kaykan.

5«Juzganä junaq pasaypa mantsariypaqmi kanqa. Tsay junaq manaraq chayamuptinmi profëta Elíasta qamkunaman kachamushaq.

6Pay wilakuptinmi mamanpis wawankunawan y papäninpis tsurinkunawan amistanqapaq. Tsurinkunapis papäninwan y mamanwan amistanqapaq. Mana amistaptinqa shamushqä hörami nacionninta ushakätsishaqpaq».

← Chapter 3 Jump to: